% Text title            : yantroddhArakamangalAShTakam
% File name             : yantroddhArakamangalAShTakam.itx
% Category              : aShTaka, hanumaana, mangala
% Location              : doc\_hanumaana
% Transliterated by     : Processed by Shree Devi Kumar
% Proofread by          : PSA Easwaran
% Description/comments  : From Hanumatstutimanjari, Mahaperiaval Publication
% Latest update         : December 8, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Yantroddharaka Mangala Ashtakam ..}##
\itxtitle{.. shrIyantroddhArakama~NgalAShTakam ..}##\endtitles ##
yantroddhArakanAmako raghupaterAj~nAM gR^ihItvArNavaM
tIrtvAshokavane sthitAM svajananIM sItAM nishAmyAshugaH |
kR^itvA saMvidama~NgulIyakamidaM datvA shirobhUShaNaM
sa~NgR^ihyArNavamutpapAta hanUmAn kuryAt sadA ma~Ngalam || 1||
prAptastaM sadudArakIrtiranilaH shrIrAmapAdAmbujaM
natvA kIshapatirjagAda purataH saMsthApya chUDAmaNim |
vij~nApyArNavala~NghanAdishubhakR^innAnAvidhaM bhUtidaM
yantroddhArakanAmamArutirayaM kuryAt sadA ma~Ngalam || 2||
dharmAdharmavichakShaNaH suratarurbhakteShTasandohane
duShTArAtikarIndrakumbhadalane pa~nchAnanaH pANDujaH |
draupadyai pradadau kuberavanajaM saugandhipuShpaM mudA
yantroddhArakanAmamArutirayaM kuryAt sadA ma~Ngalam || 3||
yaH kirmIra-hiDimba-kIchaka-bakAn prakhyAtarakShojanAn
saMhR^itya prayayau suyodhanamahan duHshAsanAdIn raNe |
bhitvA taddhR^idayaM sa ghoragadayA sanma~NgalaM dattavAn
yantroddhArakanAmamArutirayaM kuryAt sadA ma~Ngalam || 4||
yo bhUmau mahadAj~nayA nijapaterjAto jagajjIvane
vedavyAsapadAmbujaikanirataH shrImadhyagehAlaye |
samprApte samaye tvabhUt sa cha guruH karmandichUDAmaNiH
yantroddhArakanAmamArutirayaM kuryAt sadA ma~Ngalam || 5||
mithyAvAdakubhAShyakhaNDanapaTurmadhvAbhidho mArutiH
sadbhAShyAmR^itamAdarAnmunigaNaiH pepIyamAnaM mudA |
spR^iShTvA yaH satataM surottamagaNAn sampAtyayaM sarvadA
yantroddhArakanAmamArutirayaM kuryAt sadA ma~Ngalam || 6||
pAkArkArkasamAnasAndraparamAsAkIrkakAkAribhi-
rvidyAsArkajavAnareritaruNA pItArkachakraH purA |
ka~NkArkAnucharArkataptajarayA taptA~NkajAtAnvito
yantroddhArakanAmamArutirayaM kuryAt sadA ma~Ngalam || 7||
shrImadvyAsamunIndravandyacharaNaH shreShThArthasampUraNaH
sarvAghaughanivAraNaH pravilasanmudrAdisambhUShaNaH |
sugrIvAdikapIndramukhyasharaNaH kalyANapUrNaH sadA
yantroddhArakanAmamArutirayaM kuryAt sadA ma~Ngalam || 8||
yantroddhArakama~NgalAShTakamidaM sarveShTasandAyakaM
dustApatrayavArakaM dvijagaNaiH sa~NgR^ihyamANaM mudA |
bhaktAgresarabhImasenarachitaM bhaktyA sadA yaH paThet
shrImadvAyusutaprasAdamatulaM prApnotyasau mAnavaH || 9||

iti shrIbhImasenavirachitaM shrIyantroddhArakama~NgalAShTakaM sampUrNam |
##
From Hanumatstutimanjari, Mahaperiaval Publication
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}