% Text title : rAmastavarAjastotra % File name : rAmastavarAjastotra.itx % Category : stavarAja, raama % Location : doc\_raama % Transliterated by : Madhavi U mupadrasta at gmail.com % Proofread by : Madhavi U mupadrasta at gmail.com % Description-comments : sanatkumArasaMhitAyAM nAradoktam. Same is shivokta in Anandaramayana Vilasakanda Prathama Sarga % Latest update : June 23, 2012, December 21, 2015 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Ramastavaraja from Sanatkumarasamhita ..}## \itxtitle{.. shrIrAmastavarAjaH sanatkumArasaMhitAyAm ..}##\endtitles ## asya shrIrAmachandrastavarAjastotramantrasya sanatkumAraR^iShiH | shrIrAmo devatA | anuShTup ChandaH | sItA bIjam | hanumAn shaktiH | shrIrAmaprItyarthe jape viniyogaH || sUta uvAcha | sarvashAstrArthattvaj~naM vyAsaM satyavatIsutam | sarvavedArtha dharmaputraH prahR^iShTAtmA pratyuvAcha munIshvaram || 1|| yudhiShThira uvAcha | bhagavanyoginAM shreShTha sarvashAstravishArada | kiM tattvaM kiM paraM jApyaM kiM dhyAnaM muktisAdhanam || 2|| shrotumichChAmi tatsarvaM brUhi me munisattama | vedavyAsa uvAcha | dharmarAja mahAbhAga shR^iNu vakShyAmi tattvataH || 3|| yatparaM yadguNAtItaM yajjyotiramalaM shivam | tadeva paramaM tattvaM kaivalyapadakAraNam || 4|| shrIrAmeti paraM jApyaM tArakaM brahmasa~nj~nakam | brahmahatyAdipApaghnamiti vedavido viduH || 5|| shrIrAma rAmeti janA ye japanti cha sarvadA | teShAM bhuktishcha muktishcha bhaviShyati na saMshayaH || 6|| stavarAjaM purA proktaM nAradena cha dhImatA | tatsarvaM sampravakShyAmi haridhyAnapuraHsaram || 7|| tApatrayAgnishamanaM sarvAghaughanikR^intanam | dAridryaduHkhashamanaM sarvasampatkaraM shivam || 8|| vij~nAnaphaladaM divyaM mokShaikaphalasAdhanam | namaskR^itya pravakShyAmi rAmaM kR^iShNaM jaganmayam || 9|| ayodhyAnagare ramye ratnamaNDapamadhyage | smaretkalpatarormUle ratnasiMhAsanaM shubham || 10|| tanmadhye.aShTadalaM padmaM nAnAratnaishcha veShTitam | smarenmadhye dAsharathiM sahasrAdityatejasam || 11|| pitura~NkagataM rAmamindranIlamaNiprabham | komalA~NgaM vishAlAkShaM vidyudvarNAmbarAvR^itam || 12|| bhAnukoTipratIkAshaM kirITena virAjitam | ratnagraiveyakeyUraratnakuNDalamaNDitam || 13|| ratnaka~NkaNama~njIrakaTisUtrairala~NkR^itam | shrIvatsakaustubhoraskaM muktAhAropashobhitam || 14|| divyaratnasamAyuktamudrikAbhila~NkR^itam | rAghavaM dvibhujaM bAlaM rAmamIShatsmitAnanam || 15|| tulasIkundamandArapuShpamAlyairala~NkR^itam | karpUrAgarukastUrIdivyagandhAnulepanam || 16|| yogashAstreShvabhirataM yogeshaM yogadAyakam | sadA bharatasaumitrishatrughnairupashobhitam || 17|| vidyAdharasurAdhIshasiddhagandharvakinnaraiH | yogIndrairnAradAdyaishcha stUyamAnamaharnisham || 18|| vishvAmitravasiShThAdimunibhiH parisevitam | sanakAdimunishreShThairyogivR^indaishcha sevitam || 19|| rAmaM raghuvaraM vIraM dhanurvedavishAradam | ma~NgalAyatanaM devaM rAmaM rAjIvalochanam || 20|| sarvashAstrArthatattvaj~namAnandakarasundaram | kausalyAnandanaM rAmaM dhanurbANadharaM harim || 21|| evaM sa~nchintayanviShNuM yajjyotiramalaM vibhum | prahR^iShTamAnaso bhUtvA munivaryaH sa nAradaH || 22|| sarvalokahitArthAya tuShTAva raghunandanam | kR^itA~njalipuTo bhUtvA chintayannadbhutaM harim || 23|| yadekaM yatparaM nityaM yadanantaM chidAtmakam | yadekaM vyApakaM loke tadrUpaM chintayAmyaham || 24|| vij~nAnahetuM vimalAyatAkShaM praj~nAnarUpaM svasukhaikahetum | shrIrAmachandraM harimAdidevaM parAtparaM rAmamahaM bhajAmi || 25|| kaviM purANaM puruShaM purastAtsanAtanaM yoginamIshitAram | aNoraNIyAMsamanantavIryaM prANeshvaraM rAmamasaudadarsha || 26|| nArada uvAcha | nArAyaNaM jagannAthamabhirAmaM jagatpatim | kaviM purANaM vAgIshaM rAmaM dasharathAtmajam || 27|| rAjarAjaM raghuvaraM kausalyAnandavardhanam | bhargaM vareNyaM vishveshaM raghunAthaM jagadgurum || 28|| satyaM satyapriyaM shreShThaM jAnakIvallabhaM vibhum | saumitripUrvajaM shAntaM kAmadaM kamalekShaNam || 29|| AdityaM ravimIshAnaM ghR^iNiM sUryamanAmayam | AnandarUpiNaM saumyaM rAghavaM karuNAmayam || 30|| jAmadagnyaM tapomUrtiM rAmaM parashudhAriNam | vAkpatiM varadaM vAchyaM shrIpatiM pakShivAhanam || 31|| shrIshAr.DagadhAriNaM rAmaM chinmayAnandavigraham | haladhR^igviShNumIshAnaM balarAmaM kR^ipAnidhim || 32|| shrIvallabhaM kR^ipAnAthaM jaganmohanamachyutam | matsyakUrmavarAhAdirUpadhAriNamavyayam || 33|| vAsudevaM jagadyonimanAdinidhanaM harim | govindaM gopatiM viShNuM gopIjanamanoharam || 34|| gogopAlaparIvAraM gopakanyAsamAvR^itam | vidyutpu~njapratIkAshaM rAmaM kR^iShNaM jaganmayam || 35|| gogopikAsamAkIrNaM veNuvAdanatatparam | kAmarUpaM kalAvantaM kAminIkAmadaM vibhum || 36|| manmathaM mathurAnAthaM mAdhavaM makaradhvajam | shrIdharaM shrIkaraM shrIshaM shrInivAsaM parAtparam || 37|| bhUteshaM bhUpatiM bhadraM vibhUtiM bhUtibhUShaNam | sarvaduHkhaharaM vIraM duShTadAnavavairiNam || 38|| shrInR^isiMhaM mahAbAhuM mahAntaM dIptatejasam | chidAnandamayaM nityaM praNavaM jyotirUpiNam || 39|| AdityamaNDalagataM nishchitArthasvarUpiNam | bhaktapriyaM padmanetraM bhaktAnAmIpsitapradam || 40|| kausalyeyaM kalAmUrtiM kAkutsthaM kamalApriyam | siMhAsane samAsInaM nityavratamakalmaSham || 41|| vishvAmitrapriyaM dAntaM svadAraniyatavratam | yaj~neshaM yaj~napuruShaM yaj~napAlanatatparam || 42|| satyasandhaM jitakrodhaM sharaNAgatavatsalam | sarvakleshApaharaNaM vibhIShaNavarapradam || 43|| dashagrIvaharaM raudraM keshavaM keshimardanam | vAlipramathanaM vIraM sugrIvepsitarAjyadam || 44|| naravAnaradevaishchasevitaM hanumatpriyam | shuddhaM sUkShmaM paraM shAntaM tArakAbrahmarUpiNam || 45|| sarvabhUtAtmabhUtasthaM sarvAdhAraM sanAtanam | sarvakAraNakartAraM nidAnaM prakR^iteH param || 46|| nirAmayaM nirAbhAsaM niravadhyaM nira~njanam | nityAnandaM nirAkAramadvaitaM tamasaH param || 47|| parAtparataraM tattvaM satyAnandaM chidAtmakam | manasA shirasA nityaM praNamAmi raghUttamam || 48|| sUryamaNDalamadhyasthaM rAmaM sItAsamanvitam | namAmi puNDarIkAkShamameyaM gurutatparam || 49|| namo.astu vAsudevAya jyotiShAM pataye namaH | namo.astu rAmadevAya jagadAnandarUpiNe || 50|| namo vedAntaniShThAya yogine brahmavAdine | mAyAmayanirAsAya prapannajanasevine || 51|| vandAmahe maheshAnachaNDakodaNDakhaNDanam | jAnakIhR^idayAnandavardhanaM raghunandanam || 52|| utphullAmalakomalotpaladalashyAmAya rAmAya te kAmAya pramadAmanoharaguNagrAmAya rAmAtmane | yogArUDhamunIndramAnasasarohaMsAya saMsAravidhvaMsAya sphuradojase raghukulottaMsAya puMse namaH || 53|| bhavodbhavaM vedavidAM variShThamAdityachandrAnalasuprabhAvam | sarvAtmakaM sarvagatasvarUpaM namAmi rAmaM tamasaH parastAt || 54|| nira~njanaM niHShpratimaM nirIhaM nirAshrayaM niShkalamaprapa~ncham | nityaM dhruvaM nirviShayasvarUpaM nirantaraM rAmamahaM bhajAmi || 55|| bhavAbdhipotaM bharatAgrajaM taM bhaktapriyaM bhAnukulapradIpam | bhUtatrinAthaM bhuvanAdhipaM taM bhajAmi rAmaM bhavarogavaidyam || 56|| sarvAdhipatyaM samarA~NgadhIraM satyaM chidAnandamayasvarUpam | satyaM shivaM shAntimayaM sharaNyaM sanAtanaM rAmamahaM bhajAmi || 57|| kAryakriyAkAraNamaprameyaM kaviM purANaM kamalAyatAkSham | kumAravedyaM karuNAmayaM taM kalpadrumaM rAmamahaM bhajAmi || 58|| trailokyanAthaM sarasIruhAkShaM dayAnidhiM dvandvavinAshahetum | mahAbalaM vedavidhiM sureshaM sanAtanaM rAmamahaM bhajAmi || 59|| vedAntavedyaM kavimIshitAramanAdimadhyAntamachintyamAdyam | agocharaM nirmalamekarUpaM namAmi rAmaM tamasaH parastAt || 60|| asheShavedAtmakamAdisa~nj~namajaM hariM viShNumanantamAdyam | apArasaMvitsukhamekarUpaM parAtparaM rAmamahaM bhajAmi || 61|| tattvasvarUpaM puruShaM purANaM svatejasA pUritavishvamekam | rAjAdhirAjaM ravimaNDalasthaM vishveshvaraM rAmamahaM bhajAmi || 62|| lokAbhirAmaM raghuvaMshanAthaM hariM chidAnandamayaM mukundam | asheShavidyAdhipatiM kavIndraM namAmi rAmaM tamasaH parastAt || 63|| yogIndrasa~Nghaishcha susevyamAnaM nArAyaNaM nirmalamAdidevam | nato.asmi nityaM jagadekanAthamAdityavarNaM tamasaH parastAt || 64|| vibhUtidaM vishvasR^ijaM virAmaM rAjendramIshaM raghuvaMshanAtham | achintyamavyaktamanantamUrtiM jyotirmayaM rAmamahaM bhajAmi || 65|| asheShasaMsAravihArahInamAdityagaM pUrNasukhAbhirAmam | samastasAkShiM tamasaH parastAnnArAyaNaM viShNumahaM bhajAmi || 66|| munIndraguhyaM paripUrNakAmaM kalAnidhiM kalmaShanAshahetum | parAtparaM yatparamaM pavitraM namAmi rAmaM mahato mahAntam || 67|| brahmA viShNushcha rudrashcha devendro devatAstathA | AdityAdigrahAshchaiva tvameva raghunandana || 68|| tApasA R^iShayaH siddhAH sAdhyAshcha marutastathA | viprA vedAstathA yaj~nAH purANadharmasaMhitAH || 69|| varNAshramAstathA dharmA varNadharmAstathaiva cha | yakSharAkShasagandharvAdikpAlA diggajAdayaH || 70|| sanakAdimunishreShThAstvameva raghupu~Ngava | vasavo.aShTau trayaH kAlA rudrA ekAdasha smR^itAH || 71|| tArakA dasha dik chaiva tvameva raghunandana | saptadvIpAH samudrAshcha nagA nadyastathA drumAH || 72|| sthAvarA ja~NgamAshchaiva tvameva raghunAyaka | devatirya.DamanuShyANAM dAnavAnAM tathaiva cha || 73|| mAtA pitA tathA bhrAtA tvameva raghuvallabha | sarveShAM tvaM paraM brahma tvanmayaM sarvameva hi || 74|| tvamakSharaM paraM jyotistvameva puruShottama | tvameva tArakaM brahma tvatto.anyannaiva ki~nchana || 75|| shAntaM sarvagataM sUkShmaM paraM brahma sanAtanam | rAjIvalochanaM rAmaM praNamAmi jagatpatim || 76|| vyAsa uvAcha | tataH prasannaH shrIrAmaH provAcha munipu~Ngavam | tuShTo.asmi munishArdUla vR^iNIShva varamuttamam || 77|| nArada uvAcha | yadi tuShTo.asi sarvaj~na shrIrAma karuNAnidhe | tvanmUrtidarshanenaiva kR^itArtho.ahaM cha sarvadA || 78|| dhanyo.ahaM kR^itakR^ityo.ahaM puNyo.ahaM puruShottama | adya me saphalaM janma jIvitaM saphalaM cha me || 79|| adya me saphalaM j~nAnamadya me saphalaM tapaH | adya me saphalaM karma tvatpAdAmbhojadarshanAt | adya me saphalaM sarvaM tvannAmasmaraNaM tathA || 80|| tvatpAdAmbhoruhadvandvasadbhaktiM dehi rAghava | tataH paramasamprItaH sa rAmaH prAha nAradam || 81|| shrIrAma uvAcha | munivarya mahAbhAga munetviShTaM dadAmi te | yattvayA chepsitaM sarva manasA tadbhaviShyati || 82|| nArada uvAcha | varaM na yAche raghunAtha yuShmatpadAbjabhaktiH satataM mamAstu | idaM priyaM nAtha varaM hi yAche punaHpunastvAmidameva yAche || 83|| vyAsa uvAcha | ityevamIDito rAmaH prAdAttasmai varAntaram | vIro rAmo mahAtejAH sachchidAnandavigrahaH || 84|| advaitamamalaM j~nAnaM svanAmasmaraNaM tathA | antardadhau jagannAthaH puratastasya rAghavaH || 85|| iti shrIraghunAthasya stavarAjamanuttamam | sarvasaubhAgyasampattidAyakaM muktidaM shubham || 86|| kathitaM brahmaputreNa vedAnAM sAramuttamam | guhyAdguhyatamaM divyaM tava snehAtprakIrtitam || 87|| yaH paThechChR^iNuyAdvApi trisandhyaM shraddhayAnvitaH | brahmahatyAdipApAni tatsamAni bahUni cha || 88|| svarNasteyaM surApAnaM gurutalpagatistathA | govadhAdyupapApAni anR^itAtsambhavAni cha || 89|| sarvaiH pramuchyate pApaiH kalpAyutashatodbhavaiH | mAnasaM vAchikaM pApaM karmaNA samupArjitam || 90|| shrIrAmasmaraNenaiva tatkShaNAnnashyati dhruvam | idaM satyamidaM satyaM satyametadihochyate || 91|| rAmaM satyaM paraM brahma rAmAtki~nchinna vidyate | tasmAdrAmasvarUpaM hi satyaM satyamidaM jagat || 92|| shrIrAmachandra raghupu~Ngava rAjavarya rajendra rAma raghunAyaka rAghavesha | rAjAdhirAja raghunandana rAmachandra dAso.ahamadyabhavataH sharaNAgato.asmi || 93|| vaidehIsahitaM suradrumatale haime mahAmaNDape madhye puShpakR^itAsane maNimaye vIrAsane saMsthitam | agre vAchayati prabha~njanasute tattvaM munIndraiH paraM vyAkhyAtaM bharatAdibhiH parivR^itaM rAmaM bhaje shyAmalam || 94|| rAmaM ratnakirITakuNDalayutaM keyUrahArAnvitaM sItAla~NkR^itavAmabhAgamamalaM siMhAsanasthaM vibhum | sugrIvAdiharIshvaraiH suragaNaiH saMsevyamAnaM sadA vishvAmitraparAsharAdimunibhiH saMstUyamAnaM prabhum || 95|| sakalaguNanidhAnaM yogibhiH stUyamAnaM bhujavijitasamAnaM rAkShasendrAdimAnam | mahitanR^ipabhayAnaM sItAyA shobhamAnaM smara hR^idaya vimAnaM brahma rAmAbhidhAnam || 96|| raghuvara tava mUrtirmAmake mAnasAbje narakagatiharaM te nAmadheyaM mukhe me | anishamatulabhaktyA mastakaM tvatpAdAbje bhavajalanidhimagnaM rakShamAmArtabandho || 97|| rAmaratnamahaM vande chitrakUTapatiM harim | kausalyAbhaktisambhUtaM jAnakIkaNThabhUShaNam || 98|| vimalakamalanetraM visphurannIlagAtraM tapanakulapavitraM dAnavidvAMsamitram | bhuvanakulacharitraM bhUmiputrikalatram\- amitaguNasamudraM rAmachandraM namAmi || 99|| iti shrIsanatkumArasaMhitAyAM nAradoktaM shrIrAmastavarAjastotraM sampUrNam || ##Also from stotrArNavaH## || iti shrIhiraNyagarbhasaMhitAyAM brahmanAradasaMvAde shrIraghunAthastavarAjaH sampUrNaH || ## Almost identical stavarAja is found in the Anandaramayana vilAsakANDa prathamasarga replacing nArada by Shiva. Encoded and proofread by Madhavi U mupadrasta at gmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}