% Text title            : Rama Saundarya Lahari
% File name             : rAmasaundaryalaharI.itx
% Category              : raama, laharI
% Location              : doc\_raama
% Author                : Sarvabhauma.  Sanskrit commentary (in the scan) is by Chenna Bhatta in 14th century
% Description/comments  : Incomplete text and commentary
% Latest update         : July 4, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama Saundarya Lahari ..}##
\itxtitle{.. shrIrAmasaundaryalaharI ..}##\endtitles ##
yaddIneShu dharAsutAramaNa te netradvayaM jAtvapi
      prAntekShAkanitAkhilArtyapagamad.h{}dhyAnAdyakurvatsvapi |
nityaM premadayorjitaM nivishate tatsantataM bhaktitaH
      tvatsevaikahR^idaH kathaM na viShayIkuryAttathA naH kR^ishAn || 1||
mugdhaM rAma tavAnanaM sahR^idayaM lokasya sampashyato
      netraM vistR^itapakShmavibhramamito nApaiti lakShmyA yayA |
shItAMshuM vimalaM na sA bahusharadrAkodbhavAsvekadA
      shrIShvapyArya gatAsu tAdR^ishi manAglakShyeta bhinne kimu || 2||
chandraM tavAnanasamaM druhiNo vidhAtu\-
      mekaikayA pratidinaM kalayA yunakti |
parvaNyavekShya sa tayorviShamatvamuchchai\-
      rAdarshamAkShipati tA hi tathAdhunApi || 3||
rAmAhni te sadR^ishatAM kamalAni dR^igbhyAM
      gantuM jaleShu varadaM samupAsate.arkam |
tatkAntileshamanavApya tato.api rAtryAM
      shuShyanti mIlanamiShAdatiduHkhitAni || 4||
ramyaM dR^ishau jagati rAghava te sisR^ikShu\-
      rdhAtAbjakoTimasR^ijatkarapATavAya |
sR^iShTvAtha te sa tu tayoranurUpamekaM
      labdhuM punaH sR^ijati padmakulaM na lebhe || 5||
snigdhAni rAma nava sAndratarANi bhAnti
      pakShmANi nIlanibiDAni daronnatAni |
prAyeNa lagnanayanAmburuhapraveka\-
      nIlAnyanukShaNanimeShakulairiva svaiH || 6||
nIlotpalAdahani padmakulAdrajanyAM
      lakShmIrapaiti kuta ityavadhArya vedhAH |
tvannetrayorvirachitAmanapAyinIM tAM
      kartuM chakAra nR^ipa pakShmamiSheNa vaprAm || 7||
AprAntamAyatanate raghuvaMshachandra
      deva bhruvau nayanayorjitamAra bhAtaH |
sa~njAtaraktanalinajvaladagrabhAge
      vallyAvivAdbhutatare jagatIha ke.api || 8||
mugdhA~NganAjayasisAdhayiShodayena
      svaprArthitena madanaH kamalAsanena |
taM saMhitaM sumukha mAdyati netrakoNaM
      tvadbhUdhanuShyuparipakShmaguNe.adhigatya || 9||
dIrghaM vishAlamalamuttarakosalendra
      madhye visheShakavishobhyalikaM tavAchCham |
tvadvarShmaniShkuTataTeShu sadA charantyA
      vishrAntipIThamiva rAjati rUpalakShmyAH || 10||
rekhAtrayeNa tava rAma lasallalATaM
      tiryagvibhAti nanu sUkShmatareNa madhye |
sambhAvitardhavadanojjvalatApravAha\-
      vegAhitAnabhihatAyatasatrinimnam || 11||
tIkShNonnatAgramahimAMshukulAvataMsa
      ghrANaM manAk tava vijR^imbhitachampakashri |
saundaryanirjharacharadvanitAkShimatsyA
      nAdAtumatra baDishaM nihitaM nu bhAti || 12||
kAkutstha te sumanasAM chayamabjayoni\-
      rnAsAM tatAna tilapuShShasamAM gR^ihItvA |
tannirgatasya pavanasya yataH sa gandho
      yaH syAttarAmupavane charato vasante || 13||
oShThopari sphuradana~NgasamA~Nga nimnam
      gADhaM tavollasati dADimabIjadaghnam |
tvAmeva chetasi shuchiM satataM dadhatyAH
      svapnopabhogadashanakShatama~NganAyAH || 14||
nirmAya te mR^idutayotpalabhAsvaroShThaM
      bhUyaH parIkShitumimaM chaturAnanena |
tasminnasAndranihitAgrakaniShThikAyA
      vidyotate padamivoShThatalordhvanimnam || 15||
lakShyeta rAma tava chedadharaH kavIndraiH
      kathyeta vidrumagaNeShu kathaM tathA shrIH |
j~nAyeta chetsa madhuro.atishayaH sudhAyAM
      spR^ishyeta chedabhinave mR^idutA shirIShe || 16||
bimbaiH phalairjagati yatkavinAdharANAM
      rAmopamAmadharabimbapadaM prayuktam |
tatte.adharasya guNavAchi kathaM na vA syA\-
      datyantatuchChamiti bimbaphalaM kilAtaH || 17||
muktAphalAni bhuvi yAnyatisundarANi
      tAnyeva chedavanichandra naro didR^ikShuH |
svachChaM samujjvallamidaM nishatAgrashAli
      pashyetsamaM sa masR^iNaM tava dntajAlam || 18||
UrdhvaM sthiteShu bharatAgraja te.apyadhastAt
      satsvambujAkShatanayaH samamAnasid.h{}dhyai |
chakre dhruvaM tanushalAkikayAntaranta\-
      rlekhAH kR^ishA viralasandhimiShAdanekAH || 19||
saumitripUrvaja tavAnishamAsyabhAjaH
shuddhAtvaShaH sumukha vAgadhidevatAyAH
tejo bahiH prasaradeva sharaddhavAchCha
      jyotsnAvishobhi tanuhAsa itIryate.anyaiH || 20||
mandasmitaM dasharathAtmaja te yadachChaM
      tvadvaktrapUrNashashijA nanu chandrikA sA |
AlokataH sarasatAM yadamuShya chandra\-
      kAntAnanaM bhajati hi pramadAjanasya || 21||
sa~NkShiptashabdamapi durgrahamarthajAlaiH
      yadrochate vibudha te vachanaM pashubhyaH |
tanmandahAsasharadudbhavachandrikoShTha
      pIyyUShasa~Ngajamaho madhuratvamasya || 22||
AdIyate sma suta kosalarAjaputryAH
      vAgbhyo.anu te kisalayairmR^idutA navInaiH |
Ahosvidatra kimu susmita vaiparItyaM
      vAktAM tavApuruta tAni nu yanna bhedaH || 23||
sampashyatAM guNAgaNAmbunidhe khanIM naH
      vR^ittAM sthitAM bhavati te chubukAdadho.atra |
dhAtronnamayya mukhametadavekShituM te
      dattAdimA~NgulitalAgrakhanIti sha~NkA || 24||
AdarshasAmyamanuchintya niShedhayAmo
      gaNDadvayasya tava rAma kavIndrabaddham |
asminyathA.abhimukhasaMsthitamachChameva\-
      manyatra na pratiphalatyupamAnamAtmA || 25||
mandasmitasya vishadaistava tairmahobhI
      rAmAbhito vitatamachChakapolayugmam |
sAndraM saroruhabhuvA parito viliptaM
      shuddhAmR^itasya kaNikAbhirivAdya bhAti || 26||
UrdhvasphuranmakarakuNDalabhAvilipta\-
      randhrashrutidvayayujI tava rAma netre |
saundaryanirjharamahR^idayugmato.alaM
      tIre jhaShAviva tataH patitau chalantau || 27||
shrIrAma kAmasama vR^ittatayA tvadIyaM
      karNadvayaM pratinidhIkR^itashaShkulIkam |
dormUladeshayugale vinihIrShayA.a.abhA\-
      muttabhya kuNDalayugasya shanairupaiti || 28||
antarjanasya tava yo.asti guNADhya rAgaH
      sthAtuM shashAka na muhuH sa samedhR^imAnaH |
shiShTastataH shravaNarandhrayugAdupAste
      nirgatya tatkanakakuNDalayugmarUpAt || 29||
a~Ngasya yasya bhuvi yA kamanIyabhUShA
      sA nirmalApi yadi tachChriyamAtanoti |
gaNDaprabhAvyatikarAdiva karNabhUShe
      kAShThAmupetya tu vibhUShayatastavAsyam || 30||
shrIrAma te sadaya lochanayorupAnte
      rAgo vinirjitanavA~NkurakAntidarpaH |
manye tamadya manujeShu nijAnurAgaM
      dR^igbhyAM svataH prakaTitaM prachura~njanAya || 31||
AtAmrakR^iShNasitanetrayugAtsravantyo
      bhAso vibhAnti bahuvarNamanoj~narUpAH |
pR^ijyAgratastava mude gaganAntarAle
      siddhena rAma rachitA iva chitralekhAH || 32||
bhUteShu janmasu na yairbahu chedakAri
      puNyaM na teShu puruShottama taM kaTAkShaH |
iShTArthadaH sa tu sudhArasapUratulya\-
      stApaM haranparama mAM viShayIkaroti || 33||
pashchAtkR^itasya pashunA budha chAmarasya
      mUrdhni tvayA.adya vidhR^itasya sukesharAsheH |
nehe.asmi sAmyamanuvarNayituM sugannu
      yAna~njanasya vimaterapahAsyatAyAH || 34||
dR^igbhyAM saroruharuchikShatikR^itsudhAva\-
      dbimbAdhareNa hasitena sachandrikaM cha |
padmekShaNAnanasudhAkaramaNDalaM te
      naH pashyatAM shashisamIkShaNato viraktiH || 35||
AsyaM trilokamapi dAsharathe sphuTAkShaM
      vismeramAvahata ujvalatAguNasya |
vishrAmabhUruhamanApya na pApakR^itkaH
      ja~NghAlameNadharadarpabhidAkR^itIdam || 36||
unnidramardhamahimAMshumahobhirardha\-
      nidrAyitaM cha kamalaM vidhunaikadA chet |
tenAtisundara tavaiva samIkriyeta
      grIvA tu sundaratayA rahito hi kambuH || 37||
AshleShasaktahR^idayena yadA yadA te
      kaNTho vyaloki suyasho vanitAjanena |
rAgastadIyamanaso.atra tadA tadAlaM
      saktastato.asti nu bhavAnatiraktakaNThaH || 38||
satvena rAma militena sahAtiriktai\-
      stairAmaNIyakarasaiH svakaropapIDam |
te piNDitena rachitasya galasya tirya\-
      gAku~nchanAttrivali vishvasR^ijodagAtkim || 39||
lokatrayasya vijaye madanena sAkShA\-
      dyaH pUryate musvamarudbhirananyasAdhye |
sha~NkhaH sa eva tava kaNThamiSheNa rAma
      hArairanarghataralairamalairvibhAti || 40||
skandhau tavAmaranibhAchChasuvarNakarNa
      bhUShAprabhArasajharasya kapolayugmam |
Akramya sampravahataH pUnarapyadhastAt
      vyUDhatvamApaturivAdharaNAya kAmam || 41||
sR^iShTvA vidhistava sharaNya vishAlamaMsaM
      mene punarbahuvishAlatayA vihInam |
jatrva~Ngamasya samavAyi chakAra so.ata\-
      stasmAnna samprati vibho vayi dR^ishyate tat || 42||
sa~NkhyAvatAM jagati rAma bhujottamA~Nga\-
      maMsaM vadanti nikarAH prathitorukIrtyA |
tenAhameva bhujatashcha kilottamA~Nga\-
      mityunnatiM kimabhajannu tavAMsayugmam || 43||
shuddhA prabhA bahuguNairamalaM svahAra\-
      mAchChAdya rAma nibiDoparisaMsarantI |
atyunnatAdiva tavAMsagirergalantI
      saundaryahR^idyarasajA laharI vibhAti || 44||
yatte narendra sakalAnanivAritAbhyo
      bAhU janAnupanatAnavato vipadbhyaH |
gambhIrasattvaguNayuktatayA tato.amUM
      sadvR^ittatAM nu kimavApatureva tau dvau || 45||
sa~NgrAmamUrdhni ripuShu svabalena sAkaM
      prANAnvihAya patiteShvathavA druteShu |
Aveshatastava bhujau viratiM bhajete
      dArDhyaM yataH saralatA na tayoH shilAyAH || 46||
yAvatprabho na bhujayostava sattvamantaH
      prApnoti mAnamadhunAsti tadaiva tAvat |
tasmAddhruvaM dR^iDhatayA daramapyabhinnau
      nunnau na tena shithilatvamimau labhante || 47||
madhye.abhirAma tava shaishavasamprayuktaM
      pInatvamadya parigR^ihya cha yauvanena |
bAhornyadhAyi nanu tadyadanupraveshe
      pIne tanutvamatanutvamapInayoshcha || 48||
sR^iShTvA mithastava bhujau sadR^ishau vidhAtA
      bhUyaH parIkShitumanuttama tatsamatvam |
AkarShati sma dR^iDhameva tato.atidairghya\-
      mAjAnu rAma samajanyanayostu nUnam || 49||
pArAvArapayovishoShaNachaNaibANairnihatyAsharAn
      kliShTAnsAdhujanAnrarakSha kR^ipayA dharma~nchayo.asthApayat |
so.ayaM shrIjanakAtmajAsahacharo nishshreyasAdhIshvaraH
      kShemasthairyajayAnabhIpsitamatho bhadra~ncha dadyAtsatAm ||

iti shrIrAmasaundaryalaharI samAptA |
      || shubhamastu ||

##
Incomplete composition by sArvabhauma

Encoded and proofread bu Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}