% Text title : Ishvaraproktam Masashivaratripujopadesham % File name : IshvaraproktaMmAsashivarAtripUjopadesham.itx % Category : shiva, shivarahasya, pUjA, upadesha, advice % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 33 mAsashivarAtri sodyApanavratakathanam | vAvRittashlokAH || % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam Masashivaratripujopadesham ..}## \itxtitle{.. IshvaraproktaM mAsashivarAtripUjopadesham ..}##\endtitles ## (shivarahasyAntargate mahAdevAkhye) \- shivapArvatIsaMvAde \- shiva uvAcha | mAsi mAsyapi deveshi kuryAchchaiva chaturdashIm | sA mAsashivarAtrIti kathitA kR^iShNapakShagA || 1|| chaitrAdikR^iShNapakSheShu tattanmAsi chaturdashIm | prApya sampUjayeddevaM li~NgamUrtiM sadAshivam || 2|| rAtrau chaturShu yAmeShu pUjayedbilva patrakaiH | eka bhuktena naktena sopavAsena vA shive || 3|| tatra kR^iShNachaturdashyAM sAyaM shauchaM nivartya cha | nadyAM vA devakhAte vA snAyAnmantraiH kushairyutaH || 4|| dhR^itavAsA bhasmayutastripuNDrAkShadharo bhavet | saMshodhya kalashaM shuddhaM svayamambu prasAdhayet || 5|| vastrapUtaM tadA devi supuShpANi tadA vratI | gR^ihItvA niyamopeto gR^ihe vApi shivAlaye || 6|| saMshodhya gomayAmbhobhiH sthaNDilaM shivapUjane | vitAnapuShpamAlADhyaM maNTapaM parikalpayet || 7|| pIThaM tatra nidhAyaiva prA~Nmukhoda~Nmukho.api vA | chelAjinakushaH sthitvA sampAdyArdhyAchamaM shive || 8|| prakShAlya dhAtupAtrANi navAni kalashaM tathA | sha~NkhaM cha dIpadhUpau cha sa puShpAmbUni sAdhayet || 9|| pa~nchAmR^itaM pa~nchagavyaM tathA phalarasaM shive | gandhapuShpAkShatAMstatra saMsthApyAtha nivedanam || 10|| tAmbUlaM chaiva vAso.atha ratnAla~NkaraNAni cha | sa~Nkalpya niyamopeto mAsikIM shivarAtrikAm || 11|| tato.atha prathame yAme sampUjyaiva maheshvaram | pa~nchAkSharashataM japtvA sA~NganyAsaM maheshvari || 12|| kalashaM pUjya sha~NkhaM cha gandhapuShpAkShatAdibhiH | a~NgeShu bhAvayeddevAMstataH prajananeti cha || 13|| li~NgasaMsthaM mahAdevamevaM dhyAyettvayA saha | sAmbaM triNetraM chandrA~NkaM nIlakaNThaM pinAkinam || 14|| varadAbhayahastaM cha mR^igaTa~NkadharaM shivam | nAgayaj~nopavItADhyaM divyAla~NkArabhUShitam || 15|| somadhAmasamAnAsyAM nIlendIvaralochanAm | phullakalhArasa~NkAshAM sarvAbharaNabhUShitAm || 16|| mada~NkasaMsthAM tvAM dhyAyetsAdhakaH parameshvari | tatrAnanyamanA devi pa~nchAkSharapuraHsaram || 17|| samAvAhya tato li~Nge vAmanAsApuTena hi | pAdyArghyAchamanAdIni mUlamantreNa dApayet || 18|| pa~nchagavyairvishodhyeshaM tataH pa~nchAmR^itairapi | punaH phalarasairdevi gandhapuShpakushodakam || 19|| dadyAdanukrameNaiva rudreNaivAbhiShechayet | tadante tarpaNaM kuryAdbhavAdyairaShTanAmabhiH || 20|| vAsasA parimR^ijyeshaM pIThe saMsthApya pUjayet | bhasmanA chandanenApi akShatAbhirmaheshvaram || 21|| bilvapatraiH shive puShpairvAso.ala~NkArabhUShaNaiH | nidhanetyAdibhirmantraibilvaiH puShpaiH prapUjayet || 22|| shatAShTanAmabhirvApi pUjayedindushekharam | chaturdashyAM tathA devi nAmabhishcha chaturdasham || 23|| pUjayedddbilvapatrAdyairnamo.antairevamIshvari | chaturdashyAM mR^igadharamapAmArgaiH prapUjayet || 24|| ajaikapAdahirbudhnyo bhavaH sharva umApatiH | rudraH pashupatiH shambhurmaheshaH shiva IshvaraH || 25|| mahAdevo haro bhImo nAmAnyevaM chaturdasha | ebhirnAmabhirIshAnaM chaturdashyAM sumairyajet || 26|| sApUpAjyaM havirdevi nivedya praNavena hi | tAmbUlaM dIpadhUpaM cha nIrAjanamathAcharet || 27|| karpUrakhaNDadIpaM cha ghR^itadIpau hi dApayet | stotraiH stuvItaivamIshaM pradakShiNanamaskR^itaiH || 28|| ChatraM cha chAmaraM chaiva dhvajaM vyajanameva cha | dadyAchChivAya deveshi vAdyAni vividhAni cha || 29|| nartanaM karatAlaM cha R^iksAmAtharvayAjuShaiH | purANairitihAsotthaiH stotravaryaiH stuvIta cha || 30|| namaH shivAyAtha namaH shivAyai namo.astu gauryai shashishekharAya | namostu devyai cha namo.astu shambhave namamo.astu devAya namostu devyai || 31|| namaH shivAya praNatArtihAriNe namo jagajjanmagatipradAyai | namo.astu vedyAya maheshvarAya namo.astugandharvagaNastutAyai || 32|| namaH shivAyAtha vihArakAriNe namo janitryai bhavama~NgalAyai | namo.astuviShNvAdipadapradAya namo.astu pAkArimukhastutAyai || 33|| namaH shivAyAntakagarvahAriNe namo.astu bhaNDAsurakhaNDanAyai | namo.astu vedAntavachaH stutAya namo.astu satkesarivAhanAyai || 34|| namaH shivAya pramathAdhipAya namo.asturudrANi varapradAyai | namo.astu devAdigaNastutAya namo.astu bhadrapradama~NgalAyai || 35|| evaM stutvA shivau devi chaturdashyAM sadAshivam | prahare prahare chApi evameva yathAvidhi || 36|| dadyAdarghyaM krameNaiva pUjAnte cha maheshvari | AdhivyAdhisamAyuktaH R^iNadaurbhAgyapIDitaH || 37|| dadyAdarghyaM maheshAya suprItastena me bhavet | evamevArghyadAnaM cha rAtrau yAmachatuShTaye || 38|| mAsi mAsi maheshAni kR^iShNapakShe visheShataH | chaitrAdisarvamAseShu mAsi mAsyasitAsu cha || 39|| ekaM vA praharaM pUjAM yadi kuryAchcha naktabhuk | evaM naro vA nArI vA vidhavopavanasennishi || 40|| sukR^itairlabhyate bhUtA tasyAmarchanameva me | puNyalakShaishcha labhyeta japanAmaprasAdataH || 41|| brahmA svayaM chaturvaktraH pa~nchavaktraH svayaM hariH | asitArchAphalaM shambhorvaktuM shakto na pArvati || 42|| brahmANDodaramadhyAni yAni tIrthAni santi vai | saMsthitAni bhavantIha bhUtAyAM pAraNe kR^ite || 43|| paredyuH pUjya mAM devi yathA shaktyA dvijArchanam | evaM tryabdaM dvAdashAbdaM vrataM kuryAdvidhAnataH || 44|| saMvatsaraM vA deveshi Ajanma madgaNo bhavet | udyApanavidhiM vakShye bhUtAyAM mAsi mAsi te || 45|| devyuvAcha | vratasyodyApane deva kiM kartavyaM cha mAnavaiH | ko vidhiH kAni dravyANi kathaM kAryaM vada prabho || 46|| Ishvara uvAcha | shR^iNu kAmyavidhiM bhadre lokAnAM hitakAmyayA | chaturdashAbdaM kartavyaM mAsabhUtAvrataM shive || 47|| ekabhuktastrayodashyAM chaturdashyAmupoShaNam | sampAdya sarvasambhArAnmaNTapaM tatra kArayet || 48|| vastraiH puShpaiH samAyuktaM phalapallavashobhitam | tanmadhye vilikhetpadmaM sarvatobhadramaNDalam || 49|| dhUpadIpasamAyuktaM kumbhAShTaka virAjitam | AchAryaM varayettatra R^itvigbhiH sahitaM shive || 50|| shivarUpAshcha te viprAH pUjyAshchandanapuShpakaiH | anuj~nAtashcha tairvipraiH shivamAvAhya kumbhake || 51|| avraNaM sajalaM kumbhaM mR^inmayaM hematAmrajam | kumbhopari nyaseddevamumayA sahitaM shivam || 52|| sauvarNaM vApi raupyaM vA tAmraM mR^inmayameva vA | ratnAla~NkaraNairyuktaM vastraiH puShpaiH prapUjayet || 53|| pratiShThApyArchayenmUrtiM somaM dikpAlakAnapi | parito.aShTasu kumbheShu pUjayenmUlamantrataH || 54|| pUrvodyurgandhapuShpaishcha sopavAsaM prapUjayet | dhUpadIpaishcha naivedyaiH phalairnAnAvidhairapi || 55|| prAtaH snAtvA paredyurmAM pUjayetkR^itanaityakaH | R^itvigAchAryasahito mUrti dikpAlasaMyutAm || 56|| pUjayedgandhapuShpAdyairdhUpaM dIpaM nivedayet | naivedyaM bhakShyabhojyaM cha apUpAMshcha chaturdasha || 57|| pratyekaM sughR^itAktAshcha sa~NkhyayA cha chaturdasha | svAshAkhoktena mArgeNa pratiShThApya hutAshanam || 58|| paristIrya vilApyAjyaM haviH saMskR^itya hAvayet | AchArya R^itviksahitaH sapatnIkaH svayaM shuchiH || 59|| rudreNaiva namo.antena juhuyAjjAtavedasi | tataH sviShTakR^itaM hutvA homasheShaM samApayet || 60|| AchAryaM R^itvijashchaiva pUjayeddakShiNAdibhiH | gAM savatsAM savasanAmAchAryAya nivedayet || 61|| tataH sakumbhAM tAM mUrtimAchAryAya nivedayet | prIyetAM me shivau nityaM syAtAM muktipradau mama || 62|| dikpAlamUrtiM kumbhAMshcha R^itvigbhyo dApayetkramAt | natvA tAn brahmaNAn devi gandhapuShpaiH prapUjayet || 63|| vittashAThyamakurvANo dakShiNAbhiH prasAdet | punaH sampUjya mAM li~Nge prArthayedvratasiddhaye || 64|| vratametatkR^itaM yanme pUrNaM vA.apUrNameva vA | rogapIDAnvitenesha divA bhuktaM tu yanmayA || 65|| mAsi mAsi chaturdashyAM kadAchitpuNyayogataH | sarvaM sampUrNatAM yAtu tvatprasAdAnmaheshvara || 66|| brAhmaNAnbhojayettatra paredyushcha chaturdasha | sapatnIkAnbhakShyabhojyairgandhapuShpAkShatAdibhiH || 67|| dakShiNAbhiH pratoShyaiva svayaM bhu~njIta bandhubhiH | evaM naro vA nArI vA vidhavApi chaturdashIm || 68|| prApya matpUjanAdyachcha labhate tachChR^iNu priye | aputro labhate putraM kumArI satpatiM labhet || 69|| nirdhano dhanavAnbhUyAdAyurhInastathAyuShA | bhakto muktimavApnoti vidhavA patilokagA || 70|| bhakto madgaNapo bhUyAnmasi bhUtArchanena me | kimpunarbahunoktena sarvAn kAmAnavApnuyAt || 71|| Ishvara uvAcha | evaM mAsachaturdashIShu niyataH sampUjayanmAM haraM sharvANIsahitaM sa sharma labhate sarveShu lokeShvapi | pUrvodyachChashisundaraM nagavaraM kailAsamapyAdarA\- tpashchAnme gaNapendratAmupagato.aj~nAnAdvimukto bhavet || 72|| || iti shivarahasyAntargate IshvaraproktaM mAsashivarAtripUjopadeshaM sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 33 mAsashivarAtri sodyApanavratakathanam | vAvR^ittashlokAH || ## - .. shrIshivarahasyam . mahAdevAkhyaH ekAdashamAMshaH . adhyAyaH 33 mAsashivarAtri sodyApanavratakathanam . vAvRRittashlokAH .. Notes: Śiva ##shiva## delivers Upadeśa ##upadesha## to Pārvatī ##pArvatI## about observing MāsaŚivarātri ##mAsashivarAtri## during Kṛṣṇa Caturdaśī ##kR^iShNa chaturdashI## of every month and the merits of doing so. He advises about the Fourteen Names of Śiva ##shivachaturdashanAmAni## to be recited during MāsaŚivarātri ##mAsashivarAtri##; viz. Ajaikapāda ##ajaikapAda##, Ahirbudhnya ##ahirbudhnya##, Bhava ##bhava##, Śarva ##sharva##, Umāpati ##umApati##, Rudra ##rudra##, Paśupati ##pashupati##, Śambhu ##shambhu##, Maheśa ##mahesha##, Śiva ##shiva##, Īśvara ##Ishvara##, Mahādeva ##mahAdeva##, Hara ##hara## and Bhīma ##bhIma##. Selected Śloka-s from the Chapter are presented on this page. The MāsaŚivarātrikṛte ŚivaCatrudaśaNāmāvaliḥ ##mAsashivarAtrikR^ite shivachaturdashanAmAvaliH## and the MāsaŚivarātrikṛte ŚivaŚivāStutiḥ ##mAsashivarAtrikR^ite shivashivAstutiH## can be accessed from one of the links given below.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}