% Text title            : Ishvaraproktam Panchavimshatimurtikathanam
% File name             : IshvaraproktaMpanchaviMshatimUrtikathanam.itx
% Category              : shiva, viMshati, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 47 | 2-42||
% Latest update         : September 14, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Panchavimshatimurtikathanam ..}##
\itxtitle{.. IshvaraproktaM pa~nchaviMshatimUrtikathanam ..}##\endtitles ##
(shivarahasyAntargate IshvarAkhye)

\- shivagaurIsaMvAde \-

devyuvAcha |
deva deva mahAdeva karuNAkara sha~Nkara |
vedAntairnirguNo devaH kathitastvaM maheshvara || 2||
tvalli~NgaM nirguNaM sAkShAtpUjitaM muktidAyakam |
amUrtasyApi mUrtatvaM kathaM deva maheshvara || 3||
skanda uvAcha |
iti devyA tayA pR^iShTastuShTo deva uvAcha tAm |
rahasyaM gopanIyaM te nAravyeyaM yasya kasyachit || 4||
shiva uvAcha |
shR^iNuShva girije dhanyaM mUrtInAmudbhavaM mama |
amUrtasyApi me loka hetave mUrtayaH kR^itAH || 5||
li~NgaM me nirguNaM sAkShAt paramAnandadAyakam |
sadyojAtodbhavAH pa~ncha pa~ncha tatpuruShodbhavAH || 6||
aghorasambhavAH pa~ncha vAmadevabhavAH shive |
IshAnasambhavAH pa~ncha teShAM nAmAni me shR^iNu || 7||
mahAli~NgodbhavaM(H) shrImAn dakShiNAmUrtimI(rI)shvari |
ekapAdaM(daH)sukhAsInaM(naH) vighneshAnugrahe ratam(H) || 8||
sadobhavA mUrtayo mI(mUH) tatpUruShabhavAH shR^iNu |
somAskando vR^iShArUDhaH puratrayavidAraNaH || 9||
chaNDeshvarAnugrahadakAmaghnaH kAladAraNaH |
aghorasambho devi kAladAraNataH priye || 10||
gajasaMharaNo vIrabhadro bhikShATaneshvaraH |
kirAtarUpI ka~NkAlaH kalyANAkR^itisundaraH || 11||
vAmadevabhavAH pa~ncha mUrtayo.amI(mUH) girIndraje |
viShNuchakrapradAtA cha devaH kAntArdhavigrahaH || 12||
gaurIsahAyo vaikuNThanetrArchyashchandrashekharaH |
IshAnavaktrasambhUtA mUrtayo.amI(mUH) mamaiva hi || 13||
jaladharAntako nATyakovidaH kAlabhairavaH |
sharabho vidhigovindajanako nAgabhUShaNaH || 14||
andhakArirvirUpAkSho virApo digambaraH |
kailAsanAthaH kalpAntarudraH karpUrasundaraH || 15||
kAlAgnirudraH shUlAsidharo vyAghrAjinAmbaraH |
pa~nchavaktro vR^iddhaviprarUpI cha munirUpadhR^ik || 16||
ShoDashAbdAkR^itiH sAkShAdaghorAgninivAraNaH |
jvarArtishamano viShNuvallabho bhaktavatsalaH || 17||
vidhimastakasaMhartA pArvatIpraNayAtmakaH |
ga~NgAdharashchandradharo mR^igahastashchaturbhujaH || 18||
bhUteshvaraH koTirudramUrtiHshaktilasatkaraH |
pa~nchabrahmodbhavAH sarve kAmadAH shAntavigrahAH || 19||
evaM dhyAyanti ye mUrtIH teShAM j~nAnaM bhavechChive |
tebhyo vishiShTA deveshi tisraH syurmUrtayo mama || 20||
j~nAnadA dakShiNAmUrtiH sachchidrUpA nirAmayA |
munInAM j~nAnadAtrI cha mUrtiH sopaniShachChrutA || 21||
kaivalyashrutibodhyA shrImUrtirmama maheshvari |
umAsahAyA tryakShA cha nIlakaNThA vimuktidA || 22||
shrIrudrakathitA cheyaM sabhApatiriti sthirA |
AsAM(su) mUrtiShu chotkR^iShTA kaivalyashrutidarshitA || 23||
mUrtiH paratarA shambhoramUrtasyApyasa~NginaH |
kalpayanti kathA joShaM svAdhikArAnurUpataH || 24||
dhyAyeta j~nAnamityAghAH shrutayo dhyAnakarmaNi |
pravR^ittAstA mahAdevi dhyAnamIshe vimuktidam || 25||
viShNubrahmendrarudrANAM jananIyA parA shivA |
saivomA prochyate vedaistayA yukto maheshvaraH || 26||
asa~Ngo.api parAnandasachchiddharmasukho.advayaH |
mAyA sA prakR^itirj~neyA Usa mAyI parameshvaraH || 27||
tasyAvayavabhUtaM yajjagadetatprakAshate |
naiva(neha) nAnAsti bhUtebhyo.apyatiriktaM jaganmune || 28||
tapasaiva manoj~neyaM niShkriyaM shAntamavyayam |
agandharasarUpAdisparshaM yattanmano.atigam || 29||
dhyAnadhyeyAdirahitaM niShkalaM tatturIyakam |
manodharmodhyAnavidhistanmano.atimamaM mune || 30||
tattasmAtsakalaM shambhuM niShkalaM samprapUjayet |
hR^idAkAshe bhAsamAnaM nIvArAMshakaNAkR^iti || 31||
jvalantamanishaM vahniM tachChikhAyAM maheshvaram |
AkAshe nirmale shuddhe bhAsamAnaM sushItalam || 32||
somamaNDalamApUrNamachalaM dR^iShTigocharam |
dhyAtvA madhye mahAdevamumayA sahitaM shivam || 33||
shuddhasphaTikasa~NkAshaM chandrarekhAvataMsakam |
trilochanaM chaturbAhuM nIlagrIvaM parAtparam || 34||
dhyAyennityaM dhAraNAyA ghaTikApa~nchakaM mune |
AdityamaNDale vApi so.ahamityapi sattama || 35||
hiraNmayashmashrukeshaM hiraNmayanakhaM shivam |
hiraNyabAhuM varadamambikApatimIshvaram || 36||
dhyAyennityaM sadAbhyasya so.ahamasmIti bhAvayan |
sthAneShveteShu viprendra dhyAyeta parameshvaram || 37||
shrIparvataM shiraHsthAnaM kedAraM tu lalATakam |
vArANasI bhruvermadhye vij~neyA dhyAnakarmaNi || 38||
kurukShetraM kaNThametatprayAgaM kuchamuchyate |
chidambaraM tu hR^inmadhyamAdhAraH kamalAlayaH || 39||
eShu sthAnavareShvIshaM bhAvayeddehageShu cha |
hR^idaye nR^ityamAnaM mAM nidhyAyeta tvayA saha || 40||
AtmatIrthAnirato bhautikaM tIrthamutsR^ijet |
atyalpo.api yathA vahniH shuShkamArdraM cha nAshayet || 41||
dhyAnAbhyAsastathAlpo.api mahatpApaM vyapohati ||
Isha uvAcha |
dhyAnametadagaje vimuktidaM
chandrachUDacharaNasya kevalam |
yasya tasya hR^idaye vasatIsha\-
stasya muktimahameva dishAmi || 42||

|| iti shivarahasyAntargate IshvaraproktaM pa~nchaviMshatimUrtikathanaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 47 pa~nchaviMshatimUrtikathanam | 2\-42||
##
- .. shrIshivarahasyam . IshvarAkhyaH dashamAMshaH . adhyAyaH 47 pa~nchaviMshatimUrtikathanam . 2-42..

Notes:
Upon being asked by Devī ##devI##; Śiva ##shiva## explains about His Manifest Form i.e. Mūrta ##mUrta## despite Him being Formless i.e. Amūrta ##amUrta##.
Śiva ##shiva## describes about His Twenty Five Fold Form i.e. PañcaviṃśatiMūrti ##pa~nchaviMshatimUrti## that manifested as each of His Five Aspects/Faces (viz. Sadyojāta ##sadyojAta##, Vāmadeva ##vAmadeva##, Aghora ##aghora##, Tatpuruṣa ##tatpuruSha## and Īśāna ##IshAna## multiplied five times.##
##

Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}