% Text title : Sankshiptaramayanam Sanksheparamayanam % File name : saNkShiptarAmAyaNam.itx % Category : raama % Location : doc\_raama % Author : Traditional % Transliterated by : Nat Natarajan nat.natarajan at gmail.com % Proofread by : Nat Natarajan, NA, Sowmya Krishnapur sowmya.krishnapur at gmail.com % Description-comments : From Brihatstotraratnakara with 408 stotras % Latest update : June 5, 2016, May 15, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sanksheparamayanam ..}## \itxtitle{.. sa~NkSheparAmAyaNam ..}##\endtitles ## shrIgaNeshAya namaH | || shrIH || atha sa~NkSheparAmAyaNam | tapaHsvAdhyAyanirataM tapasvI vAgvidAM varam | nAradaM paripaprachCha vAlmIkirmunipu~Ngavam || 1|| ko nvasminsAmprataM loke guNavAnkashcha vIryavAn | dharmaj~nashcha kR^itaj~nashcha satyavAkyo dR^iDhavrataH || 2|| chAritreNa cha ko yuktaH sarvabhUteShu ko hitaH | vidvAn kaH kaH samarthashcha kashchaikapriyadarshanaH || 3|| AtmavAnko jitakrodho dyutimAnko.anasUyakaH | kasya bibhyati devAshcha jAtaroShasya saMyuge || 4|| etadichChAmyahaM shrotuM paraM kautUhalaM hi me | maharShe tvaM samartho.asi j~nAtumevaMvidhaM naram || 5|| shrutvA chaitattrilokaj~no vAlmIkernArado vachaH | shrUyatAmiti chAmantrya prahR^iShTo vAkyamabravIt || 6|| bahavo durlabhAshchaiva ye tvayA kIrtitA guNAH | mune vakShyAmyahaM buddhA tairyuktaH shrUyatAM naraH || 7|| ikShvAkuvaMshaprabhavo rAmo nAma janaiH shrutaH | niyatAtmA mahAvIryo dyutimAndhR^itimAnvashI || 8|| buddhimAnnItimAn vAgmI shrImA~nChatrunibarhaNaH | vipulAMso mahAbAhuH kambugrIvo mahAhanuH || 9|| mahorasko maheShvAso gUDhajatrurarindamaH | AjAnubAhuH sushirAH sulalATaH suvikramaH || 10|| samaH samavibhaktA~NgaH snigdhavarNaH pratApavAn | pInavakShA vishAlAkSho lakShmIvA~nChubhalakShaNaH || 11|| dharmaj~naH satyasandhashcha prajAnAM cha hite rataH | yashasvI j~nAnasampannaH shuchirvashyaH samAdhimAn || 12|| prajApatisamaH shrImAn dhAtA ripuniShUdanaH | rakShitA jIvalokasya dharmasya parirakShitA || 13|| rakShitA svasya dharmasya svajanasya cha rakShitA | vedavedA~Ngatattvaj~no dhanurvede cha niShThitaH || 14|| sarvashAstrArthatattvaj~naH smR^itimAnpratibhAnavAn | sarvalokapriyaH sAdhuradInAtmA vichakShaNaH || 15|| sarvadA.abhigataH sadbhiH samudra iva sindhubhiH | AryaH sarvasamashchaiva sadaiva priyadarshanaH || 16|| sa cha sarvaguNopetaH kausalyAnandavardhanaH | samudra iva gAmbhIrye dhairyeNa himavAniva || 17|| viShNunA sadR^isho vIrye somavatpriyadarshanaH | kAlAgnisadR^ishaH krodhe kShamayA pR^ithivIsamaH || 18|| dhanadena samastyAge satye dharma ivAparaH | tameva~NguNasampannaM rAmaM satyaparAkramam || 19|| jyeShThaM shreShThaguNairyuktaM priyaM dasharathaH sutam | prakR^itInAM hitairyuktaM prakR^itipriyakAmyayA || 20|| yauvarAjyena saMyoktumaichChatprItyA mahIpatiH | tasyAbhiShekasambhArAn dR^iShTvA bhAryA.atha kaikayI || 21|| pUrvaM dattavarA devI varamenamayAchata | vivAsanaM cha rAmasya bharatasyAbhiShechanam || 22|| sa satyavachanAdrAjA dharmapAshena saMyataH | vivAsayAmAsa sutaM rAmaM dasharathaH priyam || 23|| sa jagAma vanaM vIraH pratij~nAmanupAlayan | piturvachananirdeshAtkaikeyyAH priyakAraNAt || 24|| taM vrajantaM priyo bhrAtA lakShmaNo.anujagAma ha | snehAdvinayasampannaH sumitrAnandavardhanaH || 25|| bhrAtaraM dayito bhrAtuH saubhrAtramanudarshayan | rAmasya dayitA bhAryA nityaM prANasamA hitA || 26|| janakasya kule jAtA devamAyeva nirmitA | sarvalakShaNasampannA nArINAmuttamA vadhUH || 27|| sItApyanugatA rAmaM shashinaM rohiNI yathA | paurairanugato dUraM pitrA dasharathena cha || 28|| shR^i~Ngaverapure sUtaM ga~NgAkUle vyasarjayat | guhamAsAdya dharmAtmA niShAdAdhipatiM priyam || 29|| guhena sahito rAmo lakShmaNena cha sItayA | te vanena vanaM gatvA nadIstIrtvA bahUdakAH || 30|| chitrakUTamanuprApya bharadvAjasya shAsanAt | ramyamAvasathaM kR^itvA ramamANA vane trayaH || 31|| devagandharvasa~NkAshAstatra te nyavasan sukham | chitrakUTaM gate rAme putrashokAturastadA || 32|| rAjA dasharathaH svargaM jagAma vilapan sutam | mR^ite tu tasmin bharato vasiShThapramukhairdvijaiH || 33|| niyujyamAno rAjyAya naichChadrAjyaM mahAbalaH | sa jagAma vanaM vIro rAmapAdaprasAdakaH || 34|| gatvA tu sa mahAtmAnaM rAmaM satyaparAkramam | ayAchadbhrAtaraM rAmamAryabhAvapuraskR^itaH || 35|| tvameva rAjA dharmaj~na iti rAmaM vacho.abravIt | rAmo.api paramodAraH sumukhaH sumahAyashAH || 56|| na chaichChatpiturAdeshAdrAjyaM rAmo mahAbalaH | pAduke chAsya rAjyAya nyAsaM dattvA punaH punaH || 37|| nivartayAmAsa tato bharataM bharatAgrajaH | sa kAmamanavApyaiva rAmapAdAvupaspR^ishan || 38|| nandigrAme.akarodrAjyaM rAmAgamanakA~NkShayA | gate tu bharate shrImAnsatyasandho jitendriyaH || 39|| rAmastu punarAlakShya nAgarasya janasya cha | tatrAgamanamekAgro daNDakAn pravivesha ha || 40|| pravishya tu mahAraNyaM rAmo rAjIvalochanaH | virAdhaM rAkShasaM hatvA sharabha~NgaM dadarsha ha || 41|| sutIkShNaM chApyagastyaM cha agastyabhrAtaraM tathA | agastyavachanAchchaiva jagrAhaindraM sharAsanam || 42|| khaDgaM cha paramaprItastUNI chAkShayasAyakau | vasatastasya rAmasya vane vanacharaiH saha || 43|| R^iShayo.abhyAgamansarve vadhAyAsurarakShasAm | sa teShAM pratishushrAva rAkShasAnAM tadA vane || 44|| pratij~nAtashcha rAmeNa vadhaH saMyati rakShasAm | R^iShINAmagnikalpAnAM daNDakAraNyavAsinAm || 45|| tena tatraiva vasatA janasthAnanivAsinI | virUpitA shUrpaNakhA rAkShasI kAmarUpiNI || 46|| tataH shUrpaNakhAvAkyAdudyuktAnsarvarAkShasAn | kharaM trishirasaM chaiva dUShaNaM chaiva rAkShasam || 47|| nijaghAna raNe rAmasteShAM chaiva padAnugAn | vane tasminnivasatA janasthAnanivAsinAm || 48|| rakShasAM nihatAnyAsansahasrANi chaturdasha | tato j~nAtivadhaM shrutvA rAvaNaH krodhamUrChitaH || 49|| sahAyaM varayAmAsa mArIchaM nAma rAkShasam | vAryamANaH subahusho mArIchena sa rAvaNaH || 50|| na virodho balavatA kShamo rAvaNa tena te | anAdR^itya tu tadvAkyaM rAvaNaH kAlachoditaH || 51|| jagAma sahamArIchastasyAshramapadaM tadA | tena mAyAvinA dUramapavAhya nR^ipAtmajau || 52|| jahAra bhAryAM rAmasya gR^idhraM hatvA jaTAyuSham | gR^idhraM cha nihataM dR^iShTvA hR^itAM shrutvA cha maithilIm || 53|| rAghavaH shokasantapto vilalApAkulendriyaH | tatastenaiva shokena gR^idhraM dagdhvA jaTAyuSham || 54|| mArgamANo vane sItAM rAkShasaM sandadarsha ha | kabandhaM nAma rUpeNa vikR^itaM ghoradarshanam || 55|| tannihatya mahAbAhurdadAha svargatashcha saH | sa chAsya kathayAmAsa shabarIM dharmachAriNIm || 56|| shramaNAM dharmanipuNAmabhigachCheti rAghava | so.abhyagachChanmahAtejAH shabarIM shatrusUdanaH || 57|| shabaryA pUjitaH samyagrAmo dasharathAtmajaH | pampAtIre hanumatA sa~Ngato vAnareNa ha || 58|| hanUmadvachanAchchaiva sugrIveNa samAgataH | sugrIvAya cha tatsarvaM shaMsadrAmo mahAbalaH || 59|| AditastadyathAvR^ittaM sItAyAshcha visheShataH | sugrIvashchApi tatsarvaM shrutvA rAmasya vAnaraH || 60|| chakAra sakhyaM rAmeNa prItashchaivAgnisAkShikam | tato vAnararAjena vairAnukathanaM prati || 61|| rAmAyAveditaM sarvaM praNayAdduHkhitena cha | pratij~nAtaM cha rAmeNa tadA vAlivadhaM prati || 62|| vAlinashcha balaM tatra kathayAmAsa vAnaraH | sugrIvaH sha~NkitashchAsInnityaM vIryeNa rAghave || 63|| rAghavapratyayArthaM tu dundubheH kAyamuttamam | darshayAmAsa sugrIvo mahAparvatasannibham || 64|| utsmayitvA mahAbAhuH prekShya chAsthi mahAbalaH | pAdA~NguShThena chikShepa sampUrNaM dashayojanam || 65|| bibheda cha punastAlAn saptaikena maheShuNA | giriM rasAtalaM chaiva janayanpratyayaM tadA || 66|| tataH prItamanAstena vishvastaH sa mahAkapiH kiShkindhAM rAmasahito jagAma cha guhAM tadA || 67|| tato.agarjaddharivaraH sugrIvo hemapi~NgalaH | tena nAdena mahatA nirjagAma harIshvaraH || 68|| anumAnya tadA tArAM sugrIveNa samAgataH | nijaghAna cha tatraiva shareNaikena rAghavaH || 69|| tataH sugrIvavachanAddhatvA vAlinamAhave | sugrIvameva tadrAjye rAghavaH pratyapAdayat || 70|| sa cha sarvAn samAnIya vAnarAn vAnararShabhaH | dishaH prasthApayAmAsa didR^ikShurjanakAtmajAm || 71|| tato gR^idhrasya vachanAtsampAterhanumAnbalI | shatayojanavistIrNaM pupluve lavaNArNavam || 72|| tatra la~NkAM samAsAdya purIM rAvaNapAlitAm | dadarsha sItAM dhyAyantImashokavanikAM gatAm || 73|| nivedayitvA.abhij~nAnaM pravR^ittiM vinivedya cha | samAshvAsya cha vaidehIM mardayAmAsa toraNam || 74|| pa~ncha senAgragAn hatvA sapta mantrisutAnapi | shUramakShaM cha niShpiShya grahaNaM samupAgamat || 75|| astreNonmuktamAtmAnaM j~nAtvA paitAmahAdvarAt | marShayanrAkShasAnvIro yantriNastAnyadR^ichChayA || 76|| tato dagdhvA purIM la~NkAmR^ite sItAM cha maithilIm | rAmAya priyamAkhyAtuM punarAyAnmahAkapiH || 77|| so.abhigamya mahAtmAnaM kR^itvA rAmaM pradakShiNam | nyavedayadameyAtmA dR^iShTA sIteti tattvataH || 78|| tataH sugrIvasahito gatvA tIraM mahodadheH | samudraM kShobhayAmAsa sharairAdityasannibhaiH || 79|| darshayAmAsa chAtmAnaM samudraH saritAM patiH | samudravachanAchchaiva nalaM setumakArayat || 80|| tena gatvA purIM la~NkAM hatvA rAvaNamAhave | rAmaH sItAmanuprApya parAM vrIDAmupAgamat || 81|| tAmuvAcha tato rAmaH paruShaM janasaMsadi | amR^iShyamANA sA sItA vivesha jvalanaM satI || 82|| tato.agnivachanAtsItAM j~nAtvA vigatakalmaShAm | karmaNA tena mahatA trailokyaM sacharAcharam || 83|| sadevarShigaNaM tuShTaM rAghavasya mahAtmanaH | babhau rAmaH sa.nprahR^iShTaH pUjitaH sarvadaivataiH || 84|| abhiShichya cha la~NkAyAM rAkShasendraM vibhIShaNam | kR^itakR^ityastadA rAmo vijvaraH pramumoda ha || 85|| devatAbhyo varaM prApya samutthApya cha vAnarAn | ayodhyAM prasthito rAmaH puShpakeNa suhR^idvR^itaH || 86|| bharadvAjAshramaM gatvA rAmaH satyaparAkramaH | bharatasyAntike rAmo hanUmantaM vyasarjayat || 87|| punarAkhyAyikAM jalpan sugrIvasahitastadA | puShpakaM tatsamAruhya nandigrAmaM yayau tadA || 88|| nandigrAme jaTAM hitvA bhrAtR^ibhiH sahito.anaghaH | rAmaH sItAmanuprApya rAjyaM punaravAptavAn || 89|| prahR^iShTamudito lokastuShTaH puShTaH sudhArmikaH | nirAmayo hyarogashcha durbhikShabhayavarjitaH || 90|| na putramaraNaM kechid drakShyanti puruShAH kvachit | nAryashchAvidhavA nityaM bhaviShyanti pativratAH || 91|| na chAgnijaM bhayaM ki~nchinnApsu majjanti jantavaH | na vAtajaM bhayaM ki~nchinnApi jvarakR^itaM tathA || 92|| na chApi kShudbhayaM tatra na taskarabhayaM tathA | nagarANi cha rAShTrANi dhanadhAnyayutAni cha || 93|| nityaM pramuditAH sarve yathA kR^itayuge tathA | ashvamedhashatairiShTvA bahuvastrasuvarNakaiH || 94|| gavAM koTyayutaM dattvA brahmalokaM gamiShyati | asa~NkhyeyaM dhanaM dattvA brAhmaNebhyo mahAyashAH || 95|| rAjavaMshA~nChataguNAnsthApayiShyati rAghavaH | chAturvarNyaM cha loke.asmin sve sve dharme niyokShyati || 96|| dashavarShasahasrANi dashavarShashatAni cha | rAmo rAjyamupAsitvA brahmalokaM gamiShyati || 97|| idaM pavitraM pApaghnaM puNyaM vedaishcha sammitam | yaH paThedrAmacharitaM sarvapApaiH pramuchyate || 98|| etadAkhyAnamAyuShyaM paThanrAmAyaNaM naraH | saputrapautraH sagaNaH pretya svarge mahIyate || 99|| paThandvijo vAgR^iShabhatvamIyAt syAt kShatriyo bhUmipatitvamIyAt | vaNigjanaH paNyaphalatvamIyAjjanashcha shUdro.api mahattvamIyAt || 100|| ityArShe shrImadrAmAyaNe vAlmIkIye AdikAvye bAlakANDe sa~NkSheparAmAyaNaM nAma prathamaH sargaH | ## Proofread by Nat Natarajan, NA, Sowmya Krishnapur sowmya.krishnapur at gmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}