% Text title            : Ishvaraproktam 1 Shivalinge Pushpapatrarpanopadesham
% File name             : IshvaraproktaM1shivalingepuShpapatrArpaNopadesham.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 9 puShpAdhyAyaH | 1-56.1||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam 1 Shivalinge Pushpapatrarpanopadesham ..}##
\itxtitle{.. IshvaraproktaM 1 shivali~Nge puShpapatrArpaNopadesham ..}##\endtitles ##
(shivarahasyAntargate mahAdevAkhye)

\- shivagaurIsaMvAde \-

Ishvara uvAcha |

puShpairaraNyasambhUtaiH patrairvA giri sambhavaiH || 1||
aparyuShitanishChidraiH prokShitairjantuvarjitaiH |
AtmArAmodbhavairvApi puShpaiH sampUjayechChivam || 2||
puShpaM jAtivisheSheNa bhavetpuNyaM tato.adhikam |
tapaHshIlaguNopete pAtre vedasya pArage || 3||
datvA suvarNamayutaM yatphalaM kusume shubhe |
dashadatvA suvarNAni yatphalaM tadavApnuyAt || 4||
arkapuShpe.api vaikasmi~nChivAya vinivedite |
evaM puShpavisheSheNa phalaM tasya tato.adhikam || 5||
puShpajAtivisheSheNa yathA syAttannibodhata |
arkapuShpasahastrebhyo bakapuShpaM vishiShyate || 6||
bakapuShpasahasrebhyovaradhattUrakaM param |
dhattUrakasahasrebhyo bR^ihatpuShpaM vishiShyate || 7||
bR^ihatpuShpasahasrebhyaH karavIraM vishiShyate |
karavIrasahasrebhyaH kushapuShpaM vishiShyate || 8||
kushapuShpasahasrebhyaH shamIpuShpaM vishiShyate |
shamIpuShpasahasrebhyaH shrImannIlotpalaM varam || 9||
sarveShAmevapuShpANAM prabalaM nIlamuchyate |
nIlotpalasahasreNa yo mAlAM samprayachChati || 10||
alAbhe tu sahasrANAM tadardhArdhena mAlikAm |
shivAya vidhivadbhaktyA tasya puNyaphalaM shR^iNu || 11||
kalpakoTisahasrANi kalpakoTyayutAni cha |
vasechChivapure shrImAn shivatulyaparAkramaH || 12||
sheShANAM puShpajAtInAM yatphalaM parikIrtitam |
tatphalasyAnusAreNa shivaloke mahIyate || 13||
shamyAshchaiva bR^ihatyAshcha tulyaM kusumamuchyate |
karavIrasamA j~neyA jAtI vijayapATalA || 14||
shvetamandArakusumaM sitapadmasamaM bhavet |
nAgachampakapunnAgau dhuttUraka samau smR^itau || 15||
ketakI mAgadhA chaiva hyadhikA cha madantikA |
shirISha sarjabandhUka kusumAni vivarjayet || 16||
gandhavantyapavitrANi yAni tAni vivarjayet |
gandhahInamapi grAhyaM pavitraM yatkushAdikam || 17||
sAtvikaM taddhi kusumamapavitraM tu tAmasam |
kanakAni kadambAni rAtrau deyAni sha~Nkare || 18||
divA sheShANi puShpANi divA rAtrau cha mallikA |
rAtrau svarNakadambAni ardharAtrau cha mallikA || 19||
praharaM tiShThate jAtI karavIramaharnisham |
kITakeshApaviddhAni shIrNaparyuShitAni cha || 20||
svayaM patitapuShpANi tyajedbhUpahatAni cha |
mukulairnArchayeddevamapakvaM na nivedayet || 21||
alAbhe sati puShpANAM tatpatrANi nivedayet |
patrANAmapyalAbhe tu phalAnyapi nivedayet || 22||
phalAnAmapyalAbhe tu tR^iNagulmauShadhIrapi |
oShadhInAmabhAve tu mAnasaM pravaraM shubham || 23||
pratyekamuktapuShpeShu dashasauvarNakaM phalam |
sra~NnibandheShu teShveva dviguNaM phalamiShyate || 24||
yaH sugandhairmuktapuShpairli~NgaM samyakprapUjayet |
mAlAbhirvA sugandhAbhiH so.anantaphalamashnute || 25||
bilvapatrairakhaNDairyaH sakR^illi~NgaM prapUjayet |
sarvapApavinirmuktaH shivaloke mahIyate || 26||
dhundhUrakaishcha (dhattUrakaishcha) yo li~NgaM sakR^itpUjayate (? ) naraH |
sa golakShaphalaM prApya shivaloke mahIyate || 27||
bR^ihatIkusumairbhaktyA yo li~NgaM sakR^idarchayet |
gavAmayutadAnasya phalaM prApya shivaM vrajet || 28||
mallikotpalapadmAni jAtIpunnAgachampakaiH |
ashokashvetamandArakarNikArasumAni cha || 29||
karavIrArkamandArAn shamIpATalakesaram |
kushApAmArgakumuda kadambadroNakAni cha || 30||
saugandhikAsamAnAgasindhushAphAlikArjunaiH |
tulasIkara(ta)kA~NkolanAgava~njulasambhavaiH || 31||
nandyAvarteshcha shamyAkatilakaM navamallikA |
marupunnAgadantI cha mAlatIkuTajAdayaH || 32||
puShpairetairyathAlAbhaM yo naraH pUjayechChivam |
sa cha yatphalamApnoti tadekAgramanAH shR^iNu || 33||
sUryakoTipratIkAshairvimAnaiH sArvagAmikaiH |
puShpamAlyaparikShiptairgItavAditraniHsvanaiH || 34||
tantrImadhuravAdyaishcha svachChandagamanAlasaiH |
rudrakanyAsamAkIrNairdevadAnavakinnaraiH || 35||
chAmarairvIjyamAnashcha stUyamAnaH surAsuraiH |
gachChechChivapadaM divyaM yatra vA ruchiraM bhavet || 36||
yastairvApIha kusumairjalasthalaruhaiH shivam |
anvahaM pUjayedbhaktyA shivaloke mahIyate || 37||
shivasyopari yaH kuryAtsukhasatpuShpamaNTapam |
shobhitaM puShpamAlAbhirApIDanapralambinam || 38||
atyAshcharyamahAyAnaidivyapuShpopashobhitaiH |
sarvopari charan shrImAn gachChechChivapuraM sukhI || 39||
anekAkAra vinyastaiH sugandhi kusumairgR^ihe |
yaH kuryAtparvakAleShu vichitrakusumojjvalam || 40||
sa puShpakavimAnAnAM sahastraiH parivAritaH |
divyastrIsukhasambhogakrIDAratisamanvitaH || 41||
akShayaM modate kAlamachirAt (avApya) shivamandiram |
shivAdisarvalokeShu yatreShTaM tatra yAti saH || 42||
pUjAsu bhaktivinyAsavada(cha)nAdiShu sarvadA |
phalameva samAsena dAturvittAnusArataH || 43||
phalamiShTaM samApnoti li~NgaM sampUjayannaraH |
shivavat sasuputrAdyAnandavAn modate chiram || 44||
li~NgavedI bhaveddedI li~NgaM sAkShAnmaheshvaraH | (li~NgavedI mahAdevI)
tayoH sampUjanaM bhaktyA devi devashcha pUjitau || 45||
svayamutpAdya puShpANi yaH shivaM pUjayetsadA |
tAni sAkShAt pragR^ihNati tadbhaktyA satataM shivaH || 46||
yaH kuryAttu shivArAmamAmrabilvAdishobhitam |
jAtIvijayarAjAbjakaravIrArkakubjakaiH || 47||
punnAgavakulaishchaiva ashokotpalachampakaiH |
kadalIyUpahomAdyaistasya puNya phalaM shR^iNu || 48||
yAvattatpatrakusumabIjamUlaphalAni cha |
tAvadvarShasahasreNa rudraloke mahIyate || 49||
na paryuShitadoSho.asti bilvapatrasya sha~Nkari |
bilvAnAM chUrNamapi vA pAtayelli~NgamUrdhani || 50||
nAbilvaM pUjayelli~NgamanyaistannAmato yajet |
apAmArgaurdarbhapatraiH pUjya vetasasambhavaiH || 51||
aharnishaM kR^itaiH pApairmuchyate nAtra saMshayaH |
patreShu bilvapatraM syAt puShpe nIlotpalaM priyam || 52||
tattatkAlabhavaM chAnyatpriyaM me parameshvari |
praharaM tiShThate jAtI karavIramaharnisham || || 53||
tulasyAM bilvapatreShu sarveShu jalajeShu cha |
na paryuShitadoSho.asti bilvaM syAdvarShamIshvari || 54||
padmaM pa~nchadinAttyAjyaM sheShaM paryuShitaM dinAt |
ebhiryaH puShpalakShairmAM samabhyarchyaiva muktibhAk || 55||
tasyAhaM muktidaM j~nAnaM prayachChAmyeva sha~Nkari |

|| iti shivarahasyAntargate IshvaraproktaM shivali~Nge puShpapatrArpaNopadeshaM 1 sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 9 puShpAdhyAyaH | 1\-56\.1||
##
- .. shrIshivarahasyam . mahAdevAkhyaH ekAdashamAMshaH . adhyAyaH 9 puShpAdhyAyaH . 1-56.1..

Notes:

Śiva ##shiva## delivers Upadeśa ##upadesha## to Devī ##devI## about the various flowers i.e. Puśpa ##puShpa## and Leaves i.e. Patra ##patra## etc. to be used for offering to Śivaliṅga ##shivali~Nga##.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}