% Text title            : Akhyashashtih
% File name             : AkhyAShaShTiH.itx
% Category              : shiva, shrIdhara-venkaTesha, ShaShTi
% Location              : doc\_shiva
% Author                : Sri Sridhara Venkatesa
% Proofread by          : Aruna Narayanan
% Description-comments  : shrIdharastutimaNimAlA dvitIyo bhAgaH stutimaNimAlA
% Latest update         : November 20, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Akhyashashtih ..}##
\itxtitle{.. AkhyAShaShTiH ..}##\endtitles ##
shivaM paramakalyANaM avyAjakaruNAnidhim |
tadAkhyAM saukhyajananIM vande vaktrArtihAriNIm || 1||
shivAkhye no jAne shivamitaradevAnapi jana\-
      nyaye kvAmI kvAsAvahamahaha diShTyA tu bhavatIm |
samIkShe matsarvashramamuShamihAmUkasulabhAM
      svalabdhR^isvAdhInAkhilabhuvanasAmrAjyavibhavAm || 2||
svakIyaiH srotobhirjagadakhilamAkrAmati kalau
      nimagnAste varNAshramaniyamadharmAH sphuTamidam |
pralInA dhyAnAdirbhajanasR^itirekA punaraye
      paritrAtuM vishvaM purabhidabhidhe tvaM vijayase || 3||
shivAkhye vAchyo.arthastava hi purabhidvA.astu murabhit
      sa lokAnAmIShTAM\-avatu cha sukhena shritajanam |
alaM nAhaM tasyAnusR^itiShu sa mA bhUdapi cha me
      shrito.ahaM tvAM yattvadbhavati mama kalyANi tadalam || 4||
svayambhUdaityAritripuramathanAnIritakR^itaH
      trilokIsAmrAjyaM tadapi nayanAdeshavashagam |
vidhAtuM tvadbhAjastvamalamalaghuste hi mahimA
      maheshAkhye vAchAmatisaraNimAchAmatitarAm || 5||
karALAdyat kShveLAjjagadavitavAnindumakuTaH
      kR^itAntAddurdAntAdyadapi munichUDAmaNisutam |
analpaiH kiM jalpaiH tadidamidamavanIyasya rasanA\-
      kR^itatvatsevAyAshcharitamabhidhe manmatharipoH || 6||
shataM santvAmnAyAshshatamapi purANAgamagaNAH
      vihAya tvAmete vitaritumalaM kiM shivadhiyam |
asheShaglAniM yA harati bhavatI tu shramamR^ite
      shivAkhye mAtastAmitaranirapekShA vitarati || 7||
trinetrasya glAnistripuradanujAdIn muraripoH
      dashagrIvapraShThAnapi dalayituM hanta kiyatI |
niyantrI yA teShAM nikhilajagato.apyAshu daLaya\-
      syavidyAM niryatnaM niTilanayanAkhye janani tAm || 8||
bhavatyAH panthAnashshatamakhamukhashrIbhirabhitaH
      sudhAsAraissiktAH kusumasamavAyaishcha nichitAH |
kriyante niryAhi smarabhidabhidhe dIyata itaH
      karAlambo jAgradvinayabharayA muktiramayA || 9||
shivAkhye jihvAyAM vahati bhavatIM yastamakhilaM
      sharadrAkAchandradyutimasitakaNThaM trinayanam |
vidhUnmIlanmauLiM virachayasi keyaM vyasanitA
      vihantuM te jIveShvahaha shivabhAvAsulabhatAm || 10||
samAchakShANasya smarabhidabhidhe devi bhavatIM
      aho yasyAM yasyAM hariti nayanAnto.avatarati |
harAstasyAM tasyAmaLikanayanAshchandramakuTAH
      sharajyotsnAgaurAssaha girijayodyanti shatashaH || 11||
shivaH kAmaM krodhAkulamatirajaiShIt tvadanugaiH
      jitaH kAmaH krodho.apyatha munikumAraM yamabhayAt |
shivo.arakShIdekaM sayatanamime tadbhayahR^ito\-
      .akhilasyekShAmAtrAjjitamiha shivAkhye tvadanugaiH || 2||
charantIM tvachChAyAM shashivadupavArAshi vasatI\-
      tyadomukhyAsUktiShvapi rasanayA sa~NkalayataH |
parAgaM brahmAdyAH padakalitama~nchanti shirasA
      shivAkhye tvanniShThairjitamiti kimambAdbhutamidam || 13||
bhavatyAM spR^iShTAyAM bata puraharAkhye rasanayA
      karALena grIvA bhavati garaLenAsya kalitA |
hutAshenAshliShTo bhavati cha karo.a~NgAni bhujagaiH
      bhavanti krAntAni shritakushaladA tvaM tu viditA || 14||
dashAyAmantyAyAM daLitabaladInendriyatatau
      maheshAkhye jihvAM shravaNamapi vA saMshritavatI |
bhavatyekaivAsya pratibhavati bhadrAya mahate
      tadA kenAnyenonmiShatu kaNikA vApyupakR^iteH || 15||
manAgapyaspR^iShTA gahanadahaneneha viShayA\-
      bhidhAnenAnena kShitidharasutAneturabhidhe |
ramante kAmaM te katichidadhikallolitasudhA\-
      jharAyAM dhArAyAM shishirashishirAyAM sukR^itinaH || 16||
vadhUTIputrAdIn vasuvisaramAnamranR^ipati\-
      chChaTAchUDAratnachChavikavachitAshAM shriyamapi |
jahatyeke dhanyA jagati madanadrogdhurabhidhe
      vihAre sotkaNThA vihatirahite tvallahariShu || 17||
ajasraM tanvAnAH shvasitumapi mAmakShamamimaM
      kadA vA krAmantu pratihatakarALopahatayaH |
purArAterAkhye purabhidanubhUtyUrmiLasukha\-
      pratIpebhadhvaMsaprabalaharayastvallaharayaH || 18||
shivAkhye tvatsrotastatiShu vihR^itiM bAdhiShata mA
      mamAshaktyAlasyAratigadanihattyAdyabhibhavAH |
prakAmaM bAdhantAmitaramakhilaM te.abhita ime
      praNAmAste santu pravirachaya matkA~NkShitamidam || 19||
kimanyanmanyante jagati na tR^iNAyApi katichit
      padaM mAtashshAtakratavamapi vairi~nchamapi vA |
pradhAvanti tyaktvA dahanamiva tat pratyuta mano\-
      bhavArAterAkhye tvadamR^itarasAsvAdarasikAH || 20||
divaM kShoNIM kShoNIM divamapi nirindraM jagadidaM
      tathA.anyendraM vItadruhiNamapi vAnyadruhiNakam |
pragalbhante kartuM prasavavishikhadrogdhurabhidhe
      prapannAstvAM shAntyA.api tu sahajayodAsata ime || 21||
ghanAH ke.apIshAkhye tvadamR^itarasAsAravisaraiH
      jagatkalyuddAmajvaladanalashAntyA shishiratAm |
nayantastanvantassamuchitaphalasyApyupachitiM
      kShamAbhUShA bhAnti kShapitaharidudvelatimirAH || 22||
shivAkhye tvadvarNadvitayaparamAdvaitarasikAH
      priyaprAptau sharmApriyasamupalambhe shuchamapi |
bhayaM vA kasmAchchit bhayajanakatAM kasya cha tathA
      na vindante brahmAdyasulabhaparAnandabharitAH || 23||
jano dhatte yo mAM jagati rasanAyAM shravasi vA
      digIshA dhAtA vA dishamapi tadIyAM paruShayA |
dR^ishA jAtu draShTuM kimalamiti kAmadhrugabhidhe
      tvadIyaprasthAnadhvanibharamiShAd garjasi muhuH || 24||
nibandhAraste.amI mama niyatamAtmIyarasanA\-
      bhuvIti tvaM trAsAdiva kusumachApadhrugabhidhe |
tR^iNaM meruM meruM tR^iNamiti vilAsavyavahR^itI\-
      rapi drAgeteShAmayi saphalayantI viharase || 25||
parityajyAsheShaM janani bhavatImeva bhajatAM
      tvameveshAnAkhye yadabhilaShitaM daivatavaram |
dR^ishaM tattanmUrtyA shrutimapi taduktyA saphalatAM
      nayantI dhatse nanvavadhividhurAM nirvR^itidhurAm || 26||
shrutA ye svardhenutridashatarumukhyAstvadanugA\-
      nugAnAM bhrUvallIvalanavashagAste jagati tAn |
tavaudArye mAtardharaNidharajAneturabhidhe
      katha~NkAraM tulyAn kathayatu salajjo yadi janaH || 27||
vidhAtuM santrAtuM vilayamapi netuM jagadalaM\-
      bhavanto.apIshAkhye prashamasamupetAstvadanugAH |
upekShyA lokasyAvamatasakalAssanti jagati
      tvayaivaike tuShTAstava khalu ta ete rasavidaH || 28||
shivAkhye tvadvarNadvitayamayi dhatte shritavatAM
      mukhe dharmabrahmapramitikarasarvAkSharagaNam |
pade dhatte vedhaHprabhR^itivibhavAnnAtra tu ratiH
      vinaiShAM tvadvarNadvitayamiha ko.ayaM madhurimA || 29||
maheshAkhye jihvA~nchalakalanamAtrAttanubhR^itAM
      samastAghachChetrIM sakalasukhadAtrIM cha bhavatIm |
avaShTabhyaivAhurbhagavati mahAkAruNikatAM
      shivasya tvAM hitvA kathaya katamo nirvahatu tAm || 30||
shivAkhye svAkhyAsu tripuramathanaH kaiTabharipuH
      tadIyAnyA mUrtI raghupatirapi tvAM samadadhuH |
amIShvAdyasyaiva prabhavati bhavatyA vyavahR^itiH
      tadIyastAdR^ikShassukR^itaparipAko vijayate || 31||
asheShabrahmANDAviratacharitAsheShaduritA\-
      nyalaM te santR^iptiM na hi ghaTayituM tAM ghaTayitum |
madIyairenobhirmadanamathanAkhye bata yate
      mamAgassoDhavyaM tadidamayi tubhyaM nama idam || 32||
aye jihvApIThe janani samavasthApya bhavatIM
      mamAghaughaM tubhyaM mayi samupahartuM vyavasite |
tava smR^ityaivAsau bata kabaLitaH kinnu karavai
      kShamasvemaM mantuM bhagavati purAM bhetturabhidhe || 33||
nivesho jihvAyAM niravadhikapuNyochchayajuShAM
      nisargaprAptaste niTilanayanAkhye bhavatu tat |
niveshaM jihvAyAM mama yadi na dhatse janani te
      nitAntaM pApiShTho.avita iti na sid.hdhyennanu yashaH || 34||
shivAkhye mAtastvaM nanu shashivadityAdiphaNiti\-
      chChalAdapyAvishya shramabharamakasmAttanubhR^itAm |
harasyevaM kartuM hariratha haro vA sa kimalaM
      tadIyaM mAhAtmyAntaramapalapAmastu na vayam || 35||
pitR^ibhyAM tyakto.asAvahamatidurAtmeti girijA\-
      girIshAbhyAM tyakto nanu janani lokena cha tathA |
mamAstyanyA kAchijjagati na gatiryAmi sharaNaM
      shivAkhye tvAmekAmayi jahihi vA mAM bibhR^ihi vA || 36||
parityAjyaM sarve.apyabhidadhati pApiShThamayi te
      shivAkhye sa~NgrAhyassa jayati tavaitat samuchitam |
prapannA tvaM kinnodayini garale chAmR^itarase
      payodhestatrAdyagrahaNarasikaM taM prabhumaNim || 37||
mamAjasraM doShAn samupaghaTayanto.antararayo
      jayantIshaH pashyan hR^idi vasati maddausthyamakhilam |
athaivaM satyAgo.akhilamapalapantyamba bibhR^iShe
      kathaM mAmIshAkhye kathaya tava kaH stautu vibhavam || 38||
sphuTAyAM dvArIshetaramitarayA sAdhu nayate
      yathA prApya sthAnaM suhR^idiha manojadhrugabhidhe |
svakarmAdAvIshetaramimamakhedaM shivapadaM
      tathA kalyANi tvaM nanu kalayasi tvatkalanayA || 39||
svakarmAdAvIshaM janamapi bhavatyeva bibhR^ite
      vinA tvAM tasyApi svavirachitasAdguNyavirahAt |
bubhUShossarvasya tvamasi tadupAsyA kimaparaM
      tvayA.a.aste labdhAtmA bhagavati shivAkhye sa cha shivaH || 40||
na karmAdhvanyo.ahaM bhagavati na vA bhaktipathiko\-
      .asmyupAdeyaH ko.api sphurati guNalesho.api na mayi |
asa~NkhyAtA doShAH kimata iha daurAtmyamitarat
      tadamba tvatto.anyA na jagati shivAkhye mama gatiH || 41||
sutasyAkhyAM nArAyaNagiramupAdatta yadajA\-
      miLastaM tadbhItAstapanasutadUtAH pravijahuH |
tvamIshAkhye bhItiM nayasi vimatAMste mudamathA\-
      nugAnkAruNyArdrAstvahaha nikhile te tvadanugAH || 42||
surabhisharabhidAkhye sundare tvajjhare.asmin
      nirupahati vihartuM nityamudgrIvitAsham |
apanayasi kimevaM hanta mAmantarAyaiH
      manasi na kuru mAtarmAmakAn devi mantUn || 43||
kimakuruta mude me karma varNAshramArhaM
      kimabhajata mada~NghrI kiM vyadhAdeSha ko vA |
 iti nijasamitau mAmIkShamANe girIshe
      madanuga iti mAtargarja dhIraM shivAkhye || 44||
jagati vashigirA tvadvyatyayenollasantyA
      janani parigR^ihItAMstvaM svakarmAdiniShThAn |
na kimavasi shivAkhye hA tayA.anAdR^itaM mAM
      avitumiha viLambaH kastvadekAvalambam || 45||
amba tvadIyamahimAmbudhishIkarANu\-
      vedI sudhIstvayi nirantaravR^ittyalAbhe |
IshAbhidhe bhuvi sametu na kiM pipAsoH
      abhyarNage.ambhasi niruddhagateravasthAm || 46||
 ito rogAH kAmAdaya ita itaH strIsutamukhAH
      kR^itAntAssarvatretyayamanavadhiH kleshajaladhiH |
tametaM chAhnAya tvadanugadayollAsaghaTabhUH
      nipIyeshAkhye mAmabhiramayatu tvatparisare || 47||
amba prasIda kuru mAmanaghaM balAttvaM
      a~Nke cha te kuru niShaNNamamuM shivAkhye |
jambAlasaktamamalaM kurute na mAtA
      kiM bAlakaM na kurute.a~NkajuSha~ncha hR^iShTA || 48||
Avirbhavasyayi nR^iNAM tvamayatnato.agre
      glAniM dhunoShi ghaTayasyapi ma~NgalAni |
IshAbhidhe tava yasho na kimujjihItAM
      IrShyAkulatvamamarA na kimashnuvIran || 49||
madanahantrabhidhe tava nirjharAH
      madhusudhAlaharIratisherate |
kR^itadhiyo viharanti cha teShvamI\-
      Shvarasiko.atra hato.asmyahamekakaH || 50||
shivAkhye mA bhaiShIH padamamaraneturnanu bhavet
      amuShmai dAtavyaM sarasijabhuvo vA padamiti |
samIhe nAhaM tat kimapi sahasA.abhyehi rasanAM
      mamemAM mA hAsIssamabhilaShitaM me punaridam || 51||
pradAya trailokyashriyamatha vimuktishriyamapi
      tvamantarlajjArtA bhavasi kimamuShmai kR^itamiti |
vyathaiShA diShTyA tvadrasikatilakaiste parihR^itA
      vinA tvAmIshAkhye na kimapi yadeShAM ratipadam || 52||
janmAsya vAryamiti te janani prasAdo
      jAyeta chenmayi tadastu shivAbhidhe naH |
tvanniShThatAbharanirantaratAtiramyaM
      yajjanma tanmama na jIryatu te namo.astu || 53||
vishvAdhineturakhilArthavidaH smarAreH
      aj~nAtatAM madagharAshimamuM nayantI |
mAM trAyase madanahantrabhidhe.amba kaste
      chAturyasAhasabharau chaturo.abhidhAtum || 54||
prasIda girishAbhidhe pradisha manmatAvambayA
      saha sphuraNamUrjitaM satatamindumauLervibhoH |
tathA.anishamihAsikAM tava madIyajihvA~nchale
      dadasva mama kA~NkShitaM dvayamidaM tvadekAspadam || 55||
na saMsphuratu kA~NkShataH sphuraNamIshvarAkhye kathaM
      hR^idi tvadanugasya tadbhR^ikuTiki~Nkarashsha~NkaraH |
charantu viShayA harasphuraNarodhino hR^idyamI
      kathaM kathaya garjanairjanani tarjayantyAM tvayi || 56||
mamAyamavabud.hdhyatAM madhurimANamUrjasvalaM
      kadApi vijahAtu mAM na rasanaitadIyeti me |
dayasva girishAbhidhe nanu dadIta sA me.athavA
      tadetadabhikA~NkShitaM tvadanugeShu jAtvAnatiH || 57||
manAgapi manaH spR^ishenmama yadedamarthAntaraM
      tadA drutamapaiShyaho tvamapahAya jihvAM mama |
tathAmba girishAbhidhe tava na vipralambhaH kShamo
      bhaNet ka iha kiM prasUrbhavati vipralabdhrI yadi || 58||
yadA tvamapayAsi mAM janani va~nchayitvA svayaM
      tadA niyatamAharopaharamukhyasa~njalpanaiH |
yathA kalitava~nchanaH puraharAbhidhe tvAmahaM
      nayAni rasanAM tathA.a~nchatu vidheH prasAdo mayi || 59||
sharaNitavantaH khalu ye shashikandaLashekharAbhidhe bhavatIm |
tachcharaNAmbujaviharaNasaMsmaraNaM suraghaTAkirITataTe || 60||
sharaNaM jagato hyete sharaNitavantashshivAbhidheye tvAm |
abhilaShitaM yadamIShAmasulabhamiti tanna kiM viyannaLinam || 61||
maheshe tatsa~NgiShvapi kR^itiShu pAShANahR^idaye
      varAke mayyasmin pravidadhati santaH praNayitAm |
katha~NkAraM mAtardaLaya tadihemAM mama hR^ido
      dR^iShattAmatrAmba smarabhidabhidhe tvaM khalu gatiH || 62||

iti shrIshrIdharave~NkaTashAryavirachitA AkhyAShaShTiH samAptA |

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}