% Text title            : Ishvaraproktam Ashtamipujakathanam
% File name             : IshvaraproktaMaShTamIpUjAkathanam.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 34 aShTamIpUjAkathanam | vAvRittashlokAH ||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Ashtamipujakathanam ..}##
\itxtitle{.. IshvaraproktamaShTamIpUjAkathanam ..}##\endtitles ##
(shivarahasyAntargate mahAdevAkhye)

\- shivapArvatIsaMvAde \-

Ishvara uvAcha |

kR^iShNAShTamyAM mahAdevi bodhAyanavidhAnataH |
striyo gR^ihasthAH puruShA varNino.api maheshvari || 1||
sarvakR^iShNAShTamIShvIshe upoShyAhaH pradoShake |
nadyAM taDAge saMsnAya dhautavastradharaH shuchiH || 2||
bhasmatripuNDrasahito rudrAkShAbharaNairyutaH |
bilvapuShpANi sampAdya dhautakumbhAnathAhatAn || 3||
kushAMshcha sAgrAnsampAdya kR^itanityakriyo dvijaH |
pUjAsthAnaM samAlipya gomayena navAmbhasA || 4||
ra~NgavallIshobhitaM cha puShpamaNTapakairyutam |
vitAnapallavopetaM toraNAvalibhUShitam || 5||
tasmin saMsthApite pIThe samAvAhya vR^iShadhvajam |
sAmbaM sagaNamavyagra ugrArchanaparAyaNaH || 6||
sa~Nkalpya deshakAlAdi pa~nchAkSharajapAdaraH |
pAdyArdhyAchamanAdIni sha~NkhaM kumbhaM cha sAmbuyuk || 7||
li~NgAgre syApayeddevi sukUrchaM gandhapuShpayuk |
pa~nchAmR^itaM pa~nchagavyaM tathA phalarasAni cha || 8||
madhuparkaM cha pAtreShu sthApayedgandhapuShpakam |
tAmbUlaM cha havirdevi sampAdyAkhaNDakAkShatAH || 9||
ghR^itadIpAMstato dikShu piShTaiH kuryAtsavartikAn |
AtvAvaheti mantreNa shivamAvAhayedvratI || 10||
sAmbaM cha sagaNaM devaM li~Nge.abhyarchya pinAkinam |
pAdyArdhyAchamanAdIni dadyAddevi pR^ithak pR^ithak || 11||
mUlamantreNa vidhivat madhuparkaM tataH shive |
pa~nchAmR^itaM pa~nchagavyaM tathA phalarasaiH shive || 12||
gandhapuShpakushAgrAmbu li~Nge dadyAtShaDakSharaiH |
shatarudreNa japavidgoshR^i~NgeNAbhiShechayet || 13||
imA ApaH shivetyeva mApo dadyAchChivAya tu |
ApohiShThAdimanubhirabhiShi~nchettataH param || 14||
brahmajij~naiH pAvamAnaiH kadrudrAyeti mantrataH |
sarvohyeShamahArudraH puruShorudra ityapi || 15||
vishvambhUtamitIshAni vAmadevAdisAmabhiH |
yajuH patitramAposyAdyorudrAgnAvitimantrataH || 16||
abhiShichya mahAdevaM shive li~NgasvarUpiNam |
devasyatveti mantreNa sakUrchenAbhiShechayet || 17||
bhavAdyairaShTabhirdevi tarpayennAmabhiH pR^ithak |
saMshodhya vAsasA li~NgaM pIThe saMsthApya pUjayet || 18||
vastraM gandhaM sitaM bhasma sAkShataM chopavItakaM |
suvarNaratnAkalpaishcha bilvaiH puShpaishcha pUjayet || 19||
kamalotpalakalhAramandArakaravIrakaiH || 20||
karNikArArkadamanaiH kanakairdroNasambhavaiH |
shatAShTanAmabhirdevi nidhanetyAdimantrataH || 21||
dhUpaM cha guggulopetaM ghR^itadIpAn manoramAn |
gaNAMshcha paritaH pUjya gandhapuShpAkShatAdibhiH || 22||
mahAkAlAya pUrve tu sha~NkukarNAya dakShiNe |
nandikeshAya pashchAttu vakratuNDAya chottare || 23||
IshAne chaNDikeshAnaM dharmaM chaiva shivAgrataH |
uttare cha mahAdevi pUjayedupachArakaiH || 24||
tattannAmabhireveshi shivasya parito yajet |
uddIpyasveti mantreNa chAShTapaiShTikadIpataH || 25||
haviH sAjyaM cha tAmbUlaM shive dadyAdgaNeShu cha |
nIrAjanaM tato dadyAdvAdyaghoShapuraHsaram || 26||
ChatraM cha chAmaraM devi vyajanAdarshake tathA |
pradakShiNapraNAmaM cha stavametatprayojayet || 27||
jaya sha~Nkara pArvatIpate hara
vidhiviShNvindrasusevitAbjapAda |
uragendrAbharaNa prasIda shambho
prasabhaM pApamapAkuruShva sadyaH || 28||
jaya somAnalasUryalochanAdya shambho
dhR^itachandrA~NkajaTAkuTIraga~NgA |
paripAhipata~Nga madhyavAsa
vidhimuNDAbharaNa prasIda deva || 29||
jaya somakalAvataMsa shUlapANe
gaNavR^indAmalasevana prasIda |
hara bhargorumahograkAlakUTa\-
viShabhakShendukalAlasatkaparda || 30||
jaya sAmba mahoragendrahAra
prasabhaM manmathanAshana prasIda bharga |
bhava bhIma maheshvarAva shambho
mayi dR^iShTiM karuNAM karuShva shambho || 31||
iti stutvA mahAdevaM kAlAShTamyAM tadA vratI |
pratiShThApya tato vaniM svasvashAkhoktamArgataH || 32||
ashanIyaM haviryatsyAjjuhuyAttena sarpiShA |
imA rudretyAdinA mAM pUrvaM tu juhuyAchChivam || 33||
shataM hi metyAdibhishcha ahaM bibharmi ityapi |
mAna AyuShi ityetadante pitari ityapi || 34||
mAnaH sUryasya evApi mAno mahAnta ityapi |
mAnastokena mantreNa haviShmanta iti kramAt || 35||
vAstoShpateti mantreNa ArdrayA rudra ityapi |
devasya tu sutAyeti juhuyAjjAtavedasi || 36||
tataH sviShTakR^itaM hutvA AjyairhomaM samApayet |
punaraShTasumaiH pUjya homAnte shaM prasAdayet || 37||
prIyatAM bhagavAnIshaH sAmbaH sagaNa IshvaraH |
anayA pUjayA homaistR^ipto mAM sa prasIdatu || 38||
dadyAdarghyaM maheshAya sa puShpAmbu maheshvari |
duHkhadAridrya magnaM mAM samuddhara maheshvara || 39||
aShTamyAmarghyadAnena aShTamUrte prasIda me |
ityarghyaM cha tato datvA pUjAmudvAsya sattame || 40||
brAhmaNAya hiraNyaM gAM shAmbhavAya nivedayet |
yatki~nchidvA yathAshakti dadyAdIshAnatuShTame || 41||
bhakShyabhojyAnnasaMyuktaM bhu~njIyAchChAmbhavaiH saha |
dakShiNAbhishcha tAn puShpairgandhatAmbUlapUrvakam || 42||
bhojayechcha svayaM bhujyAnnaktaM vA tatra vartayet |
kR^iShNAShTamIShu niyatameSha sAmAnyato vidhiH || 43||
ekAbdaM tryabdamathavA dvAdashAbdamathApi vA |
kR^itvA vratodyApanaM cha nakkAshI vA bhavettataH || 44||
sitAsitAsvaShTamIShu avimukte tu naityikam |
upoShyaivAvimukteshaM pUjya bilvaiH sumairapi || 45||
shive ga~NgAmbubhiH shItairabhiShichya maheshvaram |
dhUpadIpAdinaivedyai stuvItaitaM maheshvaram || 46||
kAlAShTamIShu niyatamavimukteshvaraM hi mAm || 47||
ga~NgAdharAndhakaripo pramathAdhinAtha
vishvesha vishvagatasarjakabharjakAnte |
brahmAdiviShNusuravargasupUjitA~Nghre
mAmIsha pAhi dayayA smarakAlanAsha || 48||
iti stutvA.avimukteshaM kAlarAjaM prapUjayet |
kAlAShTamyAM tu niyataM kAshIvAsI maheshvari || 49||
mAmetya ga~NgAtaTagaM gandhapuShpAmbubhiH sadA |
apUpahaviShA chaiva vaTakairla~N~Nukairapi || 50||
pUjayeddhUpadIpaishcha kAlAShTamyAM stuvIta cha |
bhairavaM bhIShayaNAkAraM vAsanirvighnahetave || 51||
stotreNAnena deveshi kAshyAM kAlAShTamIShu cha |
stuvIta padyairhR^idyaishcha mamAdya gaNapottamam || 52||
praviShTo yo.apyathAnyatra vasannetatstavaM japet |
punaH kAshIM samAsAdya tatra naShTatanurbhavet || 62||
kAlAShTamyAM kAlarAjaM stuvItaivaM prasAdya cha |
kAshyAmeva vasennityaM na pApe ramate hi saH || 63||
kimpunarbahunoktena kAlAShTamyarchako naraH |
sarvAnkAmAnavApnoti bhuktiM muktiM cha vindati || 64||
yaj~nAyutaphalaM prApya mama loke mahIyate |
brahmahatyAdibhiH pApairmuchyate nAtra saMshayaH || 65||
madhyAShTamIprathitasomakalAvataMsaM
sarvAShTamIShu nagaje paripUjayanti |
naShTAni teShu duritAni bhavanti sadyo
hR^iShTAni teShu sukR^itAni vimuktidAni || 66||
yo vA.avimukte sitabhasmabhAlaH
kAlAShTamIShu nitaM mama kAlarAjam |
sampUjayatyaghagaNairnabibheti sadyo
hR^idyo bhavedatitarAM sa bhave.atidhanyaH || 67||

|| iti shivarahasyAntargate IshvaraproktamaShTamIpUjAkathanaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 34 aShTamIpUjAkathanam | vAvR^ittashlokAH ||
##
- .. shrIshivarahasyam . mahAdevAkhyaH ekAdashamAMshaH . adhyAyaH 34 aShTamIpUjAkathanam . vAvRRittashlokAH ..

Notes:

Śiva ##shiva## delivers Upadeśa ##upadesha## to Pārvatī ##pArvatI## about observing Aṣṭamī ##aShTamI## - especially that KṛṣṇaPakṣa ##kR^iShNapakSha## - that is known as Kālāṣṭamī ##kAlAShTamI## - and the merits of doing so.
He advises about worshiping Him with Mahādevī ##mahAdevI## and His gaṇa-s ##gaNAH##; and worshiping His Aśṭamūrti ##aShTamUrti##.

He also advises about the ŚivaStutiḥ ##shivastutiH## and Kālabhairavāṣṭakam ##kAlabhairavAShTakam##; the latter being meant to be recited for worshiping Bhairava Kālarāja ##bhairava kAlarAja##.

Selected Śloka-s from the Chapter are presented on this page.

Further details are mentioned in the Adhyāyaḥ 35 - Kṛṣṇāṣṭamīvratodyāpanakathanam ##adhyAyaH 35 - kR^iShNAShTamIvratodyApanakathanam##.

The Kālāṣṭamīkṛte ŚivaStutiḥ ##kAlAShTamIkR^ite shivastutiH## and the Kālabhairavāṣṭakam ##kAlAShTakam## can be accessed from the links given below.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}