% Text title            : Bhushundi Ramayanam Purvakhanda 041-050
% File name             : bhushuNDirAmAyaNam\_pUrva\_041-050.itx
% Category              : raama, bhushuNDirAmAyaNam
% Location              : doc\_raama
% Transliterated by     : Vishal Pandey
% Proofread by          : Vishal Pandey
% Description/comments  : bhushuNDirAmAyaNam | pUrvakhaNDa | adhyAya 041-050||
% Latest update         : September 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhushundi Ramayanam Purvakhanda 041-050 ..}##
\itxtitle{.. bhushuNDirAmAyaNam pUrvakhaNDa 041\-050 ..}##\endtitles ##
\section{041\. rAmapravAso nAma ekachatvAriMsho.adhyAyaH |}
tato rAmeti vishleShakAtaraM sukhitAbhidham |
gavendraM chaiva mA~NgalyA putravishleShakAtarAm || 1||
gopAn sudarshanAnandasunandAdIn mahAtmanaH |
gopIshcha shR^iNvatIH sarvAH sadya evedamUchivAn || 2||
ayi tAta gavendra tvaM mAtarmA~Ngalyake shR^iNu |
sudarshanAdyAshcha gopAH shR^iNutedaM vacho mama || 3||
kachchitkShaNaM na so.Dhavyo bhavatAM viraho mayA |
madviyogaprabhUtArttiH yuShmAkaM kintu bAdhate || 4||
bhavadviyogajaivArttimarma tAvattato.adhikA |
tathApi na  kvachittAta sa~njAtA sa~njaniShyate || 5||
nAhaM vasAmi vaikuNThe na vai golokasa.nj~nake |
mathurAyAM dvArakAyAM shvetadvIpAlaye na vA || 6||
ahaM vasAmi satataM  sukhitasyaiva mandire |
mA~NgalyakAkarAnItaM mR^idu haiya~NgavInakam || 7||
ashAno bhrAtR^ibhiH sArdhaM nAnyathA tR^iptirasti me |
evaM vij~nAya vai nityaM mama chAritryamadbhutam || 8||
yuvAbhyAM shochitavyaM na kadAchitkvachidapyuta |
na chaiva manmanaH kvApi pramodavipinaM vinA || 9||
ramate bahudhA klR^iptatrailokyashrIbhareShvapi |
rAsAkhyalIlayA mahyamanyA lIlA na rochate || 10||
gopAlabAlakebhyo.anyo na me praNayabhAjanam |
iyaM hi se nityalIlA bhavatAM sadaneShu yA || 11||
anyAvatArasamaye bhavannaimittikI hi sA |
nityaM vasAmi yuShmAkaM sadane sarayUtaTe |
rAsAkhyalIlAbhirnityaM viharAmi sakhIgaNaiH || 12||
kadAchinmatsyarUpeNa loke prAdurbhavAmyaham |
vedoddharArthamudadhau kurva~ncharitamadbhutam || 13||
kadAchitkUrmarUpeNa prAdurbhUya karomyaham |
devAsureShu shrAnteShu mandarAchaladhAraNam || 14||
kadAchiddaityarAje tu dharaNInAshanodyate |
divyavArAharUpeNa tadA prAdurbhAvAbhyaham || 15||
kadAchidbhaktarAjasya prahlAdasya sukhAkR^ite |
nArasiMhasvarUpeNa daityarAjaM nihanmyaham || 16||
kadAchitsarvadevAnAM sthAneShu sthApanAkR^itA |
divyavAmanarUpeNa daityendraM ChalayAmyaham || 17||
kadAchit parashuM dhR^itvA dharmasya pratipAlakaH |
duShTakShatravinAshAya bhuvi prAdurbhavAmyaham || 18||
kadAchidrAghave vaMshe prAdurbhUya svavikramaiH |
dharmaM saMsthApya dharaNIbhAraM bahu harAmyaham || 19||
kadAchinmamAMshakalayA kR^iShNo vai sambhaviShyati |
dvAparAnte yadukule devakyAM vasudevataH || 20||
kadAchinmR^ityuduHkhena yaj~najantUn vishochataH |
anugrahAmi sa~njAto buddha rUpeNa bhUtale || 21||
kadAchinmleChavR^indeShu dharmaviplavakAriShu |
nIlaM hayaM samAruhya kalkiH prAdurbhavAmyaham || 22||
anyairapi svarUpaishcha tatra tatra sphuTIbhavan |
adharmaM nAshayitvAhaM svadharmaM sthApayAmyaham || 23||
evaM yadA yadA dharmaH kShIyate sarvabhUtajaH |
svAtmAnaM kalpayitvA tu tadA prAdurbhavAmyaham || 24||
nityaM vasAmi bhavatAM sadane divyagokule |
mANikyaratnasannaddhamuktAmaNivibhUShitaH |
mA~NgalyAyAH karAnItaM navanItamashannatha || 25||
madviyogajaduHkhaM tu bhavatAM naiva bAdhate |
yadi bAdheta saiShA tu manmAyaiva rasAtmikA || 26||
saMyogo viprayogashcha rasastu dvividhaH smR^itaH |
Adyo.anubhUta evAnto dvitIyastu bhaviShyati || 27||
pitroH santoShaNaM kR^itvA kR^itvodvAhaM cha tatsukham |
rAjyakAryaM vidhAyAtha punareShyAmi vo gR^ihe || 28||
na kAryo bhavatA shokastAta madvirahodbhavaH |
eSha tu svapnavadbhUtvA kShaNAdyAsyati duHkhadaH || 29||
ahaM nijapriyAn gopAn nItvA yAsyAmi tAM purIm |
etairvinA kShaNaM sthAtuM hetAta kvApi notsahe || 30||
tvaM cha tAvad gavAM tAta pAlanaM kAraya prabho |
asmin pramodavipine navyanavyaistR^iNA~NkuraiH || 31||
mA~Ngalyake mAtariha mA shucho madviyogataH |
na tvAM vinA kShaNamapi sthAtuM bho sukhasaMyutaH || 32||
gopA yUyaM sakhAyo me AyAntu mama sArthagAH |
pramodavanavishleSho gato vo mukhadarshanAt || 33||
bhavadbhiH sahitaH sarvaM rAjyakAryaM vidhAya cha |
hatvA chAsurasandohAneShyAmi punaratra vai || 34||
anye cha matpremaparAH sakalavrajavAsinaH |
na shokenAbhitapyadhvaM madviyogaikajanmanA || 35||
eSha vaH svapnavadbhUtvA kShaNAdyAsyati nishchayaH |
iti teShAM samastAnAM pramodavanavAsinAm || 36||
vrajaukasAM sadArANAM kR^itvA sAntvanamachyutaH |
yiyAsuH piturAgAraM tAM rAtriM tatra chAvasat || 37||
tamIyuH sakalA gopyaH priyavishleShakAtarAH |
rudantyo bhUrishokena pravAsabhayavihvalAH || 38||

iti shrImadAdirAmAyaNe brahmabhushuNDasaMvAde rAmapravAso nAma ekachatvAriMsho.adhyAyaH || 41||
38/1872
\section{042\. rAmayAtrAnAma dvichatvAriMsho.adhyAyaH |}
gopya UchuH |
pitrAhUtaH svanagaraM rAjyakAryAvaguptaye |
prabhAta eva svaiH sAkaM yAsyasItyanushushruma || 1||
naivaM tvaM kartumarho.asi hatvA no hariNIriva |
nijadR^iShTisharAviddhAH premasvaravimohitAH || 2||
tvaM tu vismR^itavAn prAyaH pramodavanakhelanam |
vismartavyaM na chAsmAbhistatsukhaM kShaNamapyaho || 3||
tA yAminyastadrahasyaM kelayastAshcha velayaH |
te te rAsavilAsAdyAH smaryamANA haranti naH || 4||
pramodavanaparyantaM bhUriku~njaniku~njabhUH |
pramode sthApayatyantaH smarantInAM punaH punaH || 5||
kadAchidbhavatA sAkaM rAmasampUrNachandramAH |
khelantInAM vane.asmAkaM sandhyAbhUtkR^iShNapakShagA || 6||
tataH pravavR^ite dhvAntaM gADhaM navaghanopamam |
yasminpratyekamAdAya bhuktavAn no raghUdvaha || 7||
kadAchitpuShpAvachaye yAtAH pramudakAnane |
sandhyAyAmabhavadghoSho ghanasa~NghaTTajo.ambare || 8||
tadA pravavR^ite divyA kAmakelirmanoharA |
yAM vilokya mudaM bhavyAM prApurgIrvishikhA api || 9||
kadAchitsarayUvArigambhIrAvartadurdharam |
vayaM cha dadhi vikretuM yAtukAmAH puraM prati || 10||
tadA tvaM kAmasaundaryagambhIre.asminnadIjale |
sauvarNIM nAvamAropya kramAttaritavAnasi || 11||
kadAchid ghaTTarakShAyai niyukte gopabhUbhR^itA |
gachChatIrdadhivikretuM madhye mArgaM niruddhavAn || 12||
kadAchidrathamAropya sauvarNamaNiki~NkiNIm |
vanAdvanAntaraM nItvA shobhAM darshitavAnasi || 13||
kadAchinmAdhave mAsi kusumAkarashobhini |
divAnishamavij~nAya nityaM vihR^itavAnasi || 14||
kadAchinniShThure grIShmamAse divye tu pAthasi |
jalakelIH sahAsmAbhiH kR^itavAnasi sundara || 15||
kadAchid bhUrivarShAyAM ratnAdreradhikandaram |
vArbhR^ito javanIkR^itya ratavAn shrIgaNaiH saha || 16||
kadAchiddhemane kAle ku~njAbhyantaraveshmasu |
hasantIsAmyamAnetuM tUlaiH sevitavAnasi || 17||
kadAchichChaishire kAle latikA iva puShpiNIH |
marutvAniva dhIrastvaM priya kampitavA.Nshcha naH || 18||
itthaM tattatkAladeshe tattattArUNyaveshitA |
tattadvallI vIthI pathaH pItvA premAmR^itaM rasam || 19||
tattat kAmakrIDA yasya sa~nchitasvarniviDAkAraH |
shrIrAmendorjitavAnasi kandarpANAM kimapi parArdham || 20||
evaM tvaM ramayAsmAn svAnandarasasAgare |
pratyekaM bahulIkR^itya rAmendo ratavAnasi || 21||
adhunA tAni tAnIha sukhAni vimukhe tvayi |
parNavatkaNTakAnIva bhetsyanti hR^idayAni naH || 22||
maivaM kArShIH kadApi tvaM vanitAvadhapAtakam |
vikramI pu.NsvabhAvatvAdayi tvaM niShThuro.apyasi || 23||
pramodavanachandrasya tava priya chakorikAH |
na khedaya manA~N mAnin manoj~nAcharito bhava || 24||
vismR^itya nikhilAM cheShTAM mahAmAdhuryavArnidhim |
shuShkakAShThasvabhAvaM cha kathamutsoDhavAnasi || 25||
ko.ayaM kramo rasikapu~Ngava sArvabhauma
yadbhUrishaH sukhasudhodadhinirvR^itAnAm |
ArttipravekamanubhAvayasi svabhAvAt
svAnandasArasamudAyamayo.api san naH || 26||
Isho.api sarvabhuvanasya nije vasho.asi
premaikavashyahR^idayo.asi susAdhano.asi |
nirvA~nChano.asi sa kathaM raghunandana tvaM
karmAtighoramiha kartumathodyato.asi || 27||
maivaM kArShIH prabho tasmAt pramodavanaduHsaham |
virahaM kartumarho.asi rasikendumahAmaNe || 28||
atha chettvamimaM nAtha sa~NkalpaM kR^itavAnasi |
tadA naH prANanirvR^ittyAdyupAyaM shikShayAdhihan || 29||
asamakShe tvayi svAmin kiM kAryaM sevakaiH janaiH |
svarbhogaM vApi sa.nnyAsamaraNyaM vA viraktitaH || 30||
yaiH kAladi~NnimiShabhittipadAntare.api
soDhaH kadAchidapi naiva bhavadviyogaH |
te jIvanaM samadhigamya kathaM sahantAM
shrIman mahAvirahadAvajapApakIrtim || 31||
tasmAttvayi dR^ishordvandvAd dUraM yAte priyottama |
kiM kAryaM bhaktavargeNa tadasmAsvanushikShaya || 32||

iti shrImadAdirAmAyaNe brahmabhushuNDasaMvAde rAmayAtrAnAma dvichatvAriMshodhyAyaH || 42||
32/1904
\section{043\. rAmayAtrAyAM purapraveshonAma rAmagItAyAM trichatvAriMsho.adhyAyaH |}
brahmovAcha |
iti tAsAM vachaH shrutvA rAmaH kAruNikottamaH |
dadau prativachastAsAM smitvA sammohayanniva || 1||
shrIrAma uvAcha |
aho priyA matsvarUpA matketi sukhasaMshrayAH |
naivaM vilapituM yogyA bhavantyo nityasa~NgatAH || 2||
vyApivaikuNThaloke.asmin pramodavipinAbhidhe |
madIye chinmaye divye bhavantyo hyapi devatAH || 3||
shrImatI jAnakI sItA madIyA paramapriyA |
tadaMshAH sakalA yUyaM nityaM sannihitA mayi || 4||
chandrasya chandrikA yadvattapanasya prabhA yathA |
pR^ithivyA iva sambandho ghaTasyeva ghaTatvakam || 5||
asAdhAraNamevaiShA madIyaM lakShaNaM priyA |
tadaMshatvAdbhavatyo.api madIyaM lakShaNaM param || 6||
vishleSho na kadApyasti bhavatIbhiH samaM mama |
nAbhUnna bhavitA vApi chinmaye.asmin mahApure || 7||
yathAhaM sachchidAnandarUpaH shrIvigrahaM dadhat |
tathaiva matpriyA yUyaM sachchidAnandavigrahAH || 8||
lIlekShayA yathaivAhaM nirguNo.api guNAtmakaH |
tathA priyA bhavantyopi nAnushochitumarhatha || 9||
lIlA guNamayI hyeShA madIyA nirguNApi cha |
naite guNAH prAkR^itatvaM kadAchit kalayanti cha || 10||
pramodavanaku~njAshcha pramodavanamedinI |
pramodavanagAvashcha pramodavanabhUriyam || 11||
mA~NgalyA cha gavendrashcha gopA gopyaH khagA mR^igAH |
sarvaM brahmamayaM nityaM sachchidAnandavigraham || 12||
api smaratha yaddR^iShTaM divye prAsAdaveshmani |
dvArakAM mathurAM chaiva shrImadvR^indAvanaM tathA || 13||
pramodavipinasthe.asmin pramodavanamuttamam |
tatra mAM nityalIlAsthaM svAtmani chaiva suvratAH || 14||
rukmiNIM jAnakIM chaiva sahajAM priyamIshvarIm |
aparA se priyA bhaktA bhaktirUpA tathAparA || 15||
matto.api mama bhaktAnAM mama bhaktirvishiShyate |
yathAhaM vashyatAM yAmi sA matto.apyadhikaiva hi || 16||
premanetrA bhAvamukhI rasagAtrI ratistanI |
rAgAdhArA mahAbhAvahR^idayA me priyA parA || 17||
saiShA madvAmatanugA sundarI madhurasmitA |
sItetisAdhiketyAkhyA sahajeti cha kIrtitA || 18||
modinIti sadAkhyAtA manmanomodadAyinI |
shayyAsanATanasthAne yAM bhavantyo.abhyasUyatha || 19||
iyaM hi sarvalIlAnAmekaivAsti pravarttikA |
nAnayA rahitaH kvApi bhaviShyAmi mR^igekShaNAH || 20||
yUyaM tadaMshabhUtatvAnnityaM sannihitA mayi |
madgAtrakiraNAkArAH kimarthamanushochatha || 21||
gopya UchuH |
evaM chettarhi shrIrAma pravAdaH ko.ayamutthitaH |
ayodhyAM yAsyati shrImAn pitrorAj~nAvashaMvadaH || 22||
tachChrutvA sahajo loke mahAn khedo.abhyajAyata |
akANDatANDavaprAyaM kimidaM raghupu~Ngava || 23||
lokaH kiM vitathaM vrate tvaM vA kiM va~nchayasyuta |
nirhetuko na chaivAyamuditaH sumahAn jvaraH || 24||
evaM naH saMshayaM Chindhi satyaM brUhi cha rAghava |
nAnR^itaM hi vadelloko bhavatItyAstikaM vachaH || 25||
shrIbhagavAnuvAcha |
na loko vitathaM brUte mallIlAdarshako hyasau |
kintvasmin viShaye yUyaM nAnushochitumarhatha || 26||
purA khalu bhave yUyaM devaM pashupatiM prabhum |
kopayitvA labdhashApAH ki~nchid duHkhamavApsyatha || 27||
dadau sa bhagavAn shApaM yuShmabhyaM madviyojanam |
tenedaM rUpamantardhAH ki~nchitkAlaM bhaviShyati || 28||
tattaddehAMsharUpeNa tadA yUyaM bhaviShyatha |
antara~NgatayA sarvAM lIlAmanubhaviShyatha || 29||
loke viyoga ityAkhyA tasyaiva cha bhaviShyati |
bhaviShyati tu yo.antardhiH sAkShAddarshItu ki~nchana || 30||
tatrApyanavadhiM tAvadAnandaM samavApsyatha |
madbhUyatvAnmadaMshAnAM naivaM yUyaM bhidAyujaH || 31||
gopya UchuH |
kadA sa bhagavAn rudraH shashApAsmAn bhavatpriyAH |
kiMvA tatkAraNaM rAma kutra deshe.athavA prabho || 32||
shrIbhagavAnuvAcha |
ekadA chaiva viShaye shrIpramodavanAntare |
bhavantyaH sahajAyuktAshchakruH krIDAM mayA saha || 33||
tatashcha suratashrAntA upekShya bhavatIraham |
madhye niku~njabhavanaM ratavAn ramayA saha || 34||
yUyaM niku~njabhavanasyA~NgaNe baddhamaNDalAH |
madguNAneva gAyantyastasthuH susthiramAnasAH || 35||
tatrAjagAma bhagavAn rudraH pashupatiH prabhuH |
kR^itvA vandanametAbhyaH kva rAma iti so.abravIt || 36||
nochustAH sampragAyantyo rAmachAritramadbhutam |
pulakaiH samupetA~NgyaH kalitAshruvilochanAH || 37||
rudraH prativacho.ashrutvA kR^itAvaj~nA uvAcha tAH |
bhavatyo rAmavishleShaM labhantAmachirAtstriyaH || 38||
ityuktvA prayayau rAmaku~njAbhimukhamIshvaraH |
dR^iShTvA tu samupAyAnta mudatiShThamahaM priyAH || 39||
IShadvivasanIbhUtavapuShA ramayA saha |
Adidriye tamIshAnaM samastairupachArakaiH || 40||
apR^ichChaM chaiva kailAshAd bhavyAgamanakAraNam |
rudra uvAcha |
tava lIlAdarshanArthaM kailAshAdahamAgamam || 41||
aho rasamayI lIlA shreyoguNamayI tava |
sachchidAnandaikamapi na vA~NmanasagocharA || 42||
muktA abhibhajante yAM divyamAsthAya vigraham |
nirguNApi bhavAtItairguNaiH sattvAdibhibhiryutA || 43||
taddarshanArthaM sa~NkShubhya tapo vismR^itavAnaham |
divyaveNuravaM shrutvA sthAnaM ttyaktveha sa~NgataH || 44||
vA~nChAmi tvanmukhAmbhojadarshanAmR^itapAnakam |
aho dhanye dR^ishau matke yAbhyAM dR^iShTo.asi rAghava || 45||
lIlAparikaropetaH snigdhashyAmalavigrahaH |
sahajAshaktisahitaH sahajAnandananditaH || 46||
namastestu namastestu namastestu raghUdvaha |
namaste nityalIlAyai namaste kelisampade || 47||
namaH pramodaku~njAya namo.asyai ratnabhUmaye |
namaH sAketadurgAya namaH sarayurodhase || 48||
namaste gopigopebhyo dhenukAya namonamaH |
gavendrAya namo nityaM sukhitAya namonamaH || 49||
namo gavendrasundaryai mA~NgalyAyai namonamaH |
namo gavendraghoShAya sarvasampadamIyuShe || 50||
namaH pramudavanasthAya rAmAya paramAtmane |
sadAnandAya rAmAya sadA sItAramAjuShe || 51||
pItAmbarAya navanIradanIlabhAya
vaMshIvishAlarasine madhurAdharAya |
gogopagoparamaNIkamanIbhAse
bhAShAnvitAya cha namo.astu raghUttamAya || 52||
rAma tvadIyamukhapa~NkajamakShibhR^i~NgaiH
pItvA tvadanyaviShayagrahasannivR^ittataiH |
saMsatkR^itArthamiva samprati manyamAno
bhrAmyAmi bhUtalamasheShapadArthasiddhaH || 53||
sarayUsarasaM shashvachchulukIkR^itya nirvR^itaH |
kadA rAsavilAsAdi pashyeyaM svAdhikArataH || 54||
nityalIlAparikare kadA me gaNanA bhavet |
kadA vIkSheya rAmendo bhavadvadanachandrikAm || 55||
sAkShAtkR^itiste lIlAyA eSha me.anugrahaH prabho |
shmashAnachAriNo.atyarthamabhadra pathasevinaH || 56||
aho me rAmachandrasya darshanArthamihAgamaH |
tena pR^iShTA imA devyo na me prativacho daduH || 57||
tamorUpaprakAshArthamiha krodhAndhatA mama |
nochediha guNAtIte sthAne krodhaH kathaM bhavet || 58||
aghaM mamaitat kShantavyamaparAdhanamIshvara |
yattvatparikarasyApi shApo datto mayA prabho || 59||
tadAhamuktavAn rudraM bhagavannevameva tat |
tathApi me chikIrShAyAH sAdhanAyaiva kalpatAm || 60||
gavendrasya mahAdhAmni nityaM nivasato mama |
avatArArthasaMsid.hdhyai shApo.ayaM te bhaviShyati || 61||
kaushalyAyAstadA mAtuH piturdasharathasya cha |
santoShaNaM tathA j~nAtisvajanAnAM sukhodbhavaH || 62||
vadhashcha rAvaNAdInAM samuddhArastathA shiva |
pashupakShyantyajAdInAM kaShmalAkrAntachetasAm || 63||
avatArakR^ityametAvatkariShyAmi maheshvara |
tadarthaM tava shApo.ayamudbhUto.astyatra mA shuchaH || 64||
machchikIrShAnukUlatvAnna te shApo ruShAvahaH |
svairaM vihara saMsiddho madbhaktAn mR^iDayan prabho || 65||
evamukto mayA shambhurabhivandya punaH punaH |
nirjagAma nijaM sthAnaM kailAsAkhyaM manoharam || 66||
yuShmAkamevaM sa~njAto rudrashApo.atidurdharaH |
yUyaM tasya prabhAveNa madviyogamavApsyatha || 67||
parantvatrApi vishleShe sannilIya madaM shR^iNu (1)|| 68||
matsAyujyaM pariprApya mattAdAtmyamavApsyatha |
madAnandodadhau magnAH kShaNavadyApayiShyatha || 69||
madviyogaM sudurdharShaM naiva j~nAsyatha matpriyAH |
tAvatkR^itvAvatArArthamAgamiShyAmi vaH punaH || 70||

iti shrImadAdirAmAyaNe brahmabhushuNDasaMvAde rAmayAtrAyAM purapraveshonAma rAmagItAyAM trichatvAriMsho.adhyAyaH || 43||
70/1974
\section{044\. rAmagItAyAM chatushchatvAriMsho.adhyAyaH |}
brahmovAcha |
evaM prabodhitA gopyo rudrashApasya kAraNam |
vishvasya duHkhabhUyiShThAH samavochan raghUdvaham || 1||
gopya UchuH |
svAmin bhAvipadArthAnAM pratIkAro na vidyate |
tathApi tvAM prapannAnAM nArtiH syAt karhichit prabho || 2||
ayameva pratIkAro bhavaduHkhanivarhaNe |
yattvachcharaNapAthojataraNidvandva sevanam || 3||
nivR^ittAkhilatarShAste haMsAH paramabhAvukAH |
pAra~NgatA bhavAmbhodheH sthitAstvatsamupAshrayAt || 4||
kathaM bhaktAH prapadyante kena bhAvena rAghava |
tadasmAnupadeshena bodhayasva kR^ipAvashAt || 5||
tvadviyogabhavA prAyaH paramArtirbhaviShyati |
kathaM nu tAM tariShyAmo nityaM tvatsa~NgasaMshrayAH || 6||
kathaM tvadvirahe kAle vyUho lIno bhaviShyati |
vrajastrINAM samUho.asau bhavallIlaikasaMshrayaH || 7||
rAma uvAcha |
yathA bhaktAH prapadyante yena bhAvena vA priyAH |
tadvaH samupadeshena bodhayAmi visheShataH || 8||
ekAnte vimale kShetre yogakShemaM vidhAya cha |
manniShThAM bhAvanAM kuryAd yathA shIghraM bhavaM taret || 9||
vaidikaistAntrikaiH karmavyUhaiH suvimale hR^idi |
pravR^ittau bhAvanAM yAtAM tAM kuryAnmadupAshrayAm || 10||
hR^itpuNDarIkamadhye tu sAketaM bhAvayenmuhuH |
tatra mAM bhAvayet pUrNaM lIlAbhiH puruShaM param || 11||
yaddhi ki~nchidvastujAtaM bhAvayettanmadAtmakam |
mattaH paraM naiva ki~nchinmayIdaM sarvameva tu || 12||
bhUrjalaM pAvako vAyuH khaM manomaNDalaM dishaH |
prakR^itiH puruSho brahma j~neyaM sarvaM madAtmakam || 13||
mattaH pravartate sarvaM prapa~ncho.ayaM madAtmakaH |
matkAryaH santato nityaM mayyeva vyapadishyate || 14||
mayyAtmaratimAyAte lIyante bhashitA yathA |
svarUpAnava bodhashcha mano dehendriyAdiShu || 15||
svatAdAtmyA vabhAsashcha sA vidyA parikIrtitA |
vyomavadvyApakaM brahma ki~nchinmAyAMshacheShTitam || 16||
sarvataH pANipAdaM cha sarvatodR^ikshiromukham |
sarvato nAsikAshrotre sarvamAvishya tiShThati || 17||
anantA mUrttayastasya bhinnAbhinnasvarUpiNaH |
eko.ahaM bahu bhaveyetIchChA tasyAbhavat kadA || 18||
tato.avartata loko.asau jaDajIvAntarAtmabhiH |
sanmAtraM bhAti sarvatra na bhAti cha chidantarA || 19||
sanmAtraM ja.Davargo.ayaM chinmAtro jIva IritaH |
sachchidAnandarUpo vApyantarAtmA maheshvaraH || 20||
jaDaH sphurati jAgratsu svapne bhAti chidantarA |
suShuptau sachchidAnando hyantarAtmA prakAshate || 21||
yallInA avatiShThante svarUpAnandabhoginaH |
Anandamaya AnandabhugityupaniShatsu saH || 22||
turIyastvahametebhyaH samaH sarvatra sarvagaH |
vidyayA tu yadA vidyA nashyati dhvAntavadruchA || 23||
tadA sa paramAnandaH prakAshAtmA prakAshate |
sarvAdhyAsanivR^ittau tu shuddhA dehendriyAdayaH || 24||
mallokAnandabhogArhA jAyante te madAtmakAH |
nityalIlAM tadA pashyenmadbhakto matsvarUpiNIm || 25||
na yatra shoko na jarA na mR^ityurna madAdayaH |
tanmadIyaM paraM sthAnaM madbhaktaH samprapadyate || 26||
yasmAnna punarAvR^ittiH sargAdAvapi jAyate || 27||

iti shrImadAdirAmAyaNe brahmabhushuNDasaMvAde rAmagItAyAM chatushchatvAriMsho.adhyAyaH || 44||
27/2001
\section{045\. rAmagItAyAM pa~nchachatvAriMsho.adhyAyaH |}
shrIbhagavAnuvAcha |
navadhA bhaktiruddiShTA shrutisa~NkIrtanAdibhiH |
karmaj~nAnopAsanAbhiH pratyekaM trividhaiva sA || 1||
saptaviMshatidhA bhinnA guNaiH sattvAdibhiH punaH |
ekAshItiprakAreNa bhaktiyogaH prakIrtitaH || 2||
nirguNA tvekarUpaiva manniShThA matphalodayA |
matsvarUpAtmikA nityaM bhUyo matpremalakShaNA || 3||
na tAM dadAmi karmibhyo na j~nAnibhyaH kadAchana |
nopAsakebhyo nAj~nebhyo nachAnyebhyo mR^igekShaNAH || 4||
manniShThebhyo dadAmyenAM yathA yuShmabhyama~NganAH |
karmANi j~nAnayogAshcha sa.nnyAsAshcha pR^ithagvidhAH || 5||
te matsvarUpaniShThAyAH kalAM nArhanti ShoDashIm |
tasmAt svarUpaniShTho yaH sa sarvebhyo vishiShyate || 6||
karmopAstistathA j~nAnaM vihitAditaratra tu |
matsvarUpaikaniShThasya sarvaM premaikalakShaNam || 7||
ahameva phalaM yeShAM na svargAdi katha~nchana |
svargAdiphalakaM kAmyaM kevalaM hyAdhibhautikam || 8||
AdhyAtmikaM chittashud.hdhyA j~nAnaikaphalakaM priyAH |
kevalaM karma manniShThamAdhidaivikamuttamam || 9||
athAdhibhautikaM j~nAnaM jIvapratyakShasAdhanam |
akSharaM brahma sAkShAttvaheturAdhyAtmikaM smR^itam || 10||
parabrahmAnandapadadAyakaM hyAdhidaivikam |
matsvarUpAnandabhogahetusturyaM taduchyate || 11||
upAsanApi trividhA pUrvavatsamudIritA |
jIvabrahmaparabrahmasAkShAtkAravidhAyinI || 12||
ahameva phalaM yasyAH sA turyA parikIrtitA |
nirguNaM bhAvamApannA sarvato.api vishiShyate || 13||
gopya UchuH |
sarvairapi brahmavidbhistvaM labhyo.asi narottama |
uta kashchidvisheSho.asti tanno brUhi raghUttama || 14||
kechittu vAmadevAdyAH saMlInAstvayi kevalam |
kechitpunarmahAbhAgAstvayA bhogAnnu bhu~njate || 15||
variShTAH ke.abhavan teShAM tava vedasya vA matAH |
etadveditumichChAmastvattaH kamalalochana || 16||
shrIbhagavAnuvAcha |
akSharaM kathyate brahma sarvavedAntagocharam |
puchChabhUtaM pratiShThA se tadgeyaM yogavittamaiH || 17||
mamaiva samprakAsho.asAvudyota iva bhAsvataH |
puruShAkR^iterme deho.asau gR^ihiNyashcha gR^ihaM mama || 18||
bhAsvatashcha prabhA divyA yathAvadavadhAryatAm |
sa eva chinmayo loko yadgatvA na nivartate || 16||
tasya vij~nAnamAtreNa tanmayo jAyate naraH |
tatraivApyeti yatrAsya bhedadR^iShTirnivarttate || 20||
jantormadichChayA chettu bhaktiH samupajAyate |
tadA mayA sarvakAmabhogAn prApnoti matparaH || 21||
anyathA tvakShare dhAmni lInastiShThedakampanaH |
kiM tvasyApi bhavedbhAvi bhakti svarUpayogyatA || 22||
na hyabrahmaj~ne kadApi bhaktiH samupajAyate |
mayi saddhAraNA heturyadAha shrutirUrjitA || 23||
bhaktiM vaidhImupAshritya manniShTho mayi lIyate |
premamAtrasphuradbhAvo bhu~Nkte bhogAn mayA saha || 24||
pramodavanaku~njastho nityalIlAnubhAvakaH |
sakhyavAtsalyadAsyAdimahAbhAvairvibhAvitaH || 25||

iti shrImadAdirAmAyaNe brahma bhushuNDasaMvAde rAmagItAyAM pa~nchachattvAriMsho.adhyAyaH || 45||
25/2026
\section{046\. rAmagItArahasyopAkhyAne ShaTchatvAriMsho.adhyAyaH |}
gopya UchuH |
kiMsvarUpo mato jIvaH sambandho brahmaNA cha kaH |
kIdR^i~NmataM paraM brahma akSharaM vApi kIdR^isham || 1||
shrIbhagavAnuvAcha |
sAvayavo hyasau jIvaH svachaitanyaguNena tu |
sarvaM puramabhivyApya varttate dIpavad gR^ihe || 2||
yogena matprasAdAdvA tatsvarUpaM prakAshate |
nirdhUmAnalasa~NkAshaM nirabhravidhusannibham || 3||
tadA brahmANDakoTInAmAshrayatvamiyAdayam |
aMshyaMshabhAvaH sambandho brahmaNA saha tasya tu || 4||
agninA mahatA yadvadvisphuli~Ngasya kIrtitaH |
nahi j~nAte visphuli~Nge vahnirna j~nAyate mahAn || 5||
premAkhyashchaiva sambandho yena prApnoti mAnavaH |
akriye karmasambandho na ghaTeta kadAchana || 6||
aj~neye j~nAnasambandho na bhavechcha katha~nchana |
premAkhyastu mahAn yogo nityaM mama rasAbhidhaH || 7||
jIvaniShTho.api sa parabrahmaNyeva tu sambhavet |
sa~NkhyApadArthA dvitvAdyAH saMyogashcha yathA priyAH || 8||
vyAsajyaiva tu varttante yathA premApi budhyatAm |
sarvAdhikashcha sudR^iDho viShayebhyaH parA~NmukhaH || 9||
mAhAtmyaj~nAnasaMskAro vinirdhUtarajastamaH |
paramAnandapAthodhiH premA niratishAyitaH || 10||
tenApi jIvaniShThena brahma sambadhyate param |
yenaiva dvArabhUtena nityena tadavApnuyAt || 11||
tatsAdhanamahaM pUrNo nirupAdhiH kR^ipAshrayaH |
kR^ipayAmi paraM yasmai tasmai prema paraM dade || 12||
gopya UchuH |
tvaM sarveShAM samaH preyAn sarveShAM sAdhanaH prabho |
kasmai dadAsi no kasmai vettumichChAmahe tvadaH || 31||
sarveShAM muktireva syAt sarve syuH premabhAginaH |
sAdhAraNyAttava shrIman premadasya priyasya cha || 14||
shrIbhagavAnuvAcha |
anekajanmasaMsiddhakarmaj~nAnAdibhAgine |
dadAmi paramaM prema parituShTo muhuH priyAH || 15||
na sarvasmai dadAmyetat paramAnandalakShaNam |
karmabhishchittasaMshuddho j~nAnena chChinnasaMshayaH || 16||
shravaNAdimuhurbhaktisAdhanaiH sAdhitAkR^itiH |
jano yo mAM prapadyeta j~nAtvA paramapUruSham || 17||
tasmai dadAmi tAM bhaktiM premAkhyAM madupAshrayAm |
tAM labdhvA chAparaM lAbhaM manyate na jagattraye || 18||
shraddhAvAn brahmaniShThashcha parabrahmarasotsukaH |
vItarAgo viShayato matprema labhate naraH || 19||
nityalIlArasAbhij~naH shrutamatpremalakShaNaH |
j~nAta pAramahaMsyashcha matprema labhate naraH || 20||
kvachinnR^ityet kvachidgAyet kvachiddhAveta mattavat |
kvachiddhaset kvachijjalpet kvachitkrIDet kvachidvadet || 21||
matpremamadirAmattastR^iNavanmanyate jagat |
matpremabhAgino dR^iShTvA prahR^iShyet prAptabandhuvat || 22||
ramate taiH samaM nityaM sarvasvairiva bandhubhiH |
bhaktaH paramahaMsaishcha bhrAtarastasya te janAH || 23||
sakhAyaH suhR^idashchaiva priyAshcha hitakAriNaH |
teShAmarthe yatennityaM prANAMstyaktvApi dustyajAn || 24||
te hyasya paralokasya sa~NginaH suhR^ido janAH |
eSha bhAvaH samuddiShTo yenA.asau mAM prapadyate || 25||
teShAmahaM svasvarUpaM darshayiShyAmi vai muhuH |
tatsannidhau sadA sthAsyAmyahamadbhutabhAvavAn || 26||
bhAvito bhAvasandohairbhaviShyAmi cha tadvashe |
svasvarUpaM durlabhamapyebhyo dAsyAmyahaM priyAH || 27||
madviyogabhavaM duHkhaM yathA teShAM nivartante |
tathA vo bodhayiShyAmi vishiShTaM shR^iNuta priyAH || 28||

iti shrImadAdirAmAyaNe brahma bhushuNDasaMvAde rAmagItArahasyopAkhyAnaM nAma ShaTchatvAriMsho.adhyAyaH || 46||
28/2054
\section{047\. rAmagItArahasyopAkhyAne saptachatvAriMsho.adhyAyaH |}
shrIbhagavAnuvAcha |
alAbhe matsvarUpasya madviyogabhavA rujaH |
vineyA matpratikR^itiH samArAdhanatatparaiH || 1||
kA~nchanI rUpyajA tAmrI shailI dArumayI tathA |
madIyA pratimA kAryA yathAruchitavigrahA || 2||
sA~NgopA~NgAM sAyudhAM cha parivAragaNairyutAm |
nityaM paricharedbhaktyA prAntarArabhya sAdhakaH || 3||
pAdyArghyAchamanairbhUyo madhuparkairmanoharaiH |
snAnairvilepanairgandhairdhUpairdIpairvibhUShaNaiH || 4||
vastrAla~NkaraNaiH puShpairgItavAditratoraNaiH |
pAnIyabhojanairbhUri saMvidhAbhiH pramArjanaiH || 5||
nAnopAyanasandohairyathAbhilaShitairapi |
ArArttikaiH puShpavarShaiH stautraishchApi parikramaiH || 6||
namanairnavanairdAsyakaraNairgR^ihadhAvanaiH |
AtmArpaNairnAmagaNairgR^iNanaiH prINanairapi || 7||
nAnAbhAvaparIrambhairnAnA chotsavakalpanaiH |
avandhyaM taddinaM kuryAt kIrtanashravaNAdibhiH || 8||
shR^iNuyAt satataM sakhyo rAmAyaNamananyadhIH |
vedavattadvijAnIyAdyatrAsti charitaM mama || 9||
vAlmIkaM chaiva vAsiShThaM shaivaM pArAsharaM tathA |
bhaushuNDaM pa~nchamaM ShaShThaM kApyaM rAmAyaNaM smR^itam || 10||
anyeShvapi purANeShu yatrApi charitaM mama |
taM taM bhAgamapekSheta visheSheNa madAshrayaH || 11||
rAM rAmAya nama iti mama mantraM ShaDakSharam |
asheShakAmanApAtraM gR^ihNIyAt sadgurormukhAt || 12||
vaidikaistAntrikairvApi prakAraiH parisAdhayet |
tatastu chittasaMshud.hdhyA jAtaH premavighUrNitaH || 13||
bhajenmadavisheSheNa manmUrtiM prAgudAhR^itAm |
sachchidAnandarUpAM tAM bhAvayeta vichakShaNaH || 14||
jAnakyA priyayA yuktaM rAtrau sa~njAtajAgaram |
IShanmadavighUrNAkShaM prabhAte mAM prabodhayet || 15||
ma~NgalArAtrikaM kuryAt siMhAsanagate mayi |
tato mA~NkalyakairbhAvaiH shikye hindolayettarAm || 16||
tatra mAM bhojayed divyaM navanItaM sitopalaiH |
tato.avatArya saugandhyatailena parilepayet || 17||
udvartayet premabhAvAt snApayettadanantaram |
pro~nchChya shR^i~NgArayedbhaktyA nakhAdA shikhamadbhutam || 18||
nUpurau pAdayoH kuryAnmadhye cha kShudraghaNTikAm |
a~Ngadau bAhuyugale nasi muktAphalaM nyaset || 19||
pashchAdbhAge nyasedveNIM tATa~Nkau shravaNadvaye |
pumbhUShaNaiH strIbhUShAbhiH priyaM shR^i~NgArayechcha mAm || 20||
tato mAM bhojayitvA tu kuryAdArAtrikaM sudhIH |
tato gopijanaishchApi bhojyamAnaM vibhAvayet || 21||
tato gochAraNArthAya yuktaM gopAlabAlakaiH |
tAtkAlikarasAviShTaM vane yAntaM vibhAvayet || 22||
tatra shAdvalasandohasthalImukta sugodhanam |
pramodavanaku~njAntarbhu~njAnaM mAM vibhAvayet || 23||
tataH kvApi mahAku~nje priyayA kelisaMyutam |
atyarthaM sukhavishrAntaM shayAnaM mAM vibhAvayet || 24||
tataH praharamAtrAvasheShe tu divaseshvare |
gauDamAlavarAgeNa gAyantaM kalitotsavam || 25||
nayantaM dinasheShaM tu dhenusandoharakShaNaiH |
pItAmbaraM samAndolyAhvayantaM dUragAshcha gAH || 26||
sukhitasya gavendrasya gR^ihAbhimukhataH sthitam |
dhenuyUthaM puraskR^itya varttamAnaM suhR^idgaNaiH || 27||
tatraiva bhojayedbhaktyA yathAsampannabhojanaiH |
gavendravrajagoShThasya sannidhau sadanotsukam || 28||
goShThe vishantaM gopInAM samUhaiH pariveShTitam |
kalitArAtrikaM bhUyo rAmachandraM cha mAM smaret || 29||
AgataM sadane svasya mA~NgalyAkalitotsavam |
lAlyamAnaM chumbyamAnaM sandhyAyAM mAM vibhAvayet || 30||
teShu teShvatha goShTheShu godohanamiSheNa mAm |
milantaM bhavatIbhishcha hasantaM mAM vibhAvayet || 31||
godohasyAvasAne tu mA~NgalyAsadane sthitam |
kurvANaM bhojanaM divyaM sukhitena saha smaret || 32||
bhojanAnte cha mA~NgalyAkalitArAtrikotsavam |
shayAnaM shayane goShThe rAmayA saha mAM smaret || 33||
evaM prabhAtamArabhya rAtriparyantamAdarAt |
taistai bhArvairbhAvayAno bhajenmAM rAjarUpiNam || 34||
gopA gopyashcha no vij~nAH svabhAvenAj~nabuddhayaH |
teShvevAhaM sadA tuShTo na prAj~neShu katha~nchana || 35||
aj~nAH sneharasAkrAntA madarthe tyaktajIvitAH |
vedavAdavidhermuktA mAmevaikaM vijAnate || 36||
evaM pramodavane svAM lIlAM prakaTayan sadA |
viharAmi vane vAsaM karomi prakaTaH svayam || 37||
pramodamaNDalaM divyaM tathA sAketamaNDalam |
maNDale matpriyatame maNimaddharaNItale || 38||
nityA vai paramA lIlA mayaiva prakaTIkR^itA |
tathAmuktamavishrAntaM bhAvayenmAmananyadhIH || 39||
rAtrau cha gopikAvR^indarAsakeli rasAvR^itam |
krIDamAnaM cha nR^ityantaM gAyantaM chaiva mAM smaret || 40||
evaM prabhajato nityaM bhAvasandohabhAvitaH |
vR^ishchAmyahaM virahajAM paramArttimudAradhIH || 41||
svasvarUpasya sAkShAttvamachireNaiva durlabham |
dadAmi tasmai bhaktAya nityalIlApraveshine || 42||

iti shrImadAdirAmAyaNe brahmabhushuNDasaMvAde rAmagItArahasyopAkhyAne saptachatvAriMsho.adhyAyaH || 47||
42/2096
\section{048\. rAmagItAmahopAkhyAne aShTachatvAriMsho.adhyAyaH |}
shrIbhagavAnuvAcha |
kadAchid bhUrivishleShabhAvitAtmAnamAtmanA |
aikyaM sa~nchintayan svasya rashmivR^inde praveshaye || 1||
mada~NgarashmisaMlInAH paramAnandanirvR^itAH |
jarAmR^ityubhayaM tyaktvA viharanti sukhena te || 2||
vAtsalyena bhajante ye tadA virahakAtarAH |
tAnahaM mukhachandrAMshusandoheShu vilApaye || 3||
tatra te bhUrimA~NgalyAkaushalyAbhAvabhAvitAH |
paramAnandasandohamagnAstiShThanti sevakAH || 4||
sakhyena ye bhajante mAM vadantaH snehajAM rujam |
tAnahaM bAhuyugmAMsakiraNeShu vilApaye || 5||
dAsyena tu bhajante mAM yAtA virahajAM rujam |
vilApayAmi tAna~NghrikiraNeShu sunirvR^itAn || 6||
mAdhuryeNa bhajante ye gopIbhAvena bhAvitAH |
vakShaHsthalAMshusandohe tAnevAhaM vilApaye || 7||
ye cha shAntAH sunirviNNAH parAM shAntimupAgatAH |
vilApayAmi tAn raktAn nijAyatanarashmiShu || 8||
vaidikaistAntrikairvApi vidhibhirvItakalmaShAH |
bhajante ye janAste tu lIyante madvibhUtiShu || 9||
karmamArgeNa ye bhaktA bhajante bhUriniShThayA |
te vaidhasaM lokametya muchyante tadvimokShaNe || 10||
j~nAnamArgeNa ye chApi bhajante mAM samAhitAH |
te.akSharaM brahma samprApya mAmeva prApnuvanti hi || 11||
tattaddevopAsakAnAM vAsanAvAsitAtmanAm |
tatra deveShu vilayo bhavediti hi me matiH || 12||
gopya UchuH |
ayamaMshukramo rAma dehena saha kiM bhavet |
kiMvA dehaM parityajya lIyetAtmaiva kevalam || 13||
shrIbhagavAnuvAcha |
dvidhevAMshulayaH sakhyo bhAvabhedena bhAvyatAm |
sadehAnAM bhavedekaH paraH kevalamAtmanAm || 14||
bhAvo dvidhA bhavedeko bhR^i~NgIkoTavadIritaH |
maNisparshAdayaH svarNavadvA tAdAtmyabhAvitAH || 15||
chakShurAdityavachchApi bhAvo.anyaH samudAhR^itaH |
AdyaH sudurlabho loke matkR^ipAtishayaM vinA || 16||
paro.api durlabhaH kintu j~nAninAmapi jAyate |
kITo bhR^i~NgIbhayAttena vapuShA tanmayo bhavet || 17||
ayastenaiva rUpeNa svarNatAM pratipadyate |
chakShustu golakaM tyaktvA sUryatAM pratipadyate || 18||
evaM svenaiva vapuShA madbhakto.abhUnmadAtmakaH |
j~nAnI svaM vapurutsR^ijya sarvathA manmayo bhavet || 19||
etadvaH kathitaM sarvaM mAmapR^ichChan yada~NganAH |
bhayaH shR^iNuta matprApterupAyAntaramuchyate || 20||
aShTottarashataM nAmnAM matpriyAyAH prakIrtayet |
santuShTA tena sahajA mAmeva bhAvayet priyAH || 21||
sahajA jAnakI sItA modinI rAdhikA ramA |
AnandinI parAlolA lalanA lAsyakAriNI || 22||
sIradhvajasutA sAdhvI gAndharvI padmagandhinI |
goparAjasutA gopI gopitA nandanAtmajA || 23||
sukhitotsAhinI saumyA ratnAchalavilAsinI |
pramodavanamadhyasthA ku~njasthA ku~njagehinI || 24||
rAghavendrapriyA rAmA lolupA jArasa~NginI |
ratnAchaladarIsthAnA bhAvinI bhAvabhUShitA || 25||
rAmapriyA rAmaratA rAmakAmyA kR^ipAvalI |
kishorI kandukakrIDA chitrakUTakR^itAlayA || 26||
rAsakelIratiH snigdhA mandAravanavAsinI |
ashokavanagAvallI hR^illAsakavidhAyinI || 27||
gopavaMshadhvajapaTI raghuvaMshavilAsinI |
vinodinI chiravadhUrvAvadUkA varA~NganA || 28||
akShakrIDAhR^itajayA jayadA jayavardhinI |
uchchaiHsvararatA vINA divyagAnamanoharA || 29||
devIjana kR^itastotrA stutA sAmagasevitA |
sAvitrI shevadhiH sevyA bhaktiH premasvarUpiNI || 30||
premadA premaghUrNAkShI lAvaNyavanavATikA |
sAketapuralakShmIshcha mahAmaNDapamadhyagA || 31||
khaNDitA vipralabdhA cha svAdhInapatikA priyA |
kalahAntaritA chaiva tathA vAsakasajjikA || 32||
abhisArI proShitoktA rAghavI chAShTanAyakA |
sudatI sumukhI subhrUH sunAsA sukapolinI || 33||
dUtI dUtIjanaprItA raktAmbaradharAlinI |
lolAkShI lAsyalalitA vane yauvanashAlinI || 34||
sudhAvarShA sudhAdhArA sudhAkaramukhI sudhA |
garviNI durjayA durgA sapatnIgarvahAritA || 35||
komalAlApinI kAmyA kumArI rAmavallabhA |
ityetatkathitaM sItA nAmnAmaShTottaraM shatam || 36||
sAyaM prAtaH kIrtayedyo rAmastasmai prasIdati |
svaM lokaM darshayitvA sA pradadyAdrAmasannidhim || 37||
yadyat kAmayate chitte tattat phalamavApnuyAt |
bhAvayet satataM devIM ratnasiMhAsanasthitAm || 38||
ramaNIrAmaNIbhyAM tu sakhIbhyAM paripArshvayoH |
divyachAmarayugmena vIjyamAnAM manasvinIm || 39||
ashokalatikAdivyamaNDapAntarachAriNIm |
suvarNasaMshobhishIrShaM raktAmbaravarAkR^itAm || 40||
kvachinnilIya ku~njAntardR^iShTaM (ShTAM ?)sapulakaM (kAM ?)mayA |
IShachChaishavatAruNyakelIbhiH parishAlitAm || 41||
sahajAM nandinIM divyAM rAghavendrapriyAM cha tAm |
vividhairbhAvanivahairbhAvitAtmAtibhaktimAn || 42||
sarayvA apare pAre nandano nAma dhenupaH |
tatpriyA rAjanInAma tasyAM jAtA nu jAnakI || 43||
sahajA nAma sA proktA kushalena vivAhitA |
gopena mama bhaktena sA mahyaM viniveditA || 44||
pramodavanavIthIShu mayaiva ramitA muhuH |
divyaveNuravAhUtA divyAshokavanAshrayA || 45||
tasyAM kuryAt sadA bhaktiM nityaM matprema chArthayet |
he devi sahaje nitye gopike nandanAtmaje || 46||
rAme yathA tava prema tathA mahyaM pradehi bhoH |
yathA tvayi rataH svAmI tathA mapyapi chAstu saH || 47||
ityevaM prArthitA devI dadAtyeva ratiM parAm |
yathA tuShTo rAghavo.ahaM hR^idi sadyaH prakAshaye || 48||
ayameva mahopAyo madvashIkaraNe priyAH |
nAnya IdR^igvidhaH kashchidupAyo.asti madAptikR^it || 49||
tAM sevamAnAya sadAhamevaM sadyaH prasIdAmi surairalabhyaH |
svAtmAnamapyamumevArpayitvA svAM nityalIlAM pradadAmi nityam || 50||

iti shrImadAdirAmAyaNe brahmabhushuNDasaMvAde rAmagItAmahopAkhyAne aShTachatvAriMsho.adhyAyaH || 48||
50/2146
\section{049\. rAmayAtrAyAM rAmagItAmahopAkhyAne ekonapa~nchAshattamo.adhyAyaH |}
gopya UchuH |
keShu keShu cha bhAveShu bhAvyo.asi tvaM raghUdvaha |
kena kena svarUpeNa sthito.asi cha nijechChayA || 1||
tvameva sAkShAtpuruShottamo.asi vishvaM samuddhartumuruprayatnaH |
jAto.asi sadvR^ittakakutsthavaMshe j~nAto.adhunAtvatkR^itayA divyadR^iShTyA || 2||
vibhAvyaM yatra yatrAsti tvatsvarUpaM sukhAvaham |
tattanna AchakShva pate bodhanAya nijAkR^iteH || 3||
shrIrAma uvAcha |
antara~Nga svarUpaM me bahira~Nga tathaiva cha |
aprAkR^itaM hyantara~NgaM prAkR^itaM bahira~Ngakam || 4||
madvapushchaiva malloko nityaH parikaro mama |
madguNA mama kAryANi madrUpAshchAyudhAdayaH || 5||
madgR^ihaM mama pIThaM cha machChatraM chAmaraM mama |
chidAnandamayaM sarvaM madAtmakamidaM smaret || 6||
prAkR^iteShvapi chArtheShu yat sadrUpaM mamaiva tat |
bhUtAnAM chaiva sarveShAmadhidevo.asmi sarvagaH || 7||
sR^iShTisthityantakR^ichchAsmi jagatAM pApadAhakaH |
karmaNAM phalarUpo.asmi loke sadasadAtmanAm || 8||
avyAkR^itaguNAnAmasmyahamavyAkR^itaH svarAT |
dharmiNAM triShu lokeShu svAbhAvikaguNo.asmyaham || 9||
kAryANAM sUtrarUpo.asmi jIvo.aNUnAM sanAtanaH |
vedAnAM brahmarUpo.asmi bIjAnAM trivR^idasmyaham || 10||
tripadA ChandasAmasmi surANAM surarADaham |
vasUnAmagninAmAsmi viShNushchApi vivasvatAm || 11||
nIlalohitanAmAsmi rudrANAM pi~NgalochanaH |
brahmarShINAM bhR^igushchAsmi rAjarShINAM manustathA || 12||
devarShINAM nArado.asmi kAmadhenushcha goShvaham |
prahlAdashchAsmi daityAnAM somashchauShadhivIrudhAm || 13||
sheSho bhuja~NgarAjAnAM pAthasAM varuNAlayaH |
pratApinAM dinakaro janAnAM cha janAdhipaH || 14||
j~nAninAM vAkpatishchAsmi samudraH saritAmaham |
kesarI daMShTriNAsmi hayAnAM cha vR^ihachChravA || 15||
varNAnAmasmi vipro.ahaM sa.nnyAsashchAshramasthitau |
tIrthAnAM koTitIrtho.asmi ghargharasarayUsa~NgamaH || 16||
vIrANAmastravidyAsmi shambhushchApyastriNAmaham |
sthAnAnAM merurUpo.asmi girINAM cha himAchalaH || 17||
yaj~nAnAM j~nAnayaj~no.asmi j~nAninAM j~nAnamasmyaham |
dhyAnAnAM dhAraNA chAsmi somapIthashcha karmiNAm || 18||
ahiMsAsmi cha dharmANAmashvatthashchAsmi bhUruhAm |
annAnAM pAyasashchAsmi pavitrANAmahaM kushaH || 19||
yogAnAM bhaktiyogo.asmi shatarUpAsmi yoShitAm |
bhAShANAM shemuShI chAsmi buddhInAM chApyabhedadR^ik || 20||
upAMshushchAsmi guhyAnAM yugAnAM kR^itamasmyaham |
saMvatsaro pramAdAnA mR^itUnAmasmyahaM madhuH || 21||
abhijichchAsmi tArANAM mAsAnAmAgrahAyaNaH |
vedavyAkhyAnakartR^INAM kR^iShNadvaipAyano.asmyaham || 22||
vivekinAmahaM shukro bhArgavANAM shrIdharo.asmyaham |
kR^iShNashchApyavatArANAM vaiShNaveShu cha nAradaH || 23||
pUrNAnAM rAmachandro.asmi vaMshAnAM cha raghoH kulam |
rAjIvashchAsmi puShpANAM haviHShvAjyamahaM punaH || 24||
dravyANAM sampadashchAsmi maNInAmasmi kaustubhaH |
indranIlashcha ratnAnAM vIrANAM vajjramasmyaham || 25||
dyUtAnAM ChalarUpo.asmi tyAgo vairAgyasharmaNAm |
UrjasvalAnAmojo.asmi li~NgaM mUrtimatAmaham || 26||
ambUnAM rasarUpo.asmi shabdAnAmasmyahaM cha gAH |
dharmiShThAnAM valirahaM vIrANAmasmi kArtikaH || 27||
indriyANAM manashchAsmi prANinAmasmi chetanA |
bhUtAnAM nabha evAsmi kartR^INAM prakR^itiH parA || 28||
yoginAM kapilashchAsmi sAMshinAM jAnakIpatiH |
jambudvIpo.asmi dvIpAnAM purINAM koshalAsmyaham || 29||
naro nArAyaNashchAsmi puNyasetustapasvinAm |
ayaM me bahira~NgAtmA vibhUtInAM pravistaraH || 30||
AbrahmabhuvanavyAptakAryo vA~NmanasAkR^itiH |
j~nAnavairAgyadharmaishcha tadviruddhaM cha madvapuH || 31||
na yatra vA~N naiva manaH pravR^itti
rna yatra sAkShI na cha sAkShibhAsyaham |
nityashchidAnandamayashcha lokaH
sa me sargaH shAshvatashchAntara~NgaH || 32||
yatrAsti sAketapurI sudhanyA
puNyA nadI sarayUruttara~NgA |
shrIratnAdrirgoparAjasya goShThaM
pramodakAntArabhuvaH supeshalAH || 33||
yatrApyashokalatikAvanaku~njavIthI
ramyA kuTI rame yatra rAmaH kishoraH |
so.ahaM priyA dasharathasya sutaH supUrNa
svAnandasindhurasakR^idbhavatIshcha nandan || 34||
so.ahaM sarvagatashchAsmi puruShashchAkSharaH paraH |
kadAchinnaiva lIlA me prAkR^itatvAya kalpate || 35||
na nAshAya na dR^iShTyai cha na vikR^ityai chidAkR^itIH |
eSha me shAshvato dharmo ramaNaM shaktibhiH saha || 36||
svAnandarasarUpAbhiH pUrNAbhiH pUrNashaktibhiH |
eShA me sahajA lakShmIH sarvalIlAdhidevatA || 37||
mAM bhUShayati sa~NgachChatyunmArjayati rAti cha |
tathaiva nirmito lokaH svashaktyA matsvarUpayA || 38||
tayAhaM nityasaMyukto ramAmi kushalairguNaiH |
tadaMshAH sakalA yUyaM nityaM sannihitA mayi || 39||
na kadAchidviyogArhAH svarUpaM pashyata priyAH |
yUyaM chidAnandamayAH sanAtanAH
sa shaktibhirnirjitabhUrbhuvaH svaH |
pashyantu divyena dR^ishodayena
na labdhadhvaM kleshaleshaM kadApi || 40||
mAM sevayan yo bhavatIrupAsate
madbhaktirUpAH sahajAbhAvarUpAH |
tenApi vishleShamahaM na kurve
kathaM sa tAvadbhavatInAM kariShye || 41||
dAsyAmi vo divyadR^iShTiM priyANAM
yayA yuktA drakShatha svaM svarUpam |
sachchidrUpaM sachchidAnandarUpe
mayi brahmaNyAdideve tu pratiShTham || 42||
ityuktvA shrIpatistAbhyo divyaM chakShuradAt prabhuH |
tatastA dadR^ishuH kR^itsnaM rUpaM svaM vishvato hariH || 43||
yatrAsti dhAma vipulaM maNijuShTahema
prAkAragopuragR^ihApaNasaudhagandham |
ArAmapuShpitalatAtarusaurabhADhyaM
gu~njadvirephamadarAvapikIsamUham || 44||
yatrAvasanti puruShAH shatapatranetrAH
shyAmAvadAtavapuShaH supisha~NgavastrAH |
sarve chaturbhujavirAjitasha~Nkhachakra
kaumodakIkamalashAr~NgadharAH saveShAH || 45||
mAyA na yatra guNakarmakalAvilAsA
yadvAsino haritanornitarAmabhinnAH |
shrImadramAramaNajuShTatulasyamogha
saurabhyasa~NgrahasamudbhavabhUrimattAH || 46||
yatrA~NgaNaM vividharatnavinirmitaM yan
mandAramUlamaNibhR^it kramikAlavAlam |
divyA~NganAgativimohita rAjahaMsa
pepIyamAnaparipUrNasudhAvasekam || 47||
chAmpeyakundavakulotpalanAgatAla
hintAlakesarakadambatamAlajuShTaiH |
yatrAdbhutairupavanaiH kamalekShaNAnAM
cheto na yAti vikR^itiM bhagavatparANAm || 48||
yasmin ramAramaNasaudhamahArhatu~Nga
dvArobhayasthalaniShaNNasuvetrahastau |
divyau jayashcha vijayashcha sureshvarAdIn
kAle praveshayati (taH ?)dUranamatkirITAn || 49||
yasmin vibhAti vipulAshcha vimAnakoTyo
vaidUryaratnakanakottamanirmitA~NgAH |
tatra sthitA harimayAH puruShAH sphuranti
rAmaikalInamanaso.adbhutakelimantrAH || 50||
yatra prayAnti vidhibhirvipulairyajanto
ye vA vichitraviShayodbhavasaukhyamattAH |
yatkoTishAstravachanairvinirUpitaM kiM
tvadyApi vA~NmanasagocharatAM na yAtam || 51||
tatrAsthitAH svarUpaM me pratyekaM dadR^ishuH svayam |
shrIrAma (ramA?)ramaNasyAntaM nArAyaNavarA~Ngakam || 52||
nArAyaNaH sattvanidhiH satAmpatiH
sahasranAmA shrutivAgagocharaH |
trayImayaH sheShamaye shayAno
bhuja~Ngatalpe chiddhano brahmapUrNaH || 53||
tasyA~NkasaMsthaM dadR^ishuH svarUpaM
sa chApi rAmaH sahajAstAH svayaM cha |
niHshokanirvyAkulapUrNarUpaH
sachchitsukhAmbhonidhisadmamagnAH || 54||
evaM tAshchinmaye loke rAmeNa shrIchidAtmanA |
sAkaM bhogAMshcha bhu~njAnAH sahajArUpamabhyayuH || 55||
svapnavattadavasthAtaH samutthAya vichitritAH |
dadR^ishuH svapure rAmaM svAtmAnaM tatpurogatam || 56||
tAmavasthAM saMsmarantyaH shrIrAmamahiShIpadam |
sadyashcha militAH sarvA idamUchuH suvismitAH || 57||
aho ayaM kAnta kimetadantarA
chakShmahi brahma sukhAtigaM yat |
sukhaM paraM vItavishvapravAhaM
rajastamaHsattvaguNAtigaM cha || 58||
aho lokasya mAdhuryaM aho vipulatApi cha |
aho prAsAdasaudhAdirachanAshrayabhUH parA || 59||
aho Isha tavAmuShya prabhAvaH shyAmasundara |
aho vayaM dhanyatamA mahiShyastvanmahA~NkagAH || 60||
sarvAshcha sahajArUpAH sachchidAnandavigrahAH |
na kutashchit kvApi chonAH sAmrAjyapadavIjuShaH || 61||
tadeva darshayAsmAkaM svaM dhAma prakR^iteH param |
na yatra tava vishleSho kShaNamapyasti rAghava || 62||
shrIrAma uvAcha |
sa evaiSha mahAlokashchilloko.ayaM prapashyatha |
yatra pramodavanabhUshcheto modayate bhR^isham || 63||
tato.asya naiva bhedo.asti gopavadhvo manAgapi |
punaH pashyata saddR^iShTyA lokadR^iShTiM vyapohya cha || 64||
matsvarUpamidaM sarvaM koTibrahmANDamUrdhagam |
mamAMshaishcha kalAbhishcha bahurUpeNa santatam || 65||
tatra tatra bhavatyo.api mahiShIpadamAgatAH |
yatra yatrAsmi shrIrAmo mama dhAma chidAtmakam || 66||
sarvAH sammilitA yUyaM pramodavipine mayA |
sarve.apyaMshA mama punarihaiva mayi sa~NgatAH || 67||
ityevaM bhAvayitvA svaM rUpaM sadasataH param |
mayA nityaM susambaddhaM naiva shochitumarhatha || 68||
vaikuNThe chinmaye loke shvetadvIpe manohare |
sUryamaNDalamadhye cha bhruvorantashcha yoginAm || 69||
vyApivaikuNThamadhye cha yUyaM sarvatra sa~NgatAH |
bhavatIbhirvinA kvApi nAhaM tiShThAmi nirvR^itAH || 70||
aMsharUpA kalArUpA yuShmAkaM sakalAH shriyaH |
sarvAsAmaMshinI shrINAM sahajA sahajAkR^itiH || 71||
evaM vij~nAya chAtmAnaM svarUpaM cha vrajA~NganAH |
ramadhvaM mayakA sAkaM paramAnandanirvR^itAH || 72||
avatArArthametaM nu kariShyAmi dhR^itavratAH |
na tatra shochituM yogyA bhavatyaH prakR^iteH paraH || 73||
etadvo darshitaM rUpaM mohavyapagamAya cha |
vishleShArttibhavAyAsavyavachChedAya cha priyAH || 74||

iti shrImadAdirAmAyaNe brahmabhushuNDasaMvAde rAmayAtrAyAM rAmagItAmahopAkhyAne ekonapa~nchAshattamo.adhyAyaH || 49||
74/2220
\section{050\. rAmayAtrAyAM rAmagItAmahopAkhyAnaM nAma pa~nchAshattamo.adhyAyaH |}
shrIbhagavAnuvAcha |
punashcha vo divyadR^ishaM dadAmi vrajayoShitaH |
tena drakShyatha madrUpamihaiva prakR^iteH param || 1||
ityuktvA darshayAmAsa svaM rUpaM rAmachandramAH |
koTibrahmANDasaMsthAnAmAshramaM divyavigraham || 2||
sahasramUrddhAnanakarNachakShu
rnAsauShThagaNDAdikapANipAdam |
sahasrarochiH prakaraprakAsha
pratyastadigbhUminabhastamishram || 3||
sahasradivyAbharaNaprakAshaM
sahasradivyAyudhatejasAM nidhim |
sahasrabAhUdaranAbhivakShaH
sahastradivyaM maNikuNDalashriyam || 4||
yatrAshvinau vasavashchaiva sAdhyA
vishvedevAH sUryagaNAshchaiva rudrAH |
ekonapa~nchAshadapi prabha~njanA
shchaturddashendrA lokapAlAshcha sarve || 5||
gandharvavidyAdharasiddhakinnarA
nAgA nagAshchaiva nadAshcha nadyaH |
samudra ApaH pradisho disho bhU
rdvIpAH puragrAmavanAdrisa~NghAH || 6||
ekaikasmin romNi rAmasya koTi
brahmANDasaMsthAM dadR^ishurgopavadhvaH |
jambUdvIpaM tatra sAketasaMsthAM
pramodakAntAramathAtra rAmam || 7||
tatsannidhau svasvarUpaM cha gopyo
nityollasadrAmavilAsapuShTam |
dR^iShTvA vichitrAshcha vichetasastAH
santuShTuvuH prA~njalayo gR^iNantyaH || 8||
gopya UchuH |
satyaM tvamUche.ahamanAdiravyayaH
prakAshamAnaH puruShaH purANaH |
tvaddarshanAt sAdhu samyak pratItaM
parAvarANAM paramastvaM maheshaH || 9||
tvAmeva gAyanti samasta vedA
stvAmeva pashyanti suyogadR^iShTyA |
tvAmeva bhAvanta ime prapannAH
kAlatrAsAt pAhi pAhIti rAma || 10||
tvamAdisR^iShTau bhagavAn vira~nchi
rbhUtvA trayImadhyagIShTAH svabhAsA |
tvameva vishvasya nidhAnamuttamaM
tvameva vIjaM sthiraja~NgamAnAm || 11||
amI lokA lokapAlAshcha sarve
tvayyeva sUtre maNivatsamprayuktA |
tvaM kAlashaktyA nijayA vishvametat
sR^ijasyavasyatsi cha bhUrivIrya || 12||
na cha tvadIyaM mahimAnamete
jAnanti lokAstvayi nityapratiShThAH |
aho anantasya tavedR^ishaM paraM
maruttvamujjAsitavA~NmanaH padam || 13||
na te vIryaM vettumamI samarthAH
sabrahmalokAshcha salokapAlA |
svAnugraheNaiva vedyo.asi ki~nchi
nnamostu te brahmaNe.asmai parasmai || 14||
dR^iShTvA tavedaM vapurugravIryaM
svala~NkR^itaM bhUri viShvaprakAsham |
koTIndusUryAnalabimbanetraM
vitrastachittAH sma vayaM striyaH prabho || 15||
grAmyasvabhAvAH kva vayaM vrajasthA
kva te rUpaM durvitarkyaM surANAm |
jvAlAsahasraprakarairdurnirIkShyaM
tadevAsmAn darshaya svasvarUpam || 16||
asmin svarUpe tava rAmachandra
svAtmAnamapyevamudIkShayAmaH |
tvAM chaiva sAketapurIsamIpa
pramodakAntAraniku~njasaMstham || 17||
tathApi no hR^idayaM vepate.adya
dR^iShTvedamugraM tava nAmarUpam |
kAlo.asi vA kAlakAlo.asi vA tvaM
rudro.asi vA ko.api kAlAgnirudraH || 18||
idaM rUpaM draShTumarhA vayaM naH
svatejasA vyAptadigambarAvani |
tadeva no darshaya rUpamAdhihan
kandarpakoTidyutihAri hR^idyam || 19||
namostu tubhyaM puruShAya shAshvate
pUrNAtmane kAruNikAya vedhase |
svarUpashaktyA sakalaM cha bibhrate
parAvarANAM paramAya rAghava || 20||
pramodavanamadhyasthaku~njAntaravilAsine |
nityalIlAbhyupetAya rAmachandrAya te namaH || 21||
sAketanagaropAnte ashokavanavAsine |
sahajAshaktiyuktAya raghuvaryAya te namaH || 22||
namo muktAvibhUShAya namoratnAvataMsine |
naTAya divyaveshAya rAghavAya cha te namaH || 23||
ka~njaki~njalkavastrAya nIlasundarakAntaye |
aravindanibhekShAya namo nR^ipatisUnave || 24||
yadR^iShTametadbhavataH svarUpaM
sahastramArtaNDakarAlarochiH |
AdyastadevAdya vareNya nAtha
svavigrahaM darshaya dordvayena || 25||
nArAyaNastavaivAMshaH sahajAMshastathA ramA |
sa tvaM rAma varaH sAkShAdvayaM chApi ramAtmikAH || 26||
tathApyanenaiva sukhagraheNa
sadAtvamasmAn ramayAdhihantaH |
kiM vA viyogAnalabibhyatIrnaH
praveshaya svAMshasamUha eva || 27||
yatra pramodavanama~njalamAdhurIyaM
yatrottara~NgasarayUpulinadvayashrIH |
yatrApyashokavanamadbhutavallijuShTaM
deshaH sa eva hR^idi naH satataM chakAstu || 28||
shrIrAmachandra varadeshvara nityalIla
shrIman prabho kalaya naH karuNArdradR^iShTyA |
yena tvada~NghrisarasIruhasaurabhAnta
rbhR^i~NgIvadunmadahR^idaH satataM vasAmaH || 29||
ityAbhAShyAkhilA gopyaH premavihvalitAshayAH |
nipetushcharaNAmbhoje svAtmArpaNadhiyA prabhoH || 30||
shrIrAma uvAcha |
aho dhanyatamA yUyamahaM yAbhirvashIkR^itaH |
mallIlAmAdhurIM nityaM pashyantyaH sukhamAsatAm || 31||
yuShmAkaM mohanAshAya svarUpaM darshitaM mayA |
mAbhUdvaHkleshanAsho.api sa~NgatAnAM mayi priyAH || 32||
madIyA kAlashaktishcha naiva spR^ikShyati vaH priyAH |
kAlamAyAtige loke sukhamedhadhvama~NganAH || 33||
nityaH sa~Ngo bhavatIbhirmamAyaM
chandrasyevAnishaM chandrikAbhiH |
itthaM j~nAtvA nAnutapyadhvamanta
rdR^iShTvApyanyaM me.avatArasya kAryam || 34||
atra nityasthitashchAhaM svAMshena nR^ipatergR^ihe |
avatIrya kariShyAmi dharmarakShAM sanAtanIm || 35||
daityAMshchaiva haniShyAmi rAvaNAdIn suradruhaH |
jAnakImudvahiShyAmi sahajAMshatvadhAriNIm || 36||
bhaktAn samuddhariShyAmi pashupakShyantya jAnapi |
dharmaM saMsthApayiShyAmi toShayiShyAmi nirjarAn || 37||
raghuvaMshaM kariShyAmi yashobhiH surabhirmuhuH |
sAdhUMshcha mAnayiShyAmi mAnyAn devadvijAdikAn || 38||
kariShyAmi mahAyaj~nAnashvamedhAdikAnaham |
lIlAH santAnayiShyAmi kriyAshaktyA svakIyayA || 39||
kR^itvAvatArakAryANi bahUni vipulAni cha |
pramodavanameShyAmi bhavatIsaukhyahetave || 40||
tAvadyUyaM mayA sAkaM pramodavanavIthiShu |
aMshurUpaM samAsAdya madabhedena raMsyatha || 41||
atrasto.apyahamIshAnashApapAlanakAmyayA |
antarhito bhaviShyAmi madaMshUn yUyameShyatha || 42||
yadA sumahatI pIDA dehe vAdhiShyate cha vaH |
tadA yUyaM viyogena mattAdAtmyamavApsyatha || 43||
ityetat kathitaM gopyo rahasyaM mama yat sthitam |
bhUyaH kimichChatha shrotuM tadvo gopyatamaM bruve || 44||

iti shrImadAdirAmAyaNe brahmabhushuNDasaMvAde rAmayAtrAyAM rAmagItAmahopAkhyAnaM nAma pa~nchAshattamo.adhyAyaH || 50||
44/2264

##
Encoded and proofread by Vishal Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}