% Text title            : Ishvaraproktam Lingotpattikathanam
% File name             : IshvaraproktaMlingotpattikathanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 4 liNgotpattistavaH | vAvRittashlokAH ||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Lingotpattikathanam ..}##
\itxtitle{.. IshvaraproktaM li~Ngotpattikathanam ..}##\endtitles ##
(shivarahasyAntargate mahAdevAkhye)

\- shivagaurIsaMvAde \-

Ishvara uvAcha |

vivAdaH sumahAnAsIt brahmaviShNvoH parasparam |
ahaM kartA hyahaM kartA na matto.anyo jagatpitA || 3||
evamAha hariM brahmA brahmANaM cha haristadA |
tayordarpApahArAya prabodhArthaM cha devayoH || 4||
madhye samabhavalli~NgammaishvaraM taijasaM param |
jvAlAmAlAvR^itaM divyamaprameyamanUpamam || 5||
yojanAyutavistIrNaM sthitaM tatrA.amalAmbhasi |
jvAlAbhirmohitau tasya li~NgasyAsurasattame || 6||
tadA vismayamApannau adrAShTAmamarAdhipau |
gatAvUrdhvamadhastasya sampradhArya parasparam |
adho draShTuM gato viShNuragAdUrdhvaM pitAmahaH || 7||
adR^iShTvA tamadhashchordhvaM tau sametya paraspam |
kR^itA~njalipuTau bhUtvA li~Nga tat tuShTuvatustadA || 8||
brahmaviShNU samApannau bhaktyA paramayA yutau |
li~Ngamadhye paraMli~NgaM sthitaM prAdeshasammitam || 22||
samAdhistotrasampannau dR^iShTavantau shivAtmakam |
naiva tatkA~nchanaM raupyaM nAbhUt sphATikamauktikam || 23||
lakShamAtraM sthitaM shAntaM kevalaM tachChivAtmakam |
tayostuShTo mahAdevaH pradAya varamuttamam || 24||
kAraNatvamanuj~nAya tatraivAntaradhIyata |
tadA prabhR^iti brahmAdyA pratiShThApya surAsurAH || 25||
talli~NgAnukR^itaM li~NgaM pUjayeyustapodhanAH |
paraM shuddhasharIraM cha li~NgakShetramanAdimat || 26||
yadetadaishvaraM tejastalli~NgaM pa~nchasaMj~nitam |
kalpAnte tasya li~Ng~Ngasya lIyante sarvadevatAH || 27||
dakShiNe lIyate brahmA vAmatastu janArdanaH |
hR^idaye chaiva gAyatrI sarvavedottamottamA || 28||
lIyante mUrdhni vai vedAH saShaDa~NgapadakramAH |
jaThare lIyate sarvaM jagatsthAvara ja~Ngamam || 29||
utpadyate punastasmAt brahmAdi sacharAcharam |
AkAshaM li~NgamityAhuH pR^ithivI tasya pIThikA || 30||
AlayaH sarvabhUtAnAM layanAlli~Ngamuchyate |
tasmAlli~NgaM pratiShThApya sarvadevabhavodbhavam || 31||
sthApitaM tena sarvaM syAtpUjitaM cha na saMshayaH |
kR^itA~njalipuTo viShNurbrahmA chApi visheShataH || 32||
li~Ngotpattistavamimamume yaH shR^iNotIha bhaktyA
tasyApAramahAghasa~NghanichayaH sadyo vinAshaM vrajet |
li~NgasthApanapuNyamapyatitarAM samprApya gANatvama\-
pyante yAti mamAdrirAjashikhare satyaM vadAmyadrije || 71||

|| iti shivarahasyAntargate IshvaraproktaM li~NgotpattikathanaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 4 li~NgotpattistavaH | vAvR^ittashlokAH ||
##
- .. shrIshivarahasyam . mahAdevAkhyaH ekAdashamAMshaH . adhyAyaH 4 lingotpattistavaH . vAvRRittashlokAH ..

Notes:

Śiva ##shiva## narrates to Devī ##devI##, the story of Liṅgodbhava ##li~Ngodbhava##; i.e. the Manifestation of Śiva ##shiva## as the Jvālāliṅga ##jvAlAli~Nga## - whose beginning and end could not be detected by Brahmā ##brahmA## and Viṣṇu ##viShNu##.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}