% Text title            : Ishvaraproktam Rudradhyayavidhyupadesham
% File name             : IshvaraproktaMrudrAdhyAyavidhyupadesham.itx
% Category              : shiva, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 32 | 1-95||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Rudradhyayavidhyupadesham ..}##
\itxtitle{.. IshvaraproktaM rudrAdhyAyavidhyupadesham ..}##\endtitles ##
(shivarahasyAntargate IshvarAkhye)

skanda uvAcha |
athAnyaM vidhimAkhyAsye rudramantrasya sattama |
shR^iNuShva sAvadhAnena chetasA shivabhAShitam || 1||
Ishvara uvAcha |
divaiva jApo vidhivatprakuryA\-
chChrIrudramantrasya sadaiva sha~Nkari |
rAtrau na japyo manureSha nishchitaM
shivAbhiSheke tu sadaiva yojyaH || 2||
kAlAShTamyAM somavAre maheshi
bhUtAyAM vai grahaNe parvakAle |
shrIrudraM sa~njapya shambhoH prasAdA\-
dbhuktvA bhogAnmuktimabhyeti chAnte || 3||
madrudrajApyaM parihAya martyA
muktyai kathaM te prabhavanti mUDhAH |
ratnaM svahastasthamapAsya mohA\-
dgR^ihNAti kAchaM maNimatra lokaH || 4||
rudraikAdashinIM japanniha jano bhasmatripuNDrA~Nkito
rudrAkShAbharaNAH shivaikasharaNaH pUto mahApAtakaiH |
tenaivottamadivyali~Ngamagaje saMsichya nIrairvaraiH
sarvorvIvaradAnakoTijaphalaM labdhvA sa mukto bhavet || 5||
bhasmachChanno bhavaghnaM prajapati yadirAdramantraM satAraM
pAraM taM bhavAsAgasya girije matprItibhAk prApnuyAt |
divyaM bhAlatale tripuNDramagaje bibhratsa rudrAkShabhR^it
santyajyAnyamR^idordhvapuNDramakhilaM vidyAvidhiM prApnuyAt || 6||
yadi sitabhasitatripuNDradhArI
vimalamanuM prajapeta(?) rudrasUktaM
shivapadakamale niviShTachetA
bhavati bhavAdapi muchyate gR^ihasthaH || 7||
varNI vanI shatamanuM shatarudramantraM
bhasmAkShadhR^igyadi japeta(?) vimuktisiddhyai |
vidhyujjhito.api niyatAshramavarNadharmaiH
rudrasya jApyaparamaH sakalaM labheta || 8||
yo bhAnusodaravarottamamUlasaMstho
rudrArthavAdavidhi bodhita mantrasAraH |
tasyAvimuktasadanaM maraNAntakAle
prApyaM sadeshi madanAntakadR^iShTidR^iShTaH || 9||
shrIbilvamUlagatibhAk shatarudramantra\-
jApena pApasahito.api vimuktapApaH |
sa eva pa~NkajapAdayugma\-
niShThAnakR^ichChAmbhavasattamo.adrije || 10||
prAtaH shrIshatarudramantra japato bhasmatripuNDrAkShadhR^ik
sAyAhne.api tato.api sa~Ngava kR^itaM sAyantane janmaham |
rAtrau tatprajapannishAsu girije bhasmAkShadhR^ik muktibhAk || 11||
ApAtAlanabhaHsthalAntabhuvana brahmANDamAvisphura\-
jyotisphATikali~NgamaulivilasatpUrNenduvAntAmR^itaiH |
astokAplutamekamIshamanishaM rudrAnuvAkAn japan
dhyAyedIpsitasiddhaye drutapadaM vipro.abhiShi~nchechChivam || 12||
skanda uvAcha |
evamAha mahAdevaH kailAse girijAM prati |
rudrAdhyAya vidhiM kR^itsnaM kiM bhUyaH shrotumichChAmi || 13||
shambhoH padAmbhojasamarchane ratAH
kumbhodbhavAdyA munayashcha shAmbhavAH |
ambhojajAdyAshcha hi pa~ncharudraM
japanti dambhAdivivarjitAshayAH || 14||
tArAdyantapadaM japedyadi mudA rudraM drutochchaM vinA
natvA prA~njalirIshanAma kalayan muktomahApAtakaiH |
bhasmoddhUlitadeha eva hi japan shrIrudramantraM dvijo
rudrAkShAmaladeha eva hi bhavenmuktomahApAtakaiH || 15||

|| iti shivarahasyAntargate IshvaraproktaM rudrAdhyAyavidhyupadeshaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 32 rudramahimA | 1\-95||
##
- .. shrIshivarahasyam . IshvarAkhyaH dashamAMshaH . adhyAyaH 32 rudramahimA . 1-95..

Notes:
Skanda ##skanda## narrates to Jaigīṣavya ##jaigIShavya## about the Rudrādhyāya Vidhi ##rudrAdhyAya vidhi## as told by Śiva ##shiva##; and concludes by highlighting the phalam ##phalam## of the same.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}