% Text title            : BrahmakritaM Ramamahatmyavarnanam
% File name             : brahmakRitaMrAmamAhAtmyavarNanam.itx
% Category              : raama, mAhAtmya
% Location              : doc\_raama
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : bhushuNDirAmAyaNam | pUrvakhaNDa | adhyAya 87/1-36||
% Latest update         : August 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramamahatmyavarnana by Brahma ..}##
\itxtitle{.. brahmakR^itaM shrIrAmamAhAtmyavarNanam ..}##\endtitles ##
brahmovAcha |
atha rAmasya mAhAtmyaM kIrtayAmi khageshvara |
shR^iNu tvaM sAvadhAnena manasA rAmasevaka || 1||
kadAchid bhagavAn sheSho rAmamArAddhamIshvaram |
sAkete samagAttatra prApashyadbhAnti tejasA || 2||
siMhAsanAni bhUroNi ratnahemamayAni cha |
sve sve dhiShNye.adhiShThitAni prajvalantIva varchasA || 3||
pUrvasiMhAsane.apashyad devaM vArAharUpiNam |
daMShTrAkoTyuddhR^itadharaM stUyamAnaM surarShibhiH || 4||
vedaishcha mUrtisaMyuktastrayIrUpaM makhAtmakam |
bhagavantaM yaj~narUpaM bhinnA~njanavanaprabham || 5||
tadvAme dharaNIM devIM stuvantIM chArulochanAm |
prasannavadanAM kAntAM bhuvaM trailokyadhAriNIm || 6||
dakShasiMhAsanodIrNahiraNyakashipUdaram |
bhagavantaM nArasihaM prApashyallolajihvakam || 7||
prahlAdena stUyamAnaM bhaktarAjena dhImatA |
vAme kamalayA yuktaM jvaladvajjranakhaprabham || 8||
koTirAkAvidhuprakhyaM kanakA~NgavirAjitam |
stuvadbhirnigamairdevairgandharvaiH samupAsitam || 9||
siMhAsane pashchime tu vAmanaM kharvamAtrakam |
bhagavantaM dyotamAnaM yaj~nasUtradharaM vibhum || 10||
aditiM mAtaraM pArshrve kashyapaM cha prajApatim |
etAbhyAM stUyamAnaM taM devakAryahitaiShiNam || 11||
siMhAsane chottarage matsyanAthaM chaturbhujam |
bhagavantaM vidhusvachChaM prApashyannigamaiH stutam || 12||
pUrvottaradisho koNe kUrmadevasya shAr~NgiNaH |
sihAsanaM paryapashyajjaladhiM cha savistaram || 13||
pUrvadakShiNayormadhye buddharUpaM janArdanam |
paryapashyaddevadevaM siMhAsanavarasthitam || 14||
yaj~najantukR^ipAvesha gR^ihItAvataraM vibhum |
pradyotamAnaM mahasA bhagavantamadhokShajam || 15||
dakShapashchimayormadhye rAmaM kShatrakulAntakam |
paryyapashyajjAmadagnyaM hemasiMhAsanasthitam || 16||
bhagavantaM parshuhastaM jvalantaM brahmavarchasA |
daNDakuNDikayA yuktaM yaj~nasUtravibhUShitam || 17||
pashchimottarayormadhye kalkinaM kamalApatim |
nIlAshvagaM paryapashyadratnasiMhAsanopari || 18||
madhyasiMhAsane kAnte koTisUryAgnivarchasam |
raghunAthaM paryapashyaddevaM janakajApatim || 19||
smayantamaravindAkShaM vAme svapriyayAnvitam |
koTisUryanakhadyotaM shR^i~NgArarasasAgaram || 20||
rUpasArasudhaughArdra sAkShAt kandarpasundaram |
parArddharatisaundaryA tadvAme tasya sundarIm || 21||
taddakShe hayamUrdhAnaM bhagavantaM trayImayam |
pUrNabrahmamayAkAraM sachchidAnandavigraham || 22||
chinmudrApustakadharaM mAlAsha~NkhavibhUShitam |
chandramaNDalamadhyasthaM svarNasiMhAsanopari || 23||
rAmasya vAmapArshve tu siMhAsanavarasthitam |
shrIkR^iShNaM gopikAkAntaM rAdhikApreyasIyutam || 24||
vR^indAvanasthitaM devaM nIlatoyadasundaram |
rukmiNIsatyabhAmAdimahiShIgaNasevitam || 25||
apashyadratnakhachitasvarNAla~NkArabhUShitam |
mayUrapakShamukuTaM gu~njAhAravibhUShitam || 25||
muralIbhUShitakaraM tribha~NgalalitAkR^itim |
snigdhashyAmalavyAlambilolAlakayutAnanam || 26||
pItakausheyavasanaM vanamAlAvibhUShitam |
sunasaM\rdq{} sudR^ishaM chAru mandahAsaprabhAdharam || 27||
kR^iShNasya dakShiNe pArshrve rauhiNeyaM balottaram |
halinaM mushalenADhyaM bhagavantaM trayIstutam || 28||
nandaM chaiva yashodAM cha rohiNIM gopikAstathA |
apashyadvismitaH sheShaH siMhAsanakadambake || 29||
anyAMshchaiva tu rAmasya avatArAn sahastrashaH |
aMsharUpAn kalArUpAn sAkShAdAveshinastathA || 30||
sarvAn shrIrAmavadane dattadR^iShTIn gatasmayAn |
vashaMvadAnivAj~nAyAH svatantrAnapi cheshvarAn || 31||
achintayat tadAsheShaH saMshayAkulamAnasaH |
aho eShAM bhagavatAmIshvarANAM svavarchasAm || 32||
kataraM cha prathamato vandeyaM samavarchasAm\rdq{} |
yAmye samprati sarveShAM kamahaM saMstuyAM purA || 33||
iti sandehamApanne sheShe vaiShNavasattame |
rAma eva vyalIyanta sarve dasharathAtmaje || 34||
ye.anye rAmasya parito vyarAjanta mahaujasaH |
aMsharUpAH kalArUpAH vibhUtyAveshinastathA || 35||
rAma eva layaM jagmuste sarve tasya pashyataH |
tataH sa vismito bhUtvA rAmaM tuShTAva bhUrishaH || 36||

iti shrImadAdirAmAyaNe brahmabhushuNDasaMvAde shrIrAmamAhAtmye
saptAshItitamo.adhyAyaH || 87||

bhushuNDirAmAyaNam | pUrvakhaNDa | adhyAya 87/1\-36||
##
bhushuNDirAmAyaNam . pUrvakhaNDa . adhyAya 87/1-36..

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}