% Text title            : Japyatmaka Rahasyatrayanirupanam 
% File name             : japyAtmakarahasyatrayanirUpaNam.itx
% Category              : raama, rAmAnanda
% Location              : doc\_raama
% Author                : rAmAnandAchArya
% Proofread by          : Mrityunjay Rajkumar Pandey
% Description/comments  : Rahasya Traya means the three main mantra of any lineage which is given by Acharyas
% Latest update         : June 20, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Japyatmaka Rahasyatrayanirupanam ..}##
\itxtitle{.. japyAtmaka rahasyatrayanirUpaNam ..}##\endtitles ##
sa~njapyastArakAkhyo manuvara iha tairvahnibIjaM yadAdau
rAmo~NepratyayAnto rasamitashubhadasvakSharaH syAnnamo.antaH |
mantro rAmadvayAkhyaH sakR^iditicharamaprAnvito guhyaguhyo bhUtAkShyu\-
tsa~NkhyavarNaH sukR^itibhiranishaM mokShakAmairniShevyaH || 1||
\section{atha mantrarAjarahasyam}
mantrANAM vyApakAnAM bhagavata iha chAvyApakAnAntu madhye\-
tishreShTho vyApakaH sa shrutimunisumataH shiShTamukhyairgR^ihItaH |
nityAnAmAshrayo.ayaM parita urushubho rAmamantraH pradhAnaH
prApyo.atha prApakashcha prachurataraguNaj~nAnashaktyAdikAnAm || 2||
yAvadvedArthagarbhaM praNavi jagadudAdhArabhUtaM sabindu
pravyaktaM rAmabIjaM shrutimunigaditotkR^iShTaShaDvyAptibhedam |
rephArUDhatrimUrti prachurataramahAshakti vishvonnidAnaM
shashvatsaMrAjate yadvividhasakalasambhAsamAnaprapa~ncham || 3||
tatrAdyena padena reNa bhagavAn sItApatiH prochyate
shrIrAma jagatAM guNaikanilayo hetushcha saMrakShakaH |
tachCheShI padato.apyato bhagavato.ananyahasheShatvakaM
vyAvR^ittistu surAntarAdigatasattachCheShatAyA muhuH || 4||
pitAputratvasambandho jagatkAraNavAchinA |
rakShyarakShakabhAvashcha reNa rakShakavAchinA || 5||
sheShasheShitvasambandhashchaturthyA luptayochyate |
bhAryA bhartR^itvasambandho.apyananyahatvavAchinA || 6||
akAreNApi vij~neyo madhyasthena mahAmate |
svasvAmibhAvasambandho makAreNAtha kathyate || 7||
AdhArAdheyabhAvo.api j~neyo rAmapadena tu |
sevyasevakabhAvastu chaturthyAM vinigadyate || 8||
namaH padenAkhaNDena tvAtmAtmIyatvamuchyate |
ShaShThyantena makAreNa bhogyabhoktR^itvamapyuta || 9||
j~nAnAnandasvarUpo.avagatisukhaguNe mena vedyo.aNumAno
dehAderapyapUrvo vividitavividhastatpriyastatsahAyaH |
nityo jIvastR^itIyena tu khalu padataH prochyate svaprakAsho
jij~nAsUnAM sadetthaM shubhanatisumate shAstravitsajjanAnAm || 10||
mavAchyo.ahaM vAchyAya sheShabhUto.asmi sarvadA |
itItthameva bodhyo j~nairvAkyArthastadvivitsayA || 11||
rAmAyeti chaturthena shriyA devyAstu sarvadA |
chetanA.achetanAnA~ncha ramaNAshrayateryate || 12||
sa sarvavidhabandhutvaM sarvaprApyatvameva cha |
sarvaprApakatA tena tathA chobhayali~NgatA || 13||
uchyate tatpadenaiva sachchidAnandarUpatA |
yAvadvibhUtinetR^itvaM shrIrAmabrahmaNo matam || 14||
rAgAdikAraNe bandhau tenaiva vinivartyate |
bandhutvapratipattishcha bhAsamAnA vichArataH || 15||
tachchaturthyA svAnurUpakai~NkaryaprArthanochyate |
viShayAntarasevA.api prAptA sA vinivarttyate || 16||
padena nenAtra tu pa~nchamena prakathyate.atho tadananyasheShatA |
heyaM tadanyArthamapi svatantratA nivartyate.ataH satataM svakIyA || 17||
padena ShaShThena ma ityanena svasvAmyanarnyAhakasheShatA.api |
samuchyate chetanavAchinA tu tatki~Nkaratvaikaphalatvameva || 18||
upAyArthapareNAsAvakhaNDanamasochyate |
upAyo hi mavAchyasya ravAchyo rAma eva saH || 19||
bIjenaivAtha jIvasya svarUpaM pratipAdyate |
rAmAyeti parasyApi chaturthyA tatphalasya cha || 20||
upAyasya tvakhaNDena namaH khaNDena chochyate |
sakhaNDena makAreNa ShaShThyantena virodhinaH || 21||
tAtparyArtho sheShavedashAstrAbhiruchisaMshrayaH |
vAkyArthaH prApyasambandhisvarUpAbhinirUpaNam || 22||
tArakasya prAdhAnArthasvasvarUpanirUpaNam |
sambandhasyAnusandhAnamanusandhyartha iShyate || 23||
\section{atha mantraratnarahasyam}
uktvetthaM tArakArthaM tu dvayArthaH pratipAdyate |
vimatsarAH prapashyantu pragR^ihNantvavayantu cha || 24||
shrIrAmadvayamantramadbhutatamaM vAkyadvayaM ShaTpadam |
bANAkShipramitAkSharantu khalu viddhi tvaM dashArthAnvitam || 25||
yuktaM tattripadaistu tatra sumate pUrvaM shubhasyAspadam |
vAkyaM pa~nchadashAkSharaM tadanu digvarNAtmakaM tUttaram || 26||
sarvAdhIsheshvarasyApteheturatrAbhidhIyate |
sItA puruShakArArthA shrItyanena padena tu || 27||
matA muruShakArasya nityasambandha uchyate |
rAmachandreti padato vAtsalyAdiguNasya cha || 28||
charaNAvityanenaiva vAtsalyAdikasItayoH |
vilakShaNasya divyasya vigrahasyAshrayasya cha || 29||
sharaNetipadenaivopAyastadvigraho budhaiH |
upAyAdhyavasAyastu prapadya iti varNyate || 31||
prApyaM mithunameveti shrImate padato matam |
rAmachandreti padataH svAmitvaM pratipAdyate || 31||
vibhaktayAyetipadataH sheShavR^ittirmahAtmabhiH |
virodhino nirAsastu namaH padena varNyate || 32||
tAtparyArtho.asya vij~neya AchAryaruchisaMshrayaH |
vAkyArtho mantraratnasya tvatha nirNIyate budhaiH || 33||
prApyaprApakasambandhasvarUpAbhinirUpaNam |
pradhAnArthastu tadyugmakai~Nkaryasya pradhAnatA || 34||
svadoShAbhyanusandhAnamanusandhyartha uchyate |
evamevAnusandheyaM mokShakAmairahardivam || 35||
\section{atha charamamantrarahasyam}
proktA vatsaka! mantraratnavivR^itiH sanmAnasAbhIShTadaM
sadvedyaM sakR^idityavehi charamaM nirNItavAkyArthakam |
rAmIyaM hi tadIyamantraniratairudbodhanIyaM paraM
dvAtriMshatpramitAkSharaM manupadaM dvayarddha jagadvishrutam || 36||
atropAyAntarasyAtho nivR^ittiH pratipAdyate |
sakR^idityevakAreNa tUpAyanirapekShatA || 37||
prapannAyetipadatastUpAyasthAnamuchyate |
upAyatvaM bhagavatastaveti padatastathA || 38||
asmItyanena chopAyasvIkAraH pratipAdyate |
samAptyartheti shabdena tUpAyAnanyatochyate || 39||
chakArato.anuktasamuchyayArthato nigadyate tvanya upAya Atmavit |
upAyasaMsevyadhikArilakShaNaM padena vai yAchata ityanena tu || 40||
athAbhayamitiprAptipratibandhakavAraNam |
sarvabhUtebhya ityeva prApyasya pratibandhakam || 41||
dadAmItipadenAthopAyasya sarvashaktitA |
etadityebapadato.asaMshayatvamitIryyate || 42||
vratametatpadenAtho taddADharyamabhidhIyate |
nirbharatvAnusandhAnaM mametipratipAdyate || 43||
tAtparyArtho.asya vij~neyaH sharaNyaruchisaMshrayaH |
tatprApakasvarUpasya vAkyArtho.atha nirUpaNam || 44||
pradhAnArthaH pareshasya svarUpasya nirUpaNam |
nirbharatvAnusandhAnamanusandhyartha uchyate || 45||

iti jagadguru shrIrAmAnandAchAryayatirAjapraNIte shrIvaiShNavamatAbjabhAskare
japyAtmaka rahasyatrayanirUpaNAtmako dvitIyaprashnottarAkhyo
dvitIyaH parichChedaH || 2||
##

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}