% Text title : AtmArpaNastuti by Shrimad Appayya Dixita % File name : AtmArpaNastuti.itx % Category : shiva, appayya-dIkShita % Location : doc\_shiva % Author : Appayya Dikshita % Transliterated by : shaivam.org Corrected further % Proofread by : Rajani Arjun Shankar rajani\_arjun at yahoo.com % Source : ParAsharasamhita Hanumachcharitra Vol 2 pages 10-12 % Acknowledge-Permission: http://shaivam.org % Latest update : August 28, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. AtmArpaNastutiH ..}## \itxtitle{.. AtmArpaNastutiH ..}##\endtitles ## shrImadappayya dIkShita virachitA kaste boddhuM prabhavati paraM devadeva prabhAvaM yasmAditthaM vividharachanA sR^iShTireShA babhUva | bhaktigrAhyastvamiha tadapi tvAmahaM bhaktimAtrAt stotuM vA~nChAmyatimahadidaM sAhasaM me sahasva || 1|| kShityAdinAmavayavavatAM nishchitaM janma tAvat tannAstyeva kvachana kalitaM kartradhiShThAnahInam | nAdhiShThAtuM prabhavati jaDo nApyanIshashcha bhAvaH tasmAdAdyastvamasi jagatAM nAtha jAne vidhAtA || 2|| indraM mitraM varuNamanilaM punarajaM viShNumIshaM ## var ## padmajaM prAhuste te paramashiva te mAyayA mohitAstvAm | etaiH sAkaM sakalamapi yachChaktileshe samAptaM ## var ## etaissArdhaM sa tvaM devaH shrutiShu viditaH shambhurityAdidevaH || 3|| AnandAdyaH kamapi cha ghanIbhAvamAsthAyarUpaM ## var ## AnandAbdheH shaktyA sArdhaM paramamumayA shAshvataM bhogamR^ichChan | bhogamichChan adhvAtIte shuchidivasakR^itkoTidIpte kapardin ## var ## dIpe Adye sthAne viharasi sadA sevyamAno gaNeshaiH || 4|| tvaM vedAntaiH prathitamahimA gIyase vishvanetaH ##var ## vividhamahimA tvaM viprAdyairvarada nikhilairijyase karmabhiH svaiH | tvaM dR^iShTAnushravikaviShayAnandamAtrAvitR^iShNai\- rantargranthipravilayakR^ite chintyase yogivR^indaiH || 5|| dhyAyantastvAM katichana bhavaM dustaraM nistaranti tvatpAdAbjaM vidhivaditare nityamArAdhayantaH | anye varNAshramavidhiratAH pAlayantastvadAj~nAM sarvaM hitvA bhavajalanidhau deva majjAmi ghore || 6|| ##variation ## bhavajalanidhAveSha utpadyApi smarahara mahatyuttamAnAM kule.asmin AsvAdya tvanmahimajaladherapyahaM shIkarANUn | tvatpAdArchAvimukhahR^idayashchApalAdindriyANAM vyagrastuchCheShvahaha jananaM vyarthayAmyeSha pApaH || 7|| arkadroNaprabhR^itikusumairarchanaM te vidheyaM prApyaM tena smarahara phalaM mokShasAmrAjyalakShmIH | etajjAnannapi shiva shiva vyarthayankAlamAtman AtmadrohI karaNavivasho bhUyasAdhaH patAmi || 8|| kiM vA kurve viShamaviShayasvairiNA vairiNAhaM baddhaH svAmin vapuShi hR^idayagranthinA sArdhamasmin | ukShNA darpajvarabharajuShA sAkamekatra baddhaH shrAmyanvatsaH smarahara yuge dhAvatA kiM karotu || 9|| nAhaM roddhuM karaNanichayaM durnayaM pArayAmi smAraM smAraM janipatharujaM nAtha sIdAmi bhItyA | kiM vA kurve kimuchitamiha kvAdya gachChAmi hanta tvatpAdAbjaprapatanamR^ite naiva pashyAmyupAyam || 10|| ulla~NghyAj~nAmuDupatikalAchUDa te vishvavandya tyaktAchAraH pashuvadadhunA muktalajjashcharAmi | evaM nAnAvidhabhavatatiprAptadIrghAparAdhaH kleshAmbhodhiM kathamahamR^ite tvatprasadAttareyam || 11|| kShAmyasyeva tvamiha karuNAsAgaraH kR^itsnamAgaH saMsArotthaM girisha sabhayaprArthanAdainyamAtrAt | yadyapyevaM pratikalamahaM vyaktamAgaHsahasraM kurvan mUrkhaH kathamiva tathA nistrapaH prArthayeyam || 12|| sarvaM kSheptuM prabhavati janaH saMsR^itiprAptamAgaH chetaH shvAsaprashamasamaye tvatpAdAbje nidhAya | tasminkAle yadi mama mano nAtha doShatrayArtaM praj~nAhInaM purahara bhavet tatkathaM me ghaTeta || 13|| prANotkrAntivyatikaradalatsandhibandhe sharIre premAveshaprasaradamitAkrandite bandhuvarge | antaH praj~nAmapi shiva bhajannantarAyairanantaiH Aviddho.ahaM tvayi kathamimAmarpayiShyAmi buddhim || 14|| adyaiva tvatpadanalinayorarpayAmyantarAtman AtmAnaM me saha parikarairadrikanyAdhinAtha | nAhaM boddhuM shiva tava padaM na kriyA yogacharyAH kartuM shaknomyanitaragatiH kevalaM tvAM prapadye || 15|| yaH sraShTAraM nikhilajagatAM nirmame pUrvamIshaH tasmai vedAnadita sakalAn yashcha sAkaM purANaiH | taM tvAmAdyaM gurumahamasAvAtmabuddhiprakAshaM saMsArArtaH sharaNamadhunA pArvatIshaM prapadye || 16|| brahmAdIn yaH smarahara pashUnmohapAshena baddhvA sarvAnekashchidachidadhikaH kArayitvA.a.atmakR^ityam | yashchaiteShu svapadasharaNAnvidyayA mochayitvA sAndrAnandaM gamayati paraM dhAma taM tvAM prapadye || 17|| bhaktAgryANAM kathamapi parairyo.achikitsyAmamartyaiH saMsArAkhyAM shamayati rujaM svAtmabodhauShadhena | taM sarvAdhIshvara bhavamahAdIrghatIvrAmayena kliShTo.ahaM tvAM varada sharaNaM yAmi saMsAravaidyam || 18|| dhyAto yatnAdvijitakaraNairyogibhiryo vimuktyai (vimR^igyaH) tebhyaH prANotkramaNasamaye saMnidhAyAtmanaiva | tadvyAchaShTe bhavabhayaharaM tArakaM brahma devaH taM seve.ahaM girisha satataM brahmavidyAguruM tvAm || 19|| dAso.asmIti tvayi shiva mayA nityasiddhaM nivedyaM jAnAsyetat tvamapi yadahaM nirgatiH saMbhramAmi | nAstyevAnyanmama kimapi te nAtha vij~nApanIyaM kAruNyAnme sharaNavaraNaM dInavR^ittergR^ihANa || 20|| brahmopendraprabhR^itibhirapi svepsitaprArthanAya svAminnagre chiramavasarastoShayadbhiH pratIkShyaH | drAgeva tvAM yadiha sharaNaM prArthaye kITakalpaH tadvishvAdhIshvara tava kR^ipAmeva vishvasya dIne || 21|| karmaj~nAnaprachayamakhilaM duShkaraM nAtha pashyan pApAsaktaM hR^idayamapi chApArayansanniroddhum | saMsArAkhye purahara mahatyandhakUpe viShIdan hastAlambaprapatanamidaM prApya te nirbhayo.asmi|| 22|| tvAmevaikaM hatajanipathe pAnthamasminprapa~nche matvA janmaprachayajaladheH bibhyataH pArashUnyAt | yatte dhanyAH suravara mukhaM dakShiNaM saMshrayanti kliShTaM ghore chiramiha bhave tena mAM pAhi nityam || 23|| eko.asi tvaM shiva janimatAmIshvaro bandhamuktyoH kleshA~NgArAvaliShu luThataH kA gatistvAM vinA me | tasmAdasminniha pashupate ghorajanmapravAhe khinnaM dainyAkaramatibhayaM mAM bhajasva prapannam || 24|| yo devAnAM prathamamashubhadrAvako bhaktibhAjAM pUrvaM vishvAdhika shatadhR^itiM jAyamAnaM maharShiH | dR^iShTyApashyatsakalajagatIsR^iShTisAmarthyadAtryA sa tvaM granthipravilayakR^ite vidyayA yojayAsmAn || 25|| yadyAkAshaM shubhada manujAshcharmavadveShTayeyuH duHkhasyAntaM tadapi puruShastvAmavij~nAya naiti | vij~nAnaM ca tvayi shiva R^ite tvatprasAdAnna labhyaM tadduHkhArtaH kamiha sharaNaM yAmi devaM tvadanyam || 26|| kiM gUDhArthairakR^itakavachogumphanaiH kiM purANaiH tantrAdyairvA puruShamatibhirdurnirUpyaikamatyaiH | kiM vA shAstrairaphalakalahollAsamAtrapradhAnaiH vidyA vidyeshvara kR^itadhiyAM kevalaM tvatprasAdAt || 27|| pApiShTo.ahaM viShayachapalaH santatadrohashAlI ##var ## santataM drohashAlI kArpaNyaikasthiranivasatiH puNyagandhAnabhij~naH | yadyapyevaM tadapi sharaNaM tvatpadAbjaM prapannaM nainaM dInaM smarahara tavopekShituM nAtha yuktam || 28|| AlochyaivaM yadi mayi bhavAn nAtha doShAnanantAn asmatpAdAshrayaNapadavIM nArhatIti kShipenmAm | adyaivemaM sharaNavirahAdviddhi bhItyaiva naShTaM grAmo gR^ihNAtyahitatanayaM kiM nu mAtrA nirastam || 29|| kShantavyaM vA nikhilamapi me bhUtabhAvi vyalIkaM durvyApArapravaNamathavA shikShaNIyaM mano me | na tvevArttyA niratishayayA tvatpadAbjaM prapannaM tvadvinyastAkhilabharamamuM yuktamIsha prahAtum || 30|| sarvaj~nastvaM niravadhikR^ipAsAgaraH pUrNashaktiH kasmAdenaM na gaNayasi mAmApadabdhau nimagnam | ekaM pApAtmakamapi rujA sarvato.atyantadInaM jantuM yadyuddharasi shiva kastAvatAtiprasa~NgaH || 31|| atyantArtivyathitamagatiM deva mAmuddhareti kShuNNo mArgastava shiva purA kena vA.anAthanAtha | kAmAlambe bata tadadhikAM prArthanArItimanyAM trAyasvainaM sapadi kR^ipayA vastutattvaM vichintya || 32|| etAvantaM bhramaNanichayaM prApito.ayaM varAkaH shrAntaH svAminnagatiradhunA mochanIyastvayAham | kR^ityAkR^ityavyapagatamatirdInashAkhAmR^igo.ayaM saMtADyainaM dashanavivR^itiM pashyataste phalaM kim || 33|| mAtA tAtaH suta iti samAbadhya mAM mohapAshai\- rApAtyaivaM bhavajalanidhau hA kimIsha tvayA.a.aptam | etAvantaM samayamiyatImArtimApAdite.asmin kalyANI te kimiti na kR^ipA kApi me bhAgyarekhA || 34|| bhu~NkShe guptaM bata sukhanidhiM tAta sAdhAraNaM tvaM bhikShAvR^ittiM paramabhinayanmAyayA mAM vibhajya | maryAdAyAH sakalajagatAM nAyakaH sthApakastvaM yuktaM kiM tadvada vibhajanaM yojayasvAtmanA mAm || 35|| na tvA janmapralayajaladheruddharAmIti ceddhIH AstAM tanme bhavatu ca janiryatra kutrApi jAtau | tvadbhaktAnAmanitarasukhaiH pAdadhUlIkishoraiH ArabdhaM me bhavatu bhagavan bhAvi sarvaM sharIram || 36|| kITA nAgAstarava iti vA kiM na santi sthaleShu tvatpAdAmbhoruhaparimalodvAhimandAnileShu | teShvekaM vA sR^ija punarimaM nAtha dInArttihArin AtoShAnmAM mR^iDa bhavamahA~NgAranadyAM luThantam || 37|| kAle kaNThasphuradasukalAleshasattAvaloka\- vyAgrodagravyasanisakalasniggharuddhopakaNThe | antastodairavadhirahitAmArtimApadyamAno\- .apya~Nighradvandve tava nivishatAmantarAtman mamAtmA || 38|| antarbAShpAkulitanayanAnantara~NgAnapashyan agre ghoShaM ruditabahulaM kAtarANAmashruNvan | atyutkrAntishramamagaNayan antakAle kapardin a~Nghridvandve tava nivishatAmantarAtman mamAtmA || 39|| chArusmerAnanasarasijaM chandrarekhAvataMsaM phullanmallIkusumakalikAdAmasaubhAgyachoram | antaHpashyAmyachalasutayA ratnapIThe niShaNNaM lokAtItaM satatashivadaM rUpamaprAkR^itaM te || 40|| svapne vApi svarasavikasaddivyapa~NkeruhAbhaM pashyeyaM kiM tava pashupate pAdayugmaM kadAcit | kvAhaM pApaH kva tava charaNAlokabhAgyaM tathApi pratyAshAM me ghaTayati punarvishrutA te.anukampA || 41|| bhikShAvR^ittiM cara pitR^ivane bhUtasa~NghairbhramedaM vij~nAtaM te charitamakhilaM vipralipsoH kapAlin | AvaikuNThadruhiNamakhilaprANinAmIshvarastvaM nAtha svapne.apyahamiha na te pAdapadmaM tyajAmi || 42|| AlepanaM bhasitamAvasathaH shmashAnaM asthIni te satatamAbharaNAni santu | nihnotumIsha sakalashrutipArasiddhaM aishvaryamambujabhavo.api cha na kShamaste || 43|| vividhamapi guNaughaM vedayantyarthavAdAH parimitavibhavAnAM pAmarANAM surANAm | tanuhimakaramaule tAvatA tvatparatve kati kati jagadIshAH kalpitA no bhaveyuH || 44|| vihara pitR^ivane vA vishvapAre pure vA rajatagiritaTe vA ratnasAnusthale vA | disha bhavadupakaNThaM dehi me bhR^ityabhAvaM paramashiva tava shrIpAdukAvAhakAnAm || 45|| balamabalamamIShAM balbajAnAM vichintyaM kathamapi shiva kAlakShepamAtrapradhAnaiH | nikhilamapi rahasyaM nAtha niShkR^iShya sAkShAt sarasijabhavamukhyaiH sAdhitaM naH pramANam || 46|| na kiMchinmene.ataH samabhilaShaNIyaM tribhuvane sukhaM vA duHkhaM vA mama bhavatu yadbhAvi bhagavan | samunmIlatpAthoruhakuharasaubhAgyamuShite padadvandve chetaH parichayamupeyAnmama sadA || 47|| udarabharaNamAtraM sAdhyamuddishya nIche\- ShvasakR^idupanibaddhAmAhitochChiShTabhAvAm | ahamiha nutibha~NgImarpayitvopahAraM tava charaNasaroje tAta jAto.aparAdhI || 48|| sarvaM sadAshiva sahasva mamAparAdhaM magnaM samuddhara mahatyamumApadabdhau | sarvAtmanA tava padAmbujameva dInaH svAminnananyasharaNaH sharaNaM prapadye || 49|| AtmArpaNastutiriyaM bhagavannibaddhA yadyapyananyamanasA na mayA tathApi | vAchApi kevalamayaM sharaNaM vR^iNIte dIno varAka iti rakSha kR^ipAnidhe mAm || 50|| iti shrImadappayyadIkShitendrANAM kR^itiShvanyatamA AtmArpaNastutiH sampUrNA | ## Proofread by Rajani Arjun Shankar rajani\_{}arjun at yahoo.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}