% Text title            : Ishvaraproktam 3 Shivarchanopadesham
% File name             : IshvaraproktaM3shivArchanopadesham.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 44 shivadharmakathanam | vAvRittashlokAH ||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam 3 Shivarchanopadesham ..}##
\itxtitle{.. IshvaraproktaM 3 shivArchanopadesham ..}##\endtitles ##
(shivarahasyAntargate mahAdevAkhye)

\- shivapArvatIsaMvAde \-

pR^ithivyAM yAni tIrthAni puNyAnyAyatanAni cha |
lIyante tAni li~Nge tu tasmAlli~NgaM prapUjayet || 1||
tasmAtsarvatra tIrtheShu sarvayaj~neShu dIkShitaH |
pUjayechcha mahAli~NgaM puNyaM sarvArthasiddhidam || 2||
shatena sthApitaM devaM sahasreNa na chAlayet |
duHsthitaM susthitaM vApi shivali~NgaM na chAlayet || 3||
ghR^itAbhiShekaM yaH kuryAt ahorAtraM shivasya tu
puNyamAse samudyukte niyataM shlakShNadhArayA || 4||
gItanR^ityopahAreNa sha~NkhavAditraniH svanaiH |
kuryAjjAgaraNaM tatra pradIpAdisamAkulam || 5||
samastapApanirmuktaH samastaguNasaMyutaH |
samastakAmasampUrNaH samastakulasaMyutaH || 6||
chaladbhiH sumahAyAnairasa~NkhyeyairanUpamaiH |
yuktaH shivapure nityaM modate shivavatsukhI || 7||
grahaNe viShuve chaiva puNyeShu divaseShu cha |
ghR^itAbhiShekaM yaH kuryAt mahApuNyamavApnuyAt || 8||
ghR^itAbhiShekaM yaH pashyedAsamopterupoShitaH |
vidhUya sarvapApAni shivaloke mahIyate || 9||
ekaH pUjayate bhaktyA bhaktyA chAnyaH prapashyati |
tulyameva phalaM tAbhyAM bhaktirevAtra kAraNam || 10||
yaH kuryAtparvakAleShu mahApUjApravartanam |
shivasya rathayAtrAM vA nagarAntaparibhramAt || 11||
mahAchitradhvajaishChantraiH ki~NkaNIravakAnvitaiH |
vitAnadhvajamAlAbhirghaNTAchAmaradarpaNaiH || 12||
sha~NkhabheryAdinirghoShairgItavAditrasa~NkulaiH |
lakhyadArumayairyantrairmAtR^iyakShamaNAdibhiH || 13||
udagAyanayantraishcha bahvAshcharyairanekashaH |
strIDolAchakrayantraishcha rathamandirashobhitaiH || 14||
dadhyannapAnakAdyaishcha mahAsatrasamAhitaiH |
mahAjanasamAkIrNaM yathAvibhavavistaram || 15||
sarvadAnAni puNyAni sarvayaj~naphalAni cha |
atyugratapasA pUrNaM sarvatIrthaphalAni cha || 16||
labdhvA naravaraH shrImAn shivayAtrApravartanAt |
shivaloke mahAbhAgaiH shivavanmodate chiram || 17||
tasyAnte devarAjatvaM sthiraM kAlamavApnuyAt |
jambUdvIpAdhipo bhUtvA tasyAnte cha mahIpatiH || 18||
trili~NgavediparyantaM yo dadyAdghR^itakambalam |
ghR^itadhArAphalaM tasya mAghe pUrNe tu parvaNi || 19||
jAgaraM gItanR^ittAdyaiH sakR^itkR^itvA tu parvaNi |
manvantarashataM sAgraM shivaloke mahIyate || 20||
chitrAbhirAmanATyADhyaM shivasyAyatanAgrataH |
samyak prekShaNakaM datvA rudraloke mahIyate || 21||
paurNamAsyAM tu vaishAkhyAM nItvA pAtraM shivAgrataH |
prIyatAM me mahAdevaH somamUrtirjagatpatiH || 37||
ityuktvA vachanaM dhyAyeddevadevamumApatim |
tasmai viprAya tatpAtramarpayedbhaktitaH shanaiH || 38||
etasomavrataM nAma kR^itvA rudrAntikaM vrajet |
rudralokAtparibhraShTo bhavejjAtismaro naraH || 39||
pUrvAbhyAsena tenaiva punaH shivapadaM vrajet |
pUrNimAyAmavasyAM shivaM sampUjya yatnataH || 40||
upavItaM shive dadyAt shivabhaktAMshcha pUjayet |
punareva tu kArtikyAM pUjya shambhuM kShamApayet || 41||
yatInAM dakShiNAM dadyAtsUtravastrAdipUrvikAm |
yatkuryAtsakR^idapyevaM chAturmAsye pavitrakam || 42||
kalpakoTishataM divyaM rudraloke mahIyate |
ichChayA vA bhavedrAjA guNarUpasamanvitaH || 43||
bhUmidAnasya yatpuNyaM kanyAdAnasya yatphalam |
mukhavAdyena yatpuNyamubhayaM labhate naraH || 44||
tadeva puNyaM gItasya nR^ittasya cha visheShataH |
tadeva jAyate shabdAddhastatAladhvanestathA || 45||
yo gAM payasvinIM dadhAttaruNIM vR^iShasaMyutAm |
shivAya tena dattaM syAjjagatsarvaM charAcharam || 46||
vR^iShaM cha paripUrNA~NgamudAraM cha shashiprabham |
gopatiM dhUrvahaM vApi shivAya vinivedayet || 47||
yAvanti dehe romANi tatprasUtiH kuleShu cha |
tAvadyugasahasrANi rudraloke mahIyate || 48||
sUta uvAcha |

yo dharmavAhaparameshvaramIshitAraM\-
sampUjayedyadiha bhUmigataH sabhaktyA |
tasyottamAyuratha saudhakalatraputra\-
mitrAtirAtrakaraNaM labhate shive.atra || 49||

|| iti shivarahasyAntargate IshvaraproktaM 3 shivArchanopadeshaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 44 shivadharmakathanam | vAvR^ittashlokAH ||
##
- .. shrIshivarahasyam . mahAdevAkhyaH ekAdashamAMshaH . adhyAyaH 44 shivadharmakathanam . vAvRRittashlokAH ..

Notes:

Śiva##shiva## outlines the procedures for worshipping Him via the Śivaliṅga ##shivali~Nga##; including Ghṛtābhiṣekam ##ghR^itAbhiShekam##, Śaṅkhavādana ##sha~NkhavAdana## etc.; and especially during Grahaṇa ##grahaNa##, Viṣuva ##viShuva##, Māgha Pūrṇimā ##mAgha pUrNimA##, Vaiśākha Pūrṇimā ##vaishAkha pUrNimA##, all Pūrṇimā-s ##pUrNimA## and Amāvasyā-s ##amAvasyA## etc.

Several other procedures are mentioned throughout the 12 Aṁśa- s ##12 aMshAH## of the ŚivaRahasyam ##shivarahasyam##.

Selected Śloka-s from the chapter are given on this page.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}