% Text title : Ishvaradiproktam Shantyadhyayah % File name : IshvArAdiproktaMshAntyadhyAyaH.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 37-42|| % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaradiproktam Shantyadhyayah ..}## \itxtitle{.. IshvArAdiproktaM shAntyadhyAyaH ..}##\endtitles ## (shivarahasyAntargate mahAdevAkhye) \- shivapArvatIsaMvAde \- Ishvara uvAcha | shAntyadhyAyAn pravakShyAmi samAhitamanAH shive | rAjachorAgnipIDAsu grahabhUtagadAdibhiH || 37\.1|| pIDitAnAM shive shAntyai mayaiva manasA kR^itAH | tachChR^iNuShva vadAmyadya sarvapApakShayAya cha || 37\.2|| ataH paramidaM guhyaM rudrodgItaM mahodayam | mahAvighnaprashamanaM mahAshAntikaraM shubham || 37\.3|| akAlamR^ityushamanaM sarvavyAdhi nivAraNam | parachakrapramathanaM sadA vijayavardhanam || 37\.4|| stambhanaM parasainyasya ripunAshakaraM sadA | viShagrahakShayakaraM samastAbhIShTadAyakam || 37\.5|| sarvashAntyadhikArAkhyaM dharmaM vakShye shR^iNuShva tam | sa shAntidhArakastryakSho nAgayaj~nopavItavAn || 37\.6|| \- \- \section{|| atha shAntyadhyAyaH 1 ||} chaturmukhashchaturbAhuH sitabhasmAvaguNThitaH | varo vareNyo varado vAmadevo maheshvaraH || 37\.7|| trailokyanamitaH shrImAn shAntimAshu karotu me | sarvAvayavamukhyena gAtreNa tanumadhyamA || 37\.8|| pItashyAmAtisaumyena shivarUpeNa shobhitA | lalATatilakopetA chandrarekhArdhadhAriNI || 37\.9|| divyAmbaradharAdevI sarvAbharaNabhUShitA | varastrI sarvanArINAM shobhAguNamahAspadA || 37\.10|| bhAvanAmAtrasantuShTA umA devI varapradA | sAkShAdAgatya rUpeNa shAntAnAmiva tejasA || 37\.11|| shAntiM karotu me prItA bhaktAnAM bhaktavatsalA | padmarAgadyutiH saumyo raktamAlyAnulepanaH || 37\.12|| abAlo bAlarUpeNa ShaNmukhaH shikhivAhanaH | pUrNenduvadanaH saumyastrishikhAshaktisaMyutaH || 37\.13|| kR^ittikomAgnirudrA~Ngaga~NgodbhUtaH surArchitaH | kArtikeyo mahAtejA varadAnaikatatparaH || 37\.14|| shAntiM karotu me prIto balaM saukhyaM cha sarvadA | mahodaro mahAkAyaH snigdhA~njanasamaprabhaH || 37\.15|| ekadaMShTrotkaTo devo gajavaktro mahAbalaH | nAgayaj~nopavItI cha nAgAbharaNabhUShitaH || 37\.16|| sarvArthasampadAghAro gaNAdhyakSho varapradaH | rudrasya tanayo devo nAyako.atha vinAyakaH || 37\.17|| karotu me mahAshAntiM karmasiddhiM cha sarvadA | indranIlanibhAkSho.agnipashushUlAyudhodyataH || 37\.18|| raktAmbaradharaH shrImAn kR^iShNA~Ngo nAgabhUShaNaH | pApApanodanaH shuddhastvalakShmImalanAshanaH || 37\.19|| karotu me mahAshAntiM mahAkAlo mahAbalaH | pUtavastraparIdhAnA kanyA puShpaiHsvala~NkR^itA || 37\.20|| gaNanAthAmbikA tryakShA puNyA gaurI sureshvarI | sarvasiddhipradA devI prasAdaparamA parA || 37\.21|| shAntiM karotu me shAntA siddhimAshu prayachChatu snigdhA shyAmalavarNena mahiShAsuramardinI || 37\.22|| dhanushchakrapraharaNA sha~NkhayaShTyasidhAriNI | atarjanodyatakarA sarvopadravanAshinI || 37\.23|| sarvama~NgalamAtA me shivamAshu prayachChatu | nirmAMsena sharIreNa susnAyvasthinibandhanaH || 37\.24|| atisUkShmo.ativikrAntastryakSho bhR^i~NgiriTirmahAn | rudrAtmajo rudravIro rudraikagatamAnasaH || 37\.25|| so.api shAntAtmabhAvena shAntimAshu karotu me | prachaNDagaNasainyesho mahAkAlAstradhArakaH || 37\.26|| akShamAlArpitakarastryakShashchaNDeshvaraH prabhuH | prachaNDapApaharaNo bR^ihaspatyAdishodhakaH || 37\.27|| karotu me mahAyogI kalyANaM paramaM shubham | padmAsanaH padmanibhashchaturvadanapa~NkajaH || 37\.28|| kamaNDaludharaH shrImAn devagandharvapUjitaH | shivadhyAnaikanirataH shivasadbhAvabhAvitaH || 37\.29|| brahmashabdena divyena brahmAshantiM karotu me | sha~NkhakundenduvarNAbhiH kaNThe marakataprabhaH || 37\.30|| akShamAlAshirA ugrashivaj~nAnavyavasthitaH | chaturmukhashchatuShpAdastriNetraH sarvadojjavalaH || 37\.31|| kShiteH patirvR^iSho devo dharmo dharmottamottamaH | IshaM vahati pR^iShThena tasmAddharmo jagatprabhuH || 37\.32|| vR^iSho vR^iShapatishrImAn devagandharvapUjitaH | shivaj~nAnaikasampannaH shivasadbhAvabhAvitaH || 37\.33|| vR^iShashabdena divyena vR^iShaH shAntiM karotu me | tArkShyAsanashchaturbAhuH sha~NkhachakragadAdharaH || 37\.34|| shyAmaH pItAmbaradharo vanamAlAvibhUShitaH | yaj~no devottamo devo mAdhavo madhusUdanaH || 37\.35|| shivaprasAda sampannaH shivadhyAnaparAyaNaH | shivArchanarato nityaM viShNuH shAntiM karotu me || 37\.36|| padmarAgaprabho devI chaturvadana pa~NkajA | akShamAlArpitakarAkamaNDaludharA shivA || 37\.37|| brahmANI saumyavadanA shivapUjAparAyaNA | shAntiM karotu me prItA brahmashabdena nirmalA || 37\.28|| mayUravAhanA devI sindUrAruNavigrahA | shaktihastA mahArUpA sarvAbharaNabhUShitA || 37\.29|| rudrabhaktA mahApuNyA rudrArchanaratA sadA | kaumArI varadA devI kShemArogyaM dadAtu me || 37\.30|| sha~NkhachakragadAhastA shyAmA pItAmbarapriyA | chaturbhujA tArkShyarathA vaiShNavI surapUjitA || 37\.31|| shivArchanaratA bhaktA rudraikagatamAnasA | shAntiM karotu me nityaM sarvAsuravimardinI || 37\.32|| himasetunibhA devI mahAvR^iShabhavAhinI | trishUlahastA varadA nAnAbharaNabhUShitA || 37\.33|| rudrabhaktA mahAvIryA rudrArchanaratA sadA | chaturbhujA chaturvaktrA triNetrA pApahAriNI || 37\.34|| ArtiM haratu me prItA mAheshI nityamujjvalA | varAhaghoNavikaTA varAhavaravAhanA || 37\.35|| shyAmA~NgA varadA devI sha~NkhachakragadAdharA | tarjayantI sadA vighnAn archayantI sadAshivam || 37\.36|| vArAhI varadA devI kShemArogyaM dadAtu me | airAvatagajArUDhA vajrahastA mahAbalA || 37\.37|| netrANAM cha sahasreNa bhUShitA kA~nchanaprabhA | aindradevI sadAkAlaM shAntimAshu karotu me || 37\.38|| UrdhvakeshotkaTA kShAmA nirmAMsasnAyubandhanA | karAlavadanA ghorA khaDgakheTAyudhodyatA || 37\.39|| kapAlamAlinI devI krUrA khaTvA~NgadhAriNI | Araktapi~NganayanA gajacharmAvaguNThitA || 37\.40|| nAnAnAgaparItA~NgI pretopari nivAsinI | shivarUpeNa ghoreNa shivArAvabhaya~NkarI || 37\.41|| chAmuNDA chaNDarUpeNa chitrA trAsayate nanu | bhUtapretapishAchebhyo mama rakShAM karo tu sA || 37\.42|| AkAshamAtaro devyastathA bhUlokamAtaraH | bhUtAnAM mAtaraH sarvAstathAnyAH pitR^imAtaraH || 37\.43|| sarvamAtR^igaNA devyaH svAyudhavyagrapANayaH | jagadvyApyAvatiShThantyo balikAmA mahAdayAH || 37\.44|| rudrabhaktA mahAvIryA rudrArchanaparAyaNAH | shAntiM kurvantu me nityaM mAtaraH surapUjitAH || 37\.45|| ye rudrA raudrakarmANo rudrasthAnanivAsinaH | saumyAshchaiva tu ye kechit saumyasthAnanivAsinaH || 37\.46|| mAtaro rudrarUpAshcha gaNAnAmadhipAshcha ye | vighnabhUtAstathaivAnye dashadikShu samAchi(shri)tAH || 37\.47|| sarve suprItamanasaH pratigR^ihNantvimaM balim || 37\.48|| Ishvara uvAcha | mAdhyAmadyaM cha shAntiM suta tati dhanago vAjimAta~NgayUthe\- rAShTre grAme pure vA suvihitamadhunA shAntidAH santu sarvAH || 37\.49|| || iti shAntyadhyAyaH 1 || \section{|| atha shAntyadhyAyaH 2 ||} (dishAshAntiH) siddhiM puShNantu me nityaM bhayebhyaH pAntu mAM sadA | aindryAM dishi gaNA ye tu vajrahastA mahAbalAH || 38\.1|| supItAkShA pItanibhAstathA vai pItalohitAH | divyAntarikShabhaumAshcha pAtAlatalavAsinaH || 38\.2|| rudrArchanaratA nityaM shAntiM kurvantu me sadA | AgneyyAM ye gaNAH sarve shaktihastA niSha~NgiNaH || 38\.3|| shivapraNAmaparamAH shAntiM kurvantu me sadA | yAmyAM dishi gaNAH ye tu satataM daNDapANayaH || 38\.4|| sukR^iShNAkShAH kR^iShNanibhAstathA vai kR^iShNalohitAH | divyAntarikShabhaumAshcha pAtAlatalavAsinaH || 38\.5|| parameshArchanaratAH shAntiM kurvantu me sadA | nirR^ityAM ye gaNAH sarve rAkShasAH khaDgapANayaH || 38\.6|| sunIlAkShA nIlanibhAstathA vai nIlalohitAH | divyAntarikShabhaumAshcha pAtAlatalavAsinaH || 38\.7|| rudraikadhyAna niratAH shAntiM kurvantu me sadA | vAruNyAM ye gaNAH sarve satataM pAshapANayaH || 38\.8|| sashyAmAkShAH shyAmanibhAstathA vai shyAmalohitAH | divyAntarikShabhaumAshcha pAtAlatalavAsinaH || 38\.9|| parameshArchanaratAH shAntiM kurvantu me sadA | vAyavyAM ye gaNAH sarve satataM dhvajapANayaH || 38\.10|| sUdhUmrAkShA dhUmranibhAstathA vai dhUmralochanAH | divyAntarikShabhaumAshcha pAtAlatalavAsinaH || 38\.11|| shivabhaktiparAH sarve kShemaM kurvantu me sadA | kauberyAM ye gaNAH sarve satataM nidhipANayaH || 38\.12|| supItAkShAH pItanibhAstathA vai pItalohitAH | divyAntarikShabhaumAshcha pAtAlatalavAsinaH || 38\.13|| shivabhaktiparAH sarve kShemaM kurvantu me sadA | IshAnyAM ye gaNAH sarve prashAntAH shUlapANayaH || 38\.14|| susUkShmAkShAH sUkShmanibhAstathA vai sUkShmalohitAH | divyAntarikSha bhaumAshcha pAtAlatalavAsinaH || 38\.15|| rudrapraNAmaparamAH shAntiM kurvantu me sadA | adhobhAge gaNA ye tu satataM chakrapANayaH || 38\.16|| sudhUmrAkShA dhUmranibhAstathA vai dhUmralohitAH | divyAntarikShabhaumAshcha pAtAlatalavasinaH || 38\.17|| shivabhaktiratAH sarve shAntiM kurvantu me sadA | Urdhva bhAge sthitA ye tu satataM padmapANayaH || 38\.18|| supadmAkShAH padmanibhAstathA vai padmalohitAH | divyAntarikShabhaumAshcha pAtAlatalavAsinaH || 38\.19|| shivapUjAsamAyuktAH shAntiM kurvantu me sadA | ete gaNA mahAtmAno mahAbalaparAkramAH || 38\.19|| shivaM sampUjya yatnena svaM svaM padamavApire | tataH suprItamanasaH shAntimAyurbalaM shriyam || 38\.21|| prayachChantvAshu martyAnAM tadbhaktAnAM visheShataH | nAmnA.amarAvatI pUjyA pUrvabhAge vyavasthitA || 38\.22|| vidyAdharagaNAkIrNA siddhagandharvasevitA | ratnaprAkArarachitA mahAratnopashobhitA || 38\.23|| tatra devapatiH shrImAn vajrahasto mahAbalaH | netrANAM tu sahasreNa shobhanena virAjitaH || 38\.24|| airAvatagajArUDho hemavarNo mahAdyutiH | devendraH paramo hR^iShTaH parameshArchane rataH || 38\.25|| shivadhyAnaikasampannaH shivabhaktiparAyaNaH | shivabhaktaistathA chAnyairdevairiha sahAnugaiH || 38\.26|| shivapraNAmaparamaH karotu mama shAntikam | AgneyyAstu dishobhAge purI tejovatI shubhA || 38\.27|| nAnAdevagaNAkIrNA ratnajvAlAsamAkulA | tatra jvAlAparItA~Ngo dIptyA~NgArasamadyutiH || 38\.28|| bhUtikR^iddehinAM devo jvalanaH pApanAshanaH | shivapUjAsamAyuktaH shivadhyAnavibhAvitaH || 38\.29|| shAntiM karotu me devastathA pApaparikShayam | vaivasvatapurInAma dakShiNasyAM vyavasthitA || 38\.30|| lohaprAkArasaMyuktA prAsAdairgopuraiH shubhA | surAsurashatAnIkapitR^iyakShoragAlayaH || 38\.31|| tatrendranIlasa~NkAsho ratnasragvastrabhUShaNaH | khaDgapANirmahAtejAH karAlavadanojjavalaH || 38\.32|| rAkShasendrashcha nirR^itiH shivArchanarataH sadA | karotu me mahAshAntiM shivabhaktisamutsukaH || 38\.33|| pashchime tu disho bhAge purI shuddhavatI (shuddhimatI) shubhA | nAnAratnasamAkIrNA nAnAkinnarasevitA || 38\.34|| tejaH prAkArasa~NkIrNA niraupamyA sadojjvalA | tatra mauktikasa~NkAshaH paripi~NgalalochanaH || 38\.35|| shvetavastraparIdhAnaH pAshahasto mahAdyutiH | varuNaH parayA bhaktyA shivaikA.a.ahitamAnasaH || 38\.36|| rogashokArtisantApaM vinAshayatu me sadA | vAyavye tu disho bhAge purIgandhavatI shubhA || 38\.37|| R^iShisiddhagaNAkIrNA hemaprAkAratoraNA | tathA dhUmreNa dehena kR^iShNapi~NgalalochanaH || 38\.38|| paTavAsAntarAlIno dhvajayaShTyAyudhojjvalaH | pavanaH paramo devaH parameshvarabhAvitaH || 38\.39|| kShemArogyabalaM shAntiM karotu mama sarvadA | mahodayA nAma purI uttareNa vyavasthitA || 38\.40|| anekayakShasa~NkIrNA nAnAratnopashobhitA | tatra devo gadAhastashchitrasragvastrabhUShaNaH || 38\.41|| hrasvabAhurmahAtejAH paripi~NgalalochanaH | kuberaH shrImukhaH shrImAn harapAdArchane rataH || 38\.42|| shAntiM karotu me prItaH shamashAntena chetasA | yashovatI purI ramyA aishAnyAM dishi saMsthitA || 38\.43|| nAnAgaNasamakIrNA nAnAkR^itasurAlayA | tejaHprAkAraparyantA niraupamyaguNAnvitA || 38\.44|| tatra mauktikasa~NkAshaH shashA~NkakR^itashekharaH | triNetraH shAntarUpAtmA hyakShamAlAdharo haraH || 38\.45|| IshAnaH paramo devaH shivadhyAnaikatatparaH | so.api sarvAtmabhAvena shAntimAshu karotu me || 38\.46|| Ishvara uvAcha | shAntAH shivArchanaratAH shivapAdasaktAH yuktA makhAyutaphalairvarabhasmabhUShAH | rudrAkShavakShasa ime shivali~NgabhaktA ete madarchanaphalena gaNAtAmupetAH || 38\.47|| || iti shAntyadhyAyaH 2 || \section{|| atha shAntyadhyAyaH 3 ||} (lokashAntiH) bhUloke cha bhuvarloke svarloke cha vasanti ye | devadivyaprabhAyuktAH shAntiM kurvantu me sadA || 39\.1|| maharloke janoloke tapoloke cha saMsthitAH | te tu pramuditA devAH shAntiM kurvantu me sadA || 39\.2|| satyaloke cha ye devAH prabhAjvalitavigrAH | shivabhaktAH sumanasaH bhayArtiM nAshayantu me || 39\.3|| tapoloke cha ye devAH shuddhAH sphaTikavigrahAH | rudrabhaktA mahAtmAnaH shivaM karvantu me sadA || 39\.4|| janoloke cha ye devA dhautachAmIkaraprabhAH | IshAnaM praNatA nityaM shAntiM kurvantu me sadA || 39\.6|| bhuvarloke cha ye devA bhAsayanto disho dasha | shivaikasharaNA devAH pApaM prashamayantu me || 39\.7|| (girikandarAdishAntiH) girikandaradurgeShu nivasanti cha ye narAH | rudrArchanaratA nityaM shAntiM kurvantu me sadA || 39\.8|| (devIbhyaH shAntiprArthanA) sharachchandrAMshugaureNa dehenAmitatejasA | sarasvatI shive bhaktA shAntimAshu karotu me || 39\.9|| chAruchAmIkaraprakhyA sarojakarapallavA | shivabhaktA cha shrIdevI shrImadbhuktiM dadAtu me || 39\.10|| chAruNA mukhachandreNa vichitrakanakojjvalA | jayA devI shive bhaktA sarvAn kAmAn dadAtu me || 39\.11|| hAreNa suvichitreNa bhAsvatkanakamekhalA | aparAjitA rudrabhaktA karotu vijayaM mama || 39\.12|| (grahashAntiH) sindUrAruNavarNena dehenAyatalochanaH | sahasrakiraNaH shrImAn saptasaptikavAhanaH || 39\.13|| gabhastimAlI bhagavAn shivapAdArchane rataH | karotu me mahAshAntiM grahapIDAnivAraNam || 39\.14|| jagadApyAyanakaro.apyamR^itAMshuH sushItalaH | somaH saumyena bhAvena grahapIDAM vyapohatu || 39\.15|| padmarAgeNa dehena devaH pi~NgalalochanaH | a~NgArakastu satataM rudrapUjAparAyaNaH || 39\.16|| rudrasadbhAvasampanno rudradhyAnaikatatparaH | grahapIDAbhayaM sarvaM vinAshayatu me sadA || 39\.17|| ku~NkumaChavinA shrImAn dehenA.a.araktapi~NgalaH | budho.api shivadhAmAtmA grahapIDAM vyapohatu || 39\.18|| taptachAmIkarAbho yaH sarvaj~nAnasudhAlayaH | bR^ihaspatiH sadAkAlamIshvarArchanatatparaH || 39\.19|| so.api shAntAtmachittena parameNa samAdhinA | grahapIDAM vinirjitya karotu vijayaM mama || 39\.20|| himakundendutulyAbho.asuradaityendrapUjitaH | shukraH shivArchako nityaM grahapIDAM vyapohatu || 39\.21|| bhinnA(nIlA)~njanasamachChAyaH suraktanayanadyutiH | shanaishcharaH shive bhaktaH grahapIDAM vyapohatu || 39\.22|| dhUmrAyamANaH satataM sarvotpAtasamanvitaH | nIlA~njanasamaH shrImAn saihmikeyo mahAdyutiH || 39\.23|| shivapUjArato rAhuH grahapIDAM vyapohatu | dhUmrAyamANaH satataM sarvotpAtasamanvitaH || 39\.24|| shivArchanarataH keturgrahapIDAM vyapohatu | ete grahA mahAtmAnaH shivArchanaparAyaNAH || 39\.25|| shAntiM kurvantu me hR^iShTAH sadAkAlaM hitaiShiNaH | mukhe yasya sthito nityaM vyuShTirnAma mahAbalaH || 39\.26|| sumukha vighnakArI cha pR^iShThe cha vijaya~NkaraH | rudrapraNAmaparamaH shAntimAshu karotu me || 39\.27|| (tithishAntiH) tR^itIyA saptamI chaiva dashamI cha chaturdashI | chaturthI chAShTamI chaiva ekAdashI cha pUrNimA || 39\.28|| etA vighnakarA bhaktAH shuklakR^iShNasamudbhavAH | bhavantu me shriyo nityaM kurvantu vijayaM sadA || 39\.29|| amAvAsyA mahApuNyA pitR^idevasamanvitA | shivA hyeShA tu paramA shivasya paramAtmanaH || 39\.30|| shivatejaH samAyuktAH karotu mama shAntikam | pratipadvahnisaMyuktA aShTamI rudra(ArdrA)saMyutA || 39\.31|| navamI tithiratyugrA durgAdevyadhidevatA | dashamI dharmasaMyuktA rudreNaikAdashIyutA || 39\.32|| dvAdashI viShNusaMyuktA madanena trayodashI | chaturdashI maheshena pUrNimA tuhinAMshunA || 39\.33|| etastu tithayaH sarvA IshAnArchanatatparAH | shAntiM kurvantu me nityaM sadAkAlaM hitaiShiNaH || 39\.34|| (yogashAntiH) viShkambhaH prItirAyuShmAn saubhAgyaM shobhanaM tathA | atigaNDaH sukarmA cha dhR^itiH shUlastathaiva cha || 39\.35|| gaNDo vR^iddhirdhruvashchaiva vyAghAto harShaNastathA | vajraMsiddhirvyatIpAto varIyAn parighaH shivaH || 39\.36|| siddhaH sAdhyaH shubhaH shubhro brAhmamAhendravaidhR^itAH | chandrasya bhAnorutpannA ye te yogA mahAbalAH || 39\.37|| shivashaktiyutAH sarve shivashaktividhAyinaH | shAntiM kurvantu me nityaM shivadhyAnaparAyaNAH || 39\.38|| (nakShatrashAntiH) kR^ittikA paramA devI rohiNI ruchirAnanA | shrImAn mR^igashirA bhadrA ArdrA cha paramojjvalA || 39\.39|| punarvasustathA puShya AshleShA cha mahojjvalA | nakShatramAtaro hyetAH prabhAmAlAvabhAsakAH || 39\.40|| mahAdevArchanaratA mahAdevAnubhAvitAH | pUrvabhAge sthitAshchaitAH shAntiM kurvantu me sadA || 39\.41|| maghA sarvaguNopetA pUrvA chaiva tu phalgunI | uttarA phalgunI cheShTA hastachitrarathottamA || 39\.42|| svAtI vishAkhA varadA dakShiNasthAnasaMsthitA | archayantyaH sadA kAlaM devaM triNayanaM prabhum || 39\.43|| mamApi shAntiM chaivaitAH kurvantu shivachoditAH | anUrAdhA tathA jyeShThA mUlA buddhisamatvitA || 39\.44|| pUrvAShADhA mahAvIryA AShADhAtyuttarA shubhA | abhijinnAma nakShatraM shravaNaM paramottamam || 39\.45|| etAH pashchimato dIptAH rAjantyashchArumUrtayaH | IshAnaM pUjayantyetAH sarvakAlaM sumaiH shive || 39\.46|| prashAntiM mama kurvantu vibhUtiM cha samAhitAH | shraviShThA shatabhiShak chaiva pUrvA bhAdrapadA tathA || 39\.47|| uttarA bhAdrarevatyAvashvinI cha mahardhikA | bharaNI cha mahAvIryAM nityamuttarataH sthitAH || 39\.48|| shivArchanaratA nityaM shivaikagatamAnasAH | shAntiM kurvantu me nityaM sarvakAlaM sukhodayAH || 39\.49|| (rAshishAntiH) atha meSho mR^igAdhIsho dhanurdIptimatAM varaH | pUrveNa bhAsayantyete shivapUjAparAyaNAH || 39\.50|| shAntiM kurvantu me nityaM balaM saubhAgyameva cha | vR^iShaH kanyA cha varadA makarashcha mahArthakaH || 39\.51|| harapAdaratA nityaM shivabhAvena bhAvitAH | ete dakShiNadiksaMsthAH pUjayanti sadAshivam || 39\.52|| bhaktyA cha parayA nityaM shAntiM kurvantu me sadA | mithunaM cha tulAkumbhau pashchimasyAM dishi sthitAH || 39\.53|| shivapAdArchanaratAH shAntiM kurvantu me sadA | karkaTo vR^ishchiko mIno hyete uttarataH sthitA || 39\.54|| yajantyete sadA kAlaM rudraM bhuvananAyakam | shAntiM kurvantu me nityaM shivaj~nAnavidhAyinaH || 39\.55|| (R^iShishantiH) R^iShayaH satya vikhyAtA dhruvAntAH paramejjvalAH | bhasmarudrAkShabhUShADhyA tripuNDraparimaNDitAH || 39\.56|| shivali~NgArchanaparAstrikAlamamitaujasaH kashyapo gAlavo gArgyo vishvAmitro mahAmuni | bhR^igurdakSho vasiShThashcha mR^ikaNDuH pulahaH kratuH nArado muniratrishcha bharadvAjo.a~NgirAH muniH || 39\.58|| vAlmIkiH kaushikaH karNaH shAkalyo.atha punarvasuH | shAkalAyana(AshvalAyana) ityAdyA munayo.atha tapasvinaH || 39\.59|| shivadhyAnArchanodyuktAH shAntiM kurvantu me sadA | R^iShipatnyo mahAbhAgAH R^iShikanyAH kumArakAH || 39\.60|| shivArchanaratA nityaM shAntiM kurvantu me sadA | kurvantu shAntiM vividhAM surottamAH | shivArchakA bhasmatripuNDrabhUShitAH | li~NgArchakAH shAshvatadharmayuktAH yuktA bhavantyeva shivaprasAdAt || 39\.61|| || iti shAntyadhyAyaH 3 || \section{|| atha shAntyadhyAyaH 4 ||} Ishvara uvAcha | (siddhagandharvAdi shAntiH) siddhAshcha siddhatapaso gandharvApsarasAM gaNAH | vidyAdharA mahAtmAno garuDashcha mahArthakaH || 40\.1|| maheshvaraparA hyete maheshvarapadArchakAH | siddhimAshu prayachChantu shivadharmaparAyaNAH || 40\.2|| namuchirdaityarAjendraH shambhupUjAparAyaNaH | mahAnAdo.api vikhyAto daityaH paramavIryavAn || 40\.3|| hATakeshvaradevasya nityaM pUjAparAyaNaH | balaM vIryaM cha me kShipraM prayachChantu mahArthakAH || 40\.4|| (daityashAntiH) mahAjambhohayagrIvaH prahlAdo daityapu~NgavaH | tArakAgnimukhA daityA kAlanemirmahAbalaH || 40\.5|| ete daityA mahAtmAnaH shivasadbhAvabhAvitAH | puShTiM balaM tathA vIryaM prayachChantu cha me sukham || 40\.6|| vairochano hiraNyAkShaH suparvA cha sulomakaH | muchukundaH sukaNThashcha daityo rochanakastathA || 40\.7|| bhAvena parameNAshu yajantaH sarvadA shivam | satataM shitabhAvena puShTiM kurvantu me sadA || 40\.8|| (nAgashAntiH) Araktena sharIreNa raktAntAyatalochanaH | mahAbhogakR^itATopaH sha~NkhAbjakR^italA~nChanaH || 40\.9|| analo nAgarAjendraH shivapAdArchane rataH | mahApApaviShaM hR^itvA shAntimAshu karotu me || 40\.10|| sukhena susharIreNa sushvetotpalashekharaH | chArubhogakR^itATopashchAruhAravibhUShaNaH || 40\.11|| vAsukirnAgarAjendraH shivapAdArchane rataH | sarvarogaviShaM hR^itvA kShemArogyaM dadAtu me || 40\.12|| atiprItena dehena prasphuradbhogasampadA | tejasA chAtidIptena kR^itasvastikalakShaNaH || 40\.13|| nAgendrastakShakaH shrImAnnAgakoTyA samanvitaH | viShashastrAdisantApaM hatvA shAntiM karotu me || 40\.14|| padmavarNena dehena padmapatrAyatekShaNaH | padmabindukR^itAbhAso grIvAyAmekarekhayA || 40\.15|| khyAtaH padmo mahAnAgaH shivapAdArchanerataH | karotu me mahAshAntiM mahApApaviShakShayam || 40\.16|| puNDarIkanibhenApi dehenAmitatejasA | sha~NkhashUlAbjaruchirairbhUShito mUrdhni bindubhiH || 40\.17|| mahApadmo mahAnAgo harapAdArchane rataH | vinihatya viShaM ghoraM shAntimAshu karotu me || 40\.18|| sha~NkhapAlaH shriyA dIptaH shivapAdAbjapUjakaH | mahAviShaM mahAghoraM shAntimAshu karotu me || 40\.20|| atigaureNa dehena chandrArdhakR^itashekharaH | dIptabhogaH kR^itATopaH shambhulakShaNalakShitaH || 40\.21|| guliko nAgarAjendro nityaM haraparAyaNaH | apahR^itya viShaM ghoraM karotu viShashAntikam || 40\.22|| antarikShe cha ye nAgA ye nAgA bhuvi saMsthitAH | pAtAle saMsthitA nAgAH sarve.apyatra samanvitAH || 40\.23|| rudrapAdArchanodyuktAH shAntiM kurvantu me sadA | nAginyo nAgakanyAshcha tathA nAgakumArikAH || 40\.24|| shivabhaktAH sumanasaH shAntiM kurvantu me sadA | ya idaM nAga saMsthAnaM kIrtayedvA shrR^iNoti vA || 40\.25|| na taM nAgA vihiMsanti viShaM nAkramate sadA | ga~NgA puNyA mahAdevI yamunA narmadA nadI || 40\.26|| (nadIshAntiH) gomatI chApi kAverI varuNA devakI tathA | sarvabhUtapatiM devaM parameshaM maheshvaram || 40\.27|| pUjayanti sadA nadyassadA tadbhAvabhAvitAH | shAntiM kurvantu me nityaM sadA pApaparIkShakAH || 40\.28|| chandrabhAgA mahApuNyA nadI godAvarI shubhA | sarayUH gaNDakI shreShThA kaushikI cha sarasvatI || 40\.29|| pampA vegavatI puNyA shreShThA viShNunadI tathA | etA nadyo mahAbhAgAH shivapAdArchane ratAH || 40\.30|| shAntiM kurvantu me nityaM shivadhyAnaikamAnasAH | naira~njanA nAma nadI shoNashchApi mahAhradaH || 40\.31|| mandAkinI cha paramA sadA sannihitA shubhA | etAshchAnyA mahAnadyo bhUmidivyantarikShagAH || 40\.32|| rudrArchanaparA nadyaH kurvantu mama shAntikam | guhyAni yAni tIrthAni AsamudrAtsarAMsi cha || 40\.33|| kurvantu shAntikaM tAni kITakAdhiShThitAni cha | (yakShAdishAntiH) mahAvaishravaNo devo yakSharAjo mahArdhikaH || 40\.34|| yakShakoTiparIvAraH yakShA.asa~Nkhyeya saMyutaH | mahAvibhavasampanno harapAdArchane rataH || 40\.35|| shAntiM karotu me prItaH padmapatrAyatekShaNaH | mANibhadro mahAyakSho maNiratnavibhUtaH || 40\.36|| manohareNa hAreNa kaNThalagnena rAjate | shivadhyAnaparo nityaM shivapAdAbjapUjakaH || 40\.37|| shAntiM karotu me nityaM sarvaroganivAraNam | yakShiNI yakShakanyAbhiH parivAritavigrahA || 40\.38|| rudrArchanaratA nityaM karotu mama shAntikam | suvIro nAma yakShendro maNikuNDalabhUShaNaH || 40\.39|| lalATahemapaTTena shobhanena virAjitaH | bahuyakShasamAkIrNo yakShairnamitavigrahaH || 40\.40|| shivapUjArato nityaM karotu mama shAntikam | pa~nchago nAma yakShendraH karNikAkaTakojjvalaH || 40\.41|| makuTena vichitreNa keyUrAbhyAM virAjitaH | yakShakanyAsamAyukto yakShakoTisamanvitaH || 40\.42|| harArchanarataH shrImAn karotu mama shAntikam | shrImAn vibhaNDako yakSho nAnAratnavibhUShitaH || 40\.43|| chArukuNDalayugmena karNe nityaM virAjitaH | yakShendro yakShanamito yakShasenApatirbudhaH || 40\.44|| harapAdArchanarataH karotu mama shAntikam | dhR^itarAShTro mahAtejAH yakSho yakShAdhipaH prabhuH || 40\.45|| divyapaTTAMshukaChanno maNikA~nchanabhUShaNaH | shivaprasAdasamapannaH karotu mama shAntikam || 40\.46|| shivaprasAdasampannaH karotu mama shAntikam | pUrNabhadro mahAyakSho sarvAla~NkArabhUShitaH || 40\.47|| ratnadIptena dehena paTTenAtivirAjitaH | yakShakoTisahasreNa parivAritavigrahaH || 40\.48|| rudrapraNAmaparamo rudrabhaktisamanvitaH | rudrArchanasamAyuktaH karotu mama shAntikam || 40\.49|| virUpAkShashcha yakShendraH shvetavAsA mahAdyutiH | chArukA~nchanamAlAbhiH ki~NkiNIravakA~nchitaH || 41\.1|| vibhUShitaH sadAkAlaM varadAnaikatatparaH | rudrapUjAkaro nityaM karotu mama shAntikam || 41\.2|| antarikShe cha ye yakShA ye yakShAH sarvasaMsthitAH | girikandaradurgeShu ye yakShA bhUtivAsinaH || 41\.3|| pAtAlavAsino yakShA nAnArUpAyudhodyatAH | shivabhaktAH sumanasaH shivapUjAsamutsukAH || 41\.4|| shAntiM kurvantu me hR^iShTAH shAntAH shAntena tejasA | yakShiNyo vividhAkArAstathA yakShakumArakAH || 41\.5|| yakShakanyA mahAbhAgAH shivadhyAnaikatatparAH | shAntiM svastyayanaM kShemaM balaM kalyANameva cha || 41\.6|| shAntiM kurvantu sarve harapadakamalodArabhAvaika bhR^i~NgA yakShAstryakShapadAmbujArchanaratA nAgAHsadA pAntu mAm | sadyojAtapriyAbhiH girivarajanitA puNyanadyo.api sadyaH pApaM me pravinAshayantu satataM sharvArchanAsUdyatAH || 40\.50|| || iti shAntyadhyAyaH 4 || \section{|| atha shAntyadhyAyaH 5 ||} Ishvara uvAcha | (parvatasAgaraushAntiH) siddhimAshu prayachChantu nityameva samAhitAH | parvatAH sarvataH sarve parvatyashcha mahardhikAH || 41\.7|| shivabhaktAH sumanasaH shAntiM kurvantu me sadA | samudrAH saritaH sarve sAgarAshcha mahardhikAH || 41\.8|| ratnagarbhAshcha vividhA ye chAnye sAgarA bhuvi | rudrapUjAparA nityaM kurvantu mama shAntikam || 41\.9|| (rAkShasashAntiH) rAkShasAH sarvataH sarve rAkShasA ghorArUpiNaH | rAkShasA ye mahAvIryA rAkShasAshcha mahAbalAH || 41\.10|| sthalasthA rAkShasA ye cha antarikShe cha rAkShasAH | pAtAle rAkShasA ye tu nityaM rudrArchane ratAH || 41\.11|| (pretapishAchAdishantiH) bhairavaM yasya rUpaM tu pretabhasmAvaguNThitam | anekarUpadhAriNyo DAkinyashcha mahAbalAH || 41\.12|| antarikShagatA yAshcha DAkinyaH svargasaMsthitAH | pAtAle bhUtale yAshcha giridurgeShu yAH sthitAH || 41\.13|| rudrapraNAmaparamA rudrapUjAparAH sthitAH | tR^itIyaM lochanaM khaDgaM trishUlaM karapallave || 41\.14|| tejasA tasya devasya shAntiM kurvantu me sadA | sarvato bhUtarUpADhyA mahAbhUtA mahojjvalAH || 41\.15|| sarvabhUtasthitAH saumyAH sarve bhUtA manojavAH | antarikShe cha ye bhUtA ye bhUtA bhuvi saMsthitAH || 41\.16|| pAtAle bhUtale bhUtA ye cha bhUtAstrighAmakAH | khaTvA~NgaM yasya vimalaM kapAlaM karapallave || 41\.17|| tejasA tasya devasya shAntiM kurvantu me sadA | pretAH pretagaNAH sarve suprItAH sarvatomukham || 41\.18|| antarikShe cha ye pretA ye pretA divi saMsthitAH | pAtAle bhUtale chaiva ye pretAH kAmarUpiNaH || 41\.19|| shmashAnaM nilayo yasya vR^iShabho yasya vAhanam | tejasA tasya devasya shAntiM kurvantu me sadA || 41\.20|| ye pishAchA mahAvIryA ye pishAchA mahardhikAH | ye pishAchA bhIShaNAshcha pishAchAH kAmarUpiNaH || 41\.21|| nAnArUpadharAH sarve sarve sattvaguNottarAH | antarikShe pishAchA ye svarge ye cha pishAchakAH || 41\.22|| bhUtale ye pishAchA ye pAtAlatalavAsinaH | chandrArdhaM mastake yasya yasya bhasma vibhUShaNam || 41\.23|| tejasA tasya devasya shAntiM kurvantu me sadA | apasmAragrahAH sarve sarve chApi jvaragrahAH || 41\.24|| garbhabAlagrahA ye tu nAnArogagrahAshcha ye | antarikShe grahA ye cha svarge ye cha grahottarAH || 41\.25|| pAtAle bhUtale ye cha ye grahAH sarvato dishaH | kaNThe yasya mahAnIlaM bhUShaNaM yasya pannagAH || 41\.26|| tejasA tasya devasya shAntiM kurvantu me sadA | iti devAdayaH sarve shivaj~nAnavidhAyinaH || 41\.27|| kurvantu shAntiM jagataH shivabhakteShu sarvadA | \- \- shivaj~nAnaparo bhUtvA stutvaivaM shivabhaktakAn || 41\.28|| shivadhyAnaparo bhUtvA etatstotramudIrayet | ityuktvA devadevasya sannidhau nandikeshvaraH || 41\.29|| kR^itA~njalipuTo bhUtvA devaM tuShTAva hR^iShTadhIH | nandikeshvara uvAcha | \- \- jayAtmayogasaMsthAya jaya saMshuddhachetase || 41\.30|| jayadAnekarUpAya jayeshAya namo.astu te jayottamAya devAya jayakalyANarUpiNe || 41\.31|| jaya praNaShTamohAya jayAjayyAya te namaH | jaya sharvAya devAya sarveshAya mahAtmane || 41\.32|| jayalakShmIvidhAnAya jaya kIrtividhAyine | jaya vAkyavishuddhAya atItAya namo namaH || 41\.33|| jaya viShvindravandyAya shivashAntAya te namaH | jaya vij~nAnashuddhadAya sarvavyApinnamo namaH || 41\.34|| jaya kAntArdhadehAya jaya chandrArdhadhAriNe | jaya devAdhidevAya jaya rudrAya te namaH || 41\.35|| jaya tribhuvaneshAya jaya vikhyAtamUrtaye | jayAdhArAya sharvAya jagatkartre namo namaH || 41\.36|| jaya nirmaladehAya jaya sarvArthadAyine | jaya bhartre cha hantre cha jaya tripurabhedine || 41\.37|| jaya manmathanAshAya sarveshAya namo namaH || || iti shAntyadhyAyaH 5 || \section{|| atha shAntyadhyAyaphalakathanam ||} skanda uvAcha | jaigIShavya mahAbhAga shivaproktAshcha shAntayaH || 41\.30|| sarveShAM shAntikAdhyAyAn shrutvA bhaktiyutAshcha ye | ityevaM shAntikAdhyAyaM yaH paThechChR^iNuyAdapi || 41\.39|| vidhUya sarvapApAni shivaloke mahIyate | kanyArthI labhate kanyAM jayArthI jayamApnuyAt || 41\.40|| mokShArthI labhate mokShaM dhanArthI dhanamApnuyAt | arthakAmo labhedarthaM putrakAmo bahUn sutAn || 41\.41|| vidyArthI labhate vidyAM yogArthI yogamApnuyAt | rAjyArthI labhate rAjyaM grAmArthI grAmamApnuyAt || 41\.42|| garbhiNI labhate putraM kanyA vindati satpatim | yo yAn kAmayate kAmAn mAnavaH shravaNAdiha || 41\.43|| tatsarvaM shIghramApnoti devAnAM cha priyo bhavet | shrutvA.adhyAyamimaM puNyaM sa~NgrAmaM pravishennR^ipaH || 41\.44|| sa nirjityAshu shatrUn vai kalyANaiH paripUryate | akShayaM modate kAlamatiraskR^itashAsanaH || 41\.45|| sarvavyAdhivinirmuktaH putrapautraiH pratiShThitaH | shAntyadhyAyamimaM puNyamuddishyApi sakR^itpaThet || 41\.46|| tasya rogA na bAdhante vAtapittAdisambhavAH | nA.akAlamaraNaM tasya sarvaishchApi na dashyate || 41\.47|| viShaM nAkramate dehe na jaDatvaM na mUkatA | nopasargabhayaM tasya nachotpAtabhayaM tathA || 41\.48|| nAbhichArakR^itairdIrghairlipyate sa kadAchana | sarvakAmasamR^iddhArtho yaH paThettu dine dine || 41\.49|| nityamUrjitabhaktyA cha vyAghAtAdi vivarjitaH | (nityamUrjitabhaktyA cha durgavyAghAtavarjitaH .) yatpuNyaM sarvatIrthAnAM ga~NgAdInAM visheShataH || 41\.50|| yatpuNyaM koTiguNitaM prApnoti shravaNAdiha | dashAnAM rAjasUyAnAmagniShTomashatasya cha || 41\.51|| shravaNAtphalamApnoti koTikoTiguNottaram | koTijanmasu yatpuNyaM janArdanasupUjayA || 41\.52|| tatpuNyaM koTiguNitaM prApnoti shravaNAdiha | avadhyaH sarvabhUtAnAmanyeShAM cha visheShataH || 41\.53|| jIvedvarShashataM sAgraM sarvavyAdhivivarjitaH | goghnashchaiva kR^itaghnashcha bhrUNahA gurutalpagaH || 41\.54|| sharaNAgataghAtI cha mitravishvAsaghAtakaH | duShTapApasamAchAraH mAtR^ihA pitR^ihA tathA || 41\.55|| shravaNAdasya bhAvena muchyate sarvapAtakaiH | shAntyadhyAyamimaM puNyaM na deyaM yasya kasyachit || 41\.56|| shivabhaktAya dAtavyaM shivena kathitaM purA | nityamUrjitabhaktishcha bhaktivyAghAtavarjitaH || 41\.57|| sarvakAmasamR^iddhArtho yaH paThettu dine dine | tasmAd bhaktyA puNyado.ayaM shrotavyaH shivamichChatA || 41\.58|| Ishvara uvAcha | shAntyadhyAyavarAn shive hR^idi gatAn kurvan sa shAntiM labhet rogANAmayutAt tathA nR^ipabhayAdbhUpo.api mukto bhavet | chorAriprabhavAdathograhabhavApasmAradoShAd grahai\- sadyo muchyata eva shAntikajapAdbhato.atha mukto bhavet || 41\.59|| yuktA eva bhavanti shuddhahR^idayA mayyeva saktAH shive shashvatte bhuvanAvane dvijavarAHsvAlokane kimpunaH | vyaktAvyaktagatIShu teShu sulabho mokSho.akShatA~NgeShu vai vaktavyaM kimumAsahAya charaNAmbhojaprabhAvAdarAH || 41\.60|| || iti shAntyadhyAyaphalakathanam || || iti shivarahasyAntargate IshvArAdiproktaM shAntyadhyAyaH sampUrNaH || \- || shrIshivarahasyam | mahAdevAkhyaH ekAdashamAMshaH | adhyAyaH 37\-42|| ## - .. shrIshivarahasyam . mahAdevAkhyaH ekAdashamAMshaH . adhyAyaH 37-42.. Notes: Śiva ##shiva## advises about Śāntyadhyāyaḥ ##shAntyadhyAyaH## that comprises of prayers for granting Śānti ##shAnti## wrt the several aspects mentioned therein. The Śloka-s from Chapters 37 to 42 have been combined on this page as Śāntyadhyāyaḥ 1-5 ##shAntyadhyAyaH 1-5## and Śāntyadhyāyaphalakathanam ##shAntyadhyAyaphalakathanam## for seamless reading. Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}