% Text title            : Bhadradri Ramasuprabhatam
% File name             : bhadrAdrirAmasuprabhAtam.itx
% Category              : raama, suprabhAta
% Location              : doc\_raama
% Proofread by          : PSA Easwaran psaeaswaran at gmail.com
% Latest update         : October 19, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhadradri Rama Suprabhata Stotram ..}##
\itxtitle{.. shrIbhadrAdrirAmasuprabhAtastotram ..}##\endtitles ##
vAmA~NkasthitajAnakIparilasatkodaNDadaNDaM kare
     chakraM chordhvakareNa bAhuyugale sha~NkhaM sharaM dakShiNe |
bibhrANaM jalajAtapatranayanaM bhadrAdrimUrdhasthitaM
     keyUrAdivibhUShitaM raghupatiM saumitriyuktaM bhaje || 1||
shrImachchandanacharchitonnatakuchavyAlolamAlA~NkitAM
     tATa~NkadyutisatkapolayugalAM pItAmbarAla~NkR^itAm |
kA~nchIka~NkaNahAranUpuralasatkalyANadAmAnvitAM
     shrI vAmA~NkagatAM saroruhakarAM sItAM mR^igAkShIM bhaje || 2||
dvibhujaM svarNavapuShaM padmapatranibhekShaNam |
dhanurbANadharaM dhIraM rAmAnujamahaM bhaje || 3||
kausalyA suprajA rAma pUrvA sandhyA pravartate |
uttiShTha narashArdUla kartavyaM daivamAhnikam || 4||
uttiShThottiShTha govinda uttiShTha garuDadhvaja |
uttiShTha kamalAkAnta trailokyaM ma~NgalaM kuru || 5||
vande shrIraghunandanaM janakajAnetrAsitAmbhoruhaM
     prAleyAmbumanalpama~njulaguNaM padmAsanodbhAsinam |
chakrAbjeShusharAsanAni dadhataM hastAravindottamaiH
     shrImanmArutipUjitA~NghriyugalaM bhadrAdrichintAmaNim || 6||
shrIrAmachandravarakaumudi bhaktaloka
     kalpAkhyavallarivinatajanaikabandho | ## variation ## vinamrajanaikabandho
kAruNyapUraparipUritasatkaTAkShe
     bhadrAdrinAdhadayite tava suprabhAtam || 7||
amlAnabhaktikusumA malinAH pradIpAH
     saudhAn jayatyaviralAgurudhUmarAjiH |
nAkaM svR^ishanti dharaNIsuravedanAdAH
     bhadrAdrishekhara vibho tava suprabhAtam || 8||
sAndroDuramyasuShamA na vibhAtirAjA
     dIno yathA gatavasurmalinAntara~NgaH |
dainyaM gatA kumudinI priyaviprayogAt
     bhadrAdrishekhara vibho tava suprabhAtam || 9||
pUrvAdripIThamadhitiShThati bhAnubimbaM
     gADhaM prayAti timiraM kakubhaH prasannAH |
tvatsvAgataM khagarutaiH kathayanti mandraM
     bhadrAdrishekhara vibho tava suprabhAtam || 10||
AdityalolakaralAlanajAtaharShA
     sA padminI tyajati mA sakR^idAsyamudrAm |
bhR^i~NgAvalI vishati chATuvachAssarojaM
     bhadrAdrishekhara vibho tava suprabhAtam || 11||
prAleyabindunikarA navapallaveShu
     bimbAdhare smitaruchiM tava saMvadanti |
AyAnti chakramithunAni gR^ihasthabhAvaM  (Ayanti?)
     bhadrAdrishekhara vibho tava suprabhAtam || 12||
AnetumAsyapavanaM tava satsugandhI
     mAlyAni jAtikusumAni saroruhANi |
Amardayan surabhigandhamaho bhivAti
     bhadrAdrishekhara vibho tava suprabhAtam || 13||
gopIkarAkalitamanthanaramyanAdAH
     gopAlaveNuninadena samaM pravR^ittAH |
dhunvanti haMsamithunAni tuShArapakShAn
     bhadrAdrishekhara vibho tava suprabhAtam || 14||
stambhe ramA ubhayapakShavinItanidrAH
     karShanti te kalitaghI~NkR^itishR^i~NkhalAni |
vAdyA mukhoShmamalinIkR^itasaindhavAMshAH
     bhadrAdrishekhara vibho tava suprabhAtam || 15||
shrIvandinastava paThanti cha ma~njukaNThaiH
     ramyAvadhAnacharitAnyamR^itopamAni |
mandraM nadanti murajAshshubhasha~NkhanAdaiH
     bhadrAdrishekhara vibho tava suprabhAtam || 16||
uttAnaketanaratA ravayo maheshAH
     shuddhokShavAhanagatA vasavo.api siddhAH |
dvAre vasanti tava darshanalAlasAste
     bhadrAdrishekhara vibho tava suprabhAtam || 17||
 chakrA~NgavAhavidhireSha sureshvaro.ayaM
     devarShibhirmunigaNaissaha lokapAlaiH |
ratnopadA~njalibharo.abhimukhaM samAste
     bhadrAdrishekhara vibho tava suprabhAtam || 19||
dAtuM bhavAn vividhagodhanaratnapUgAn
     AlokanAya mukurAdi shubhArthapu~njAn |
AdAya dehalitale tridashA niShaNNAH
     bhadrAdrishekhara vibho tava suprabhAtam || 19||
godAvarIvimalavArisamudbhavAni
     nirhAripuShpavisarANi mudA harantaH |
shushrUShayA tava budhAH pratipAlayanti
     bhadrAdrishekhara vibho tava suprabhAtam || 20||
elAlava~Ngavaraku~NkumakesarAdyaiH
     punnAganAgatulasIvakulAdipuShpaiH |
nItAssutIrthakalashA abhiShechanAya
     bhadrAdrishekhara vibho tava suprabhAtam || 21||
kastUrikAsurabhichandanapadmamAlAH
     pItAmbaraM cha taDidAbhamanalpamUlyam |
sajjIkR^itAni raghunAyaka ma~njulAni
     bhadrAdrishekhara vibho tava suprabhAtam || 22||
keyUraka~NkaNakalApakirITadeva
     ChandA~NgulIyakamukhA navaratnabhUShAH |
rAjanti tAvakapuro ravikAntikAntAH
     bhadrAdrishekhara vibho tava suprabhAtam || 23||
godAvarIsalilasamplavanirmalA~NgAH
     dIptordhvapuNDratulasInalinAkShamAlAH |
shrIvaiShNavAstava paThanti vibodhagAthAH
     bhadrAdrishekhara vibho tava suprabhAtam || 24||
svarlokavAravanitAssuralokato.amI
     rambhAdayo vimalama~NgalakumbhadIpaiH |
sa~NghIbhavanti bhavada~NgaNapUrvabhAge
     bhadrAdrishekhara vibho tava suprabhAtam || 25||
sItApravAlasumanoharapANiyugma\-
     saMvAhitAtmapadapa~Nkajapadmanetra |
saumitrisAdarasamarpitasaumyashayyA
     bhadrAdrishekhara vibho tava suprabhAtam || 26||
shrIsheShatalpa sharaNAgatarakShakArka\-
     vaMshe nishAcharavadhAya kR^itAvatAra |
pAdAbjareNuhR^itagautamadArashApa
     bhadrAdrishekhara vibho tava suprabhAtam || 27||
pAThInakUrmakiTimAnuShasiMhaveSha
     kubjAvatAra bhR^igunandana rAghavendra |
tAlA~NkakR^iShNayavanAntakabuddharUpa
     bhadrAdrishekhara vibho tava suprabhAtam || 28||
brahmAdisarvavibudhAMstava pAdabhaktAn
     samphullatAmarasabhAsuralochanAdyaiH |
Anandayasva ripushodhana chApadhArin
     bhadrAdrishekhara vibho tava suprabhAtam || 29||
talpaM vihAya kR^ipayA varabhadrapIThaM
     AsthAya pUjanamasheShamidaM gR^ihItvA |
bhaktAnasheShabhuvanAni cha pAlayasva
     bhadrAdrishekhara vibho tava suprabhAtam || 30||
kundasundaradantapa~NktivibhAsamAnamukhAmbujaM
     nIlanIradakAyashobhitajAnakItaDidujjvalam |
sha~NkhachakrasharAsaneShuvirAjamAnakarAmbujaM
     bhadrabhUdharashekharaM praNamAmi rAmasudhAkaram || 31||
abjasambhavasha~NkarAdibhirarchitA~NghripayoruhaM
     merunandanabhadratApasamAnasAbjadivAkaram |
namrabhaktajaneShTadAyakapadmapIThasamAsthitaM
     gautamIkShaNalAlasaM praNamAmi rAmasudhAkaram || 32||
bhItabhAnutanUbhavArtinivAraNAtivishAradaM
     pAdanamravibhIShaNAhitavairirAjyavibhUtikam |
bhImarAvaNamattavAraNasiMhamuttamavigrahaM
     bhadrabhUdharashekharaM praNamAmi rAmasudhAkaram || 33||
ghorasaMsR^itidustarAmbudhi kumbhavasambhavasannibhaM
     yogivR^indamano.aravindasukesarojjvalaShaTpadam |
bhaktalokavilochanAmR^itavartikAyitavigrahaM
     bhadrabhUdharashekharaM praNamAmi rAmasudhAkaram || 34||
bhUsutAchirarochiShaM varasatpathaikavihAriNaM
     tApanAshanadIkShitaM natachAtakAvalirakShakam |
chitrachApakR^ipAmbumaNDalanIlavigrahabhAsuraM
     bhadrabhUdharashekharaM praNamAmi rAmapayodharam || 35||

iti bhadrAdrirAma (bhadrAchalarAma) suprabhAtastotraM sampUrNam |

##
Send corrections to sanskrit@cheeful.com

Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}