% Text title            : Shri Saketanivasacharyavirachitam Viraktavaishnavavivechanam
% File name             : viraktavaiShNavavivechanamsAketanivAsAchArya.itx
% Category              : raama, rAmAnanda
% Location              : doc\_raama
% Author                : sAketanivAsAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Viraktavaishnavavivechanam ..}##
\itxtitle{.. viraktavaiShNavavivechanam ..}##\endtitles ##
(shrITIlAchArya)
a~NgadadAsa uvAcha \-
vaiShNavAnAM viraktAnAM sampradAyasya kA bhidAH |
rItiM cha bhavyanItiM cha prabrUhi yogipu~NgavaH ||
shrI sAketanivAsAchArya uvAcha \-
rAmAnandashcha nimbArko viShNusvAmI cha madhvakaH |
chatvAraH sampradAyAstu nirNItA dharmashAstrataH || 1||
viShNoshcha viShNubhaktAnAM sevAM kurvanti vaiShNavAH |
svAdhyAyaM nirataM chaiva visheShaH gurupUjanam || 2||
prachArakAshcha dharmasya satsAhityasya sarjakAH |
bhavanti vaiShNavAH sarve vidvadbhirnishchitA matAH || 3||
tyajanti gR^ihasambandhaM dAnaM tapashcha naiva cha |
kurvanti sarvadAbhyAsaM dharmashAstrapramANataH || 4||
bhR^ityakAryaM na kurvanti kurvanti devapUjanam |
bANI\-vinAyakAnAM cha kAryaM kurvanti sarvathA || 5||
viraktAnAM cha sAdhUnAM rAmAnandAnuyAyinAm |
gR^ihasthatvaM niShiddhaM hi dharmaj~naiH sAdhubhirjanaiH || 6||
viraktasya cha gArhasthye dharmakR^ityAgrahiShkR^itiH |
ArUDhapatitasyAtra prAyashchittaM na tasya hi || 7||
viraktagR^ihitAM prApto bhraShTo dharmAdhikArataH |
maTha\-mandirasampattau chAdhikAro na tasya hi || 8||
svAmitve chAdhikAro na maThasya mandirasya cha |
asmAkaM sampradAyasya chAsau prathA hi vidyate || 9||
svAdhikArAn janaH sarvAnArUDhapatitastyajet |
sthApanIyo hi tatsthAne viraktashchAparo budhaiH || 10||
vivAho naiva kartavyo viraktaiH sAdhubhiH khalu |
sampradAyasya nItirhi kathitA munipu~NgavaiH || 11||
sampradAyasya rUDhishcha rAmAnandasya nishchitA |
bhAShitaM shAstrakAreNa yogAdrUDhirbalIyasI || 12||
sapatnIko bhavennaiva durvyasanI bhavenna cha |
na bhavellalanAsa~NgI svAdhyAyaM cha tyajenna hi || 13||
devAlaye viraktAnAM strInivAso vivarjitaH |
no ched ghR^itAgni saMyogAt pradAho.api bhavet dhruvaH || 14||
prANisa~Nghe dayAM kuryAd dhenuShu cha visheShataH |
teShAM saMrakShaNaM kAryaM jalabhojanadAnataH || 15||
sadAchArI cha vidvAshcha shiShyaH kAryo hi sAdhubhiH |
uddhAraH sampradAyasya satAM sevA yato bhavet || 16||
vij~naH sarvatra pUjyastu kathito nIti vedibhiH |
yathA chandrastamo hanti tathA shiShyo vichakShaNaH || 17||
sampradAyahite magnA ye tu shiShyA bhavanti hi |
te shiShyAH kathitAH shreShThAH sampradAyasya deshikaiH || 18||
dhUmrapAnaM na kuryAchcha taddhi buddhivinAshakam |
na dyUtAcharaNaM kuryAt kathitaM sAdhubuddhibhiH || 19||
satsAhityaprachArI cha shiShyastu buddhimA~nchChrutaH |
sampradAyasya tasmAttu shiShyo bhavati rakShakaH || 20||
ye shiShyA guruvaryANAM sukIrtiM vardhayanti hi |
pUjanIyashcha te nityaM vandyAshcha bhuvanatraye || 21||
japastu rAmamantrasya rAmanAmnashcha kIrttanam |
shikhayA chopavItena mAlordhvapuNDradhAraNam || 22||
pratidinaM cha kartavyamAchAryagranthachintanam |
sAyaM prAtarvidheyA cha shrIsItArAmasaMstutiH || 23||
chaturtha Ashramo j~neyaH shrIyutaM svetachandanam |
shuklakAShAyavastre cha viraktAnAmiti shrutAH || 24||
kaupInaM mu~njasaMyuktamathavA tUlajaM tathA |
vaiShNavastu sadA dhAryaM hIdaM chAptasamIritam || 25||
asmAkaM sampradAyasya itihAsasya sarjikA |
bhaviShyati avashyaM vai TIlAdvAraparamparA || 26||

iti shrIsAketanivAsAchAryavirachitaM viraktavaiShNavavivechanaM samAptam |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}