% Text title : raghuviira gadyaM mahAvIravaibhavam % File name : traghuvira.itx % Category : raama, vedAnta-deshika, gadyam % Location : doc\_raama % Author : Shri vedAnta deshika % Transliterated by : T. R. Chari % Latest update : June 10, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. raghuvIra gadyaM ..}## \itxtitle{.. raghuvIra gadyaM athavA shrImahAvIravaibhavam ..}##\endtitles ## jayatyAshritasaMtrAsadhvAntavidhvaMsanodayaH | prabhAvAn sItayA devyA paramavyomabhAskaraH || bAlakANDam \- jaya jaya mahAvIra ! mahAdhIra dhaureya ! devAsura samara samaya samudita nikhila nirjara nirdhArita niravadhika mAhAtmya ! dashavadana damita daivata pariShadabhyarthita dAsharathibhAva ! dinakara kula kamala divAkara ! diviShadadhipati raNa sahacharaNa chatura dasharatha charamaR^iNa vimochana ! kosalasutA kumArabhAva ka~nchukita kAraNAkAra ! kaumAra keLi gopAyita kaushikAdhvara ! raNAdhvara dhurya bhavya divyAstra vR^inda vandita ! praNata jana vimata vimathana durlaLita dorlaLita ! tanutara vishikha vitADana vighaTita visharAru sharAru tATakA tATakeya ! jaDa\-kiraNa shakala\-dhara jaTila naTapati makuTa taTa naTana\-paTu vibudha\-sarid.h\-ati\-bahula madhu\-galana lalita\-pada nalina\-raja\-upa\-mR^idita nija\-vR^ijina jahadupala\-tanu\-ruchira parama\-muni vara\-yuvati nuta ! kushika\-sutakathita vidita nava vividha katha ! maithila nagara sulochanA lochana chakora chandra ! khaNDa\-parashu kodaNDa prakANDa khaNDana shauNDa bhuja\-daNDa ! chaNDa\-kara kiraNa\-maNDala bodhita puNDarIka vana ruchi luNTAka lochana ! mochita janaka hR^idaya sha~NkAta~Nka ! parihR^ita nikhila narapati varaNa janaka\-duhita kucha\-taTa viharaNa samuchita karatala ! shatakoTi shataguNa kaThina parashu dhara munivara kara dhR^ita duravanama\-tama\-nija dhanurAkarShaNa prakAshita pArameShThya ! kratu\-hara shikhari kanduka vihR^ityunmukha jagadaruntudajita haridanta danturodanta dashavadana damana kushala dasha\-shata\-bhuja\-mukha nR^ipati kula\-rudhirajhara (bhara) bharita pR^ithutara taTAkatarpita pitR^ika bhR^igu\-pati sugati vihati kara nata paruDiShu parigha ! ayodhyAkANDam \- anR^ita bhaya muShita hR^idaya pitR^i vachana pAlana pratiGYAvaGYAta yauvarAjya ! niShAda rAja sauhR^ida sUchita saushIlya sAgara ! bharadvAja shAsanaparigR^ihIta vichitra chitrakUTa giri kaTaka taTa ramyAvasatha ! ananya shAsanIya ! praNata bharata makuTataTa sughaTita pAdukAgryAbhiSheka nirvartita sarvaloka yogakShema ! pishita ruchi vihita durita vala\-mathana tanaya balibhuganu\-gati sarabhasashayana tR^iNa shakala paripatana bhaya charita sakala suramuni\-vara\-bahumata mahAstra sAmarthya ! druhiNa hara vala\-mathana durAlakShya shara lakShya ! AraNyakANDam \- daNDakA tapovana ja~Ngama pArijAta ! virAdha hariNa shArdUla ! vilulita bahuphala makha kalama rajani\-chara mR^iga mR^igayAnambha saMbhR^itachIrabhR^idanurodha ! trishiraH shirastritaya timira nirAsa vAsara\-kara ! dUShaNa jalanidhi shoshANa toShita R^iShi\-gaNa ghoShita vijaya ghoShaNa ! kharatara khara taru khaNDana chaNDa pavana ! dvisapta rakShaH\-sahasra nala\-vana vilolana mahA\-kalabha ! asahAya shUra ! anapAya sAhasa ! mahita mahA\-mR^itha darshana mudita maithilI dR^iDha\-tara parirambhaNa (mahAmR^idha?) vibhavaviropita vikaTa vIravraNa ! mArIcha mAyA mR^iga charma parikarmita nirbhara darbhAstaraNa ! vikrama yasho lAbha vikrIta jIvita gR^ighra\-rAjadeha didhakShA lakShita\-bhakta\-jana dAkShiNya ! kalpita vibudha\-bhAva kabandhAbhinandita ! avandhya mahima munijana bhajana muShita hR^idaya kaluSha shabarI mokShasAkShibhUta ! kiShkindhAkANDam \- prabha~njana\-tanaya bhAvuka bhAShita ra~njita hR^idaya ! taraNi\-suta sharaNAgatiparatantrIkR^ita svAtantrya ! dR^iDha ghaTita kailAsa koTi vikaTa dundubhi ka~NkAla kUTa dUra vikShepa dakSha\-dakShiNetara pAdA~NguShTha dara chalana vishvasta suhR^idAshaya ! atipR^ithula bahu viTapi giri dharaNi vivara yugapadudaya vivR^ita chitrapu~Nga vaichitrya ! vipula bhuja shaila mUla nibiDa nipIDita rAvaNa raNaraNaka janaka chaturudadhi viharaNa chatura kapi\-kula pati hR^idaya vishAla shilAtala\-dAraNa dAruNa shilImukha ! sundarakANDam \- apAra pArAvAra parikhA parivR^ita parapura parisR^ita dava dahana javana\-pavana\-bhava kapivara pariShva~Nga bhAvita sarvasva dAna ! yuddhakANDam \- ahita sahodara rakShaH parigraha visaMvAdivividha sachiva vipralambha samaya saMrambha samujjR^imbhita sarveshvara bhAva ! sakR^itprapanna jana saMrakShaNa dIkShita ! vIra ! satyavrata ! pratishayana bhUmikA bhUShita payodhi pulina ! pralaya shikhi paruSha vishikha shikhA shoShitAkUpAra vAri pUra ! prabala ripu kalaha kutuka chaTula kapi\-kula kara\-talatulita hR^ita girinikara sAdhita setu\-padha sImA sImantita samudra ! druta gati taru mR^iga varUthinI niruddha la~NkAvarodha vepathu lAsya lIlopadesha deshika dhanurjyAghoSha ! gagana\-chara kanaka\-giri garima\-dhara nigama\-maya nija\-garuDa garudanila lava galita viSha\-vadana shara kadana ! akR^ita chara vanachara raNa karaNa vailakShya kUNitAkSha bahuvidha rakSho balAdhyakSha vakShaH kavATa pATana paTima sATopa kopAvalepa ! kaTuraTad aTani Ta~NkR^iti chaTula kaThora kArmuka ! visha~NkaTa vishikha vitADana vighaTita makuTa vihvala vishravastanayavishrama samaya vishrANana vikhyAta vikrama ! kumbhakarNa kula giri vidalana dambholi bhUta niHsha~Nka ka~Nkapatra ! abhicharaNa hutavaha paricharaNa vighaTana sarabhasa paripatad aparimitakapibala jaladhilahari kalakala\-rava kupita maghava\-jidabhihanana\-kR^idanuja sAkShika rAkShasa dvandva\-yuddha ! apratidvandva pauruSha ! tra yambaka samadhika ghorAstrADambara ! sArathi hR^ita ratha satrapa shAtrava satyApita pratApa ! shitasharakR^italavanadashamukha mukha dashaka nipatana punarudaya daragalita janita dara tarala hari\-haya nayana nalina\-vana ruchi\-khachita nipatita sura\-taru kusuma vitati surabhita ratha patha ! akhila jagadadhika bhuja bala vara bala dasha\-lapana lapana dashaka lavana\-janita kadana paravasha rajani\-chara yuvati vilapana vachana samaviShaya nigama shikhara nikara mukhara mukha muni\-vara paripaNita! abhigata shatamakha hutavaha pitR^ipati nirR^iti varuNa pavana dhanadagirishapramukha surapati nuti mudita ! amita mati vidhi vidita kathita nija vibhava jaladhi pR^iShata lava ! vigata bhaya vibudha vibodhita vIra shayana shAyita vAnara pR^itanaugha ! sva samaya vighaTita sughaTita sahR^idaya sahadharmachAriNIka ! vibhIShaNa vashaMvadI\-kR^ita la~Nkaishvarya ! niShpanna kR^itya ! kha puShpita ripu pakSha ! puShpaka rabhasa gati goShpadI\-kR^ita gaganArNava ! pratiGYArNava taraNa kR^ita kShaNa bharata manoratha saMhita siMhAsanAdhirUDha ! svAmin ! rAghava siMha ! uttarakANDam \- hATaka giri kaTaka laDaha pAda pITha nikaTa taTa pariluThita nikhilanR^ipati kirITa koTi vividha maNi gaNa kiraNa nikara nIrAjitacharaNa rAjIva ! divya bhaumAyodhyAdhidaivata ! pitR^i vadha kupita parashu\-dhara muni vihita nR^ipa hanana kadana pUrvakAlaprabhava shata guNa pratiShThApita dhArmika rAja vaMsha ! shubha charita rata bharata kharvita garva gandharva yUtha gIta vijaya gAthAshata ! shAsita madhu\-suta shatrughna sevita ! kusha lava parigR^ihIta kula gAthA visheSha ! vidhi vasha pariNamadamara bhaNiti kavivara rachita nija charitanibandhana nishamana nirvR^ita ! sarva jana sammAnita ! punarupasthApita vimAna vara vishrANana prINita vaishravaNa vishrAvita yashaH prapa~ncha ! pa~nchatApanna munikumAra sa~njIvanAmR^ita ! tretAyuga pravartita kArtayuga vR^ittAnta ! avikala bahusuvarNa haya\-makha sahasra nirvahaNa nirvartita nijavarNAshrama dharma ! sarva karma samArAdhya ! sanAtana dharma ! sAketa janapada jani dhanika ja~Ngama taditara jantu jAta divya gati dAna darshita nitya nissIma vaibhava ! bhava tapana tApita bhaktajana bhadrArAma ! shrI rAmabhadra ! namaste punaste namaH || chaturmukheshvaramukhaiH putra pautrAdi shAline | namaH sItA sametAya rAmAya gR^ihamedhine || kavikathaka siMhakathitaM kaThora sukumAra gumbha gambhIram | bhava bhaya bheShajametat.h paThata mahAvIra vaibhavaM sudhiyaH || sarvaM shrI kR^iShNArpaNamastu ## The text is authored by Shri vedAnta deshika a great Vaishnava scholar, also known as Shri nigamAnta mahA deshikan, also possessing the title kavithArkika simham. In his works, the indication or mudhra is "venkatesa" or venkata kavi . There are some variations found in print. (see the links). Encoded by T. R. Chari \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}