% Text title            : raamarakShA combined in the Ananda Ramayana
% File name             : completerraksha.itx
% Category              : raksha, raama, stotra, budhakauShika
% Location              : doc\_raama
% Author                : budhakauShika
% Transliterated by     : Rajagopal Iyer 
% Proofread by          : Rajagopal Iyer, PSA Easwaran
% Source                : AnandarAmAyaNe janmakANDe pa.nchamaH sargaH
% Latest update         : December 4, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. rAmarakShA from Ananda Ramayana pa~nchamaH sargaH evaM rAmarakShA ..}##
\itxtitle{.. rAmarakShA AnandarAmAyaNAntargatA ..}##\endtitles ##
shrI shatakoTi rAmacharitAntargata shrImadAnandarAmAyaNe
pa~nchamaH sargaH prArambhaH |
viShNudAsa uvAcha \-
shrIrAmarakShayA proktaM kushAyahyabhimantraNam |
kR^itaM tenaiva muninA guro tAM me prakAshaya || 1||
rAmarakShAM varAM puNyAM bAlAnAM shAntikAriNIm |
iti shiShyavachaH shrutvA rAmadAso.abravIdvachaH || 2||
shrIrAmadAsa uvAcha \-
samyak pR^iShTaM tvayA shiShya rAmarakShA.adhunochyate |
yA proktA shambhunA pUrvaM skandArthe girijAM prati || 3||
shrIshiva uvAcha \-
devyadya skandaputrAya rAmarakShAbhimantraNam |
kuru tArakaghAtAya samartho.ayaM bhaviShyati || 4||
ityuktvA kathayAmAsa rAmarakShAM shivaH striyai |
namaskR^itya rAmachandraM shuchirbhUtvA jitendriyaH || 5||
atha dhyAnam |
vAme kodaNDadaNDaM nijakarakamale dakShiNe bANamekaM
pashchAdbhAge cha nityaM dadhatamabhimataM sAsitUNIrabhAram |
vAme.avAme vasadbhayAM saha militatanuM jAnakIlakShmaNAbhyAM
shyAmaM rAmaM bhaje.ahaM praNatajanamanaHkhedavichChedadakSham || 6||
OM asya shrIrAmarakShAstotramantrasya budhakaushikaR^iShiH |
shrIrAmachandro devatA rAma iti bIjam |
anuShTup ChandaH | shrIrAmaprItyarthe jape viniyogaH ||
           || OM ||
charitaM raghunAthasya shatakoTipravistaram |
ekaikamakSharaM puMsAM mahApAtakanAshanam || 7||
dhyAtvA nIlotpalashyAmaM rAmaM rAjIvalochanam |
jAnakIlakShmaNopetaM jaTAmukuTamaNDitam || 8||
sAsitUNadhanurbANapANiM nakta~ncharAntakam |
svalIlayA jagattrAtumAvirbhUtamajaM vibhum || 9||
rAmarakShAM paThetprAj~naH pApaghnIM sarvakAmadAm |
shiro me rAghavaH pAtu bhAlaM dasharathAtmajaH || 10||
kausalyeyo dR^ishau pAtu vishvAmitrapriyaH shrutI |
ghrANaM pAtu makhatrAtA mukhaM saumitrivatsalaH || 11||
jihvAM vidyAnidhiH pAtu kaNThaM bharatavanditaH |
skandhau divyAyudhaH pAtu bhujau bhagneshakArmukaH || 12||
karau sItApatiH pAtu hR^idayaM jAmadagnyajit |
pArshve raghuvaraH pAtu kukShI ikShvAkunandanaH || 13 ||
madhyaM pAtu kharadhvaMsI nAbhiM jAmbavadAshrayaH |
sugrIveshaH kaTiM pAtu sakthinI hanumatprabhuH || 14||
UrU raghUttamaH pAtu guhyaM rakShaHkulAntakR^it |
jAnunI setukR^it pAtu ja~Nghe dashamukhAntakaH || 15||
pAdau vibhIShaNashrIdaH pAtu rAmo.akhilaM vapuH |
etAM rAmabalopetAM rakShAM yaH sukR^itI paThet ||
sa chirAyuH sukhI putrI vijayI vinayI bhavet || 16||
pAtAlabhUtalavyomachAriNashChadmachAriNaH |
na draShTumapi shaktAste rakShitaM rAmanAmabhiH || 17||
rAmeti rAmabhadreti rAmachandreti vA smaran |
naro na lipyate pApairbhuktiM muktiM cha vindati || 18||
jagajjaitraikamantreNa rAmanAmnA.abhirakShitam |
yaH kaNThe dharayettasya karasthAH sarvasiddhayaH || 19||
vajrapa~njaranAmedaM yo rAmakavachaM paThet |
avyAhatAj~naH sarvatra labhate jayama~Ngalam || 20||
AdiShTavAn yathA svapne rAmarakShAmimAM haraH |
tathA likhitavAn prAtaH prabuddho budhakaushikaH || 21||
rAmo dasharathiH shUro lakShmaNA.anucharo balI ||
kAkutsthaH puruShaH pUrNaH kausalyAnandavardhanaH || 22||
vedAntavedyo yaj~neshaH purANapuruShottamaH |
jAnakIvallabhaH shrImAnaprameyaparAkramaH || 23||
ityetAni japennityaM yadbhaktaH shraddhayA.anvitaH |
ashvamedhAdhikaM puNyaM labhate nAtrasaMshayaH || 24|| ## var ## ashvamedhAyutaM

sannaddhaH kavachI khaDgI chApabANadharo yuvA |
gachChan manoratho.asmAkaM rAmaH pAtu salakShmaNaH || 25||
taruNau rUpasampannau sukumArau mahAbalau |
puNDarIkavishAlAkShau chIrakR^iShNAjinAmbarau || 26||
phalamUlAshanau dAntau tApasau brahmachAriNau |
putrau dasharathasyaitau bhrAtarau rAmalakShmaNau || 27||
dhanvinau baddhanistriMshau kAkapakShadharau shrutau |
vIrau mAM pathi rakShetAM tAvubhau rAmalakShmaNau || 28||
sharaNyau sarvasattvAnAM shreShThau sarvadhanuShmatAm |
rakShaHkulanihantArau trAyetAM no raghUttamau || 29||
AttasajjadhanuShAviShuspR^ishAvakShayAshuganiSha~Ngasa~Nginau |
rakShaNAya mama rAmalakShmaNAvagrataH pathi sadaiva gachChatAm || 30||
ArAmaH kalpavR^ikShANAM virAmaH sakalApadAm |
abhirAmastrilokAnaM rAmaH shrImAn sa naH prabhuH || 31||
rAmAya rAmabhadrAya rAmachandrAya vedhase |
raghunAthAya nAthAya sItAyAH pataye namaH || 32||
shrIrAma raghunandana rAma rAma
shrIrAma bharatAgraja rAma rAma |
shrIrAma raNakarkasha rAma rAma
shrIrAma sharaNaM bhava rAma rAma || 33||
lokAbhirAmaM raNara~NgadhIraM rAjIvanetraM raghuvaMshanAtham |
kAruNyarUpaM karuNAkaraM taM shrIrAmachandraM sharaNaM prapadye || 34||
dakShiNe lakShmaNo yasya vAme cha janakAtmajA | ## var ## tu
purato mArutiryasya taM vande raghunandanam || 35||
goShpadIkR^itavArIshaM mashakIkR^itarAkShasam |
rAmAyaNamahAmAlAratnaM vande.anilAtmajam || 36||
aghaugha tiShTha dUre tvaM rogAstiShThantu dUrataH |
varIvarti sadA.asmAkaM hR^idi rAmo dhanurdharaH || 37||
manojavaM mArutatulyavegaM jitendriyaM buddhimatAM variShTham |
vAtAtmajaM vAnarayUthamukhyaM shrIrAmadUtaM sharaNaM prapadye || 38||
rAma rAma tava pAdapa~NkajaM chintayAmi bhavabandhamuktaye |
vanditaM suranarendramaulibhirdhyAyitaM manasi yogibhiH sadA || 37||
rAmaM lakShmaNapUrvajaM raghuvaraM sItApatiM sundaraM
kAkutsthaM karuNArNavaM guNanidhiM viprapriyaM dhArmikam |
rAjendraM satyasandhaM dasharathanayaM shyAmalaM shAntimUrtiM
vande lokAbhirAmaM raghukulatilakaM rAghavaM rAvaNArim || 40||
etAni rAmanAmAni prAtarutthAya yaH paThet |
aputro labhate putraM dhanArthI labhate dhanam || 41||
mAtA rAmo matpitA rAmachandraH svAmI rAmo matsakhA rAmachandraH |
sarvasvaM me rAmachandro dayAlurnAnyaM jAne naiva jAne na jAne || 42||
shrIrAmanAmAmR^itamantrabIjasa~njIvanI chenmanasi praviShTA |
hAlAhalaM vA pralayAnalaM vA mR^ityormukhaM vA vishatAM kuto bhIH || 43||
shrIshabdapUrvaM jayashabdamadhyaM jayadvayenApi punaH prayuktam |
triHsaptakR^itvo raghunAthanAma japAnnihanyAddvijakoTihatyAH || 44||
evaM girIndraje proktA rAmarakShA mayA tava |
mayopadiShTA yA svAsyairvishvAmitrAya vai purA || 45||
shrIrAmadAsa uvAcha \-
evaM shivenopadiShTAM shrutvA devI girIndrajA |
rAmarakShAM paThitvA sA skandaM samabhimantrayat || 46||
tasyAstejobalenaiva jaghAna tArakAsuram |
ShaDAnanaH kShaNAdeva kR^itakR^ityo.abhavatpurA || 47||
saiveyaM rAmarakShA te mayA.a.akhyAtA.atipuNyadA |
yasyAH shravaNamatreNa kasyApi na bhayaM bhavet || 48||
vAlmIkInA.anayA pUrvaM kushAya hyabhiShechanam |
kR^itaM bAlagrahANAM cha shAntyarthaM sA mayoditA || 49||
bAlAnAM grahashAntyarthaM japanIyA nirantaram |
rAmarakShA mahAshreShThA mahAghaughanivAriNI || 50||
nAsyAH parataraM stotraM nAsyAH parataro japaH |
nAsyAH parataraM ki~nchitsatyaM satyaM vadAmyaham || 51||

iti shrIshatakoTirAmacharitAntargate shrImadAnandarAmAyaNe
vAlmIkIye janmakANDe rAmarakShAkathanaM nAma pa~nchamaH sargaH ||

##(## sandarbha \: Ananda rAmAyaNa \- ##(## janmakANDa \- 5 vA sarga ##)##
bhaTiyA shAlIya Thakkara govardhanadAsa lakShmIdAsa
yAnnI mu.nba_I yethe jagadIshvara ChApakhAnyAta
lokahitArtha ChApavUna prasiddha kelA
shake 1808 san 1887
ChApIla pothI \: granthAlaya grantha kra 103 ##/## 145 ##)##
i\. sa\. 15 ve shataka
##

Encoded by Rajagopal Iyer
Available from Institude For Oriental Study, Thane
http://www.orientalthane.com/
Proofread by Rajagopal Iyer, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}