% Text title : Shrirama Pattabhisheka 2 Chaturvedi Dwaraka Prasad Sharma (CDPS) version % File name : shrIrAmapaTTAbhiShekasargaH\_CDPS.itx % Category : raama % Location : doc\_raama % Proofread by : N Seshadri % Description/comments : Chaturvedi Dwaraka Prasad Sharma (CDPS) version % Latest update : June 10, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrirama Pattabhisheka 2 ..}## \itxtitle{.. shrIrAma\-paTTAbhiSheka ..}##\endtitles ## || shrIrAma paTTAbhiSheka sargaH || ##Chaturvedi Dwaraka Prasad Sharma (CDPS) version## shirasya~njalimAdhAya kaikeyyAnandavardhanaH | babhAShe bharato jyeShThaM rAmaM satyaparAkramam || 1|| pUjitA mAmikA mAtA dattaM rAjyamidaM mama | taddadAmi punastubhyaM yathA tvamadadA mama || 2|| dhuramekAkinA nyastAmR^iShabheNa balIyasA | kishorIva guruM bhAraM na voDhumahamutsahe || 3|| vArivegena mahatA bhinnaH seturiva kSharan | durbandhanamidaM manye rAjyachChidramasaMvR^itam || 4|| gatiM khara ivAshvasya haMsasyeva cha vAyasaH | nAnvetumutsahe rAma tava mArgamarindama || 5|| yathA chAropito vR^ikSho jAtashchAntarniveshane | mahAMshcha sudurAroho mahAskandhaprashAkhavAn || 6|| shIryeta puShpito bhUtvA na phalAni pradarshayan | tasya nAnubhavedarthaM yasya hetoH sa ropyate || 7|| eShopamA mahAbAho tvadarthaM vettumarhasi | yadyasmAnmanujendra tvaM bhaktAnbhR^ityAnna shAdhi hi || 8|| jagadadyAbhiShiktaM tvAmanupashyatu sarvataH | pratapantamivAdityaM madhyAhne dIptatejasam || 9|| tUryasa~NghAtanirghoShaiH kA~nchInUpuranisvanaiH | madhurairgItashabdaishcha pratibudhyasva rAgava || 10|| yAvadAvartate chakraM yAvatI cha vasundharA | tAvattvamiha sarvasya svAmitvamanuvartaya || 11|| bharatasya vachaH shrutvA rAmaH parapura~njayaH | tatheti pratijagrAha niShasAdAsane subhe || 12|| tataH shatrughnavachanAnnipuNAH shmashruvardhakAH | sukhahastAH sushIghrAshcha rAghavaM paryupAsata || 13|| pUrvaM tu bharate snAte lakShmaNe cha mahAbale | sugrIve vAnarendre cha rAkShasendre vibhIShaNe || 14|| vishodhitajaTaH snAtashchitramAlyAnulepanaH | mahArhavasano rAmastasthau tatra shriyA jvalan || 15|| pratikarma cha rAmasya kArayAmAsa vIryavAn | lakShmaNasya cha lakShmIvAnikShvAkukulavardhanaH || 16|| pratikarma cha sItAyAH sarvA dasharathastriyaH | Atmanaiva tadA chakrurmanasvinyo manoharam || 17|| tato vAnarapatnInAM sarvAsAmeva shobhanam | chakAra yatnAtkausalyA prahR^iShTA putralAlasA || 18|| tataH shatrughnavachanAtsumantro nAma sArathiH | yojayitvA.abhichakrAma rathaM sarvA~Ngashobhanam || 19|| arkamaNDalasa~NkAshaM divyaM dR^iShTvA rathottamam | Aruroha mahAbAhU rAmaH satyaparAkramaH || 20|| sugrIvo hanumAnshchaiva mahendrasadR^ishadyutI | snAtau divyanibhairvastrairjagmatuH shubhakuNDalau || 21|| varAbharaNajuShTAshcha yayustAH shubhakuNDalAH | sugrIvapatnyaH sItA cha draShTuM nagaramutsukAH || 22|| ayodhyAyAM tu sachivA rAj~no dasharathasya ye | purohitaM puraskR^itya mantrayAmAsurarthavat || 23|| ashoko vijayashchaiva sumantrashchaiva samAgatAH | mantrayanrAmavR^id.hdhyarthamR^id.hdhyarthaM nagarasya cha || 24|| sarvamevAbhiShekArthaM jayArhasya mahAtmanaH | kartumarhatha rAmasya yadyanma~NgalapUrvakam || 25|| iti te mantriNaH sarve sandishya tu purohitam | nagarAnniryayustUrNaM rAmadarshanabuddhayaH || 26|| hariyuktaM sahasrAkSho rathamindra ivAnaghaH | prayayau rathamAsthAya rAmo nagaramuttamam || 27|| jagrAha bharato rashmI~nshatrughnashChatramAdade | lakShmaNo vyajanaM tasya mUrdhni samparyavIjayat || 28|| shvetaM cha vAlavyajanaM jagrAha purataH sthitaH | aparaM chandrasa~NkAshaM rAkShasendro vibhIShaNaH || 29|| R^iShisa~NghaistadA.a.akAshe devaishcha samarudgaNaiH | stUyamAnasya rAmasya shushruve madhuradhvaniH || 30|| tataH shatru~njayaM nAma ku~njaraM parvatopamam | Aruroha mahAtejAH sugrIvaH plavagarShabhaH || 31|| navanAgasahasrANi yayurAsthAya vAnarAH | mAnuShaM vigrahaM kR^itvA sarvAbharaNabhUShitAH || 32|| sha~NkhashabdapraNAdaishcha dundubhInAM cha nisvanaiH | prayayau puruShavyAghrastAM purIM harmyamAlinIm || 33|| dadR^ishuste samAyAntaM rAghavaM sapuraHsaram | virAjamAnaM vapuShA rathenAtirathaM tadA || 34|| te vardhayitvA kAkutsthaM rAmeNa pratinanditAH | anujagmurmahAtmAnaM bhrAtR^ibhiH parivAritam || 35|| amAtyairbrAhmaNaishchaiva tathA prakR^itibhirvR^itaH | shriyA viruruche rAmo nakShatrairiva chandramAH || 36|| sa purogAmibhistUryaistAlasvastikapANibhiH | pravyAharadbhirmuditairma~NgalAni vR^ito yayuH || 37|| akShataM jAtarUpaM cha gAvaH kanyAstathA dvijAH | narA modakahastAshcha rAmasya purato yayuH || 38|| sakhyaM cha rAmaH sugrIve prabhAvaM chAnilAtmaje | vAnarANAM cha tatkarma rAkShasAnAM cha tadvalam || 39|| vibhIShaNasya saMyogamAchachakShe cha mantriNAm | shrutvA tu vismayaM jagmurayodhyApuravAsinaH || 40|| dyutimAnetadAkhyAya rAmo vAnarasaMvR^iyutaH | hR^iShTapuShTajanAkIrNAmayodhyAM pravivesha ha || 41|| tato hyabhyuchChrayanpaurAH patAkAshcha gR^ihe gR^ihe | aikShvAkAdhyuShitaM ramyamAsasAda piturgR^iham || 42|| athAbravIdrAjaputro bharataM dharmiNAM varam | arthopahitayA vAchA madhuraM raghunandanaH || 43|| piturbhavanamAsAdya pravishya cha mahAtmanaH | kausalyAM cha sumitrAM cha kaikeyImabhivAdayat || 44|| yachcha madbhavanaM shreShThaM sAshokavanikaM mahat | muktAvaidUryasa~NkIrNaM sugrIvAya nivedaya || 45|| tasya tadvachanaM shrutvA bharataH satyavikramaH | pANau gR^ihItvA sugrIvaM pravivesha tamAlayam || 46|| tatastailapradIpAMshcha parya~NkAstaraNAni cha | gR^ihItvA vivishuH kShipraM shatrughnena prachoditAH || 47|| uvAcha cha mahAtejAH sugrIvaM rAghavAnujaH | abhiShekAya rAmasya dUtAnAj~nApaya prabho || 48|| sauvarNAnvAnarendrANAM chaturNAM chaturo ghaTAn | dadau kShipraM sa sugrIvaH sarvaratnavibhUShitAn || 49|| yathA pratyUShasamaye chaturNAM sAgarAmbhasAm | pUrNairghaTaiH pratIkShadhvaM tathA kuruta vAnarAH || 50|| evamuktA mahAtmAno vAnarA vAraNopamAH | utpeturgaganaM shIghraM garuDAnilashIghragAH || 51|| jAmbavAMshcha suSheNashcha vegadarshI cha vAnarAH | R^iShabhashchaiva kalashA~njalapUrNAnathAnayan || 52|| nadIshatAnAM pa~nchAnAM jalaM kumbhairupAharan | pUrvAtsamudrAtkalashaM jalapUrNAmathAnayat || 53|| suSheNaH sattvasampannaH sarvaratnavibhUShitam | R^iShabho dakShiNAttUrNaM samudrAjjalamAharat || 54|| raktachandanashAkhAbhiH saMvR^itaM kA~nchanaM ghaTam | gavayaH pashchimAttoyamAjahAra mahArNavAt || 55|| ratnakumbhena mahatA shItaM mArutavikramaH | uttarAchcha jalaM shIghraM garuDAnilavikramaH || 56|| AjahAra sa dharmAtmA nalaH sarvaguNAnvitaH | tatastairvAnarashreShThairAnItaM prekShya tajjalam || 57|| abhiShekAya rAmasya shatrughnaH sachivaiH saha | purohitAya shreShThAya suhR^idbhyashcha nyavedayat || 58|| tataH sa prayato vR^iddho vasiShTho brAhmaNaiH saha | rAmaM ratnamaye pIThe sahasItaM nyaveshayat || 59|| vasiShTho vAmadevashcha jAbAliratha kAshyapaH | kAtyAyanaH suyaj~nashcha gautamo vijayastathA || 60|| abhyaShi~nchannaravyAghraM prasannena sugandhinA | salilena sahasrAkShaM vasavo vAsavaM yathA || 61|| R^itvigbhirbrAhmaNaiH pUrvaM kanyAbhirmantribhistathA | yodhaishchaivAbhyaShi~nchaste samprahR^iShTAH sanaigamaiH || 62|| sarvauShadhirasairdivyairdevatairnabhasi sthitaiH | chaturbhirlokapAlaishcha sarvairdevaishcha sa~NgataiH || 63|| (adhikashlokAH \- kirITa varNana) brahmaNA nirmitaM pUrvaM kirITaM ratnashobhitam | abhiShiktaH purA yena manustaM dIptatejasam || 64|| tasyAnvavAye rAjAnaH kramAdyenAbhiShechitAH | sabhAyAM hemaklR^iptAyAM shobhitAyAM mahAdhanaiH || 65|| ratnairnAnAvidhaishchaiva chitritAyAM sushobhanaiH | nAnAratnamaye pIThe kalpayitvA yathAvidhi || 66||) kirITena tataH pashchAdvasiShThena mahAtmanA | R^itvigbhirbhUShaNaishchaiva samayokShyata rAghavaH || 67|| ChatraM tasya cha jagrAha shatrughnaH pANDuraM shubham | shvetaM cha vAlavyajanaM sugrIvo vAnareshvaraH || 68|| aparaM chandrasa~NkAshaM rAkShasendro vibhIShaNaH | mAlAM jvalantIM vapuShA kA~nchanIM shatapuShkarAm || 69|| rAghavAya dadau vAyurvAsavena prachoditaH | sarvaratnasamAyuktaM maNibhishcha vibhUShitam || 70|| muktAhAraM narendrAya dadau shakraprachoditaH | prajagurdevagandharvA nanR^itushchApsarogaNAH || 71|| abhiSheke tadarhasya tadA rAmasya dhImataH | bhUmiH sasyavatI chaiva phalavantashcha pAdapAH || 72|| gandhavanti cha puShpANi babhUvU rAghavotsave | sahasrashatamashvAnAM dhenUnAM cha gavAM tathA || 73|| dadau shataM vR^iShAnpUrvaM dvijebhyo manujarShabhaH | triMshatkoTIrhiraNyasya brAhmaNebhyo dadau punaH || 74|| nAnAbharaNavastrANi mahArhANi cha rAghavaH | arkarashmipratIkAshAM kA~nchanIM maNivigrahAm || 75|| sugrIvAya srajaM divyAM prAyachChanmanujarShabhaH | vaiDUryamaNichitre cha vajraratnavibhUShite || 76|| vAliputrAya dhR^itimAna~NgadAyA~Ngade dadau | maNipravarajuShTaM cha muktAhAramanuttamam || 77|| sItAyai pradadau rAmashchandrarashmisamaprabham | araje vAsasI divye shubhAnyAbharaNAni cha || 78|| avekShamANA vaidehI pradadau vAyusUnave | avamuchyAtmanaH kaNThAddhAraM janakanandinI || 79|| avaikShata harInsarvAnbhartAraM cha muhurmuhuH | tAmi~Ngitaj~naH samprekShya babhAShe janakAtmajAm || 80|| pradehi subhage hAraM yasya tuShTAsi bhAmini | pauruShaM vikramo buddhiryasminnetAni sarvashaH || 81|| dadau sA vAyuputrAya taM hAramasitekShaNA | hanUmAnstena hAreNa shushubhe vAnararShabhaH || 82|| chandrAMshuchayagaureNa shvetAbhreNa yathA.achalaH | tato dvividamaindAbhyAM nIlAya cha parantapaH || 83|| sarvAnkAmaguNAnvIkShya pradadau vasudhAdhipaH | sarve vAnaravR^iddhAshcha ye chAnye vAnareshvarAH || 84|| vAsobhirbhUShaNaishchaiva yathArhaM pratipUjitAH | vibhIShaNo.athapi? sugrIvo hanumA~njAmbavAMstathA || 85|| sarve vAnaramukhyAshcha rAmeNAkliShTakarmaNA | yathArhaM pUjitAH sarve kAmai ratnaishcha puShkalaiH || 86|| prahR^iShTamanasaH sarve jagmureva yathAgatam | natvA sarve mahAtmAnaM tataste plavagarShabhAH || 87|| visR^iShTAH pArthivendreNa kiShkindhAmabhyupAgaman | sugrIvo vAnarashreShTho dR^iShTvA rAmAbhiShechanam || 88|| pUjitashchaiva rAmeNa kiShkindhAM prAvishatpurIm | vibhIShaNo.api dharmAtmA saha tairnairR^itarShabhaiH || 89|| labdhvA kuladhanaM rAjA la~NkAM prAyAnmahAyashAH | sa rAjyamakhilaM shAsannihatArirmahAyashAH || 90|| rAghavaH paramodAro shashAsa parayA mudA | uvAcha lakShmaNaM rAmo dharmaj~naM dharmavatsalaH || 91|| AtiShTha dharmaj~na mayA sahemAM gAM pUrvarAjAdhyuShitAM balena | tulyaM mayA tvaM pitR^ibhirdhR^itA yA tAM yauvarAjye dhuramudvahasva || 92|| sarvAtmanA paryanunIyamAno yadA na saumitrirupaiti yogam | niyujyamAno.api cha yauvarAjye tato.abhyaShi~nchadbharataM mahAtmA || 93|| pauNDarIkAshvamedhAbhyAM vAjapeyena chAsakR^it | anyaishcha vividhairyaj~nairayajat pArthivAtmajaH || 94|| rAjyaM dasha sahasrANi prApyavarShANi rAghavaH | shatAshvamedhAnAjahre sadashvAnbhUridakShiNAn || 95|| AjAnulambabAhuH sa mahAvakShAH pratApavAn | lakShmaNAnucharo rAmaH pR^ithivImanvapAlayat || 96|| rAghavashchApi dharmAtmA prApya rAjyamanuttamam | Ije bahuvidhairyaj~naiH sasuhR^ijj~nAtibAndhavaH || 97|| na paryadevanvidhavA na cha vyAlakR^itaM bhayam | na vyAdhijaM bhayaM chAsIdrAme rAjyaM prashAsati || 98|| nirdasyurabhavalloko nAnarthaM ka~njidaspR^ishat | na cha sma vR^iddhA bAlAnAM pretakAryANi kurvate || 99|| sarvaM muditamevAsItsarvo dharmaparo.abhavat | rAmamevAnupashyanto nAbhyahiMsanparasparam || 100|| AsanvarShasahasrANi tathA putrasahasriNaH | nirAmayA vishokAshcha rAme rAjyaM prashAsati || 101|| rAmo rAmo rAma iti prajAnAmabhavankathAH | rAmabhUtaM jagadabhUt rAme rAjyaM prashAsati || 102|| nityapuShpA nityaphalAstaravaH skandhavistR^itAH | kAle varShI cha parjanyaH sukhasparshashcha mArutaH || 103|| brAhmaNAH kShatriyA vaishyAH shUdrA lobhavivarjitAH | svakarmasu pravartante tuShTAH svaireva karmabhiH || 104|| AsanprajA dharmaparA rAme shAsati nAnR^itAH | sarve lakShaNasampannAH sarve dharmaparAyaNAH || 105|| dashavarShasahasrANi dasha varShashatAni cha | bhrAtR^ibhiH sahitaH shrImAnrAmo rAjyamakArayat || 106|| rAmAyaNa phalashruti dhanyaM yashasyamAyuShyaM rAj~nAM cha vijayAvaham | AdikAvyamidaM tvArShaM purA vAlmIkinA kR^itam || 107|| yaH paThechChR^iNuyAlloke naraH pApAdvimuchyate | putrakAmastu putrAnvai dhanakAmo dhanAni cha || 108|| labhate manujo loke shrutvA rAmAbhiShechanam | mahIM vijayate rAjA ripUMshchApyadhitiShThati || 109|| rAghaveNa yathA mAtA sumitrA lakShmaNena cha | bharatene cha kaikeyI jIvaputrAstathA striyaH || 110|| bhaviShyanti sadAnandAH putrapautrasamanvitAH | shrutvA rAmAyaNamidaM dIrghamAyushcha vindati || 111|| rAmasya vijayaM chaiva sarvamakliShTakarmaNaH | shR^iNoti ya idaM kAvyamArShaM vAlmIkinA kR^itam || 112|| shraddadhAno jitakrodho durgANyatitaratyasau | samAgamammya pravAsAnte labhate chApi bAndhavaiH || 113|| prArthitAMshcha varAnsarvAnprApnuyAdiha rAghavAt | shravaNena surAH sarve prIyante samprashR^iNvatAm || 114|| vinAyakAshcha shAmyanti gR^ihe tiShThanti yasya vai | vijayeta mahIM rAjA pravAsI svastimAnvrajet || 115|| striyo rajasvalAH shrutvA putrAnsUyuranuttamAn | pUjayaMshcha paThaMshchemamitihAsaM purAtanam || 116|| sarvapApaiH pramuchyeta dIrghamAyuravApnuyAt | praNamya shirasA nityaM shrotavyaM kShatriyairdvijAt || 118|| aishvaryaM putralAbhashcha bhaviShyati na saMshayaH | rAmAyaNamidaM kR^itsnaM shR^iNvataH paThataH sadA | prIyate satataM rAmaH sa hi viShNuH sanAtanaH || 117|| Adidevo mahAbAhurharirnArAyaNaH prabhuH | sAkShAdrAmo raghushreShThaH sheSho lakShmaNa uchyate || 119|| kuTumbavR^iddhiM dhanadhAnyavR^iddhiM striyashcha mukhyAH sukhamuttamaM cha | shR^itvA shubhaM kAvyamidaM mahArthaM prApnoti sarvAMrvAn bhuvi chArthasiddhim || 120|| AyuShyamArogyakaraM yashasyaM saubhrAtR^ikaM buddhikaraM shubhaM cha | shrotavyametanniyamena sadbhiH AkhyAnamojaskaramR^iddhikAmaiH || 121|| evametatpurAvR^ittamAkhyAnaM bhadramastu vaH | pravyAharata visrabdhaM balaM viShNoH pravardhatAm || 122|| devAshcha sarve tuShyanti grahaNAchChravaNAttathA | rAmAyaNasya shravaNAttuShyanti pitarastathA || 123|| bhaktyA rAmasya ye chemAM saMhitAmR^iShiNA kR^itAm | lekhayantIha cha narAsteShAM vAsastriviShTape || 124|| || ityArShe shrImadrAmAyaNe vAlmIkIye AdikAvye chaturviMshatisahasrikAyAM saMhitAyAM yuddhakANDe shrIrAmapaTTAbhiSheko nAma ekatriMshaduttarashatatamaHsargaH || ## Proofread by N Seshadri In some prints, the adhyAya numbering divisions are different (131 vs 128). \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}