% Text title            : rAmAShTaprAsastutiH
% File name             : rAmAShTaprAsastutiH.itx
% Category              : raama, aShTaka
% Location              : doc\_raama
% Proofread by          : PSA Easwaran psawaswaran
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramashtaprasastutih ..}##
\itxtitle{.. shrIrAmAShTaprAsastutiH ..}##\endtitles ##

kartA ka~njabhavAtmanA trijagatAM bhartA mukundAtmanA
hartA yashcha harAtmanAghamakhilaM smartA cha yasyojjhati |
dhartAraM dhanuShaH sharaissaha tamAdartAramArtAnvayaM
sartAro.apyapathe shritA raghupatiM vartAmahe nirbhayAH || 1||
kArAgArasamAnasaMsR^itinirAkArAya sachchinmayaM
dhIrA yaM sharaNaM vrajanti bhuvane nIrAgamohasmayAH |
tArAdevaramukhyavAnaraparIvArAya nIrAkara\-
sphArATopaharAya rAvaNajite vIrAya tasmai namaH || 2||
kiM devairitaraiH prapannabharaNe sandehakR^idbhirnR^iNAM
vindeyaM yadi tAn vimUDha iti mAM nindeyurAryA na kim |
kiM deyaM kimadeyamityaviduraM taM dehinAmiShTadaM
vande ka~nchana va~nchanAmR^igaripuM mandetarashreyase || 3||
gAtreShu shramamagnimAndyamudare netre jaDatvaM saha
shrotreNAdishatI jarA vishati chet ko.atrerayenmAstviti |
dAtre yattu namo.adhunA.api kalaye stotreNa vittAshayA
maitre janmajuShe kule kR^itanatirnetre tadujjhAmyaham || 4||
jAto yo mihirAnvaye niyaminA nIto makhaM rakShituM
shAtodaryapi yena gautamamuneH pUtopalatvaM jahau |
ChAtomApatikArmukaM sadasi yaM sItopalebhe patiM
nAto rAghavato.aparaM sharaNamityAtodyamAghoShaye || 5||
nAhaM putrakalatramitraviShaye snehaM vihAtuM kShamaH
sAha~NkAramidaM manashcha na kR^itotsAhaM gurUpAsane |
dehaM nashvaramantakasya na dayA hA hanta tenojjhituM
mohaM naumi ruchA viDambitapayovAhaM raghUNAM patim || 6||
shrIhInaM vyathayanti ye dhanamadAdehIti yAhIti tAn
vAhIkAniva na smarAmyapi patIn dohIyasInAM gavAm |
dehItIritamantareNa dadate yo hIhitaM dehinAM
pAhIti bruvato raghUdvaha dayAvAhI sa sevyo.asi me || 7||
shrutvA vedashirAMsi tannigaditaM matvA yathAvannaraH
smR^itvA.abhIkShNamidaM labheta vishayaM hitvA.a.atmasAkShAtkR^itim |
yattvAha kramamitthamAgamashirastattvAvabodhodaye
sattvAkAra tadeva rAma sulabhaM na tvAmanatvA nR^iNAm || 8||
hantuM prAktanaduShkR^itAni jagatAM mantuM bhR^ishAnityatAM
kantuM jetumamutra cheha samupArantuM phaleShvAdarAt |
yantuM sendriyajAtamAgamashiro gantuM cha vaktrAdguroH
tantuM chaNDakarAnvayasya kalaye taM tu~NgachApaM prabhum || 9||

iti shrIrAmAShTaprAsastutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}