% Text title            : Ramastutih Hanumatkrita 8
% File name             : rAmastutiHhanumatkRRitA.itx
% Category              : raama
% Location              : doc\_raama
% Transliterated by     : Prabhav Tengse
% Proofread by          : Prabhav Tengse
% Description/comments  : Skandapurana 46| 31-49
% Latest update         : February 25, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hanumatkrita Shrirama Stutih ..}##
\itxtitle{.. shrIhanumatkR^itA shrIrAmastutiH ..}##\endtitles ##
namo rAmAya haraye viShNave prabhaviShNave |
AdidevAya devAya purANAya gadAbhR^ite || 1||
viShTare puShpake nityaM niviShTAya mahAtmane |
prahR^iShTa vAnarAnIka juShTa pAdAmbujAyate || 2||
niShpiShTa rAkShasendrAya jagadiShTa vidhAyine |
namaH sahasra shirase sahasra charaNAya cha || 3||
sahasrAkShAya shuddhAya rAghavAya cha viShNave |
bhaktArti hAriNe tubhyaM sItAyAH pataye namaH || 4||
haraye nArasiMhAya daityarAja vidAriNe |
namastubhyaM varAhAya daMShTroddhR^ita vasundhare || 5||
trivikramAya bhavate bali yaj~na vibhedine |
namo vAmana rUpAya namo mandara dhAriNe || 6||
namaste matsya rUpAya trayI pAlana kAriNe |
namaH parashurAmAya kShatriyAnta karAya te || 7||
namaste rAkShasaghnAya namo rAghava rUpiNe |
mahAdeva mahAbhIma mahAkodaNDa bhedine || 8||
kShatriyAntakarakrUra bhArgava trAsa kAriNe |
namo.astva hilyAsantApa hAriNe chApa hAriNe || 9||
nAgAyuta valopeta tATakA deha hAriNe |
shilA kaThina vistAra vAlivakSho vibhedine || 10||
namo mAyA mR^igadhvaMsa kAriNe.aj~nAna hAriNe |
dashasyandana duHkhAbdhi shoShaNAgastya rUpiNe || 11||
anekormi samAdhUta samudramada hAriNe |
maithilI mAnasAmbhoja bhAnave loka sAkShiNe || 12||
rAjendrAya namastubhyaM jAnakI pataye hare |
tAraka brahmaNe tubhyaM namo rAjIva lochana || 13||
rAmAya rAma chandrAya vareNyAya sukhAtmane |
vishvAmitra priyAyedaM namaH khara vidAriNe || 14||
prasIda deva devesha bhaktAnAmabhayaprada |
rakSha mAM karuNA sindho rAmachandra namostute || 15||
rakSha mAM veda vachasAmapyagochara rAghava |
pAhimAM kR^ipayA rAma sharaNaM tvAmupaimyaham || 16||
raghuvIra mahAmohamapAkuru mamAdhunA |
snAne chAchamane bhuktau jAgratsvapna suShuptiShu || 17||
sarvAvasthAsu sarvatra pAhimAM raghunandana |
mahimAnaM tavastotuM kaH samartho jagattraye || 18||
tvameva tvanmahattvaM vai jAnAsi raghunandana |
ataste sharaNaM yAmi sarvabhAvena sarvadA || 19||

iti skandapurANAntargatA shrIhanumatkR^itA shrIrAmastutiH samAptA |

##
Encoded and proofread by Prabhav Tengse

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}