% Text title : Raghava Shikharini Ratnamala Stotram % File name : rAghavashikhariNIratnamAlAstotram.itx % Category : raama, shataka % Location : doc\_raama % Transliterated by : Vishal Pandey % Proofread by : Vishal Pandey % Description/comments : The entire stotra is in ShikhariNI Chanda % Latest update : September 12, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Raghava Shikharini Ratnamala Stotram ..}## \itxtitle{.. rAghavashikhariNIratnamAlAstotram ..}##\endtitles ## pitA mAtA bhrAtA gururadhipatirbandhurapi vA dhanaM mitraM vidyAbharaNamasavodaivatamapi | tvamevAsheShaM me raghukulamaNe ? tvAmiha vinA na jAne shrIjAne sharaNamihamanyattribhuvane || 1|| ayodhyAdhIshashrIdayitadashakaNThadvipahare hare mArIchAre dasharathamanonandanavibho ! iti kroshantaM mAM kalaya kalayA rAghava yayA\- kayAchidvAtanvyA jhaTiti karuNAyAH shishirayA || 2|| na yuktaM tyaktuM shrIraghuvarapurANIM tavasakR^i\- nnamadrakShAdIkShAM nikhilanigamAntaprakaTitAm | mamaikasyedAnIM kaluShamayamUrterApekR^ite vichAryyaivaM dIrghaM kurumayi kaTAkShA~Nkuralavam || 3|| bhajantaM tvatpAdAmburuhayugalaM mAmasharaNaM kaTAkShaiH kiM rAma ? na sukhayasi kAruNyashishiraiH | sakR^innamratrANavratamavasiti nItamathavA tvayA kiM madvR^ittaM tvaritamanuchintyAgatabhiyA || 4|| bhramantaM majjantaM bhavajalanidhau pArarahite nitAntaM sIdantaMviShayajhaShapAdakavalitam | bhavantaM kroshantaM raghukulamaNe hA iti kR^ipA rasaM taM kA~NkShantaM tava jhaTitimAmuddharahare || 5|| ase te matpApasmR^itijanitanishvAsanikarairalaM pashchAttApairnamadavana AvAhyaviradam | alaM sAketAdhIshvara mayi dhanerShyA prakaTanai\- ralaM kurvannehi smitalavaruchAH sAdhuvadanam || 6|| kaThoraM pApAnAM gaNamagaNitaM mA gaNamaye\- mayIrShyAM mu~nchatvaM manasi dhR^itima~NgIkuru dR^iDham | balAdevAkarShan madavanacharAmAshu karuNAM prasAdaM vaidehIramaNa mayi dIne prakaTaya || 7|| aghAnAmugrANAM jananabhavanaM bhAvinamamuM janaM jAnan pUrvaM jalanidhitaTe sarvavidapi | natAnAMsarveShAmahamabhayado.asmi vratamidaM mametitvaM dhairyyAt kathamuditavAn rAma gatabhIH || 8|| madanyaH pApIyAn trijagati jano naiva sulabhaH sadiShTyA labdho.ahaM tava sadanukampaikaviShayaH | idAnImaudAsyaM bhajasi yadi haMsAnvayamaNe ! gatirmekAvAsyAtkathaya bhavataH kIrtirapikA || 9|| kva me buddhirgachChet raghuvara na jAne paramitaH tametaM mAtrAtuM tava samaya eSho.a~njalirimam | paraM vyAjIkR^itya kharitamaghajAlAnyagaNayan prasIda trailokye pratibhaTamalabhyaM bhaja yashaH || 10|| gajendraH prahlAdo dashamukhasagarbhyashcha vijaya\- stathaivAnye trAtA iti cha bhagavatA ye sukR^itinaH | kimAshcharya tatra tribhuvanapate ? mAM raghupate? durAtmAnaM rakShan prakaTayakR^ipAmadbhutatamAm || 11|| madaMhaH sandohaM na likhitumalaM lekhakashataiH shataiH kalpAnAM mAM damayitumalaM nAntakashatam | bhaveyurme ma~nchAH kishalayamayAH sarvanarakAH kaTAkShAtte nAnyA raghutanaya manniShkR^itirataH || 12|| na gAyatrI japtA vidhirapi cha sandhyA na rachitA navAtR^iptinnItA suravarapitR^iNAM samudayA | guruNAM shushrUShAvahitamanasA jAtu na kR^itA\- kutaH kAkutstha tvachcharaNakamalArAdhanakathA || 13|| na dattaM pAtrebhyo kimapikharahantastavamud\- najaptaM tvannAmakShaNamapi kadAchitsthiradhiyA | bhavaddAsAnAM vA padanalina sevApi na kR^itA\- mayA mohAveshAd bhava vipinamevaivamaTatA || 14|| kimanyadvA brUyAM madakR^itamaghaM nAsti bhuvane\- ShvidAnImapyeSho na viramati pApAddhatamatiH | ataH sarvesha? tvaM mayi raghupate yadyakaruNo\- mamAvaso bhUyAnnirayachayamAchandramihiram || 15|| pralApairetaiH kiM bahubhiriha me nishchitamidaM shR^iNuShvaikaM satyaM shubhakarakaTAkSheNa bhavatA | gR^ihIto nAhaM chedraghukulapate ? nUnamasR^ije\- dvidhAtA mAM sha~Nke narakanikaraikotsavakR^ite || 16|| kShaNAllokAe.cnn sraShTuM prabhavati bhavAn dagdhumapivA kR^itarmAbhuktaM yadi bhuvi na nashyeddhruvamiti | raghushreShThasvAmin janamimamaho mohayasi kiM\- kvamokShe tvAM tvaM vA tribhuvanamayo yAsyAsi kuta || 17|| sva sa~NkalpAyattastrijagadudayollAsashamanaH samastaikAdhArastvamasi sakalAmnAyapaThitaH | kiyatte mat trANaM dinamaNikulaikAbharaNa ? kiM balIyAn vA tasmAttvadapi mama duShkarmamahimA || 18|| dadau prANAn grAvNe tavacharaNapa~NkeruharajaH kR^itaH setuH sindhAvahaha bhavatA brAhmaNashishoH | mR^itasyAsIstvaM shrIramaNa navasa~njIvanasudhA na mAmekaM trAtuM kathamiha bhavAn kobalamalam || 19|| shilAyAmprANasthApanana udadhau setukaraNAt surakShAbhR^itsArapramathapatikodaNDadalanAt | sabhIke tattAdR^ik dashamukhamukhArAtidalanAt tavAyodhyAsvAmin madavanamidaM kiM gurutaram || 20|| dhruvaM duHkhodarkAdviShayasukhasevA niratamA\- bhavatyedaM sAkShAdapi hatamano muhyati muhuH | avanmAyAyaivaM vratabalavatI nartayati mAM kharAre sA helA bata bhavati hAlA mama punaH || 21|| bhramantaH shrUyante ghanaviShayagambhIrajaladhau yayA yAdorUpA vidhishivamukhA mohita dhiyaH | ahaM tAM tvanmAyAM kathamiva tariShyAmi kR^ipayA vinA te mUDhAtmA nalinadalasha~NkAshanayana || 22|| haThAdAkR^iShyaivendriyakulamidaM mAnasamanA\- rataM gAhaM gAhaM viShayagahanAnishvavadaho | bhramatyevaM svairaM prabalataramohotkaTatayA kariShye kiM vAhaM dasharathamahIpAlatanaya ? || 23|| durAlApAn vaktuM sphurati rasanA nAma nahi te asAresaMsAre shubhamamR^itadAnaikanipuNam | shrutI duShTodantashravaNachapale tAvakakathA\- sudhAsArairhartuM prachurabhavatApaM na bhavataH || 24|| dR^ishordvandaM duShTaM viShayamapi draShTuM mR^igayate\- namUrtiM bhadrAnte ruchirasharachApA~NkitakarAm | vapustAvachChIghraM parichalati duShkarma karaNe na te kai~NkaryyehA raghuramaNa ? majjAmi niraye || 25|| patitvA kAmAgnau jvalatimanaetachChalabhava\- dvidhattetvad.hdhyAnAmR^itasarasilIlAM na jhaShavat | sa sItasyaivaM te bhavati parihAsAya mahate\- mamedantvanmAyAmavumahimamakShasyanaTanam || 26|| manaH kAmakrodhAdyarigaNaparAbhUtamabhavad hR^iShIkAlIbaddhA viShayamayakArAnivasane | ahaM magnogAdhapratibhayabhavAdhAndhukahare ? hare sItAnAtha ? trijagadadhinAthAvakR^ipayA || 27|| bhavallIlodyAnaM hR^idayamabhito dahyata idaM jvalatkAmakrodhAtmakadavashikhajvAlapaTalaiH | sudhAdhArAvArostavanayanapadmA~nchalapalAt dayAlokAkAraiH sabhaya samaye.asminraghupate || 28|| bhavatkelIyogyA hR^idayanalinI kShubhyata iyaM prakAmaM kAmAdyAhvayadhanamadonmattakalabhaiH | svasAnidhyAdetAn prasabhamabhinirbhUyasahasA tavedaM spaShTArthaM ghaTaya raghusiMha ? tvamadhunA || 29|| madIyA prAchInA parigaNitarkaumaghajanitAM bhavadj~nAnAnandAtmakavimalamUrte javanikAm | sharIrAkShArthatvenacha pariNatAntAM guNamayIM tvadIyAM mAyA mAM raghukulapate tAraya vibho || 30|| kadaryyaH kAmAtmA kaThinahR^idayakAtaramatiH madAsatyAstrayA~NkapaTaduraha~NkArajanibhUH | shaThaH krUraH pApI bhavajaladhimetaM kaTuraham\- kathaM tIrttvA prApsye tatracharaNasevAM raghupate || 31|| manaH sUtrA~NgR^ihNan bhavasadasi tulya pratimayA chirAdevaM mAyAmayajavanikAntirhatatanuH | bhavAn lIlAshIlo raghukulapate nATayatimAM kadA vA nATyAnte mama tava padAbjAbhyupagamaH || 32|| arakShan rakShan vA dashavadanavairin! mama gatiH tavaivAnyAn devAnhR^idi na gaNaye jAtu chidapi | asaukhyaM saukhyaM vA mama bhavatu sarvaM tvanubhavA\- bhyakIrtiH kIrtirvA tava khalu na tasmin vada prabho || 33|| muhuHkroshan shrAnto dashamukharipo tvAmahamaNu\- pramANyaM kAruNyaM vilapati mayi tvaM na kuruShe | apAro ghoro.ayaM punarahahasaMsArajaladhi\- rvimUDhaH ki~NkuryyAM viShaya nichayAskanditamatiH || 34|| jvalaj jvAlAmAle pravishatu jano.ayaM kimanale, gireH shR^i~NgAtu~NgAtpatatukimadhashchUrNitatanuH | shiro vai tadbhitvA kimiha shilayA sR^i~nji karatu kShamAkanyAprANeshvara na kuruShe hanta karuNAm || 35|| samUlAM kiM votpATayatu jana eSho.adya rasanAM, shilAM kaNThe badhvA patatu kimagAdhe jalanidhau | muhuHsorastADaM tava kimathavA kandatu puro\- na me shAntiH sItAramaNa tava kAruNyavilayAt || 36|| na jetuM shaknomIndriyasamudayannApimanasA, sthireNa tvAM dhyAtuM marakatamaNIM ma~njulatanum | na karmAnuShThAtuM vidhivadapi bhAsvat kulamaNe bhavatpAdAmbhojaM sharaNamabhajaM kevalamaham || 37|| na dharme nokAme nava dhanavaye naiva jagatI\- patitve kA~NkShAme bhavatu bhavitavyaM vidhivashAt | tathApi shrIrAma pratijananama~NgIkR^ita kR^ipaH, tatra shrIpAdAbje dR^iDhaparamabhaktiM vitara me || 38|| pashutvaM pakShitvaM tR^iNatarulatAshmatvamapivA, kR^imitvaM vA rakShonarasurapishAchatvamathavA | yadi syAdyadyanme jananamapi sarvatra bhavatu tvadIye pAdAbje raghukulapate bhaktirachalA || 39|| pR^ithivyAM pAtAle nabhasi narake.andhe tamasivA vasAmi svAmin shrIraghuramaNakarmAnuguNataH | tadAstAM matprANotkramaNasamaye tvatkaruNayA, tvada~NghyrabjadvandasmaraNamanirodhaM bhavatu me || 40|| kadA vA tvAM dhyAyan navajaladharashyAmalatanuM sharadrAkAchandrapratibhaTamukhAmbhoruharuchim | vasAnaM kalyANamvaramachalavidyuchChatanibhaM vimokShe.ahaM dehaM bhuvanamuparAmetvanulayam || 41|| asUnAM cheteShAM gamanasamaye rAghava vadan muhurmA bhairityeShyasi sarabhasaM me parisaram | dhanurghaNTAghoShaH shravaNaparibhUtAntakabhaTAH kirITI kvachittvaM kaTighaTitajAmbUnadapaTaH || 42|| smareyaM kvachchittvAM dR^iDhamahamihedaM tanulaye japeyaM kvachitte kushalavagurornAma shubhadhIH | bhajeyaM kvachitte jagadaghapunarjanmarahito bhaveyaM kvachittvatpadakamalakai~NkaryasharaNaH || 43|| svasannAste krodhAtsphuraDashanadaMShTrAdharapuTaH kaThoraH kInAshaH smR^itamadaghakoTiryamabhaTAH | pratikShante kAlaM dhR^itavividhaghorapraharaNAH mayA dhanyaste.ahaM tava padasaroje raghupate ? || 44|| maNirjIvashchihnaM prakR^itirasiko shAvakagatiH tamashchAha~NkArau jalajadhanuShI hR^idrathapadam | gadA buddhirbhUtAnapi cha vanamAlA viShayiNaH sharastvatsthaM sarvaM tvayi kimuthavAstvarpaNapadam || 45|| avasTabhyeShvAsaM triNatamahirAT bhogasubhagaM dadhAnaM saMvartajvalanashikhimadhyendu vishikham | paraM jyotiH pItAmbaradharamapAroditakR^ipaM puraH prAdurbhUyAnmama kimapi dehAntasamaye || 46|| savAmashchApA~NkaH sa cha dhR^itasharaHpANiritaro mukhaM tadrAjIvAyatavipularaktAntanayanam | smitaH shrIH sAtanvI charaNayugalaM tachcha mR^idulaM vapustatkalyANaM sphuratu madasUDDInasamaye || 47|| asAketAdhIshairadasharathabhUbhR^idratikarai\- rakaushalyAvatsairamarakatasa~NkAshatanubhiH | adhAnuShkairakShmAduhitR^ivadanAmbhojamihirai\- rarAmAkhyairnastairalamalamalaM daivatagaNaiH || 48|| madAbhyAM mattaitaM mama kulaguruM matkuladhanaM madiShTaM madbhAgyaM mama paramavidyA.N mama gatim | madIshaM machchintAmaNimapi madAnandalaharIM prapadye majjIvaM raghupatipadAmbhojayugalam || 49|| tvadekaM prApyaM mAM tvaditaranihatkaNThahR^idayaM tvadanyaM tvayyevAsitanikhilAshAparikaram | tvayi nyastaprANaM tavacharaNapadmaikasharaNaM tavasvaM tvadvAsaM raghukulapate mA tyaja vibho ? || 50|| dhanurvANau gR^ihNan karakishalayAbhyAM tanuruchA tiraskurvan sarvaM kuvalayavanInAM ruchimidam | pariShkurvanvaktraM smitalavavilAsena madhuraM kadA vA matsvAmI sharaNimanayoreShyasi dR^ishoH || 51|| vahantI koTIraM sphuradaruNakoTipratibharaM hasantI svAdyutyA tridashapatinIlakShitidharam | dharantI kodaNDaM karakamalayorbANamapi ye vasantI vyaktiH sA bhavatu hR^idaye kApi madhurA || 52|| svabhAsAma~NkurAnmR^idulanavadurvAdaladhiyA lihadbhirgAdheyAdhvarabhuviparItomR^igagaNaiH | shikhaNDI kodaNDI dhR^itakanakadAmaikavasano manasyasmin bhrAtrAsphuraturaghuvaMshArbhakamaNiH || 53|| sharajjyotsnAshliTesphuTakuvalayAlIsurabhite site godAvaryyA mR^iduni puline saumyapavane | sukhAsInakShoNIduhitR^itana shR^i~NgAranirataM raghushreShThaM chetaH smaraghanajaTAvalkaladharam || 54|| manashchchApalyena bhramasi gagane dikShvaTasita\- tkShaNAdulla~NghyAbdhInapi visasi pAtAlakuharam | na jAne kA siddhimiha raghupatera~NghriyugalaM na kiMsvasminneva smarasi paramAnandanilayam || 55|| tyajatvarkobhAnU nishituhinarochiH parihara\- tvamu~njyotsnAmu~nchatvamarashikharIsthairyamapi vA | kShamAvA kShmAdevI visR^ijatu manaste dashamukha\- prahartuH pAdAmbhoruhavirahagandho.apyanuchitaH || 56|| vR^ithA kAlo yAti sphuTitaghaTato vArivigala\- tyanushvAsaM chAyurgaNayati kR^itAnto dinagaNam | aye chetaH sAdhusvagatamakhilaM kAmapaTalaM parityajyAyodhyAramaNacharaNau gachChasharaNam || 57|| pravAlaM pratyagraM shrutiyuvatisImantapadavI\- latAyAH shAntAnAM hR^idayasarasIsArasamayam | mudAli~NgatsItAkuchakalashasa~NkrAntadhushR^iNaM kadA drakShye svAmI tava raghupateH pAdayugalam || 58|| rasAdAli~NgatyAdaranalinachakrAdiruchirA\- yadIyAjAnakyA hariNamadaliptestanataTe | prakAshanterekhA navajaladalekhAsmaraghanA tapasyAdhyabjaM tadraghukulavareNyasya mR^igaye || 59|| jalakrIDAchakre kamaThapatirabdhAvahipatiH sukhaM shishyeshashrAntA shAmatulamavApurharidibhAH | dhR^ite yatpAdAbhyAmakhiladharaNImaNDalabhare madakShidvandaM shrIpadakishalayaM te mR^igayate || 60|| na yajj~nAtvA j~neyaM kimapi nigame no rasamayaM na yad.hdhyAtvAdhyeyaM kimapi hR^idayenyatsukhamayam | na yatprAptvA prApyaM kimapi paramaM kvApi mR^igaye tadevAhalyAduShkR^itavidalanaM pAdanalinam || 61|| amUbhyAM netrAbhyAmaparimitaharShAshrutaralaM bhujAbhyAmapyAbhyAM bahulakutukotkIrNapulakam | parirabhyodgADhaM saphalayitumetAjanimahaM rajaH pUtAhalye charaNakamale eva mR^igaNe || 62|| trayI rAjIvAkShI chikuranikarAkArajaladhiH sphuratsImAntAkR^ityupamitamahAsetujaladhiH | ahalyAdehAla~NkaraNapaTavAsadyutidharAH parAgAM yAntvAsmAn bhavatimirakUpakShayakR^itaH || 63|| kadA vA koTIndudyutibharanirAsodyamadharAH ahalyAghaM millasthalalalitamallIsumanasaH | nakhadyutyAdhUtA.aparimitamanodhvAntanichayaH samagrAvagrAhaM mama kavalayeyurnayanayoH || 64|| visR^ijyAyodhyAyadvanabhuvi chachAropalachayaiH kushaiH kAsairvidhyadadhikataradAruNyamabhavat | dravantaM yanmAyAhariNamanududrAva mR^igaye tada~NghridvandaM shrIkuchayugapariShvaktamasakR^it || 65|| gajAH siMhA vyAghrA mR^igashashavarAhA vanacharA mayUrAH kAdambApikakavalakhakrau~nchakurarAH | tathAnye dhanyA yaiH shamitanayanAvagrahamaho@ mahAnIlashyAmaM khararipuH sadAsevitamabhUt || 66|| tR^iNatvaM nAsInme kimapi sarayUrodhasi mano\- ramArAme dhig dhig dhigidamadhamaM mAnavavapuH | yadevaM kaushalyA tanayacharaNAmbhojayugalI\- parirambhAnandaprabhavabhavanaM neha bhavati || 67|| praNAmaM sAShTA~NgaM tR^iNatarulatAbhyohi nirutaM prabhAvebhyaH kuryAM vinayasaralaM bhaktibahulam | araNyA bhoge yat kishalayamayIM lakShmaNakR^itA\- mala~nchakre shayyAM sahamahilayA rAmashayanam || 68|| vanAnAM vanyAnAmapitanubhR^itAM vA nadanadIM girIndrANAM yAdR^ikChikajananasAphalyamabhavat | kaTAkShaiH kalyANairduhiNahara mR^igyairdhanakR^ipA\- rasAsAraiH pUtAH ahaha raghunAthasya yadi me || 69|| aho bhAgyaM teShAM nishicharabhaTA ye jahurasUn raNAgre pashyantaH sharasukalitA~NgA raghupateH | jvalatsaMvartAgnipratibhaTakaTukrodhamapitat mukhaM lokaikAsechanamR^idulahAsaM prakR^ititaH || 72|| ayodhyAyAH patyuH suruchirajaganmohanapriya smR^itaH shrIprAsAdaM vadananalinaM chArunayanam | muhushchumbat dhAtrI duhitrImukhavITIrasalasat kapAlaM dR^iShTaM me vidhirahahasAhyaM na kurute || 71|| kimAbhyAM netrAbhyAM phalamiha raghUNAmadhipate\- rna pItA yAbhyAM tadvadanashashisaundaryalaharI | imau doShau doShau kamaladarachakrA~NkalasitaM na yAbhyAmAshliShTaM tava charaNarAjIvayugalam || 72|| durAshaM durbuddhiM duritakunadIprAvishamimaM sunirlajjaM dhi~NmAM sakalajanahAsochitakR^itima | titIrShurbAhUbhyAmiva jalanidhiM he raghupate ! didR^ikShe yo.ahantvAM vidhishivamukhadhyAnaviShayam || 73|| svavaktrendUdbhUtaM shravaNavivaraM te tanubhR^itAM shivovarShan kAshyAM vasati sahagauryyA raghupate ! punarjanmaShyAdhiprabhavajananIgarbhashamanaM prachaNDapratyUhaM tava madhuranAmAmR^itarasam || 74|| kva mAdhuryyAdhikyaM dadhighR^itasitApAyasamudhA\- madhuShvAgradrAkShApanasakadalInAM phalarase | kva kA~NkShA kaushalyAhR^idayajaladhIndo manasiche\- dajastrantvanAmasmaraNanavapIyUShalaharI || 75|| turIyaM ShaShTaM vA saridhipatipa~nchamamapi dvitIyaM manyante prathamamiva santo raghupate ? | lihantastannAmAmR^itarasamajasraM rasanayA pavitrIkurvantaH sucharaNarajobhiH kShititalam || 76|| ahalyA vettitvachcharaNarajasaH shaktimatulAM bhavaddAsyAnandaM niravadhiruchiM lakShmaNamanaH | shivo vA vAlmIkirbhavadasamanAmAmR^itarasaM dharitrIkanyaiva tvadadharamadhUnAM madhuratAm || 77|| hanumAn vettitvachChubhagaNakathAsvAdanarasaM bhavatpAdatrANApratimamahimAnaM cha bharataH | girirbhUmishAlA apibhavadamoghAM shubhagatiM tvadIyastvanmAyA salilanidhipAraMraghupate || 78|| tvadaMsho vetti tvatpR^ithulabhujasAraM bhR^igupati\- rbhavatkrodhATopaM pralayashikhirUpaM jalanidhiH | jayantastvatkShAntiM paramamaparAdhI jagati ko mahAtmAmAhAtmyaM nanu tavamanovAksuviShayam || 79|| vrataiH kiM dAnaiH kimakhilanadasnAnAdikaraNai\- rjapaiH kiM homaiH kiM kimathavividhAmnAyapaThanaiH | kimanyairvAdharmAcharaNaghana mohairhR^idi na chet pariShvaktaM pAdAmburuhayugalaM te raghupate ? || 80|| samanviShyaj~nAnA~njanaviShayadR^iShTyA shrutikhanIM pumarthAnAM dAtA marakatamaNirAghavamayaH | sa eko labdhome gurubhirUpadiShTaH karuNayA manaH peTyAmAste kathamathabhaveddurgatikathA || 81|| payobhiH pratyagrairdadhighR^itasitAdivyasumano\- rasaikastUrIbhiH shubhaparimalaishchandanarasaiH | sarayvAHnIreNa sushuchirabhiHsi~nchAmi manasA hR^idAmbhojAnaikAbharaNaraghuvIrA~Nghrinalinam || 82|| taDit koTIbhAsaM tava kaTitaTe hATakapaTaM kirITaM keyUraM shirasi bhujayoH kaustubhamaNim | urasyarkAkAraM shravaNayugale kuNDalayugaM vibho ! chetaH siMhAsanasamadhirUDhasya kalaye || 83|| galemuktAhArAn shashikiraNasa~NkAshamahaso\- navodyadvauratnadyutitaralamANikyataralAn | karAmbhojadvande kanakavalaye rAma kalaye tvadIyAkhyAmudrAM navamaNimapIra~NguliShu te || 84|| maNiM manye bhAnuM himakiraNamAsyaM tanumapi shriyaH shampAM vR^iShTiM kimalamadhuchinhaM navaghanam | uDanmuktAmAlAstvadura uragAridhvajanabho vibhAntyasminnete yugapaditi chitraM mahadidam || 85|| taDidvalyAnIlo ghana iva tamAlakShitiruho yathArUDhaH skandhaH kanakalatayA nIlashikharI | mayUkhenArkasyodyata iva raghUNAM parivR^i.Dho hiraNyAkAreNollasita upanItena jayati || 86|| ayaM yena vyAptastribhuvanataTAko balimukhe yato jAtA ga~NgA madhuharashirobhUShaNamayam | parAgANuryaH kopyavaramanayadyasya charatAM vimosad pAdAbjaM kanakakaTakodbhAsikalaye || 87|| dashAshAmadhyojjR^imbhitaparimalodAramadhuraH sravanmAdhvIdhArA prachuratulasIdAmaruchiraH | navAraNyAvalyAbharaNa iva gArutmatagiri\- rmano.ayodhyAmadhye dasharathakumAro vijayate || 88|| daronmIlanmugdhaiH sravadatulamAdhuryamadhubhiH svasaurabhyAhUtabhramaraninadAkAntabhuvanaiH | viyadra~NgAjAtaiH kanakakamalaibhUShitatanu\- rmanaH shrIvaikuNThe paramapuruSho.ayaM vijayate || 89|| ghanAmodvayAptyA ghumaghumitavid.hdhyaNDakuhare\- rjapApuShpachChAyairghasR^iNamasR^iNaishchandanarasaiH | yathA sindhuH sandhyAdyutitimiralipto raghupatiH patiH brahmANDAnAmadhivasatihR^itpuShpakamidam || 90|| mukhaM mugdhasnigdhAdharakishalayollAsimadhuraM smitAM krUrAkArAbhinavakalikaikAbhabharaNam | vibhordhAtrIputrInayanakamalAhlAdajanakaM hR^idetatkastUrItilakaruchirachumbitamuhuH || 91|| svatastejorAshihR^idayaparamavyomni yaminAM vasan sItAjAniH paridalitahArdAndhatamasaH | yayA vimbatrayyA bhavati kR^itinIrAjanavidhiH tayAprAptAchaNDAtapanihitadIpapratikR^itiH || 92|| prasUnAnyAhR^ityArchayitumanishaM ? te padayuge sahastraM hastAnAmabhilaShati me mAnasamidam | sahasrannetrANAmapitavatanuM draShTumamalAM sahasaMvaktrANAmapi raghupate ? te stuti vidhau || 93|| adankandaM mUlaM phalamapi charanpuNyasarayU\- taTAraNyAbhoge gataviShayarAgo raghupate ? | kadA vA tvatpAdAmburuhayugalI lInahR^idayaH@ kariShye niHsheShaM bhuvanasamudAyaM tR^iNamiva || 94|| niraste ShaDvarge viShayiShujiteShveShusakale\- ShvakhaNDe vairAgye prabalatarabhaktyA kavalite | prasanne hR^idyasmin svayamuditamUrtau raghupate kadAsyAmashrAntaM niravadhikasantoShabharitaH || 95|| akasmAdunmIlattaruNakaruNenaivamanasA tvayA vyAmohantaM dravitahR^idayaiH kiM vilapitaiH | prasAdAyodyukte bhavati mama doShaiH kimamitai\- ranudyukte kiMvA mama guNagaNairhA raghupate || 96|| tvamevaikopAyo dasharathamukhAmbojataraNo dharaNyAmej~nAtastaraNirivaduHkhAbdhitaraNaH | davAgnyugrajvAlAvalayitaniku~njAlayamR^igI\- shiroranyA kA vA gatirabhinavAbhrAdvanabhuvi || 97|| ratirme no dharme viratirapi nAdharmakaraNAt svabhAvodurvAraH khalu sakalasAdhAraNatayA | nate grAhyastyAjyo na cha charapatitvAM vyasaninaM jano.ayantadvishvambhara raghupate tesmyatibharaH || 98|| kare vAme chApaM sharamapi dadhAnaM taditare maNImauliM maste kanakamayavAsaH kaTitaTe | taDichChavyA devyAM vikasadatasIsUnasadR^ishaM dR^ishorme.agrerUpaM tava raghupate bhAtu satatam || 99|| iti tvatprItyarthaM kapaTanuti vAkyaM pralapitaM yathArthatvenedaM prasabhamurarIkR^ityakR^ipayA | anantAgastomaM trividhamapi me tvaM pariharan prasannashrIsItAramaNa bhava ga~Ngeva sharadi || 100|| kodaNDakANDaparimaNDitabAhudaNDaM gArutmatAdR^ikamanIyasunIlakAntim | koTIrahArakanakAmbararAjamAnaM rUpaM tavAstu raghuvIra ? dR^ishomamAgre || 101|| shoNAdharaiH kamalagandhivishAlanetraM lolAlake kuTilanIlamanoharabhrU | kundaprasUnaradanaM mukhamunnasante ma~njusmitaM raghukulendra ? kadAnu drakShye || 102|| yaH shrInivAsa raghunandanajAnakIbhyAM vAdhUlagotra udbhUta praNidhAya tena | sheShArya pAdakamale hR^idi rAghaveNa shrIsherpitA shikhariNImaNimAlikeyam || 103|| iti rAghavashikhariNIratnamAlAstotraM sampUrNam | shrIsItArAmachandrArpaNamastu | ## Encoded and proofread by Vishal Pandey \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}