% Text title            : Ishvaraproktam Ashtashashtinamashiva Stotram
% File name             : IshvaraproktaMaShTaShaShTinAmashivastotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | nAgarakhaNDa | adhyAya 109/5-25||
% Latest update         : August 24, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Ashtashashtinamashiva Stotram ..}##
\itxtitle{.. IshvaraproktaM aShTaShaShTinAmashivastotram ..}##\endtitles ##
Ishvara uvAcha |
vArANasyAM mahAdevaM prayAge cha maheshvaram |
naimiShe devadevaM cha gayAyAM prapitAmaham || 5||
kurukShetre viduH sthANuM prabhAse shashishekharam |
puShkare tu hyajAgandhiM vishvaM vishveshvare tathA || 6||
aTTahAse mahAnAdaM mahendre cha mahAvrataM (10)|
ujjayinyAM mahAkAlaM marukoTe mahotkaTam || 7||
sha~NkukarNe mahAtejaM gokarNe cha mahAbalam |
rudrakoTyAM mahAyogaM mahAli~NgaM sthaleshvare || 8||
harShite cha tathA harShaM vR^iShabhaM vR^iShabhadhvaje |
kedAre chaiva IshAnaM sharvaM madhyamakeshvare (20)|| 9||
suparNAkShaM sahasrAkShe susUkShmaM kArtikeshvare |
bhavaM vastrApathe devi hyugraM kanakhale tathA || 10||
bhadrakarNe shivaM chaiva daNDake daNDinaM tathA |
UrdhvaretaM tridaNDAyAM chaNDIshaM kR^imijA~Ngale || 11||
kR^ittivAsaM tathaikAmre ChAgaleye kapardinaM (30)|
kAli~njare nIlakaNThaM shrIkaNThaM maNDaleshvare || 12||
vijayaM chaiva kAshmIre jayantaM marukeshvare |
harishchandre haraM chaiva purashchandre cha sha~Nkaram || 13||
jaTiM vAmeshvare vindyAtsaumyaM vai kukkuTeshvare |
bhUteshvaraM bhasmagAtre o~NkAre.amarakaNTakaM (40)|| 14||
tryambakaM cha trisandhyAyAM virajAyAM trilochanam |
dIptamarkeshvare j~neyaM nepAle pashupAlakam || 15||
yamali~NgaM cha duShkarNe kapAlI karavIrake |
jAgeshvare trishUlI cha shrIshaile tripurAntakam || 16||
rohaNaM tu ayodhyAyAM pAtAle hATakeshvaraM (50)|
kArohaNe nakulIshaM devikAyAmumApatim || 17||
bhairave bhairavAkAramamaraM pUrvasAgare |
saptagodAvare bhImaM svayambhUrnirmaleshvare || 18||
karNikAre gaNAdhyakShaM kailAse tu gaNAdhipam |
ga~NgAdvAre himasthAnaM jala li~Nge jalapriyam(60)|| 19||
analaM vADave.agnau cha bhImaM badarikAshrame |
shreShThe koTIshvaraM chaiva vArAhaM vindhyaparvate || 20||
hemakUTe virUpAkShaM bhUrbhuvaM gandhamAdane |
li~Ngeshvare cha varadaM la~NkAyAM cha narAntakaM (68)|| 21||
aShTaShaShTiriyaM devi tavAkhyAtA visheShataH |
paThatAM shR^iNvatAM vApi sarvapAtakanAshinI || 22||
tasmAtsarvaprayatnena kIrtanIyA vichakShaNaiH |
kAlatraye.api shuchibhirvisheShAchChivadIkShitaiH || 23||
likhitApi varArohe yasyaiShA tiShThate gR^ihe |
na tatra jAyate doSho bhUtapretasamudbhavaH || 24||
na vyAdherna cha sarpANAM na chaurANAM varAnane |
nAnyeShAM bhUbhujAdInAM kadAchidapi kutrachit || 25||

iti shrIskandapurANe nAgarakhaNDe navAdhikashatatamAdhyAyAntargataM
         IshvaraproktaM aShTaShaShTinAmashivastotraM samAptam |

skandapurANa | nAgarakhaNDa | adhyAya 109/5\-25||
##
skandapurANa . nAgarakhaNDa . adhyAya 109/5-25..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}