% Text title            : rAmapAdukAstotram
% File name             : rAmapAdukAstotram.itx
% Category              : raama, vedAnta-deshika
% Location              : doc\_raama
% Author                : vedAntadeshika
% Proofread by          : PSA Easwaran psawaswaran at gmail.com
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : May 13, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ramapadukastotram ..}##
\itxtitle{.. shrIrAmapAdukAstotram ..}##\endtitles ##

(shrIvedAntadeshikakR^itam)
santaH shrIra~Nga\-pR^ithvIsha\-charaNatrANa\-shekharAH |
jayanti bhuvana\-trANapadapa~Nkaja\-reNavaH || 1||
vande viShNupadAsaktaM tamR^iShiM tAM cha pAdukAm |
yathArthA shaThajitsa.nj~nA machchittavijayAdyayoH || 2||
vande tadra~NganAthasya mAnyaM pAdukayoryugam |
unnatAnAmavanatiH natAnAM yatra chonnatiH || 3||
bhajAmaH pAduke yAbhyAM bharatasyAgrajastadA |
prAyaH prati\-prayANAya prAsthAnikamakalpayat || 4||
prashaste rAmapAdAbhyAM pAduke paryupAsmahe |
AnR^ishaMsyaM yayorAsIdAshriteShvanavagraham || 5||
adhIShTe pAdukA sA me yasyAH sAketavAsibhiH |
anvayavyatirekAbhyAmanvamIyata vaibhavam || 6||
pAhi naH pAduke yasyAH vidhAsyannabhiShechanam |
AbhiShechanikaM bhANDaM chakre rAmaH pradakShiNam || 7||
abhiShekotsavAttasmAdyasyA niryAtanotsavaH |
atyarichyata tAM vande bhavyAM bharatadevatAm || 8||
namaste pAduke  puMsAM saMsArArNavasetave |
padArohasya vedAntAH vandivaitAlikAH svayam || 9||
shaureH shR^i~NgAracheShTAnAM prasUtiM pAdukAM bhaje |
yAmeSha bhu~Nkte shuddhAntAtpUrvaM pashchAdapi prabhuH || 10||
agrataste gamiShyAmi mR^idnantI kusha\-kaNTakAn |
iti sItA.api yadvR^ittiM iyeSha praNamAmi tAm || 11||
shaureH sa~nchArakAleShu puShpavR^iShTirdivashchyutA |
paryavasyati yatraiva prapadye tAM padAvanIm || 12||
pAntu vaH padmanAbhasya pAdukAkelipAMsavaH |
ahalyAdehanirmANaparyAyaparamANavaH || 13||
shrutInAM bhUShaNAnAM te sha~Nke ra~NgendrapAduke |
mithaH sa~NgharShasa~njAtaM rajaH kimapi shi~njitam || 14||
udarchiShaste ra~NgendrapadAvani  bahirmaNIn |
antarmaNiravaM shrutvA manye romA~nchitAkR^itIn || 15||
mukhabAhUrUpAdebhyo varNAn sR^iShTavataH prabhoH |
prapadye pAdukAM ratnairvyaktavarNavyavasthitim || 16||
prapadye ra~NganAthasya pAdukAM padmarAgiNIm |
padekaniyatAM tasya padmavAsAmivAparAm || 17||
baddhAnAM yatra nityAnAM muktAnAmIshvarasya cha |
pratyakShaM sheShasheShitvaM sA me sid.h{}dhyatu pAdukA || 18||
vande gArutmatIM vR^ittyA maNistomaishcha pAdukAm |
yayA nityaM tulasyeva haritatvaM prakAshyate || 19||
hariNA harinIlaishcha pratiyatnavatIM sadA |
ayatnalabhyanirvANAmAshraye maNipAdukAm || 20||
shaureH shuddhAntanArINAM vihAramaNidarpaNam |
prasatteriva saMsthAnaM padatrANamupAsmahe || 21||
kalyANaprakR^itiM vande bhajantIM kA~nchanashriyam |
padArhAM pAdukAM shaureH pada eva niveshitAm || 22||
sR^iShTaM bhUmAvanantena nityaM sheShasamAdhinA |
ahaM sambhAvayAmi tvAmAtmAnamiva pAduke || 23||
prapadye pAdukArUpaM praNavasya kalAdvayam |
ontaM mitamidaM yasmin anantasyApi tatpadam || 24||
aNoraNIyasIM viShNormahato.api mahIyasIm |
prapadye pAdukAM nityaM tatpadenaiva sammatAm || 25||
udagrayantrakAM vande pAdukAM yanniveshanAt |
uparyapi padaM viShNoH pratyAdiShTaprasAdhanam || 26||
sUchayantIM svarekhAbhiranAlekhyasarasvatIm |
AlekhanIyasaundaryAmAshraye shauripAdukAm || 27||
kalAsu kAShThAmAtiShThan bhUmne sambandhinAmapi |
pAdukA ra~Ngadhuryasya bharatArAdhyatAM gatA || 28||
vidhau pravR^itte yaddravyaM guNasaMskAranAmabhiH |
shreyassAdhanamAmnataM tatpadatraM tathAstu me || 29||
pratiShThAM sarvachitrANAM prapadye maNipAdukAm |
vichitrajagadAdhAro viShNuryatra pratiShThitaH || 30||
prapadye pAdukAM devIM paravidyAmiva svayam |
yAmarpayati dInAnAM dayamAno jagadguruH || 31||
upAkhyAtaM tathAtvena vasiShThAdyairmaharShibhiH |
upAyaphalayoH kAShThAmupAse rAmapAdukAm || 32||
jayati yatirAjasUktirjayati mukundasya pAdukAyugaLI |
tadubhayadhanAstrivedImavandhyayanto jayanti bhuvi santaH || 33||

iti shrIvedAntadeshikakR^itaM shrIrAmapAdukAstotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}