% Text title            : Ishvaraprokta Shivalingarchanamahima 2
% File name             : IshvaraproktAshivalingArchanamahimA2.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 4 liNgotpattistavaH | vAvRittashlokAH ||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraprokta Shivalingarchanamahima 2 ..}##
\itxtitle{.. IshvaraproktA shivali~NgArchanamahimA 2 ..}##\endtitles ##
(shivarahasyAntargate mahAdevAkhye)

\- shivagaurIsaMvAde \-

AlayaH sarvabhUtAnAM layanAlli~Ngamuchyate |
tasmAlli~NgaM pratiShThApya sarvadevabhavodbhavam || 31||
sthApitaM tena sarvaM syAtpUjitaM cha na saMshayaH |
kR^itA~njalipuTo viShNurbrahmA chApi visheShataH || 32||
pUrvaM li~NgaM samabhyarchya pashchAtkarmANi chakratuH |
brahmA brahmAkSharairdivyairli~NgaM pUjayate sadA || 33||
gandhapuShpAdibhirnityaM viShNuH pUjayate shivam |
brahmA shailamayaM bhaktyA li~NgaM pUjayate sadA || 34||
tasya sampUjanAdeva prAptaM brahmatvamuttamam |
indranIlamayaM li~NgaM viShNurarchayate sadA || 35||
viShNutvaM prAptavAMstena vishvavyAptaM sanAtanam |
shakro.api devadevasya li~NgaM maNimayaM shubham || 36||
nityamarchayate bhaktyA tena shakratvamAptavAn |
li~NgaM hemamayaM kAntaM dhanado.archayate sadA || 37||
tenAsau dhanado devo dhanadatvamavAptavAn |
vishvedevA mahAtmAno raupyali~NgamayaM haram || 38||
archanti vidhivattena vishvedevaktvamApnuvan |
vAyuH pUjayate nityaM li~NgaM paittalasambhavam || 39||
vAyutvaM tena samprAptaM sarvaprANisharIrAm |
vasavaH kAMsyakaM li~NgaM pUjayanti vidhAnataH || 40||
prAptAstena mahAtmAno vasutvaM sumahodayam |
ashvinau pArthivaM li~NgaM varuNo.archayate sadA || 41||
teneva varuNatvaM hi prAptavAnappatitvatAm |
li~NgamannamayaM devi havyavAD yajati svayam || 43||
agnitvaM prAptavAMstena tejorUpaguNAnvitam |
tAmrali~NgaM sadAkAlaM bhaktyA devo divAkaraH || 43||
trikAlaM yajate tena prAptaM sUryatvamuttamam |
muktAphalamayaM li~NgaM somaH pUjayate sadA || 44||
tena somatvamApannaH sarvakAntasharIrabhR^it |
pravAlakamayaM li~NgaM nAgAH sampUjayantyapi || 45||
tena nAgAHsubhogADhyAH pAtAle nityamAsthitAH |
kR^iShNAyasamayaM li~NgaM pUjayantyasurottamAH || 46||
rAkShasA daityanAthAshcha tena te.amitavikramAH |
trapusIsamayaM li~NgaM pishAchAH pUjayanti hi || 47||
gandharvApsaraso yakShA yAtudhAnA maheshvari |
vajravaiDUryagomedai(da)puShparAgodbhavAni cha || 48||
li~NgAni pUjayantyeva bhaktyA sarveshvarasya hi |
tena R^iddhibalopetAH prAptAste paramaM padam || 49||
trailohikaM mahAli~NgaM yajante guhyakAH sadA |
tena bhogabalopetAH prayAnti paramaM padam || 50||
vanyadArubhavaM li~NgaM yajante mAtaraH sadA |
mAtR^itvaM prapya tAH sarvAH prayAntyeva maheshvaram || 51||
munayo manavo yakShA rakShoragamarudgaNAH |
devadaityAH sagandharvA vidyAdharamahoragAH || 52||
pUjayanti shive li~Nge mAmIshaM devanAyakam |
sarvo li~Ngamayo lokaH sarvo li~Nge pratiShThichaH || 53||
tasmAtsampUjayelli~NgaM yadIchChetsiddhimAtmanaH |
li~Nge tvayAhaM deveshi sarvadA saMsthito hyaham || 54||
anugrahAya lokAnAM tathA li~Nge prapUjayet |
(anugrahAya lokAnAM tasmAlli~NgaM prapUjayet) |
yo na pUjayate li~Nge mAmIshaM bhuvaneshvari || 55||
nAsau svargasya mokShasya naiva rAjyasya bhAjanam |
tasmAdekamanA devi yAvajjIvaM pratij~nayA || 56||
archayIta sadA li~Nge mAmIshaM bhuvaneshvari |
varaM jIvaparityAgaH svashirashChedanaM varam || 57||
natvanabhyarchya bhu~njIyAt (bhu~njIta)
bhagavantaM maheshvaram |
devi li~NgArchanAtpuNyamadhikaM nAsti ki~nchana || 58||
iti vij~nAya yatnena pUjanIyaH sadAshivaH |
nAsti li~NgArchanasamaM tapo vA girikanyake || 59||
tapo.anyatkSharate sarvamamutraphalabhogataH |
talli~NgArchanapuNyasya kShayo nAsti girIndraje || 60||
vardhate bhaktibhAvena alpamapyantataH kR^itam |
yo vA li~NgArchanaM dveShTi dhik dhik tasya kumAnasam || 61||
sa kharotpanna eva syAdbrAhmaNo.api sa chAntyajaH |
tAdR^ishaM tu sakR^it dR^iShTvA savAsA jalamAvishet || 62||
naro narakagAmIsyAttasya sambhAShANAdapi |
maheshvaraM mahAdevaM ye dviShanti mahItale || 63||
te kR^itaghnA bhavantIha ye na bhaktA maheshvare |
rudrapiNDasamudbhUtA brAhmaNA rudradevatAH || 64||
tasmAdrudrArchanaM shreShThaM brAhmaNAnAM maheshvari |
tasmAlli~NgArchanaM sarvaiH kArya varNAshramairapi (varNAshramAdaraiH) || 65||
tasmAtsarveShu bhUteShu gatirdevo maheshvaraH |
tasmAtsarvaprayatnena (pUjyo)patirdevo maheshvari || 66||
sAgarANAM kShayo.astyeva kShIyate himavAnapi |
rudrArchanajapuNyasya kShayo nAstyeva sha~Nkari || 67||
eShTavyA bahavaH putrAH shivali~NgArchakAH sadA |
yadyeko mama li~NgArchAM kariShyati dharAtale || 68||
samuddharanti te gotraM ra~njuH kUpAdghaTaM yathA |
samuddhR^itya tathA yatnAtkulAnAmekaviMshatim || 69||
shivatvaM yAnti te kShipraM dharmAdharmavivarjitAH || 70||

|| iti shivarahasyAntargate IshvaraproktA shivali~NgArchanamahimA 2 sampUrNA ||

\- || shrIshivarahasyam | mahAdevAkhyaH ekAdashamAMshaH | adhyAyaH 4 li~NgotpattistavaH | vAvR^ittashlokAH ||
##
- .. shrIshivarahasyam . mahAdevAkhyaH ekAdashamAMshaH . adhyAyaH 4 lingotpattistavaH . vAvRRittashlokAH ..

Notes:

Śiva ##shiva##, having narrated to Devī ##devI##, the story of Liṅgodbhava ##li~Ngodbhava##; i.e. the Manifestation of Śiva ##shiva## as the Jvālāliṅga ##jvAlAli~Nga##, continues to talk about the Śivaliṅga ##shivali~Nga## made of various materials worshipped severally by Brahmā ##brahmA##, Viṣṇu ##viShNu##, Indra ##indra## et al.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}