% Text title            : Shri Rama Vishvarupa Stava
% File name             : rAmavishvarUpastavaH.itx
% Category              : raama
% Location              : doc\_raama
% Proofread by          : Aruna Narayanan narayanan.aruna at gmail.com
% Description/comments  : From stotrArNavaH, Padmapurana
% Latest update         : September 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rama Vishvarupa Stava ..}##
\itxtitle{.. shrIrAmavishvarUpastavaH ..}##\endtitles ## 
sUta uvAcha\-\-
tato badarikAraNyaM puNyaM prApya sudharmadhIH |
vyAsaM munivarashreShThaM natvA bhIShmo.abravIdvachaH || 1||
shrIbhIShmaH \-\-
mayA munivarashreShTha vishrutA hi sahasrashaH |
gaNeshashaktisUryeshachakriNAM stutayo.amalAH || 2||
teShu stotreShu kiM shreShThaM brUhi me tanmunIshvara |
shrIvyAsaH \-\-
tvayA nirdiShTadevAnAM stotreShu cha paraM varam || 3||
koTikoTiguNAdhikyaM brahmaNA kathitaM purA |
vaiShNavastotravaryeShu sarveShvapi nadIsuta || 4||
anantapuNyaphaladA rAmasyeyaM mahAstutiH |
tAmahaM sa.npravakShyAmi shR^iNu bhIShma shuchivrata || 5||
sarvapApaprashamanIM mAnasepsitadAyinIm |
nihatya rAvaNaM sa~Nkhye trilokIjanadurjayam || 6||
mahAmohamivodriktaM brahmadattamahAvaram |
rAmaH paramadharmAtmA mAyAmAnuShavigrahaH || 7||
ayodhyAnagarIM prApto vR^itrahevAmarAvatIm |
atha tasmin dine puNye shubhalagne shubhAnvite || 8||
rAghavasyAbhiShekArthaM ma~NgalaM chakrire janAH |
vasiShTho vAmadevashcha jAbAliratha kAshyapaH || 9||
mArkaNDeyashcha maudgalyaH parvato nAradastathA |
ete maharShayastatra japahomapurassaram || 10||
abhiShekaM shubhaM chakruH shrIrAmaM raghusattamam |
nAnAratnamaye divye hemapIThe shubhAnvite || 11||
niveshya sItayA tasmin janArdanamiva shriyA |
sauvarNakalashairdivyairnAnAratnamayaiH shubhaiH || 12||
sarvatIrthodakaiH puNyairma~NgaladravyasaMyutaiH |
dUrvAgratulasIpatragandhapuShpasamanvitaiH || 13||
mantrapUtajalaiH shubhrairmunayaH saMshitavratAH |
japanto vaiShNavAn mantrAMshchaturvedamayAn shubhAn || 14||
abhiShekaM shubhaM chakruH kAkutsthaM jagatAM patim |
tasmin shubhatare lagne devadundubhayo divi || 15||
nineduH puShpavarShANi vavR^iShushcha samantataH |
divyAmbarairbhUShaNaishcha divyagandhAnulepanaiH || 16||
puShpairnAnAvidhairdivyairdevyA saha raghUdvaham |
ala~NkR^itaH sa shushubhe munibhirvedapAragaiH || 17||
ChatraM cha chAmaraM divyaM dhR^itavA.NllakShmaNastadA |
pArshve bharatashatrughnau tAlavR^intau vivejatuH || 18||
darpaNaM pradadau shrImAn rAkShasendro vibhIShaNaH |
dadhAra pUrNakalashaM sugrIvo vAnareshvaraH || 19||
jAmbavAMshcha mahAtejAH puShpamAlAM manoramAm |
vAliputrastu tAmbUlaM sakarpUraM dadau priyAt || 20||
hanumAn dIpikAM divyAM suSheNastu dhvajaM shubham |
parivArya mahAtmAnaM mantriNaHsamupAsire || 21||
dhR^iShTirjayanto vijayaH surAShTro rAShTravardhanaH |
akopo dharmapAlashcha sumantrashchAShTamaH smR^itaH || 22||
rAjAnashcha naravyAghrA nAnAjanapadeshvarAH |
paurAshcha naigamA vR^iddhA rAjAnaH paryupAsate || 23||
R^ikShaishcha vAnarendraishcha mantribhiH pR^ithivIshvaraiH |
rAkShasairdvijamukhyaishcha ki~Nkaraishcha samanvitaH || 24||
paravyomni yathA nityairdaivataiH kamalApatiH |
tathA nR^ipavaraH shrImAn sAkete shushubhe sadA || 25||
indIvaradalashyAmaM padmapatranibhekShaNam |
AjAnubAhuM kAkutsthaM pItavastradharaM harim || 26||
kambugrIvaM mahoraskaM vichitrAbharaNairyutam |
devyA saha samAsInamabhiShiktaM raghUttamam || 27||
vimAnasthAH suragaNA harShanirbharamAnasAH |
tuShTuvurjayashabdaishcha gandharvApsarasAM gaNAH || 28||
abhiShiktastadA rAmo vasiShThAdyaiH samantribhiH |
shushubhe sItayA devyA nArAyaNa iva shriyA || 29||
atyamartyatayA rUpamupamAtItamujjvalam |
dR^iShTvA tuShTAva hR^iShTAtmA sha~Nkaro draShTumAgataH || 30||
kR^itA~njalipuTo bhUtvA sAnando gadgadAkulaH |
harShayan sakalAn devAn munInapi cha mAnavAn || 31||

rudraH \-\-
namo mUlaprakR^itaye nityAya paramAtmane |
sachchidAnandarUpAya vishvarUpAya vedhase || 32||
namo nirantarAnandamUlakandAya viShNave |
jagattrayakR^itAnandamUrtaye divyamUrtaye || 33||
namo brahmeshapUjyAya sarvadevamayAya cha |
namo viShNusvarUpAya sarvarUpAya te naraH || 34||
utpattisthitisaMhArakAriNe triguNAtmane |
namo.astu nirgatopAdhisvarUpAya mudAtmane || 35||
anayA divyayA devyA sItayopAdhidhAriNe |
namaH pumprakR^itibhyAM cha yuvAbhyAM jagatAM kR^ite || 36||
jaganmAtApitR^ibhyAM cha sItAyai rAghavAya cha |
namaH prapa~ncharUpiNyai niShprapa~nchasvarUpiNe || 37||
namo dhyeyasvarUpiNyai yogidhyeyAtmadhAriNe |
pariNAmAparINAmanityAbhyAM cha namo namaH || 38||
kUTasthabIjarUpAbhyAM jAnakyai rAghavAya cha |
sItA lakShmIrbhavAn viShNuH sItA gaurI bhavAn shivaH || 39||
sItA svayaM hi sAvitrI svayaM brahmA chaturmukhaH |
sItA shachI bhavAnindraH sItA bhaimI nalo bhavAn || 40||
sItA saMhAriNI devI yamarUpadharo bhavAn |
sItA tu mAnasI devI nirR^itistvaM raghUttama || 41||
sItA tu bhArgavI devI varuNo yAdasAM patiH |
sItA sadAgatirdevI jagatprANadharo bhavAn || 42||
sItA tu sarvasampattiH kuberastvaM jagatpate |
sItA cha devI rudrANI bhavAn rudro mahAbalaH || 43||
sItA tu rohiNI devI chandrastvaM lokasaukhyadaH |
sItA sa.nj~nA bhavAn sUryaH sItA rAtrirbhavAn dinam || 44||
sItA devI mahAkAlI mahAkAlo bhavAn khalu |
strIli~NgaM triShu lokeShu yattatsarvaM hi jAnakI || 4||
punnAmalA~nChitaM vastu yattatsarvaM bhavAn prabho |
sarvatra sarvadeheShu sItA ShaTchakradhAriNI || 46||
tathA tvamapi cha kShAntastrIjAtirvishvabhAsinI |
tasmAdvishvamidaM proktaM yuvAbhyAM parichihnitam || 47||
chihnitaM shivashaktibhyAM sharIraM nAntarA prabho |
AvAM rAma jagatpUjyau mama pUjyau yuvAM sadA || 48||
tvannAmajApinI gaurI tvanmantrajapavAnaham |
mumukShormaNikaNThyandhu randhrodakanivAsinaH (? ) || 49||
ahaM dishAmi te mantraM tArakabrahmavAchakam |
shrIrAmarAmarAmetItyetattArakamuchyate || 50||
atastvaM jAnakInAtha paraM brahmAsi nishchitam |
tvanmAyAmohitAH sarve na tvAM jAnanti tattvataH || 51||
ityuktaH shambhunA rAmaH prasAdapravaNo.abhavat |
vishvarUpadharaH shrImAnadbhutAkAradarshanaH || 52||
taM tathArUpamAlokya naravAnaradevatAH |
na draShTumapi shaktAste taijasaM mahadadbhutam || 53||
bhayAdvai tridashashreShThAH praNemushchAtibhaktitaH |
bhItA vij~nAya rAmo.api naravAnaradevatAH |
mAyAmAnuShatAM prApya sarvAnevAbravIdvachaH || 54||
shrIrAmachandraH \-\-
shR^iNudhvaM devatA yo mAM pratyahaM saMstaviShyati |
stavena shambhunoktena vedatulyena mAnavaH || 55||
vimuktaH sarvapApebhyo matsArUpyaM samashnute |
raNe jayamavApnoti na kkachit paribhUyate || 56||
bhUtavetAlakR^ityAdigrahaishvApi na bAdhyate |
aputro labhate putraM patiM vindati kanyakA || 57||
daridraH shriyamApnoti sa prabhUtAmanashvarAm |
sarvalokapriyo vidvAn sarvabhUpAlapUjitaH || 58||
Atmano.api priyaH strINAM jAyate nAtra saMshayaH |
nirvighnaH sarvakAryeShu sarvArambho bhavennaraH || 55||
yaM yaM kAmayate martyaH surdurlabhamanoratham |
ShaNmAsAttaM tamApnoti stavasyAsya prakIrtanAt || 60||
sarvavedeShu yatpuNyaM sarvatIrthavareShu cha |
sarvayaj~neShu dAneShu tatsarvaM labhate phalam || 61||
shrIvyAsaH\-
ityuktvA rAmachandro.api prapUjya cha maheshvaram |
brahmAditridashaiH sarvairvisasarja samanvitam || 62||
architA mAnitAH sarvAnaravAnara devatAH |
visR^iShTA rAmachandreNa prItyA paramayA yutAH || 63||
itthaM visR^iShTAH khalu te cha sarve
svaM svaM padaM jagmuratIva tuShTAH |
hR^iShTAH paThantaH stavamIshvaroktaM
rAmaM smaranto naravishvarUpam || 64||

iti shrIpAdmapurANe shrIrAmavishvarUpasandarshanastavaH sampUrNaH |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}