% Text title : shrImadbhAgavatamAhAtmyam % File name : bhagpur-00-mahatmyam.itx % Category : purana, shrimadbhagavatam, vyAsa, krishna % Location : doc\_purana % Proofread by : PSA Easwaran % Latest update : July 4, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrImadbhAgavatamAhAtmyaM ..}## \itxtitle{.. shrImadbhAgavatamAhAtmyam ..}##\endtitles ## \chapter{.. OM namo bhagavate vAsudevAya ..} kR^iShNaM nArAyaNaM vande kR^iShNaM vande vrajapriyam | kR^iShNaM dvaipAyanaM vande kR^iShNaM vande pR^ithAsutam || \section{.. prathamo.adhyAyaH \- 1 ..} sachchidAnandarUpAya vishvotpatyAdihetave | tApatrayavinAshAya shrIkR^iShNAya vayaM numaH || 1|| yaM pravrajantamanapetamapetakR^ityaM dvaipAyano virahakAtara AjuhAva | putreti tanmayatayA taravo.abhineduH taM sarvabhUtahR^idayaM munimAnato.asmi || 2|| naimiShe sUtamAsInamabhivAdya mahAmatim | kathAmR^itarasAsvAdakushalaH shaunako.abravIt || 3|| shaunaka uvAcha aj~nAnadhvAntavidhvaMsakoTisUryasamaprabha | sUtAkhyAhi kathAsAraM mama karNarasAyanam || 4|| bhaktij~nAnavirAgApto viveko vardhate mahAn | mAyAmohanirAsashcha vaiShNavaiH kriyate katham || 5|| iha ghore kalau prAyo jIvashchAsuratAM gataH | kleshAkrAntasya tasyaiva shodhane kiM parAyaNam || 6|| shreyasAM yadbhavechChreyaH pAvanAnAM cha pAvanam | kR^iShNaprAptikaraM shashvatsAdhanaM tadvadAdhunA || 7|| chintAmaNirlokasukhaM suradruH svargasampadam | prayachChati guruH prIto vaikuNThaM yogidurlabham || 8|| sUta uvAcha prItiH shaunaka chitte te hyato vachmi vichArya cha | sarvasiddhAntaniShpannaM saMsArabhayanAshanam || 9|| bhaktyoghavardhanaM yachcha kR^iShNasantoShahetukam | tadahaM te.abhidhAsyAmi sAvadhAnatayA shR^iNu || 10|| kAlavyAlamukhagrAsatrAsanirNAshahetave | shrImadbhAgavataM shAstraM kalau kIreNa bhAShitam || 11|| etasmAdaparaM ki~nchinmanaHshud.hdhyai na vidyate | janmAntare bhavetpuNyaM tadA bhAgavataM labhet || 12|| parIkShite kathAM vaktuM sabhAyAM saMsthite shuke | sudhAkumbhaM gR^ihItvaiva devAstatra samAgaman || 13|| shukaM natvAvadan sarve svakAryakushalAH surAH | kathAsudhAM prayachChasva gR^ihItvaiva sudhAmimAm || 14|| evaM vinimaye jAte sudhA rAj~nA prapIyatAm | prapAsyAmo vayaM sarve shrImadbhAgavatAmR^itam || 15|| kva sudhA kva kathA loke kva kAchaH kva maNirmahAn | brahmarAto vichAryaivaM tadA devAn jahAsa ha || 16|| abhaktAMstAMshcha vij~nAya na dadau sa kathAmR^itam | shrImadbhAgavatI vArtA surANAmapi durlabhA || 17|| rAj~no mokShaM tathA vIkShya purA dhAtApi vismitaH | satyaloke tulAM baddhvAtolayatsAdhanAnyajaH || 18|| laghUnyanyAni jAtAni gauraveNa idaM mahat | tadA R^iShigaNAH sarve vismayaM paramaM yayuH || 19|| menire bhagavadrUpaM shAstraM bhAgavataM kalau | paThanAchChravaNAtsadyo vaikuNThaphaladAyakam || 20|| saptAhena shrutaM chaitatsarvathA muktidAyakam | sanakAdyaiH purA proktaM nAradAya dayAparaiH || 21|| yadyapi brahmasambandhAchChrutametatsurarShiNA | saptAhashravaNavidhiH kumAraistasya bhAShitaH || 22|| shaunaka uvAcha lokavigrahamuktasya nAradasyAsthirasya cha | vidhishrave kutaH prItiH saMyogaH kutra taiH saha || 23|| sUta uvAcha atra te kIrtayiShyAmi bhaktiyuktaM kathAnakam | shukena mama yatproktaM rahaH shiShyaM vichArya cha || 24|| ekadA hi vishAlAyAM chatvAra R^iShayo.amalAH | satsa~NgArthaM samAyAtA dadR^ishustatra nAradam || 25|| kumArA UchuH kathaM brahman dInamukhaH kutashchintAturo bhavAn | tvaritaM gamyate kutra kutashchAgamanaM tava || 26|| idAnIM shUnyachitto.asi gatavitto yathA janaH | tavedaM muktasa~Ngasya nochitaM vada kAraNam || 27|| nArada uvAcha ahaM tu pR^ithivIM yAto j~nAtvA sarvottamAmiti | puShkaraM cha prayAgaM cha kAshIM godAvarIM tathA || 28|| harikShetraM kurukShetraM shrIra~NgaM setubandhanam | evamAdiShu tIrtheShu bhramamANa itastataH || 29|| nApashyaM kutrachichCharma manaHsantoShakArakam | kalinAdharmamitreNa dhareyaM bAdhitAdhunA || 30|| satyaM nAsti tapaH shauchaM dayA dAnaM na vidyate | udarambhariNo jIvA varAkAH kUTabhAShiNaH || 31|| mandAH sumandamatayo mandabhAgyA hyupadrutAH | pAkhaNDaniratAH santo viraktAH saparigrahAH || 32|| taruNIprabhutA gehe shyAlako buddhidAyakaH | kanyAvikrayiNo lobhAddampatInAM cha kalkanam || 33|| AshramA yavanai ruddhAstIrthAni saritastathA | devatAyatanAnyatra duShTairnaShTAni bhUrishaH || 34|| na yogI naiva siddho vA na j~nAnI satkriyo naraH | kalidAvAnalenAdya sAdhanaM bhasmatAM gatam || 35|| aTTashUlA janapadAH shivashUlA dvijAtayaH | kAminyaH keshashUlinyaH sambhavanti kalAviha || 36|| evaM pashyan kalerdoShAn paryaTannavanImaham | yAmunaM taTamApanno yatra lIlA harerabhUt || 37|| tatrAshcharyaM mayA dR^iShTaM shrUyatAM tanmunIshvarAH | ekA tu taruNI tatra niShaNNA khinnamAnasA || 38|| vR^iddhau dvau patitau pArshve niHshvasantAvachetanau | shushrUShantI prabodhantI rudatI cha tayoH puraH || 39|| dasha dikShu nirIkShantI rakShitAraM nijaM vapuH | vIjyamAnA shatastrIbhirbodhyamAnA muhurmuhuH || 40|| dR^iShTvA dUrAdgataH so.ahaM kautukena tadantikam | mAM dR^iShTvA chotthitA bAlA vihvalA chAbravIdvachaH || 41|| bAlovAcha bho bhoH sAdho kShaNaM tiShTha machchintAmapi nAshaya | darshanaM tava lokasya sarvathAghaharaM param || 42|| bahuthA tava vAkyena duHkhashAntirbhaviShyati | yadA bhAgyaM bhavedbhUri bhavato darshanaM tadA || 43|| nArada uvAcha kAsi tvaM kAvimau chemA nAryaH kAH padmalochanAH | vada devi savistAraM svasya duHkhasya kAraNam || 44|| bAlovAcha ahaM bhaktiriti khyAtA imau me tanayau matau | j~nAnavairAgyanAmAnau kAlayogena jarjarau || 45|| ga~NgAdyAH saritashchemA matsevArthaM samAgatAH | tathApi na cha me shreyaH sevitAyAH surairapi || 46|| idAnIM shR^iNu madvArtAM sachittastvaM tapodhana | vArtA me vitatApyasti tAM shrutvA sukhamAvaha || 47|| utpannA draviDe sAhaM vR^iddhiM karNATake gatA | kvachitkvachinmahArAShTre gurjare jIrNatAM gatA || 48|| tatra ghorakaleryogAtpAkhaNDaiH khaNDitA~NgakA | durbalAhaM chiraM yAtA putrAbhyAM saha mandatAm || 49|| vR^indAvanaM punaH prApya navIneva surUpiNI | jAtAhaM yuvatI samyakpreShTharUpA tu sAmpratam || 50|| imau tu shayitAvatra sutau me klishyataH shramAt | idaM sthAnaM parityajya videshaM gamyate mayA || 51|| jaraThatvaM samAyAtau tena duHkhena duHkhitA | sAhaM tu taruNI kasmAtsutau vR^iddhAvimau kutaH || 52|| trayANAM sahachAritvAdvaiparItyaM kutaH sthitam | ghaTate jaraThA mAtA taruNau tanayAviti || 53|| ataH shochAmi chAtmAnaM vismayAviShTamAnasA | vada yoganidhe dhIman kAraNaM chAtra kiM bhavet || 54|| nArada uvAcha j~nAnenAtmani pashyAmi sarvametattavAnaghe | na viShAdastvayA kAryo hariH shaM te kariShyati || 55|| sUta uvAcha kShaNamAtreNa tajj~nAtvA vAkyamUche munIshvaraH || 56|| nArada uvAcha shR^iNuShvAvahitA bAle yugo.ayaM dAruNaH kaliH | tena luptaH sadAchAro yogamArgastapAMsi cha || 57|| janA aghAsurAyante shAThyaduShkarmakAriNaH | iha santo viShIdanti prahR^iShyanti hyasAdhavaH | dhatte dhairyaM tu yo dhImAn sa dhIraH paNDito.athavA || 58|| aspR^ishyAnavalokyeyaM sheShabhArakarI dharA | varShe varShe kramAjjAtA ma~NgalaM nApi dR^ishyate || 59|| na tvAmapi sutaiH sAkaM ko.api pashyati sAmpratam | upekShitAnurAgAndhairjarjaratvena saMsthitA || 60|| vR^indAvanasya saMyogAtpunastvaM taruNI navA | dhanyaM vR^indAvanaM tena bhaktirnR^ityati yatra cha || 61|| atremau grAhakAbhAvAnna jarAmapi mu~nchataH | ki~nchidAtmasukheneha prasuptirmanyate.anayoH || 62|| bhaktiruvAcha kathaM parIkShitA rAj~nA sthApito hyashuchiH kaliH | pravR^itte tu kalau sarvasAraH kutra gato mahAn || 63|| karuNApareNa hariNApyadharmaH kathamIkShyate | imaM me saMshayaM Chindhi tvadvAchA sukhitAsmyaham || 64|| nArada uvAcha yadi pR^iShTastvayA bAle premataH shravaNaM kuru | sarvaM vakShyAmi te bhadre kashmalaM te gamiShyati || 65|| yadA mukundo bhagavAn kShmAM tyaktvA svapadaM gataH | taddinAtkalirAyAtaH sarvasAdhanabAdhakaH || 66|| dR^iShTo digvijaye rAj~nA dInavachCharaNaM gataH | na mayA mAraNIyo.ayaM sAra~Nga iva sArabhuk || 67|| yatphalaM nAsti tapasA na yogena samAdhinA | tatphalaM labhate samyakkalau keshavakIrtanAt || 68|| ekAkAraM kaliM dR^iShTvA sAravatsAranIrasam | viShNurAtaH sthApitavAn kalijAnAM sukhAya cha || 69|| kukarmAcharaNAtsAraH sarvato nirgato.adhunA | padArthAH saMsthitA bhUmau bIjahInAstuShA yathA || 70|| viprairbhAgavatI vArtA gehe gehe jane jane | kAritA kaNalobhena kathAsArastato gataH || 71|| atyugrabhUrikarmANo nAstikA rauravA janAH | te.api tiShThanti tIrtheShu tIrthasArastato gataH || 72|| kAmakrodhamahAlobhatR^iShNAvyAkulachetasaH | te.api tiShThanti tapasi tapaHsArastato gataH || 73|| manasashchAjayAllobhAddambhAtpAkhaNDasaMshrayAt | shAstrAnabhyasanAchchaiva dhyAnayogaphalaM gatam || 74|| paNDitAstu kalatreNa ramante mahiShA iva | putrasyotpAdane dakShA adakShA muktisAdhane || 75|| na hi vaiShNavatA kutra sampradAyapuraHsarA | evaM pralayatAM prApto vastusAraH sthale sthale || 76|| ayaM tu yugadharmo hi vartate kasya dUShaNam | atastu puNDarIkAkShaH sahate nikaTe sthitaH || 77|| sUta uvAcha iti tadvachanaM shrutvA vismayaM paramaM gatA | bhaktirUche vacho bhUyaH shrUyatAM tachcha shaunaka || 78|| bhaktiruvAcha surarShe tvaM hi dhanyo.asi madbhAgyena samAgataH | sAdhUnAM darshanaM loke sarvasiddhikaraM param || 79|| jayati jagati mAyAM yasya kAyAdhavaste vachanarachanamekaM kevalaM chAkalayya | dhruvapadamapi yAto yatkR^ipAto dhruvo.ayaM sakalakushalapAtraM brahmaputraM natAsmi || 80|| iti shrIpadmapurANe uttarakhaNDe shrImadbhAgavatamAhAtmye bhaktinAradasamAgamo nAma prathamo.adhyAyaH || 1|| \iti \section{.. OM namo bhagavate vAsudevAya ..} \section{.. dvitIyo.adhyAyaH \- 2 ..} nArada uvAcha vR^ithA khedayase bAle aho chintA.a.aturA katham | shrIkR^iShNacharaNAmbhojaM smara duHkhaM gamiShyati || 1|| draupadI cha paritrAtA yena kauravakashmalAt | pAlitA gopasundaryaH sa kR^iShNaH kvApi no gataH || 2|| tvaM tu bhaktiH priyA tasya satataM prANato.adhikA | tvayA.a.ahUtastu bhagavAn yAti nIchagR^iheShvapi || 3|| satyAditriyuge bodhavairAgyau muktisAdhakau | kalau tu kevalA bhaktirbrahmasAyujyakAriNI || 4|| iti nishchitya chidrUpaH sadrUpAM tvAM sasarja ha | paramAnandachinmUrtiH sundarIM kR^iShNavallabhAm || 5|| baddhvA~njaliM tvayA pR^iShTaM kiM karomIti chaikadA | tvAM tadA.a.aj~nApayatkR^iShNo madbhaktAn poShayeti cha || 6|| a~NgIkR^itaM tvayA tadvai prasanno.abhUddharistadA | muktiM dAsIM dadau tubhyaM j~nAnavairAgyakAvimau || 7|| poShaNaM svena rUpeNa vaikuNThe tvaM karoShi cha | bhUmau bhaktavipoShAya ChAyArUpaM tvayA kR^itam || 8|| muktiM j~nAnaM viraktiM cha saha kR^itvA gatA bhuvi | kR^itAdidvAparasyAntaM mahAnandena saMsthitA || 9|| kalau muktiH kShayaM prAptA pAkhaNDAmayapIDitA | tvadAj~nayA gatA shIghraM vaikuNThaM punareva sA || 10|| smR^itA tvayApi chAtraiva muktirAyAti yAti cha | putrIkR^itya tvayemau cha pArshve svasyaiva rakShitau || 11|| upekShAtaH kalau mandau vR^iddhau jAtau sutau tava | tathApi chintAM mu~nja tvamupAyaM chintayAmyaham || 12|| kalinA sadR^ishaH ko.api yugo nAsti varAnane | tasmiMstvAM sthApayiShyAmi gehe gehe jane jane || 13|| anyadharmAMstiraskR^itya puraskR^itya mahotsavAn | tadA nAhaM harerdAso loke tvAM na pravartaye || 14|| tvadanvitAshcha ye jIvA bhaviShyanti kalAviha | pApino.api gamiShyanti nirbhayaM kR^iShNamandiram || 15|| yeShAM chitte vasedbhaktiH sarvadA premarUpiNI | na te pashyanti kInAshaM svapne.apyamalamUrtayaH || 16|| na preto na pishAcho vA rAkShaso vAsuro.api vA | bhaktiyuktamanaskAnAM sparshane na prabhurbhavet || 17|| na tapobhirna vedaishcha na j~nAnenApi karmaNA | harirhi sAdhyate bhaktyA pramANaM tatra gopikAH || 18|| nR^iNAM janmasahasreNa bhaktau prItirhi jAyate | kalau bhaktiH kalau bhaktirbhaktyA kR^iShNaH puraH sthitaH || 19|| bhaktidrohakarA ye cha te sIdanti jagattraye | durvAsA duHkhamApannaH purA bhaktavinindakaH || 20|| alaM vratairalaM tIrthairalaM yogairalaM makhaiH | alaM j~nAnakathAlApairbhaktirekaiva muktidA || 21|| sUta uvAcha iti nAradanirNItaM svamAhAtmyaM nishamya sA | sarvA~NgapuShTisaMyuktA nAradaM vAkyamabravIt || 22|| bhaktiruvAcha aho nArada dhanyo.asi prItiste mayi nishchalA | na kadAchidvimu~njAmi chitte sthAsyAmi sarvadA || 23|| kR^ipAlunA tvayA sAdho madbAdhA dhvaMsitA kShaNAt | putrayoshchetanA nAsti tato bodhaya bodhaya || 24|| sUta uvAcha tasyA vachaH samAkarNya kAruNyaM nArado gataH | tayorbodhanamArebhe karAgreNa vimardayan || 25|| mukhaM saMyojya karNAnte shabdamuchchaiH samuchcharan | j~nAna prabud.hdhyAtAM shIghraM re vairAgya prabud.hdhyAtAm || 26|| vedavedAntaghoShaishcha gItApAThairmuhurmuhuH | bodhyamAnau tadA tena katha~nchichchotthitau balAt || 27|| netrairanavalokantau jR^imbhantau sAlasAvubhau | bakavatpalitau prAyaH shuShkakAShThasamA~Ngakau || 28|| kShutkShAmau tau nirIkShyaiva punaH svApaparAyaNau | R^iShishchintAparo jAtaH kiM vidheyaM mayeti cha || 29|| aho nidrA kathaM yAti vR^iddhatvaM cha mahattaram | chintayanniti govindaM smArayAmAsa bhArgava || 30|| vyomavANI tadaivAbhUnmA R^iShe khidyatAmiti | udyamaH saphalaste.ayaM bhaviShyati na saMshayaH || 31|| etadarthaM tu satkarma surarShe tvaM samAchara | tatte karmAbhidhAsyanti sAdhavaH sAdhubhUShaNAH || 32|| satkarmaNi kR^ite tasmin sanidrA vR^iddhatAnayoH | gamiShyati kShaNAdbhaktiH sarvataH prasariShyati || 33|| ityAkAshavachaH spaShTaM tatsarvairapi vishrutam | nArado vismayaM lebhe nedaM j~nAtamiti bruvan || 34|| nArada uvAcha anayA.a.akAshavANyApi gopyatvena nirUpitam | kiM vA tatsAdhanaM kAryaM yena kAryaM bhavettayoH || 35|| kva bhaviShyanti santaste kathaM dAsyanti sAdhanam | mayAtra kiM prakartavyaM yaduktaM vyomabhAShayA || 36|| sUta uvAcha tatra dvAvapi saMsthApya nirgato nArado muniH | tIrthaM tIrthaM viniShkramya pR^ichChanmArge munIshvarAn || 37|| vR^ittAntaH shrUyate sarvaiH ki~nchinnishchitya nochyate | asAdhyaM kechana prochurdurj~neyamiti chApare | mUkIbhUtAstathAnye tu kiyantastu palAyitAH || 38|| hAhAkAro mahAnAsIttrailokye vismayAvahaH | vedavedAntaghoShaishcha gItApAThairvibodhitam || 39|| bhaktij~nAnavirAgANAM nodatiShThattrikaM yadA | upAyo nAparo.astIti karNe karNe.ajapa~njanAH || 40|| yoginA nAradenApi svayaM na j~nAyate tu yat | tatkathaM shakyate vaktumitarairiha mAnuShaiH || 41|| evamR^iShigaNaiH pR^iShTairnirNIyoktaM durAsadam || 42|| tatashchintAturasso.atha badarIvanamAgataH | tapashcharAmi chAtreti tadarthaM kR^itanishchayaH || 43|| tAvaddadarsha purataH sanakAdInmunIshvarAn | koTisUryasamAbhAsAnuvAcha munisattamaH || 44|| nArada uvAcha idAnIM bhUribhAgyena bhavadbhiH sa~Ngamo.abhavat | kumArA brUyatAM shIghraM kR^ipAM kR^itvA mamopari || 45|| bhavanto yoginaH sarve buddhimanto bahushrutAH | pa~nchahAyanasaMyuktAH pUrveShAmapi pUrvajAH || 46|| sadA vaikuNThanilayA harikIrtanatatparAH | lIlAmR^itarasonmattAH kathAmAtraikajIvinaH || 47|| hariH sharaNamevaM hi nityaM yeShAM mukhe vachaH | ataH kAlasamAdiShTA jarA yuShmAnna bAdhate || 48|| yeShAM bhrUbha~NgamAtreNa dvArapAlau hareH purA | bhUmau nipatitau sadyo yatkR^ipAtaH puraM gatau || 49|| aho bhAgyasya yogena darshanaM bhavatAmiha anugrahastu kartavyo mayi dIne dayAparaiH || 50|| asharIragiroktaM yattatkiM sAdhanamuchyatAM anuShTheyaM kathaM tAvatprabruvantu savistaram || 51|| bhaktij~nAnavirAgANAM sukhamutpadyate katham | sthApanaM sarvavarNeShu premapUrvaM prayatnataH || 52|| kumArA UchuH mA chintAM kuru devarShe harShaM chitte samAvaha | upAyaH sukhasAdhyo.atra vartate pUrva eva hi || 53|| aho nArada dhanyo.asi viraktAnAM shiromaNiH sadA shrIkR^iShNadAsAnAmagraNIryogabhAskaraH || 54|| tvayi chitraM na mantavyaM bhaktyarthamanuvartini | ghaTate kR^iShNadAsasya bhakteH saMsthApanA sadA || 55|| R^iShibhirbahavo loke panthAnaH prakaTIkR^itAH | shramasAdhyAshcha te sarve prAyaH svargaphalapradAH || 56|| vaikuNThasAdhakaH panthA sa tu gopyo hi vartate | tasyopadeShTA puruShaH prAyo bhAgyena labhyate || 57|| satkarma tava nirdiShTaM vyomavAchA tu yatpurA | taduchyate shR^iNuShvAdya sthirachittaH prasannadhIH || 58|| dravyayaj~nAstapoyaj~nA yogayaj~nAstathApare | svAdhyAyaj~nAnayaj~nAshcha te tu karmavisUchakAH || 59|| satkarmasUchako nUnaM j~nAnayaj~naH smR^ito budhaiH | shrImadbhAgavatAlApaH sa tu gItaH shukAdibhiH || 60|| bhaktij~nAnavirAgANAM tadghoSheNa balaM mahat | vrajiShyati dvayoH kaShTaM sukhaM bhakterbhaviShyati || 61|| pralayaM hi gamiShyanti shrImadbhAgavatadhvaneH | kalerdoShA ime sarve siMhashabdAdvR^ikA iva || 62|| j~nAnavairAgyasaMyuktA bhaktiH premarasAvahA | pratigehaM pratijanaM tataH krIDAM kariShyati || 63|| nArada uvAcha vedavedAntaghoShaishcha gItApAThaiH prabodhitam | bhaktij~nAnavirAgANAM nodatiShThattrikaM yadA || 64|| shrImadbhAgavatAlApAttatkathaM bodhameShyati | tatkathAsu tu vedArthaH shloke shloke pade pade || 65|| Chindantu saMshayaM hyenaM bhavanto.amoghadarshanAH | vilambo nAtra kartavyaH sharaNAgatavatsalAH || 66|| kumArA UchuH vedopaniShadAM sArAjjAtA bhAgavatI kathA | atyuttamA tato bhAti pR^ithagbhUtA phalAkR^itiH || 67|| AmUlAgraM rasastiShThannAste na svAdyate yathA | sa bhUyaH sampR^ithagbhUtaH phale vishvamanoharaH || 68|| yathA dugdhe sthitaM sarpirna svAdAyopakalpate | pR^ithagbhUtaM hi tadgavyaM devAnAM rasavardhanam || 69|| ikShUNAmAdimadhyAntaM sharkarA vyApya tiShThati | pR^ithagbhUtA cha sA miShTA tathA bhAgavatI kathA || 70|| idaM bhAgavataM nAma purANaM brahmasammitam | bhaktij~nAnavirAgANAM sthApanAya prakAshitam || 71|| vedAntavedasusnAte gItAyA api kartari | paritApavatI vyAse muhyatyaj~nAnasAgare || 72|| tadA tvayA purA proktaM chatuHshlokasamanvitam | tadIyashravaNAtsadyo nirbAdho bAdarAyaNaH || 73|| tatra te vismayaH kena yataH prashnakaro bhavAn | shrImadbhAgavataM shrAvyaM shokaduHkhavinAshanam || 74|| nArada uvAcha yaddarshanaM cha vinihantyashubhAni sadyaH shreyastanoti bhavaduHkhadavArditAnAm | niHsheShasheShamukhagItakathaikapAnAH premaprakAshakR^itaye sharaNaM gAto.asmi || 75|| bhAgyodayena bahujanmasamArjitena satsa~NgamaM cha labhate puruSho yadA vai | aj~nAnahetukR^itamohamadAndhakAra\- nAshaMvidhAya hi tadodayate vivekaH || 76|| iti shrIpadmapurANe uttarakhaNDe shrImadbhAgavatamAhAtmye kumAranAradasaMvAdo nAma dvitIyo.adhyAyaH || 2|| \iti \section{.. OM namo bhagavate vAsudevAya ..} \section{.. tR^itIyo.adhyAyaH \- 3 ..} nArada uvAcha j~nAnayaj~naM kariShyAmi shukashAstrakathojjvalam | bhaktij~nAnavirAgANAM sthApanArthaM prayatnataH || 1|| kutra kAryo mayA yaj~naH sthalaM tadvAchyatAmiha | mahimA shukashAstrasya vaktavyo vedapAragaiH || 2|| kiyadbhirdivasaiH shrAvyA shrImadbhAgavatI kathA | ko vidhistatra kartavyo mamedaM bruvatAmitaH || 3|| kumArA UchuH shR^iNu nArada vakShyAmo vinamrAya vivekine | ga~NgAdvArasamIpe tu taTamAnandanAmakam || 4|| nAnAR^iShigaNairjuShTaM devasiddhaniShevitam | nAnAtarulatA.a.akIrNaM navakomalavAlukam || 5|| ramyamekAntadeshasthaM hemapadmasusaurabham | yatsamIpasthajIvAnAM vairaM chetasi na sthitam || 6|| j~nAnayaj~nastvayA tatra kartavyo hyaprayatnataH | apUrvarasarUpA cha kathA tatra bhaviShyati || 7|| puraHsthaM nirbalaM chaiva jarAjIrNakalevaram | taddvayaM cha puraskR^itya bhaktistatrAgamiShyati || 8|| yatra bhAgavatI vArtA tatra bhaktyAdikaM vrajet | kathAshabdaM samAkarNya tattrikaM taruNAyate || 9|| sUta uvAcha evamuktvA kumArAste nAradena samaM tataH | ga~NgAtaTaM samAjagmuH kathApAnAya satvarAH || 10|| yadA yAtAstaTaM te tu tadA kolAhalo.apyabhUt bhUrloke devaloke cha brahmaloke tathaiva cha || 11|| shrImadbhAgavatapIyUShapAnAya rasalampaTAH | dhAvanto.apyAyayuH sarve prathamaM ye cha vaiShNavAH || 12|| bhR^igurvasiShThashchyavanashcha gautamo medhAtithirdevaladevarAtau | rAmastathA gAdhisutashcha shAkalo mR^ikaNDuputrAtrijapippalAdAH || 13|| yogeshvarau vyAsaparAsharau cha ChAyAshuko jAjalijahnumukhyAH | sarve.apyamI munigaNAH sahaputrashiShyAH svastrIbhirAyayuratipraNayena yuktAH || 14|| vedAntAni cha vedAshcha mantrAstantrAH samUrtayaH | dashasaptapurANAni ShaTshAstrANi tathA.a.ayayuH || 15|| ga~NgAdyAH saritastatra puShkarAdisarAMsi cha | kShetrANi cha dishaH sarvA daNDakAdivanAni cha || 16|| nagAdayo yayustatra devagandharvadAnavAH | gurutvAttatra nAyAtAn bhR^iguH sambodhya chAnayat || 17|| dIkShitA nAradenAtha dattamAsanamuttamam | kumArA vanditA sarvairniSheduH kR^iShNatatparAH || 18|| vaiShNavAshcha viraktAshcha nyAsino brahmachAriNaH | mukhabhAge sthitAste cha tadagre nAradaH sthitaH || 19|| ekabhAge R^iShigaNAstadanyatra divaukasaH | vedopaniShado.anyatra tIrthA.anyatra striyo.anyataH || 20|| jayashabdo namaHshabdaH sha~Nkhashabdastathaiva cha | chUrNalAjA prasUnAnAM nikShepaH sumahAnabhUt || 21|| vimAnAni samAruhya kiyanto devanAyakAH | kalpavR^ikShaprasUnaistAn sarvAMstatra samAkiran || 22|| sUta uvAcha evaM teShvekachitteShu shrImadbhAgavatasya cha | mAhAtmyamUchire spaShTaM nAradAya mahAtmane || 23|| kumArA UchuH atha te varNyate.asmAbhirmahimA shukashAstrajaH | yasya shravaNamAtreNa muktiH karatale sthitA || 24|| sadA sevyA sadA sevyA shrImadbhAgavatI kathA | yasyAH shravaNamAtreNa harishchittaM samAshrayet || 25|| grantho.aShTAdashasAhasro dvAdashaskandhasammitaH | parIkShichChukasaMvAdaH shR^iNu bhAgavataM cha yat || 26|| tAvatsaMsArachakre.asmin bhramate.aj~nAnataH pumAn | yAvatkarNagatA nAsti shukashAstrakathA kShaNam || 27|| kiM shrutairbahubhiH shAstraiH purANaishcha bhramAvahaiH | ekaM bhAgavataM shAstraM muktidAnena garjati || 28|| kathA bhAgavatasyApi nityaM bhavati yadgR^ihe | tadgR^ihaM tIrtharUpaM hi vasatAM pApanAshanam || 29|| ashvamedhasahasrANi vAjapeyashatAni cha | shukashAstrakathAyAshcha kalAM nArhanti ShoDashIm || 30|| tAvatpApAni dehe.asminnivasanti tapodhanAH | yAvanna shrUyate samyak shrImadbhAgavataM naraiH || 31|| na ga~NgA na gayA kAshI puShkaraM na prayAgakam | shukashAstrakathAyAshcha phalena samatAM nayet || 32|| shlokArdhaM shlokapAdaM vA nityaM bhAgavatodbhavam | paThasva svamukhenaiva yadIchChasi parAM gatim || 33|| vedAdirvedamAtA cha pauruShaM sUktameva cha | trayI bhAgavataM chaiva dvAdashAkShara eva cha || 34|| dvAdashAtmA prayAgashcha kAlaH saMvatsarAtmakaH | brAhmaNAshchAgnihotraM cha surabhirdvAdashI tathA || 35|| tulasI cha vasantashcha puruShottama eva cha | eteShAM tattvataH prAj~nairna pR^ithagbhAva iShyate || 36|| yashcha bhAgavataM shAstraM vAchayedarthato.anisham | janmakoTikR^itaM pApaM nashyate nAtra saMshayaH || 37|| shlokArdhaM shlokapAdaM vA paThedbhAgavataM cha yaH | nityaM puNyamavApnoti rAjasUyAshvamedhayoH || 38|| uktaM bhAgavataM nityaM kR^itaM cha harichintanam | tulasIpoShaNaM chaiva dhenUnAM sevanaM samam || 39|| antakAle tu yenaiva shrUyate shukashAstravAk | prItyA tasyaiva vaikuNThaM govindo.api prayachChati || 40|| hemasiMhayutaM chaitadvaiShNavAya dadAti yaH | kR^iShNena saha sAyujyaM sa pumA.Nllabhate dhruvam || 41|| AjanmamAtramapi yena shaThena ki~nchit chittaM vidhAya shukashAstrakathA na pItA | chANDAlavachcha kharavadbata tena nItaM mithyA svajanma jananIjaniduHkhabhAjA || 42|| jIvachChavo nigaditaH sa tu pApakarmA yena shrutaM shukakathAvachanaM na ki~nchit | dhik taM naraM pashusamaM bhuvi bhArarUpaM evaM vadanti divi devasamAjamukhyAH || 43|| durlabhaiva kathA loke shrImadbhAgavatodbhavA | koTijanmasamutthena puNyenaiva tu labhyate || 44|| tena yoganidhe dhIman shrotavyA sA prayatnataH | dinAnAM niyamo nAsti sarvadA shravaNaM matam || 45|| satyena brahmacharyeNa sarvadA shravaNaM matam | ashakyatvAtkalau bodhyo visheSho.atra shukAj~nayA || 46|| manovR^ittijayashchaiva niyamAcharaNaM tathA | dIkShAM kartumashakyatvAtsaptAhashravaNaM matam || 47|| shraddhAtaH shravaNe nityaM mAghe tAvaddhi yatphalam | tatphalaM shukadevena saptAhashravaNe kR^itam || 48|| manasashchAjayAdrogAtpuMsAM chaivAyuShaH kShayAt | kalerdoShabahutvAchcha saptAhashravaNaM matam || 49|| yatphalaM nAsti tapasA na yogena samAdhinA | anAyAsena tatsarvaM saptAhashravaNe labhet || 50|| yaj~nAdgarjati saptAhaH saptAho garjati vratAt | tapaso garjati prochchaistIrthAnnityaM hi garjati || 51|| yogAdgarjati saptAho dhyAnAjj~nAnAchcha garjati | kiM brUmo garjanaM tasya re re garjati garjati || 52|| shaunaka uvAcha sAshcharyametatkathitaM kathAnakaM j~nAnAdidharmAn vigaNayya sAmpratam | niHshreyase bhAgavataM purANaM jAtaM kuto yogavidAdisUchakam || 53|| sUta uvAcha yadA kR^iShNo dharAM tyaktvA svapadaM gantumudyataH | ekAdashaM parishrutyApyuddhavo vAkyamabravIt || 54|| uddhava uvAcha tvaM tu yAsyasi govinda bhaktakAryaM vidhAya cha | machchitte mahatI chintA tAM shrutvA sukhamAvaha || 55|| Agato.ayaM kalirghoro bhaviShyanti punaH khalAH | satsa~Ngenaiva santo.api gamiShyantyugratAM yadA || 56|| tadA bhAravatI bhUmirgorUpeyaM kamAshrayet | anyo na dR^ishyate trAtA tvattaH kamalalochana || 57|| ataH satsu dayAM kR^itvA bhaktavatsala mA vraja | bhaktArthaM saguNo jAto nirAkAro.api chinmayaH || 58|| tvadviyogena te bhaktAH kathaM sthAsyanti bhUtale | nirguNopAsane kaShTamataH ki~nchidvichAraya || 59|| ityuddhavavachaH shrutvA prabhAse.achintayaddhariH | bhaktAvalambanArthAya kiM vidheyaM mayeti cha || 60|| svakIyaM yadbhavettejastachcha bhAgavate.adadhAt | tirodhAya praviShTo.ayaM shrImadbhAgavatArNavam || 61|| teneyaM vA~NmayI mUrtiH pratyakShA vartate hareH | sevanAchChravaNAtpAThAddarshanAtpApanAshinI || 62|| saptAhashravaNaM tena sarvebhyo.apyadhikaM kR^itam | sAdhanAni tiraskR^itya kalau dharmo.ayamIritaH || 63|| duHkhadAridryadaurbhAgyapApaprakShAlanAya cha | kAmakrodhajayArthaM hi kalau dharmo.ayamIritaH || 64|| anyathA vaiShNavI mAyA devairapi sudustyajA | kathaM tyAjyA bhavetpumbhiH saptAho.ataH prakIrtitaH || 65|| sUta uvAcha evaM nagAhashravaNorudharme prakAshyamAne R^iShibhiH sabhAyAm | AshcharyamekaM samabhUttadAnIM taduchyate saMshR^iNu shaunaka tvam || 66|| bhaktiH sutau tau taruNau gR^ihItvA premaikarUpA sahasA.a.avirAsIt | shrIkR^iShNa govinda hare murAre nAtheti nAmAni muhurvadantI || 67|| tAM chAgatAM bhAgavatArthabhUShAM suchAruveShAM dadR^ishuH sadasyAH | kathaM praviShTA kathamAgateyaM madhye munInAmiti tarkayantaH || 68|| UchuH kumArA vachanaM tadAnIM kathArthato niShpatitAdhuneyam | evaM giraH sA sasutA nishamya sanatkumAraM nijagAda namrA || 69|| bhaktiruvAcha bhavadbhiradyaiva kR^itAsmi puShTA kalipraNaShTApi kathArasena | kvAhaM tu tiShThAmyadhunA bruvantu brAhmA idaM tAM giramUchire te || 70|| bhakteShu govindasarUpakartrI premaikadhartrI bhavarogahantrI | sA tvaM cha tiShThasva sudhairyasaMshrayA nirantaraM vaiShNavamAnasAni || 71|| tato.api doShAH kalijA ime tvAM draShTuM na shaktAH prabhavo.api loke | evaM tadAj~nAvasare.api bhaktiH tadA niShaNNA haridAsachitte || 72|| sakalabhuvanamadhye nirdhanAste.api dhanyAH nivasati hR^idi yeShAM shrIharerbhaktirekA | harirapi nijalokaM sarvathAto vihAya pravishati hR^idi teShAM bhaktisUtropanaddhaH || 73|| brUmo.adya te kimadhikaM mahimAnamevaM brahmAtmakasya bhuvi bhAgavatAbhitasya | yatsaMshrayAnnigadite labhate suvaktA shrotApi kR^iShNasamatAmalamanyadharmaiH || 74|| iti shrIpadmapurANe uttarakhaNDe shrImadbhAgavatamAhAtmye bhaktikaShTanivartanaM nAma tR^itIyo.adhyAyaH || 3|| \iti \section{.. OM namo bhagavate vAsudevAya ..} \section{.. chaturtho.adhyAyaH \- 4 ..} sUta uvAcha atha vaiShNavachitteShu dR^iShTvA bhaktimalaukikIm | nijalokaM parityajya bhagavAn bhaktavatsalaH || 1|| vanamAlI ghanashyAmaH pItavAsA manoharaH | kA~nchIkalAparuchiro lasanmukuTakuNDalaH || 2|| tribha~NgalalitashchArukaustubhena virAjitaH | koTimanmathalAvaNyo harichandanacharchitaH || 3|| paramAnandachinmUrtirmadhuro muralIdharaH | Avivesha svabhaktAnAM hR^idayAnyamalAni cha || 4|| vaikuNThavAsino ye cha vaiShNavA uddhavAdayaH | tatkathAshravaNArthaM te gUDharUpeNa saMsthitAH || 5|| tadA jayajayArAvo rasapuShTiralaukikI | chUrNaprasUnavR^iShTishcha muhuH sha~Nkharavo.apyabhUt || 6|| tatsabhAsaMsthitAnAM cha dehagehAtmavismR^itiH | dR^iShTvA cha tanmayAvasthAM nArado vAkyamabravIt || 7|| alaukiko.ayaM mahimA munIshvarAH saptAhajanyo.adya vilokito mayA | mUDhAH shaThA ye pashupakShiNo.atra sarve.api niShpApatamA bhavanti || 8|| ato nR^iloke nanu nAsti ki~nchit chittasya shodhAya kalau pavitram | aghaughavidhvaMsakaraM tathaiva kathAsamAnaM bhuvi nAsti chAnyat || 9|| ke ke vishudhyanti vadantu mahyaM saptAhayaj~nena kathAmayena | kR^ipAlubhirlokahitaM vichArya prakAshitaH ko.api navInamArgaH || 10|| kumArA UchuH ye mAnavAH pApakR^itastu sarvadA sadA durAchAraratA vimArgagAH | krodhAgnidagdhAH kuTilAshcha kAminaH saptAhayaj~nena kalau punanti te || 11|| satyena hInAH pitR^imAtR^idUShakA\- stR^iShNAkulAshchAshramadharmavarjitAH | ye dAmbhikAH matsariNo.api hiMsakAH saptAhayaj~nena kalau punanti te || 12|| pa~nchograpApAshChalaChadmakAriNaH krUrAH pishAchA iva nirdayAshcha ye | brahmasvapuShTA vyabhichArakAriNaH saptAhayaj~nena kalau punanti te || 13|| kAyena vAchA manasApi pAtakaM nityaM prakurvanti shaThA haThena ye | parasvapuShTA malinA durAshayAH saptAhayaj~nena kalau punanti te || 14|| atra te kIrtayiShyAma itihAsaM purAtanam | yasya shravaNamAtreNa pApahAniH prajAyate || 15|| tu~NgabhadrAtaTe pUrvamabhUtpattanamuttamam | yatra varNAH svadharmeNa satyasatkarmatatparAH || 16|| AtmadevaH pure tasmin sarvavedavishAradaH | shrautasmArteShu niShNAto dvitIya iva bhAskaraH || 17|| bhikShuko vittavA.Nlloke tatpriyA dhundhulI smR^itA | svavAkyasthApikA nityaM sundarI sukulodbhavA || 18|| lokavArtAratA krUrA prAyasho bahujalpikA | shUrA cha gR^ihakR^ityeShu kR^ipaNA kalahapriyA || 19|| evaM nivasatoH premNA dampatyo ramamANayoH | arthAH kAmAstayorAsanna sukhAya gR^ihAdikam || 20|| pashchAddharmAH samArabdhAstAbhyAM santAnahetave | gobhUhiraNyavAsAMsi dInebhyo yachChatastadA || 21|| dhanArdhaM dharmamArgeNa tAbhyAM nItaM tathApi cha | na putro nApi vA putrI tatashchintAturo bhR^isham || 22|| ekadA sa dvijo duHkhAdgR^ihaM tyaktvA vanaM gataH | madhyAhne tR^iShito jAtastaDAgaM samupeyivAn || 23|| pItvA jalaM niShaNNastu prajAduHkhena karshitaH | muhUrtAdapi tatraiva sannyAsI kashchidAgataH || 24|| dR^iShTvA pItajalaM taM tu vipro yAtastadantikam | natvA cha pAdayostasya niHshvasan saMsthitaH puraH || 25|| yatiruvAcha kathaM rodiShi vipra tvaM kA te chintA balIyasI | vada tvaM satvaraM mahyaM svasya duHkhasya kAraNam || 26|| brAhmaNa uvAcha kiM bravImi R^iShe duHkhaM pUrvapApena sa~nchitam | madIyAH pUrvajAstoyaM kavoShNamupabhu~njate || 27|| maddattaM naiva gR^ihNanti prItyA devA dvijAdayaH | prajAduHkhena shUnyo.ahaM prANAMstyaktumihAgataH || 28|| dhigjIvitaM prajAhInaM dhiggR^ihaM cha prajAM vinA | dhigdhanaM chAnapatyasya dhikkulaM santatiM vinA || 29|| pAlyate yA mayA dhenuH sA vandhyA sarvathA bhavet | yo mayA ropito vR^ikShaH so.api vandhyatvamAshrayet || 30|| yatphalaM madgR^ihAyAtaM tachcha shIghraM vinashyati | nirbhAgyasyAnapatyasya kimato jIvitena me || 31|| ityuktvA sa rurodochchaistatpArshvaM duHkhapIDitaH | tadA tasya yateshchitte karuNAbhUdgarIyasI || 32|| tadbhAlAkSharamAlAM cha vAchayAmAsa yogavAn | sarvaM j~nAtvA yatiH pashchAdvipramUche savistaram || 33|| yatiruvAcha mu~nchAj~nAnaM prajArUpaM baliShThA karmaNo gatiH | vivekaM tu samAsAdya tyaja saMsAravAsanAm || 34|| shR^iNu vipra mayA te.adya prArabdhaM tu vilokitam | saptajanmAvadhi tava putro naiva cha naiva cha || 35|| santateH sagaro duHkhamavApA~NgaH purA tathA | re mu~nchAdya kuTumbAshAM sannyAse sarvathA sukham || 36|| brAhmaNa uvAcha vivekena bhavet kiM me putraM dehi balAdapi | no chettyajAmyahaM prANAMstvadagre shokamUrchChitaH || 37|| putrAdisukhahIno.ayaM sannyAsaH shuShka eva hi | gR^ihasthaH saraso loke putrapautrasamanvitaH || 38|| iti viprAgrahaM dR^iShTvA prAbravItsa tapodhanaH | chitraketurgataH kaShTaM vidhilekhavimArjanAt || 39|| na yAsyasi sukhaM putrAdyathA daivahatodyamaH | ato haThena yukto.asi hyarthinaM kiM vadAmyaham || 40|| tasyAgrahaM samAlokya phalamekaM sa dattavAn | idaM bhakShaya patnyA tvaM tataH putro bhaviShyati || 41|| satyaM shauchaM dayA dAnamekabhaktaM tu bhojanam | varShAvadhi striyA kAryaM tena putro.atinirmalaH || 42|| evamuktvA yayau yogI viprastu gR^ihamAgataH | patnyAH pANau phalaM datvA svayaM yAtastu kutrachit || 43|| taruNI kuTilA tasya sakhyagre cha ruroda ha | aho chintA mamotpanna phalaM chAhaM na bhakShaye || 44|| phalabhakSheNa garbhaH syAdgarbheNodaravR^iddhitA | svalpabhakShaM tato.ashaktirgR^ihakAryaM kathaM bhavet || 45|| daivAddhATi vrajedgrAme palAyedgarbhiNI katham | shukavannivasedgarbhastaM kukSheH kathamutsR^ijet || 46|| tiryakchedAgato garbhastadA me maraNaM bhavet | prasUtau dAruNaM duHkhaM sukumArI kathaM sahe || 47|| mandAyAM mayi sarvasvaM nanAndA saMharettadA | satyashauchAdiniyamo durArAdhyaH sa dR^ishyate || 48|| lAlane pAlane duHkhaM prasUtAyAshcha vartate | vandhyA vA vidhavA nArI sukhinI cheti me matiH || 49|| evaM kutarkayogena tatphalaM naiva bhakShitam | patyA pR^iShTaM phalaM bhuktaM bhuktaM cheti tayeritam || 50|| ekadA bhaginI tasyAstadgR^ihaM svechChayA.a.agatA | tadagre kathitaM sarvaM chinteyaM mahatI hi me || 51|| durbalA tena duHkhena hyanuje karavANi kim | sAbravInmama garbho.asti taM dAsyAmi prasUtitaH || 52|| tAvatkAlaM sagarbheva guptA tiShTha gR^ihe sukham | vittaM tvaM matpateryachCha sa te dAsyati bAlakam || 53|| ShANmAsiko mR^ito bAla iti loko vadiShyati | taM bAlaM poShayiShyAmi nityamAgatya te gR^ihe || 54|| phalamarpaya dhenvai tvaM parIkShArthaM tu sAmpratam | tattadAcharitaM sarvaM tathaiva strIsvabhAvataH || 55|| atha kAlena sA nArI prasUtA bAlakaM tadA | AnIya janako bAlaM rahasye dhundhulIM dadau || 56|| tayA cha kathitaM bhartre prasUtaH sukhamarbhakaH | lokasya sukhamutpannamAtmadevaprajodayAt || 57|| dadau dAnaM dvijAtibhyo jAtakarma vidhAya cha | gItavAditraghoSho.abhUttaddvAre ma~NgalaM bahu || 58|| bharturagre.abravIdvAkyaM stanyaM nAsti kuche mama | anyastanyena nirdugdhA kathaM puShNAmi bAlakam || 59|| matsvasushcha prasUtAyAH mR^ito bAlastu vartate | tAmAkArya gR^ihe rakSha sA te.arbhaM poShayiShyati || 60|| patinA tatkR^itaM sarvaM putrarakShaNahetave | putrasya dhundhukArIti nAma mAtrA pratiShThitam || 61|| trimAse nirgate chAtha sA dhenuH suShuve.arbhakam | sarvA~NgasundaraM divyaM nirmalaM kanakaprabham || 62|| dR^iShTvA prasanno viprastu saMskArAn svayamAdadhe | matvA.a.ashcharyaM janAH sarve didR^ikShArthaM samAgatAH || 63|| bhAgyodayo.adhunA jAta Atmadevasya pashyata | dhenvA bAlaH prasUtastu devarUpIti kautukam || 64|| na j~nAtaM tadrahasyaM tu kenApi vidhiyogataH | gokarNaM tu sutaM dR^iShTvA gokarNaM nAma chAkarot || 65|| kiyatkAlena tau jAtau taruNau tanayAvubhau | gokarNaH paNDito j~nAnI dhundhukArI mahAkhalaH || 66|| snAnashauchakriyAhIno durbhakShI krodhavardhitaH | duShparigrahakartA cha shavahastena bhojanam || 67|| chauraH sarvajanadveShI paraveshmapradIpakaH | lAlanAyArbhakAn dhR^itvA sadyaH kUpe nyapAtayat || 68|| hiMsakaH shastradhArI cha dInAndhAnAM prapIDakaH | chANDAlAbhirato nityaM pAshahastaH shvasa~NgataH || 69|| tena veshyAkusa~Ngena pitryaM vittaM tu nAshitam | ekadA pitarau tADya pAtrANi svayamAharat || 70|| tatpitA kR^ipaNaH prochchairdhanahIno ruroda ha | vandhyatvaM tu samIchInaM kuputro duHkhadAyakaH || 71|| kva tiShThAmi kva gachChAmi ko me duHkhaM vyapohayet | prANAMstyajAmi duHkhena hA kaShTaM mama saMsthitam || 72|| tadAnIM tu samAgatya gokarNo j~nAnasaMyutaH | bodhayAmAsa janakaM vairAgyaM paridarshayan || 73|| asAraH khalu saMsAro duHkharUpI vimohakaH | sutaH kasya dhanaM kasya snehavAn jvalate.anisham || 74|| na chendrasya sukhaM ki~nchinna sukhaM chakravartinaH | sukhamasti viraktasya munerekAntajIvinaH || 75|| mu~nchAj~nAnaM prajArUpaM mohato narake gatiH | nipatiShyati deho.ayaM sarvaM tyaktvA vanaM vraja || 76|| tadvAkyaM tu samAkarNya gantukAmaH pitAbravIt | kiM kartavyaM vane tAta tattvaM vada savistaram || 77|| andhakUpe snehapAshe baddhaH pa~NkurahaM shaThaH | karmaNA patito nUnaM mAmuddhara dayAnidhe || 78|| gokarNa uvAcha dehe.asthimAMsarudhire.abhimatiM tyaja tvaM jAyAsutAdiShu sadA mamatAM vimu~ncha pashyAnishaM jagadidaM kShaNabha~NganiShThaM vairAgyarAgarasiko bhava bhaktiniShThaH || 79|| dharmaM bhajasva satataM tyaja lokadharmAn sevasva sAdhupuruShAn jahi kAmatR^iShNAm | anyasya doShaguNachintanamAshu muktvA sevAkathArasamaho nitarAM piba tvam || 80|| evaM sutoktivashato.api gR^ihaM vihAya yAto vanaM sthiramatirgataShaShTivarShaH | yukto hareranudinaM paricharyayAsau shrIkR^iShNamApa niyataM dashamasya pAThAt || 81|| iti shrIpadmapurANe uttarakhaNDe shrImadbhAgavatamAhAtmye vipramokSho nAma chaturtho.adhyAyaH || 4|| \iti \section{.. OM namo bhagavate vAsudevAya ..} \section{.. pa~nchamo.adhyAyaH \- 5 ..} sUta uvAcha pitaryuparate tena jananI tADitA bhR^isham | kva vittaM tiShThati brUhi haniShye lattayA na chet || 1|| iti tadvAkyasantrAsAjjananyA putraduHkhataH | kUpe pAtaHkR^ito rAtrau tena sA nidhanaM gatA || 2|| gokarNastIrthayAtrArthaM nirgato yogasaMsthitaH | na duHkhaM na sukhaM tasya na vairI nApi bAndhavaH || 3|| dhundhukArI gR^ihe.atiShThat pa~nchapaNyavadhUvR^itaH | atyugrakarmakartA cha tatpoShaNavimUDhadhIH || 4|| ekadA kulaTAstAstu bhUShaNAnyabhilipsavaH | tadarthaM nirgato gehAt kAmAndho mR^ityumasmaran || 5|| yatastatashcha saMhR^itya vittaM veshma punargataH | tAbhyo.ayachChat suvastrANi bhUShaNAni kiyanti cha || 6|| bahuvittachayaM dR^iShTvA rAtrau nAryo vyachArayan | chauryaM karotyasau nityamato rAjA grahIShyati || 7|| vittaM hR^itvA punashchainaM mArayiShyati nishchitam | ato.arthaguptaye gUDhamasmAbhiH kiM na hanyate || 8|| nihatyainaM gR^ihItvArthaM yAsyAmo yatra kutrachit | iti tA nishchayaM kR^itvA suptaM sambadhya rashmibhiH || 9|| pAshaM kaNThe nidhAyAsya tanmR^ityumapachakramuH | tvaritaM na mamArAsau chintAyuktAstadAbhavan || 10|| taptA~NgArasamUhAMshcha tanmukhe hi vichikShipuH | agnijvAlAtiduHkhena vyAkulo nidhanaM gataH || 11|| taM dehaM mumuchurgarte prAyaH sAhasikAH striyaH | na j~nAtaM tadrahasyaM tu kenApIdaM tathaiva cha || 12|| lokaiH pR^iShTA vadanti sma dUraM yAtaH priyo hi naH | AgamiShyati varShe.asmin vittalobhavikarShitaH || 13|| strINAM naiva tu vishvAsaM duShTAnAM kArayedbudhaH | vishvAse yaH sthito mUDhaH sa duHkhaiH paribhUyate || 14|| sudhAmayaM vacho yAsAM kAminAM rasavardhanam | hR^idayaM kShuradhArAbhaM priyaH ko nAma yoShitAm || 15|| saMhR^itya vittaM tA yAtAH kulaTA bahubhartR^ikAH | dhundhukArI babhUvAtha mahAn pretaH kukarmataH || 16|| vAtyArUpadharo nityaM dhAvan dashadisho.antaram | shItAtapaparikliShTo nirAhAraH pipAsitaH || 17|| na lebhe sharaNaM kvApi hA daiveti muhurvadan | kiyatkAlena gokarNo mR^itaM lokAdabudhyata || 18|| anAthaM taM viditvaiva gayAshrAddhamachIkarat | yasmiMstIrthe tu saMyAti tatra shrAddhamavartayat || 19|| evaM bhraman sa gokarNaH svapuraM samupeyivAn | rAtrau gR^ihA~NgaNe svaptumAgato.alakShitaH paraiH || 20|| tatra suptaM sa vij~nAya dhundhukArI svabAndhavam | nishIthe darshayAmAsa mahAraudrataraM vapuH || 21|| sakR^inmeShaH sakR^iddhastI sakR^ichcha mahiSho.abhavat | sakR^idindraH sakR^ichchAgniH punashcha puruSho.abhavat || 22|| vaiparItyamidaM dR^iShTvA gokarNo dhairyasaMyutaH | ayaM durgatikaH ko.api nishchityAtha tamabravIt || 23|| gokarNa uvAcha kastvamugrataro rAtrau kuto yAto dashAmimAm | kiM vA pretaH pishAcho vA rAkShaso.asIti shaMsa naH || 24|| sUta uvAcha evaM pR^iShTastadA tena rurodochchaiH punaH punaH | ashakto vachanochchAre sa.nj~nAmAtraM chakAra ha || 25|| tato.a~njalau jalaM kR^itvA gokarNastamudIrayat | tatsekAdgatapApo.asau pravaktumupachakrame || 26|| preta uvAcha ahaM bhrAtA tvadIyo.asmi dhundhukArIti nAmataH | svakIyenaiva doSheNa brahmatvaM nAshitaM mayA || 27|| karmaNo nAsti sa~NkhyA me mahAj~nAne vivartinaH | lokAnAM hiMsakaH so.ahaM strIbhirduHkhena mAritaH || 28|| ataH pretatvamApanno durdashAM cha vahAmyaham | vAtAhAreNa jIvAmi daivAdhInaphalodayAt || 29|| aho bandho kR^ipAsindho bhrAtarmAmAshu mochaya | gokarNo vachanaM shrutvA tasmai vAkyamathAbravIt || 30|| gokarNa uvAcha tvadarthaM tu gayApiNDo mayA datto vidhAnataH | tatkathaM naiva mukto.asi mamAshcharyamidaM mahat || 31|| gayAshrAddhAnna muktishchedupAyo nAparastviha | kiM vidheyaM mayA preta tattvaM vada savistaram || 32|| preta uvAcha gayAshrAddhashatenApi muktirme na bhaviShyati | upAyamaparaM ka~nchittvaM vichAraya sAmpratam || 33|| iti tadvAkyamAkarNya gokarNo vismayaM gataH | shatashrAddhairna muktishchedasAdhyaM mochanaM tava || 34|| idAnIM tu nijaM sthAnamAtiShTha preta nirbhayaH | tvanmuktisAdhakaM ki~nchidAchariShye vichArya cha || 35|| dhundhukArI nijasthAnaM tenAdiShTastato gataH | gokarNashchintayAmAsa tAM rAtriM na tadadhyagAt || 36|| prAtastamAgataM dR^iShTvA lokAH prItyA samAgatAH | tatsarvaM kathitaM tena yajjAtaM cha yathA nishi || 37|| vidvAMso yoganiShThAshcha j~nAnino brahmavAdinaH | tanmuktiM naiva te.apashyan pashyantaH shAstrasa~nchayAn || 38|| tataH sarvaiH sUryavAkyaM tanmuktau sthApitaM param | gokarNaH stambhanaM chakre sUryavegasya vai tadA || 39|| tubhyaM namo jagatsAkShin brUhi me muktihetukam | tachChrutvA dUrataH sUryaH sphuTamityabhyabhAShata || 40|| shrImadbhAgavatAnmuktiH saptAhaM vAchanaM kuru | iti sUryavachaH sarvairdharmarUpaM tu vishrutam || 41|| sarve.abruvan prayatnena kartavyaM sukaraM tvidam | gokarNo nishchayaM kR^itvA vAchanArthaM pravartitaH || 42|| tatra saMshravaNArthAya deshagrAmAjjanA yuyuH | pa~NgvandhavR^iddhamandAshcha te.api pApakShayAya vai || 43|| samAjastu mahA~njAto devavismayakArakaH | yadaivAsanamAsthAya gokarNo.akathayat kathAm || 44|| sa preto.api tadA yAtaH sthAnaM pashyannitastataH | saptagranthiyutaM tatrApashyatkIchakamuchChritam || 45|| tanmUlachChidramAvishya shravaNArthaM sthito hyasau | vAtarUpI sthitiM kartumashakto vaMshamAvishat || 46|| vaiShNavaM brAhmaNaM mukhyaM shrotAraM parikalpya saH | prathamaskandhataH spaShTamAkhyAnaM dhenujo.akarot || 47|| dinAnte rakShitA gAthA tadA chitraM babhUva ha | vaMshaikagranthibhedo.abhUt sashabdaM pashyatAM satAm || 48|| dvitIye.ahni tathA sAyaM dvitIyagranthibhedanam | tR^itIye.ahni tathA sAyaM tR^itIyagranthibhedanam || 49|| evaM saptadinaishchaiva saptagranthivibhedanam | kR^itvA sa dvAdashaskandhashravaNAt pretatAM jahau || 50|| divyarUpadharo jAtastulasIdAmamaNDitaH | pItavAsA ghanashyAmo mukuTI kuNDalAnvitaH || 51|| nanAma bhrAtaraM sadyo gokarNamiti chAbravIt | tvayAhaM mochito bandho kR^ipayA pretakashmalAt || 52|| dhanyA bhAgavatI vArtA pretapIDAvinAshinI | saptAho.api tathA dhanyaH kR^iShNalokaphalapradaH || 53|| kampante sarvapApAni saptAhashravaNe sthite | asmAkaM pralayaM sadyaH kathA cheyaM kariShyati || 54|| ArdraM shuShkaM laghu sthUlaM vA~NmanaHkarmabhiH kR^itam | shravaNaM vidahetpApaM pAvakaH samidho yathA || 55|| asmin vai bhArate varShe sUribhirvedasaMsadi | akathAshrAviNAM puMsAM niShphalaM janma kIrtitam || 56|| kiM mohato rakShitena supuShTena balIyasA | adhruveNa sharIreNa shukashAstrakathAM vinA || 57|| asthistambhaM snAyubaddhaM mAMsashoNitalepitam | charmAvanaddhaM durgandhaM pAtraM mUtrapurIShayoH || 58|| jarAshokavipAkArtaM rogamandiramAturam | duShpUraM durdharaM duShTaM sadoShaM kShaNabha~Nguram || 59|| kR^imiviDbhasmasa.nj~nAntaM sharIramiti varNitam | asthireNa sthiraM karma kuto.ayaM sAdhayenna hi || 60|| yat prAtaH saMskR^itaM chAnnaM sAyaM tachcha vinashyati | tadIyarasasampuShTe kAye kA nAma nityatA || 61|| saptAhashravaNAlloke prApyate nikaTe hariH | ato doShanivR^ittyarthametadeva hi sAdhanam || 62|| budbudA iva toyeShu mashakA iva jantuShu | jAyante maraNAyaiva kathAshravaNavarjitAH || 63|| jaDasya shuShkavaMshasya yatra granthivibhedanam | chitraM kimu tadA chittagranthibhedaH kathAshravAt || 64|| bhidyate hR^idayagranthishChidyante sarvashaMshayAH | kShIyante chAsya karmANi saptAhashravaNe kR^ite || 65|| saMsArakardamAlepaprakShAlanapaTIyasi | kathAtIrthe sthite chitte muktireva budhaiH smR^itA || 66|| evaM bruvati vai tasmin vimAnamAgamattadA | vaikuNThavAsibhiryuktaM prasphuraddIptimaNDalam || 67|| sarveShAM pashyatAM bheje vimAnaM dhundhulIsutaH | vimAne vaiShNavAn vIkShya gokarNo vAkyamabravIt || 68|| gokarNa uvAcha atraiva bahavaH santi shrotAro mama nirmalAH | AnItAni vimanAni na teShAM yugapatkutaH || 69|| shravaNaM samabhAgena sarveShAmiha dR^ishyate | phalabhedaH kuto jAtaH prabruvantu haripriyAH || 70|| haridAsA UchuH shravaNasya vibhedena phalabhedo.atra saMsthitaH | shravaNaM tu kR^itaM sarvairna tathA mananaM kR^itam || 71|| phalabhedastato jAto bhajanAdapi mAnada | saptarAtramupoShyaiva pretena shravaNaM kR^itam || 72|| mananAdi tathA tena sthirachitte kR^itaM bhR^isham | adR^iDhaM cha hataM j~nAnaM pramAdena hataM shrutam || 73|| sandigdho hi hato mantro vyagrachitto hato japaH | avaiShNavo hato desho hataM shrAddhamapAtrakam || 74|| hatamashrotriye dAnamanAchArahataM kulam | vishvAso guruvAkyeShu svasmin dInatvabhAvanA || 75|| manodoShajayashchaiva kathAyAM nishchalA matiH | evamAdi kR^itaM chetsyAttadA vai shravaNe phalam || 76|| punaHshravAnte sarveShAM vaikuNThe vasatirdhruvaM gokarNa tava govindo golokaM dAsyati svayam || 77|| evamuktvA yayuH sarve vaikuNThaM harikIrtanAH | shrAvaNe mAsi gokarNaH kathAmUche tathA punaH || 78|| saptarAtravatIM bhUyaH shravaNaM taiH kR^itaM punaH | kathAsamAptau yajjAtaM shrUyatAM tachcha nArada || 79|| vimAnaiH saha bhaktaishcha harirAvirbabhUva ha | jayashabdA namaHshabdAstatrAsan bahavastadA || 80|| pA~nchajanyadhvaniM chakre harShAttatra svayaM hariH | gokarNaM tu samAli~NgyAkarot svasadR^ishaM hariH || 81|| shrotR^InanyAn ghanashyAmAn pItakausheyavAsasaH | kirITinaH kuNDalinastathA chakre hariH kShaNAt || 82|| tadgrAme ye sthitA jIvA AshvachANDAlajAtayaH | vimAne sthApitAste.api gokarNakR^ipayA tadA || 83|| preShitA hariloke te yatra gachChanti yoginaH | gokarNena sa gopAlo golokaM gopavallabham || 84|| kathAshravaNataH prIto niryayau bhaktavatsalaH | ayodhyAvAsinaH pUrvaM yathA rAmeNa sa~NgatAH || 85|| tathA kR^iShNena te nItA golokaM yogidurlabham | yatra sUryasya somasya siddhAnAM na gatiH kadA | taM lokaM hi gatAste tu shrImadbhAgavatashravAt || 86|| brUmo.adya te kiM phalavR^indamujjvalaM saptAhayaj~nena kathAsu sa~nchitam | karNena gokarNakathAkShare yaiH pItashcha te garbhagatA na bhUyaH || 87|| vAtAmbuparNAshanadehashoShaNai\- stapobhirugraishchirakAlasa~nchitaiH | yogaishcha saMyAnti na tAM gatiM vai saptAhagAthAshravaNena yAnti yAm || 88|| itihAsamimaM puNyaM shANDilyo.api munIshvaraH | paThate chitrakUTastho brahmAnandapariplutaH || 89|| AkhyAnametatparamaM pavitraM shrutaM sakR^idvai vidahedaghaugham | shrAddhe prayuktaM pitR^itR^iptimAvahe\- nnityaM supAThAdapunarbhavaM cha || 90|| iti shrIpadmapurANe uttarakhaNDe shrImadbhAgavatamAhAtmye gokarNamokShavarNanaM nAma pa~nchamo.adhyAyaH || 5|| \iti \section{.. OM namo bhagavate vAsudevAya ..} \section{.. ShaShTho.adhyAyaH \- 6 ..} kumArA UchuH atha te sampravakShyAmaH saptAhashravaNe vidhim | sahAyairvasubhishchaiva prAyaH sAdhyo vidhiH smR^itaH || 1|| daivaj~naM tu samAhUya muhUrtaM pR^ichChya yatnataH | vivAhe yAdR^ishaM vittaM tAdR^ishaM parikalpayet || 2|| nabhasya Ashvinorjau cha mArgashIrShaH shuchirnabhAH | ete mAsAH kathArambhe shrotR^INAM mokShasUchakAH || 3|| mAsAnAM vipra heyAni tAni tyAjyAni sarvathA | sahAyAshchetare chAtra kartavyAH sodyamAshcha ye || 4|| deshe deshe tathA seyaM vArtA preShyA prayatnataH | bhaviShyati kathA chAtra AgantavyaM kuTumbibhiH || 5|| dUre harikathAH kechiddUre chAchyutakIrtanAH | striyaH shUdrAdayo ye cha teShAM bodho yato bhavet || 6|| deshe deshe viraktA ye vaiShNavAH kIrtanotsukAH | teShveva patraM preShyaM cha tallekhanamitIritam || 7|| satAM samAjo bhavitA saptarAtraM sudurlabhaH | apUrvarasarUpaiva kathA chAtra bhaviShyati || 8|| shrImadbhAgavatapIyuShapAnAya rasalampaTAH | bhavantashcha tathA shIghramAyAta prematatparAH || 9|| nAvakAshaH kadAchichcheddinamAtraM tathApi tu | sarvathA.a.agamanaM kAryaM kShaNo.atraiva sudurlabhaH || 10|| evamAkAraNaM teShAM kartavyaM vinayena cha | AgantukAnAM sarveShAM vAsasthAnAni kalpayet || 11|| tIrthe vApi vane vApi gR^ihe vA shravaNaM matam | vishAlA vasudhA yatra kartavyaM tatkathAsthalam || 12|| shodhanaM mArjanaM bhUmerlepanaM dhAtumaNDanam | gR^ihopaskaramuddhR^itya gR^ihakoNe niveshayet || 13|| arvAk pa~nchAhato yatnAdAstIrNAni pramelayet | kartavyo maNDapaH prochchaiH kadalIkhaNDamaNDitaH || 14|| phalapuShpadalairviShvagvitAnena virAjitaH | chaturdikShu dhvajAropo bahusampadvirAjitaH || 15|| UrdhvaM saptaiva lokAshcha kalpanIyAH savistaram | teShu viprA viraktAshcha sthApanIyAH prabodhya cha || 16|| pUrvaM teShAmAsanAni kartavyAni yathottaram | vaktushchApi tadA divyamAsanaM parikalpayet || 17|| uda~Nmukho bhavedvaktA shrotA vai prA~NmukhaktastadA | prA~NmukhashchedbhavedvaktA shrotA choda~NmukhastadA || 18|| athavA pUrvadigj~neyA pUjyapUjakamadhyataH | shrotR^INAmAgame proktA deshakAlAdikovidaiH || 19|| virakto vaiShNavo vipro vedashAstravishuddhikR^it | dR^iShTAntakushalo dhIro vaktA kAryo.atinispR^ihaH || 20|| anekadharmavibhrAntAH straiNAH pAkhaNDavAdinaH | shukashAstrakathochchAre tyAjyAste yadi paNDitAH || 21|| vaktuH pArshve sahAyArthamanyaH sthApyastathAvidhaH | paNDitaH saMshayachChettA lokabodhanatatparaH || 22|| vaktrA kShauraM prakartavyaM dinAdarvAgvratAptaye | aruNodaye.asau nirvartya shauchaM snAnaM samAcharet || 23|| nityaM sa~NkShepataH kR^itvA sandhyAdyaM svaM prayatnataH | kathAvighnavighAtAya gaNanAthaM prapUjayet || 24|| pitR^In santarpya shud.hdhyarthaM prAyashchittaM samAcharet | maNDalaM cha prakartavyaM tatra sthApyo haristathA || 25|| kR^iShNamuddishya mantreNa charetpUjAvidhiM kramAt | pradakShiNanamaskArAn pUjAnte stutimAcharet || 26|| saMsArasAgare magnaM dInaM mAM karuNAnidhe | karmamoha(grAha)gR^ihItA~NgaM mAmuddhara bhavArNavAt || 27|| shrImadbhAgavatasyApi tataH pUjA prayatnataH | kartavyA vidhinA prItyA dhUpadIpasamanvitA || 28|| tatastu shrIphalaM dhR^itvA namaskAraM samAcharet | stutiH prasannachittena kartavyA kevalaM tadA || 29|| shrImadbhAgavatAkhyo.ayaM pratyakShaH kR^iShNa eva hi | svIkR^ito.asi mayA nAtha muktyarthaM bhavasAgare || 30|| manoratho madIyo.ayaM saphalaH sarvathA tvayA | nirvighnenaiva kartavyo dAso.ahaM tava keshava || 31|| evaM dInavachaH prochya vaktAraM chAtha pUjayet | sambhUShya vastrabhUShAbhiH pUjAnte taM cha saMstavet || 32|| shukarUpa prabodhaj~na sarvashAstravishArada | etatkathAprakAshena madaj~nAnaM vinAshaya || 33|| tadagre niyamaH pashchAtkartavyaH shreyase mudA | saptarAtraM yathAshaktyA dhAraNIyaH sa eva hi || 34|| varaNaM pa~nchaviprANAM kathAbha~NganivR^ittaye | kartavyaM tairharerjApyaM dvAdashAkSharavidyayA || 35|| brAhmaNAn vaiShNavAMshchAnyAn tathA kIrtanakAriNaH | natvA sampUjya dattAj~nAH svayamAsanamAvishet || 36|| lokavittadhanAgAraputrachintAM vyudasya cha | kathAchittaH shuddhamatiH sa labhet phalamuttamam || 37|| AsUryodayamArabhya sArdhatripraharAntakam | vAchanIyA kathA samyagdhIrakaNThaM sudhImatA || 38|| kathAvirAmaH kartavyo madhyAhne ghaTikAdvayam | tatkathAmanu kAryaM vai kIrtanaM vaiShNavaistadA || 39|| malamUtrajayArthaM hi laghvAhAraH sukhAvahaH | haviShyAnnena kartavyo hyekavAraM kathArthinA || 40|| upoShya saptarAtraM vai shaktishchechChR^iNuyAt tadA | ghR^itapAnaM payaHpAnaM kR^itvA vai shR^iNuyAt sukham || 41|| phalAhAreNa vA shrAvyamekabhaktena vA punaH | sukhasAdhyaM bhavedyattu kartavyaM shravaNAya tat || 42|| bhojanaM tu varaM manye kathAshravaNakArakam | nopavAso varaH proktaH kathAvighnakaro yadi || 43|| saptAhavratinAM puMsAM niyamA~nChR^iNu nArada viShNudIkShAvihInAnAM nAdhikAraH kathAshrave || 44|| brahmacharyamadhaHsuptiH patrAvalyAM cha bhojanaM kathAsamAptau bhuktiM cha kuryAnnityaM kathAvratI || 45|| dvidalaM madhu tailaM cha gariShThAnnaM tathaiva cha | bhAvaduShTaM paryuShitaM jahyAnnityaM kathAvratI || 46|| kAmaM krodhaM madaM mAnaM matsaraM lobhameva cha | dambhaM mohaM tathA dveShaM dUrayechcha kathAvratI || 47|| vedavaiShNavaviprANAM gurugovratinAM tathA | strIrAjamahatAM nindAM varjayedyaH kathAvratI || 48|| rajasvalAntyajamlechChapatitavrAtyakaistathA | dvijadviDvedabAhyaishcha na vadedyaH kathAvratI || 49|| satyaM shauchaM dayAM maunamArjavaM vinayaM tathA | udAramAnasaM tadvadevaM kuryAt kathAvratI || 50|| daridrashcha kShayI rogI nirbhAgyaH pApakarmavAn | anapatyo mokShakAmaH shR^iNuyAchcha kathAmimAm || 51|| apuShpA kAkavandhyA cha vandhyA yA cha mR^itArbhakA | sravadgarbhA cha yA nArI tayA shrAvyaH prayatnataH || 52|| eteShu vidhinA shrAve tadakShayataraM bhavet | atyuttamA kathA divyA koTiyaj~naphalapradA || 53|| evaM kR^itvA vratavidhimudyApanamathAcharet | janmAShTamIvratamiva kartavyaM phalakA~NkShibhiH || 54|| aki~nchaneShu bhakteShu prAyo nodyApanAgrahaH | shravaNenaiva pUtAste niShkAmA vaiShNavA yataH || 55|| evaM nagAhayaj~ne.asmin samApte shrotR^ibhistadA | pustakasya cha vaktushcha pUjA kAryAtibhaktitaH || 56|| prasAdatulasImAlAH shrotR^ibhyashchAtha dIyatAm | mR^ida~NgatAlalalitaM kartavyaM kIrtanaM tataH || 57|| jayashabdaM namaHshabdaM sha~NkhashabdaM cha kArayet | viprebhyo yAchakebhyashcha vittamannaM cha dIyatAm || 58|| viraktashchedbhavechChrotA gItA vAchyA pare.ahani gR^ihasthashchettadA homaH kartavyaH karmashAntaye || 59|| pratishlokaM cha juhuyAdvidhinA dashamasya cha | pAyasaM madhu sarpishcha tilAnnAdikasaMyutam || 60|| athavA havanaM kuryAdgAyatryA susamAhitaH | tanmayatvAt purANasya paramasya cha tattvataH || 61|| homAshaktau budho haumyaM dadyAttatphalasiddhaye | nAnAchChidranirodhArthaM nyUnatAdhikatAnayoH || 62|| doShayoH prashamArthaM cha paThennAmasahasrakam | tena syAttatphalaM sarvaM nAstyasmAdadhikaM yataH || 63|| dvAdasha brAhmaNAn pashchAdbhojayenmadhupAyasaiH | dadyAtsuvarNadhenuM cha vratapUrNatvahetave || 64|| shaktau phalatrayamitaM svarNasiMhaM vidhAya cha | tatrAsya pustakaM sthApyaM likhitaM lalitAkSharam || 65|| sampUjyAvAhanAdyaistadupachAraiH sadakShiNam | vastrabhUShaNagandhAdyaiH pUjitAya yatAtmane || 66|| AchAryAya sudhIrdattvA muktaH syAdbhavabandhanaiH | evaM kR^ite vidhAne cha sarvapApanivAraNe || 67|| phaladaM syAtpurANaM tu shrImadbhAgavataM shubham | dharmakAmArthamokShANAM sAdhanaM syAnna saMshayaH || 68|| kumArA UchuH iti te kathitaM sarvaM kiM bhUyaH shrotumichChasi | shrImadbhAgavatenaiva bhuktimuktI kare sthite || 69|| sUta uvAcha ityuktvA te mahAtmAnaH prochurbhAgavatIM kathAm | sarvapApaharAM puNyAM bhuktimuktipradAyinIm || 70|| shR^iNvatAM sarvabhUtAnAM saptAhaM niyatAtmanAm | yathAvidhi tato devaM tuShTuvuH puruShottamam || 71|| tadante j~nAnavairAgyabhaktInAM puShTatA parA | tAruNyaM paramaM chAbhUt sarvabhUtamanoharam || 72|| nAradashcha kR^itArtho.abhUt siddhe svIye manorathe | pulakIkR^itasarvA~NgaH paramAnandasambhR^itaH || 73|| evaM kathAM samAkarNya nArado bhagavatpriyaH | premagadgadayA vAchA tAnuvAcha kR^itA~njaliH || 74|| nArada uvAcha dhanyo.asmyanugR^ihIto.asmi bhavadbhiH karuNAparaiH | adya me bhagavA.NllabdhaH sarvapApaharo hariH || 75|| shravaNaM sarvadharmebhyo varaM manye tapodhanAH | vaikuNThastho yataH kR^iShNaH shravaNAdyasya labhyate || 76|| sUta uvAcha evaM bruvati vai tatra nArade vaiShNavottame | paribhraman samAyAtaH shuko yogeshvarastadA || 77|| tatrAyayau ShoDashavArShikastadA vyAsAtmajo j~nAnamahAbdhichandramAH | kathAvasAne nijalAbhapUrNaH premNA paThan bhAgavataM shanaiH shanaiH || 78|| dR^iShTvA sadasyAH paramorutejasaM sadyaH samutthAya dadurmahAsanam | prItyA surarShistamapUjayat sukhaM sthito.avadat saMshR^iNutAmalAM giram || 79|| shrIshuka uvAcha nigamakalpatarorgalitaM phalaM shukamukhAdamR^itadravasaMyutam | pibata bhAgavataM rasamAlayaM muhuraho rasikA bhuvi bhAvukA || 80|| dharmaH projjhitakaitavo.atra paramo nirmatsarANAM satAM vedyaM vAstavamatra vastu shivadaM tApatrayonmUlanam | shrImadbhAgavate mahAmunikR^ite kiM vA parairIshvaraH sadyo hR^idyavarudhyate.atra kR^itibhiH shushrUShubhistatkShaNAt || 81|| shrImadbhAgavataM purANatilakaM yadvaiShNavAnAM dhanaM yasmin pAramahaMsyamevamamalaM j~nAnaM paraM gIyate | yatra j~nAnavirAgabhaktisahitaM naiShkarmyamAviShkR^itaM tachChR^iNvan prapaThan vichAraNaparo bhaktyA vimuchyennaraH || 82|| svarge satye cha kailAse vaikuNThe nAstyayaM rasaH | ataH pibantu sadbhaktyA mA mA mu~nchata karhichit || 83|| sUta uvAcha evaM bruvANe sati bAdarAyaNau madhye sabhAyAM harirAvirAsIt | prahlAdabalyuddhavaphAlgunAdibhiH vR^itaH surarShistamapUjayachcha tAn || 84|| dR^iShTvA prasannaM mahadAsane hariM te chakrire kIrtanamagratastadA | bhavo bhavAnyA kamalAsanastu tatrAgaman kIrtanadarshanAya || 85|| prahlAdastAladhArI taralagatitayA choddhavaH kAMsyadhArI vINAdhArI surarShiH svarakushalatayA rAgakartArjuno.abhUt | indro.avAdInmR^ida~NgaM jayajayasukarAH kIrtanaM te kumArA yatrAgre bhAvavaktA sarasarachanayA vyAsaputro babhUva || 86|| nanarta madhye trikameva tatra bhaktyAdikAnAM naTavastutejasAm | alaukikaM kIrtanametadIkShya hariH prasanno.api vacho.abravIttat || 87|| matto varaM bhAgavatA vR^iNudhvaM prItaH kathAkIrtanato.asmi sAmpratam | shrutveti tadvAkyamatiprasannAH premArdrachittA harimUchire te || 88|| nagAhagAthAsu cha sarvabhaktai\- rebhistvayA bhAvyamiti prayatnAt | manoratho.ayaM paripUraNIya\- statheti choktvAntaradhIyatAchyutaH || 89|| tato.anamattachcharaNeShu nArada\- stathA shukAdInapi tApasAMshcha | atha prahR^iShTAH parinaShTamohAH sarve yayuH pItakathAmR^itAste || 90|| bhaktiH sutAbhyAM saha rakShitA sA shAstre svakIye.api tadA shukena | ato harirbhAgavatasya sevanA\- chchittaM samAyAti hi vaiShNavAnAm || 91|| dAridryaduHkhajvaradAhitAnAM mAyApishAchIparimarditAnAm | saMsArasindhau paripAtitAnAM kShemAya vai bhAgavataM pragarjati || 92|| shaunaka uvAcha shukenoktaM kadA rAj~ne gokarNena kadA punaH | surarShaye kadA brAhmaishChindhi me saMshayaM tvimam || 93|| sUta uvAcha AkR^iShNanirgamAt triMshadvarShAdhikagate kalau | navamIto nabhasye cha kathArambhaM shuko.akarot || 94|| parIkShichChravaNAnte cha kalau varShashatadvaye | shuddhe shuchau navamyAM cha dhenujo.akathayatkathAm || 95|| tasmAdapi kalau prApte triMshadvarShagate sati | UchurUrje site pakShe navamyAM brahmaNaH sutAH || 96|| ityetatte samAkhyAtaM yatpR^iShTo.ahaM tvayAnagha | kalau bhAgavatI vArtA bhavarogavinAshinI || 97|| kR^iShNapriyaM sakalakalmaShanAshanaM cha muktyaikahetumiha bhaktivilAsakAri | santaH kathAnakamidaM pibatAdareNa loke hitArthaparishIlanasevayA kim || 98|| svapuruShamapi vIkShya pAshahastaM vadati yamaH kila tasya karNamUle | parihara bhagavatkathAsu mattAn prabhurahamanyanR^iNAM na vaiShNavAnAm || 99|| asAre saMsAre viShayaviShasa~NgAkuladhiyaH kShaNArdhaM kShemArthaM pibata shukagAthAtulasudhAm | kimarthaM vyarthaM bho vrajata kupathe kutsitakathe parIkShitsAkShI yachChravaNagatamuktyuktikathane || 100|| rasapravAhasaMsthena shrIshukeneritA kathA | kaNThe sambadhyate yena sa vaikuNThaprabhurbhavet || 101|| iti cha paramaguhyaM sarvasiddhAntasiddhaM sapadi nigaditaM te shAstrapu~njaM vilokya | jagati shukakathAto nirmalaM nAsti ki~nchit piba parasukhahetordvAdashaskandhasAram || 102|| etAM yo niyatatayA shR^iNoti bhaktyA yashchainAM kathayati shuddhavaiShNavAgre | tau samyagvidhikaraNAt phalaM labhete yAthArthyAnna hi bhuvane kimapyasAdhyam || 103|| iti shrIpadmapurANe uttarakhaNDe shrImadbhAgavatamAhAtmye shravaNavidhikathanaM nAma ShaShTho.adhyAyaH || 6|| \section{.. samAptamidaM shrImadbhAgavatamAhAtmyaM ..} \section{.. OM tatsadbrahmArpaNamastu ..} \iti ## GRETIL txt edited as per Gita Press edition along with paaThabheda, by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}