% Text title : Namarthavivekah by Upanishadbrahmayogi % File name : nAmArthavivekaH.itx % Category : raama, rAma % Location : doc\_raama % Author : Upanishad Brahmayogin % Transliterated by : Mrityunjay Pandey % Proofread by : Mrityunjay Pandey % Latest update : October 21, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Namarthavivekah ..}## \itxtitle{.. nAmArthavivekaH ..}##\endtitles ## svAvidyApadatatkAryajAtAropApavAdadhIH | yasmin virAmamagamat tattripAdasmi rAmachit || 1|| guruM natvA brahmamAtrAvasheShasutvamichChatAm | tatprAptyupAyadivyashrIrAmanAmArtha uchyate || 2|| dedIpyamAnarUpatvAd divyashrIrmuktirIritA | tadrUpato rAjamAnaM mahaH shrIrAma Iritam || 3|| shrIrAma eva nAma syAnnAbhidhAnamupeyataH | upeyarUpAvasthAnaM nAmArtha iti vishrutam || 4|| viShayaH svetaragrAsasattAsAmAnyamIritaH | prayojanaM brahmamAtrAvasheShaNatayA sthitiH || 5|| sambandhaH pratipAdyAdiH shAstrachinmAtrayormithaH | vikalebarakaivalyAnandakAmo.adhikAryasau ||| 6|| uktAdhikArasampannayoginopeyanAmachit | svAvasheShatayAvAptuM shakyA syAt svasvarUpataH || 7|| AptiH svamAtrAvasheSho na hi grAmAntarAptivat | nirbIjabrahmavij~nAnAnnirvAjAptiH shrutIritA || 8|| anAdikAlamArabhya svAvidyApallyAvadhi | nAmarUpabhidAshobhi nAnAbrahmANDagarbhitam || 9|| virADDhiraNyagarbheshachitsAmAnyairadhiShThitam | tattadaNDochitabrahmaviShNurudrAyutAnvittam || 10|| vichitrakarmAvaraNapuNyapApabhramojjvalam | nAnAvidhaprANijAtajuShTamAvidyakaM padam || 11|| visheShasAmAnyayuktaM satyatvenAnubhUyate | tathA sati kathaM nirvisheShaj~nAnaM nR^iNAM na tat || 12|| upeyopAyabhedena nAmachid dvivigheritA | tatropeyanAma sattAsAmAnyamabhidhIyate || 13|| nAmAbhidhAnaM nAmi chidabhidheyaM tayorna bhit | evaM j~nAnavibhAtaM yadupAyAbhidhanAma tat || 14|| na hyupAyaM vinopevamAptuM shakyaM manIShibhiH | tasmAdupAyasarvasvaM j~nAtvAnuShThAnataH param || 15|| yajjanma charamaM tatropeyanAma chidAtmakam | upeyashrIrAmanAmatayA vidvAn vishiShyate || 16|| svAvidyApadatatkAryabhramArUDhAdhikAriNAm | svAntaHkaraNamAlinyadoSheNopAyanAmachit || 17|| chaturdhA bhidyate sthUlasUkShmabIjaturIyataH | yasyAntaHkaraNaM bhUripApena kabalIkR^itam || 18|| sa chopAyasthUlanAma smaredaghavimuktaye | svAvidyApadavInAshayogavairAjarUpataH || 19|| rAjamAnaM maho rAmanAma sthUlachiduchyate | sattvasattatamopAdhiM sarvataH pANimastakam || 20|| rAmaM vaishvAnaraM dhyAtvA rAmarAmeti sarvadA | lajjAM hitvA smaraNataH sarvapApakShayo bhavet || 21|| sadA rAmeti nAmaiva smaratAmaghasa~nchayam | niHsheShaM nAshayitvAtha kramamukti vidhAsyati || 22|| svAntaHkaraNasambhUtasa~nchitAghanivR^ittaye | sarvavarNairAshramibhiH smartavyaM nAma sarvadA || 23|| nAma kIrtayataH puMso nAsti pAtakamaNvapi | gR^ihNAmi taptAyaHpiNDamahibhANDe kareM kShipe || 24|| nAmasmarturapApitvAdakArye na bhavenmatiH | nAmAparAdhadashakaM taM draShTuM vA kathaM shakam || 25|| yadi spR^ishet pramAdena nAma tannAshayettarAm | gANapatyashaivashAktasauravaiShNavanAmasu || 26|| rAmanAnnaH phalAdhikyamAhustArakarUpataH | rAma eva paraM brahma rAma eva paraM tapaH || 27|| rAma eva paraM tattvaM shrIrAmo brahma tArakam | iti shrutestachChrIrAmanAmatulyaM na vidyate || 28|| nArAyaNAShTAkShare tu rAmanAmAdyavarNakam | na yojitaM yadi tadA nAyanAya manurbhavet || 29|| divyashrIshivapa~nchArNe rAmanAmAntyavarNakam | na yojitaM yadi tadA na shivAya bhavenmanuH || 30|| manudvayaM yadA rAmanAmadvathakSharayojitam | tadA shivAyAyanAya bhavatyeva na saMshayaH || 31|| shivanArAyaNamanumuktidApanashaktidam | tasmAt prAdhAnyato nAma smaratAM muktidAyane || 32|| shaktirastIti kiM chitraM smartR^iTan nAmoddharet kShaNAt | hR^iddeshe yena satataM smR^itaM tena mahAtmanA || 33|| sAdhitaM bhagavattattvaM tasya kiM durlabhaM bhavet | charamashvAsavelAyAM rAma rAmeti yaH smaret || 34|| sa nirdhUtAghanichayo suktimeti na saMshayaH | rAmachandretyekavAramanichChAsmR^itimAtrataH || 35|| yAvannashyet pApabR^indaM kalpakoTishataiH kR^itam | tAvat kartavyamityeva dR^iDhanishchayapUrvakam || 36|| koTikoTikoTijanmashatenApi prayatnataH | tAvat kartuM samarthaH kaH sarvaj~na vada so.asti chet || 37|| astItyevaM vadasi chennAma te pApaghAtukam | na bhaveddurvalatyAt tat tadA bhavatu me janiH || 38|| nAstItyevaM yadi mataM saphalo mama nishchayaH | tasmAdahaM koTijanmapApabR^indApanuttaye || 39|| shrIrAmachandra te nAma buddhipUrvaM japan sthitaH | trivAraM rAmanAmAshu smR^itvA karmatrayAnvitAm || 40|| AvR^ititrayataddhetusvAvidyAM nAshayAmyaham | asminnarthe pramANAni shrutayaH santi koTishaH || 41|| smR^itayashcha tathA bhUri nishchayaM yAntu bhUsurAH | kR^itaM dine yadduritaM pakShamAsartuvarShajam || 42|| sarvaM dahati niHsheShaM tUlAchalamivAnalaH brahmahatyAsahasrANi j~nAnAj~nAnakR^itAni cha || 43|| svarNasteyasurApAnagurutalpAyutAni cha | koTikoTisahasrANi upapAtakajAnyapi || 44|| sarvANyapi praNashyanti rAmanAmAnukrIrtanAtU | yat prayAgAditIrthAktaprAyashchittashatairapi || 45|| naivApanodyate pApaM tadapyAshu vinAshayet | puNyakShetreShu sarveShu kurukShetrAdiShu svayam || 46|| buddhipUrvamadhaM kR^itvA tadapyAshu vinAshayet | kR^ichChraistaptaparAkAdyairnAnAchAndrAyaNairapi || 47|| pApaM cha nApanodyaM yat tadapyAshu vinAshayet | AtmatulyasuvarNAdidAnairbahuvidhairapi || 48|| ki~nchidapyaparikShINaM tadapyAshu vinAshayet | sadA rAmo.ahamasmIti tattvataH pravadanti ye || 49|| na te saMsAriNo nUnaM rAma eva na saMshayaH | chaturvidhA bhajante mAM janAH sukR^itino.arjuna || 50|| omityekAkSharaM brahma vyAharan mAmanusmaran | yaH prayAti tyajan dehaM sa yAti paramAM gatim || 51|| satataM kIrtayanto mAM yatantashcha dR^iDhavratAH | namasyantashcha mAM bhaktyA nityayuktA upAsate || 52|| teShAmahaM samuddharte tyevamAdishruteH smR^iteH | vivashena prayatnena j~nAnenAj~nAnato.api vA || 53|| nAmasmaraNato.apApo vidvAnasR^itamashnute | mayoktaM sakalaM nArthavAdaH satyaM na saMshayaH || 54|| shrIrAmanAmnyarthavAdaM sambhAvayati yo naraH | sa mahApAtakibhyo.api variShTha iti kIrtitaH || 55|| tatpApashAntaye nAma vinAnpanna hi vidyate | iti shrutismR^itishatapramANaj~nAnavAn muniH || 56|| shrIrAmasArUpyamuktiM sAyujyaM vaiti nAnyathA | yAvat pashyati vairAjarUpaM sarvatra sarvadA || 57|| tAvaditthaM smarennAma manasA vachasAthavA | tatastUpAyasUkShmAMshanAmasmaraNadhIrbhavet || 58|| svAvidyApadasUkShmAMshayogasUtrasvarUpataH | rAjamAnaM maho rAmanAma sUkShmachiduchyate || 59|| sattavasattvarajopAdhiM sarvali~NgAbhimAninam | svavikalpitavairAjatatkAryagrAsapUrvakam || 60|| sUtrAtmabhAvamApannaM shrIrAmaM karuNAnidhim | dhyAtvA pUrvoktavidhayA rAmanAma sadA smaret || 61|| yAvaddhadi bahirdeshe chAntarAle tayorapi | sUtrAkhyashrIrAmanAma svarUpeNa prakAshate || 62|| tAvachChrIrAmarAmeti manasA nAma saMsmaret | tatastUpAyabIjAMshanAmasmaraNadhIrbhavet || 63|| svAvidyApadabIjAMshayogabIjasvarUpataH | rAjamAnaM maho rAmanAmabIjachiduchyate || 64|| sattvasAttivakasattavA~NgaM sArvaj~nyAdiguNairyutam | svakalpitavirATsUtraprapa~nchagrAsapUrvakam || 65|| bIjamAtratayA shiShTaM sarvakAraNavaibhavam | nirhetukadayAsindhuM rAmaM dhyAtvA divAnisham || 66|| pUrvaparyAyagaditarAmanAma sadA smaret | yAvachChrIrAmanAmArthaH pratyakparavibhAgataH || 67|| bhavet karAmalakavat tAvannAma smared budhaH | tadarthoM repha AmnAtastvamartho mArNa uchyate || 68|| rArNena mArNasaMyogo bhavedasipadArthakaH | ravAchyamIshachaitanyaM ralakShyaM satyachitsukham || 69|| mavAchyaM jIvachaitanyaM malakShyaM pratyagIritam | viShamopAdhito rAmavAchyayornaikyamiShyate || 70|| rAmArNavAchyApavAdAdhAralakShyachidAtmanoH | sAmAnAdhikaraNyena tayoraikyaM shrutIritam || 71|| Adyo rA tatpadArthaH syAnmakArastvampadArthavAn | tayoH saMyojanamasItyarthe tatvavido viduH || 72|| brahmAtmaiva bhavedAtmA brahmaivAtmA na saMshayaH | evaM vichArya nAmArthaM shrutyAchAryaprasAdataH || 73|| tatastUpAyaturyAMshanAmAnuShThAnadhIrbhavet | svAvidyApadaturyAMshayogasAkShisvarUpataH || 74|| rAjamAnaM maho rAmanAma turyachiduchyate chitsAmAnyopAdhilabdhasarvasAkShisvarUpakam || 75|| svakalpitavirATsUtrabIjatatkAryavishramam | kabalIkR^itya tatsarvAdhAratvenAvashepitam || 76|| sarvodAsInachaitanyamapi bhaktAvanotsukam | shrIrAmanAmasAmrAjyaM svAbhedenaiva bhAvayet || 77|| yAvat samastAdhiShThAnasAkShyasmIti dR^iDhA matiH | sarUpavilayaM yAti tAvadevaM vibhAvayet || 78|| shAstrajaj~nAnavij~nAnasamyagj~nAnaprabhAvataH | karmatrayatryAvaraNabhAgatrayalayodbhavam || 79|| vittvaM varatvaM varyatvametya sAkShI bhavenmuniH | sarvAdhAratayA shiShTasAkShyAptiryadi rochate || 80|| tadA tadrUpeNa tiShTha sarvAdhiShThAnasAkShiNaH | sattAsAmAnyAptikAle yAsyasi tvaM parAdvayam || 81|| idAnImiti \- idAnIM te yadyupeyanAmabrahmAvasheShadhIH | bhavet tadopAyanAmachaturbhAgasamanvitam || 82|| svAvidyApadatatkAryajAtaM shashaviShANavat | j~nAtvAtyantAsattvamiti nityabhAvasvarUpakam || 83|| vikalebarakaivalyopeyanAmasvarUpataH | paramAdvaitarUpeNa shiShyase nAtra saMshayaH || 84|| nirbIjabrahmavij~nAnasamakAlaM mahAmuniH | nirbIjasattAsAmAnyabrahmaiva bhavati shruteH || 85|| shrIvAsudevendrashiShyarAmachandrendrayoginA | upeyashrIrAmanAmaparamArtho nirUpitaH || 86|| ya itthaM rAmanAmArthaM j~nAtvA nAma smaret sadA | sa yAti paramAdvaitamahAsAmrAjyavaibhavam | saptAshItigranthayutA shrInAmArthavivekachit || 87|| iti upaniShadbrahmayogivirachitaH nAmArthavivekaH sampUrNaH | ## Upanishadbrahmayogin ##upaniShadbrahmayogin## composed nAmArthavivekaH ##nAmArthavivekaH## in verses as well as its prose commentary ##vyAkhyA ## Upeya-nama-viveka ##upeyanAmavivekaH## (reference link is below). The Upeya-nama-viveka is a good and authoritative treatise on Nämasiddhānta. It is a manual (prakarana) dealing with the subject (vişaya) of the glory of the recitation of Rama-naman or the name of Rama who is one of the incarnations of the Supreme. Its aim (prayojana) is to aid the devotee to realize identity with Rāma and it has relation (sambandha) to the subject of the Supreme as it portrays it. And one who desires to experience the pleasures of the Supreme Bliss is entitled to study it is an adhikarin. The treatise points out that the recitation of God's name is a means (upāya) for realizing God (upeya) and declares that the name itself is the Supreme Being. In the course of its exposition, it defines and explains terms like upāya, upeya, sattā and Rāma-cit and builds the Nämasiddhānta doctrines on a sound and logical basis. It not only establishes the identity between Rama and Brahman on the basis of statements made in Śruti and Smrti texts but also relates the name of Rama with the state ment 'tat tvam asi'. It finally teaches that the recita-tion of the Lord's name removes from the devotee all traces of sin and prepares his mind for cultivating the sense of identity (advaita-bhāvanā) between him-self and the Supreme: Rāmo ham aham eva Rama iti bhāvayet'. Encoded and proofread by Mrityunjay Pandey \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}