% Text title            : Raja Supratikakrita Rama Stutih
% File name             : rAjAsupratIkakRRitArAmastutiH.itx
% Category              : raama, stuti, varAhapurANa
% Location              : doc\_raama
% Proofread by          : PSA Easwaran
% Description/comments  : varAhapurANa | adhyAya 12/3-14||
% Latest update         : September 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Raja Supratikakrita Rama Stutih ..}##
\itxtitle{.. rAjA supratIkakR^itA rAmastutiH ..}##\endtitles ##
supratIka uvAcha |
namAmi rAmaM naranAthamachyutaM kaviM purANaM tridashArinAshanam |
shivasvarUpaM prabhavaM maheshvaraM sadA prapannArtiharaM dhR^itashriyam || 3||
bhavAn sadA deva samastatejasAM karoShi tejAMsi samastarUpadhR^ik |
kShitau bhavAn pa~nchaguNastathA jale chatuHprakArastrividho.atha tejasi |
dvidhA.atha vAyau viyati pratiShThito bhavAn hare shabdavapuH pumAnasi || 4||
bhavAn shashI sUryahutAshano.asi tvayi pralInaM jagadetaduchyate |
bhavatpratiShThaM ramate jagadyataH stuto.asi rAmeti jagat pratiShThitam || 5||
bhavArNave duHkhatarormisa~Nkule tathAkShamAnagrahaNe.atibhIShaNe |
na majjati tvatsmaraNaplavo naraH smR^ito.asi rAmeti tathA tapovane || 6||
vedeShu naShTeShu bhavAMstathA hare karoShi mAtsyaM vapurAtmanaH sadA |
yugakShaye ra~njitasarvadi~Nmukho bhavAMstathAgnirbahurUpadhR^ig vibho || 7||
kaurmaM tathA te vapurAsthitaH sadA yuge yuge mAdhava toyamanthane |
na chAnyadastIti bhavatsamaM kvachijjanArdanAdyaH svayaM bhUtamuttamam || 8||
tvayA tataM vishvamidaM mahAtman svakAkhilAn veda dishashcha sarvAH |
kathaM tvamAdyaM paramaM tu dhAma vihAya chAnyaM sharaNaM vrajAmi || 9||
bhavAnekaH pUrvamAsIt tatashcha tvatto mahI salilaM vahniruchchaiH |
vAyustathA khaM cha mano.api buddhishchetoguNAstatprabhavaM cha sarvam || 10||
tvayA tataM vishvamidaM samastaM sanAtanastvaM puruSho mato me |
samastavishveshvara vishvamUrte sahasrabAho jaya deva deva |
namo.astu rAmAya mahAnubhAva || 11||
iti stuto devavaraH prasannaH tadA rAj~naH supratIkasya mUrtim |
sandarshayAmAsa tato.abhyuvAcha varaM vR^iNIShveti cha supratIkam || 12||
evaM shrutvA vachanaM tasya rAjA sasambhramaM devadevaM praNamya |
uvAcha deveshvara me prayachCha layaM yadAste paramaM vapuste || 13||
itIrite rAjavaraH kShaNena layaM tathA.agAdasuraghnamUrtau |
sthitastasminnAtmabhUto vimuktaH sa bhUmipaH karmakANDairanekaiH || 14||

iti varAhapurANe dvAdashAdhyAyAntargatA rAjA supratIkakR^itA
                       shrIrAmastutiH samAptA |

varAhapurANa | adhyAya 12/3\-14||
##

varAhapurANa . adhyAya 12/3-14..

Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}