% Text title : Ishvaraproktam 4 Shivarchanopadesham % File name : IshvaraproktaM4shivArchanopadesham.itx % Category : shiva, shivarahasya, upadesha, advice % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 47 | 7-70|| % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam 4 Shivarchanopadesham ..}## \itxtitle{.. IshvaraproktaM 4 shivArchanopadesham ..}##\endtitles ## (shivarahasyAntargate mahAdevAkhye) \- shivapArvatIsaMvAde \- shraddhayA sakR^idevApi samabhyarchya maheshvaram | gAyatryA cha samabhyarchya somasthAnamavApnuyAt || 7|| pa~nchAkShareNAbhipUjya rudraloke vasennaraH | kalpamekaM divyadehaH shivarUpeNa sa~NgataH || 8|| pa~nchabhirbrahmabhiH pUjya shivaM shivagaNo bhavet | saMshodhya cha shubhaM li~NagaM hemapIThaM shubhodakaiH || 9|| adbhiH pUte tathA pIThe li~Nge chAvAhya sha~Nkaram | dR^iShTvA devaM tathA li~Nge supuShpaM mastake kShipet || 10|| kalpite chAsane tatra nirmAlyamapanodya cha | pAdyamAchamanaM chArghyaM datvA rudrAya shambhave || 11|| snApayedgandhatoyena pATalImishritena cha | kShIreNa cha gavAM nityaM ghR^itena cha sugandhinA || 12|| dadhnA cha madhunA chaiva kITahInena sha~Nkari | aikShavyA sitayA chApi snApayeddevamIshvaram || 13|| nArikelodakaiH snApya mochAmrarakasupAnasaiH | jambIrasArairgandhodaiH kushapuShpahiraNyajaiH || 14|| akhaNDanIradhArAbhiH snApayetparameshvaram | rudreNa chamakenaiva tathA pauruShasUktakaiH || 15|| kadrudraiH pavamAnaishcha vAmadevAdisAmabhiH | rathantaraistathA raudraiH shive.atharvashikhAdibhiH || 16|| snApayeddevadeveshaM tarpayedaShTanAmabhiH | shuddhavastreNa sammR^ijya pIThe sthApya maheshvaram || 17|| bhasmanA chandanAdyaishcha lepayetsAkShatAdibhiH | rochanAdyaishcha sampUjya chandraishchaiva maheshvaram || 18|| bilvapatrairakhaNDaishcha dUrvApAmArgadarbhakaiH | nIlotpalaistathA padmairnandyAvartashirIShakaiH || 19|| mallikAchampakairjAjIvakulArkashamIsumaiH | karavIraishcha kuTajaiH pATalairdroNasambhavaiH || 20|| ketakI bR^ihatIpuShpaiH puShpairAragvadhodbhavaiH | pUjayennAmabhirdevi nidhanetyAdibhiH shive || 21|| datvA pa~nchavidhaM dhUpaM tagajAgarukesaram | devadrusadghajairbailvaguggulaM sadhR^itaM shive || 22|| dIpAn prajvAlya ghR^itajAn pAyasaM cha nivedayet | dadhibhaktaM cha madhvAjyapariplutamumApateH || 23|| shuddhAnnaM chaiva mudgAnnaM mAShAnnaM cha nivedayet | mAShApUpaM guDApUpaM godhUmApUpameva cha || 24|| khejikA laDDukAShchaiva modakAH pheNikAH shive | maNDakAbhakShyabhojyaM cha nivedyaM syAtsadA shive || 25|| shAkasUpAdidadhyannaM guDAnnaM vinivedayet | krameNaiva phalaiH shreShThaiH pAnakairmajikAM tathA || 26|| tAmbUlamatha gandhADhyaM sakalaM vinivedayet | nIrAjayettato dIpaiH shatasAhasravartikam || 27|| vR^iShakumbhagajAkAraM nAgamAnuSharUpakam | nAkShatraM dIpakaM datvA sadyojAtAdipa~nchakaiH || 28|| pa~nchapAtreShu deyaM syAttataH karpUrakhaNDajam | rakShAbandhaM tataH kuryAdbhasmanA triH krameNa tu || 289|| R^iksAmayAjuShAtharvamantraiHstutvA maheshvaram | paurANairvA tathA vAkyaiH stuvIta parameshvaram || 30|| IshAnaM puruShaM chaivamaghoraM vAmameva cha | sadyojAtaM japetpashchAtpa~nchabhiH pUjayechChivam || 31|| ChatraM cha chAmare divye vyajanAdarshakadhvajam | vINAveNumR^ida~NgAdIn sha~NkhadundubhikAhalam || 32|| chArmaM tantrImayaM shreShThaM tathaiva cha mukhodbhavam | vAdyaM cha shreShTamityAhuH shivArchAsu maheshvari || 33|| alAbhe sarvavAdyAnAM ghaNTAghoShaH prashasyate | ratnasvarNodbhavaM pAtraM rAjataM tAmrajaM tathA || 34|| kAMsyapaittalasambhUtaM dAravaM chAshmasambhavam | shauktikaM patrasambhUtaM mR^inmayaM vApyalAbhataH || 35|| kalpayechChivapUjAyAM phalaM syAduttarottaram | pa~nchAmR^itaM chAnyagavAM kApilaM syAttato.adhikam || 36|| nArikelaM tathaivAnyat shvetaM tatra prashasyate | rambhAH suvR^ittapItAchChAH prashastAstvabhiShechane || 37|| ikShubhyaH pauNDrakaM chekShu prashastaM snapane shive | gulavalmIkasambhUtAnmadhu pArvatamuttamam || 38|| kR^iShNaM niShiddhaM deveshi paitR^ike viniyojayet | tATAkAtkUpyamutkR^iShTaM tataH kulyodbhavaM shive || 39|| tato nadIbhavaM puNyaM sAgarAbhimukhAsu cha | sha~NkhodakaM tatotkR^iShTaM sarvapAtrajalairapi || 40|| sarvatailairapi shive tilajaM shreShThamuchyate | praharaM tiShThate jAtI divArAtrau cha mallikA || 41|| padmaM nIlotpalaM chaiva mukulaM vA dinatrayam | na paryuShitadoSho.asti bilvapatre shivapriye || 42|| na paryuShitadoSho.asti haime ratnopakalpite | alAbhe bilvapatrANAM nirmAlyaiH kShAlitairyajet || 43|| puShpANAmapyalAbhe tu tatpatrANi nivedayet | kuTajairnArchayedIshaM yasya kasya sumasya cha || 44|| vinA nIlotpalaM devi sAmbaM mandArakairyajet | mallikAbhirjAtikAbhiH prAtashchampakanandikaiH || 45|| madhyAhne karNikAraishcha karavIraishchapATalaiH | punnAgaiH pArijAtaishcha puShpairanyairyathAbalam || 46|| kanakaM ketakIpuShpaM nishi kAdambajairyajet | sarvadA bilvapatraM me priyaM shailendrakanyake || 47|| bilvapatre cha kamale kamalA supratiShThatA | nIlotpale.ambikA sAkShAt allakeraktasandhitaH || 48|| puNDarIke mahAdevo gaNeshaH shatapatrake | karNikAre sthito vedhA mallikAsu hariH sthitaH || 49|| karNikAre sthito nandI durgA pATalakeShu cha | shvetArke chaiva chaNDIsha puShpeShu gaNapAH sthitAH || 50|| yamo nIleShu puShpeShu rakte.aparNA pratiShThitA | shvabhrapuShpArchane muktirbhuktiratra samarchane || 51|| pItaM vashyakaraM devi nIlakaM mAraNe bhavet | anena vidhinA devaH prasIdati maheshvaraH || 52|| kR^iShNAgarUdbhavaM dhUpaM sarvapApanikR^intanam | sAmrANijaM guggulujaM dhUpaM vashyakaraM bhavet || 53|| sarvarogaharaM bailvaM sadhR^itaM dhUpamuttamam | mAraNochchATane naiva dhUpo dIpo.api sattame || 54|| kausumbhatailaM vashyaM syAt shivadIpapradAnataH | sArShapaM roganAshAya mAdhUkaM rAjavashyakam || 55|| nArIkelodbhavaM tailaM strIvashIkaraNaM shive | nIlatailaM j~nAnadAyi shivAgre dIpadApane || 56|| hairaNDe buddhimAndyaM syAt shivAgre dIpadAnataH | gavyamAjyaM muktidAyi mAhiShaM puShTikR^idbhavet || 57|| evaM dhUpAdidIpeShu puShpeShu phalamambike | yathAlAbhaM prakurvIta tAnayukto na duShyati || 58|| vR^ikShAH puShpANi patrAdyai vallayashcha maheshvari | upayukta shivArchAyAM gAvo yA lokamAtaraH || 59|| gatiM prayAnti paramAM kimpunarmAnavAH shive | dvijAH kShatrA vishaH shUdrAH striyo vApi cha shA~NkarAH || 60|| sha~NkarArchAsu niratAH prayAnti paramaM padam | pUjayedyaH shivaM rudraM sharvaM shivamajaM sakR^it || 61|| sa yAti shivasAyujyaM triH saptakulasaMyutaH | pUjitaM vA mahAdevaM pUjyamAnamathApi vA || 62|| dR^iShTvA prayAti vai martyo rudralokaM na saMshayaH | architaM prAtarIkSheta li~NgaM devamumApatim || 63|| naishapApaM dvimuchyeta madhyAhne hayamedhabhAk | sAyaM janmAyutodbhUtaM dR^iShTvA tatpApanAshakR^it || 64|| nishIthe tu mahAdevamabhivIkShya vimuktibhAk | dR^iShTvA natvAbhigachChedvA sa yAti gaNatAM mama || 65|| sa kR^itprasa~Ngato li~NgamanaghaH syAddharasya hi | dR^iShTvA natvAbhigachChedvA prAdakShiNyena sha~Nkari || 66|| ekapradakShiNaM li~Nge chaNDeshAdarshanaM tathA | adIpadarshanaM chaiva shivasyArdhanamaskriyA || 67|| brAhmaNAnAM parIvAdo hanti puNyaM purAkR^itam || IshvaraH uvAcha | ityeSha te samAsena phalAphalavinirNayaH || 68|| puNyaM cha darshanaM shambhordhUpadIpanivedane | kathitaM prathitaM devi mahitaM shAmbhavaM varam || 69|| nAnAyoniShu sa~ncharan vidhivashAdvipratvametyAdarAt varNitve.akhilavedajAlakalanAddArAgnihotre rataH | agniShTomamakhAdibhiH kratuvarairidveShTibhishchAntime vAnaprasthagato virajya viShaye tyakteShaNo maskarI || 70|| || iti shivarahasyAntargate IshvaraproktaM 4 shivArchanopadeshaM sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 47 | 7\-70|| ## - .. shrIshivarahasyam . mahAdevAkhyaH ekAdashamAMshaH . adhyAyaH 47 . 7-70.. Notes: Śiva##shiva## outlines the procedures for worshipping Him including those via the Śivaliṅga ##shivali~Nga##?; and mentions about the various Dravya ##dravya## for Abhiṣekam ##abhiShekam##; Puṣpa ##puShpa##, Patra ##patra##, Dhūpa ##dhUpa##, Dīpataila ##dIpataila##, Naivedya ##naivedya## etc. for offering during Pūjā ##pUjA##. Several other procedures are mentioned throughout the 12 Aṁśa- s ##12 aMshAH## of the ŚivaRahasyam ##shivarahasyam##. Selected Śloka-s from the chapter are given on this page.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}