रामाष्टकम्

रामाष्टकम्

भजे विशेषसुन्दरं समस्तपापखण्डनम् । स्वभक्तचित्तरञ्जनं सदैव राममद्वयम् ॥ १॥ जटाकलापशोभितं समस्तपापनाशकम् । स्वभक्तभीतिभङ्जनं भजेह राममद्वयम् ॥ २॥ निजस्वरूपबोधकं कृपाकरं भवापहम् । समं शिवं निरञ्जनं भजेह राममद्वयम् ॥ ३॥ सहप्रपञ्चकल्पितं ह्यनामरूपवास्तवम् । निराकृतिं निरामयं भजेह राममद्वयम् ॥ ४॥ निष्प्रपञ्चनिर्विकल्पनिर्मलं निरामयम्। चिदेकरूपसन्ततं भजेह राममद्वयम् ॥ ५॥ भवाब्धिपोतरूपकं ह्यशेषदेहकल्पितम् । गुणाकरं कृपाकरं भजेह राममद्वयम् ॥ ६॥ महावाक्यबोधकैर्विराजमनवाक्पदैः । परब्रह्म व्यापकं भजेह राममद्वयम् ॥ ७॥ शिवप्रदं सुखप्रदं भवच्छिदं भ्रमापहम् । विराजमानदैशिकं भजेह राममद्वयम् ॥ ८॥ रामाष्टकं पठति यः सुकरं सुपुण्यं व्यासेन भाषितमिदं श‍ृणुते मनुष्यः । विद्यां श्रियं विपुलसौख्यमनन्तकीर्तिं सम्प्राप्य देहविलये लभते च मोक्षम् ॥ ९॥ ॥ इति श्रीव्यासविरचितं रामाष्टकं सम्पूर्णम् ॥ Proofread by Madhavi U mupadrasta at gmail.com
% Text title            : raamaashhTaka 3 bhaje visheShasundaraM
% File name             : raamaashhTaka3.itx
% itxtitle              : rAmAShTakam 3 (bhaje visheShasundaram)
% engtitle              : rAmAShTakam 3
% Category              : aShTaka, raama, vyAsa
% Location              : doc_raama
% Sublocation           : raama
% Author                : Shri Vyasa
% Language              : Sanskrit
% Subject               : philosophy/hinduism/religion
% Proofread by          : Madhavi U mupadrasta at gmail.com
% Latest update         : January 31, 2023
% Send corrections to   : (sanskrit at cheerful dot c om)
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org