% Text title            : Ishvaraproktam Rudrakshavrikshotpattivarnanam
% File name             : IshvaraproktaMrudrAkShavRRikShotpattivarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 15 | 11-39||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Rudrakshavrikshotpattivarnanam ..}##
\itxtitle{.. IshvaraproktaM rudrAkShavR^ikShotpattivarNanam ..}##\endtitles ##
(shivarahasyAntargate IshvarAkhye)

\- shivapArvatIsaMvAde \-
devI uvAcha |
rudrAkShamahimA shambho na shruto vistarAnmayA |
tanme kautukamutkR^iShTaM shrotuM tanmahimAM vibho || 11||
tavAmR^itamukhAmbhoja cha~ncharIkAyate manaH |
kathAsudhArasaM pAtumichChA svachChAsti me shiva || 12||
rahasyamapi me brUhi sAvadhAnAsmi sAmpratam |
skanda uvAcha |
ityuktaM girijAvAkyaM shrutvA chandrakalAdharaH || 13||
prahasyAha mahAdevaH kailAse girijAM tadA |
IshvaraH uvAcha |
shR^iNu tvamagaje jAye phullahallakagandhini || 14||
dhammillamallIvimalagandhabandhakache shive |
rauchye  manorantare te ditijA varadarpitAH || 15||
kashyapasyAnvaye jAtA mahAbalaparAkramAH |
devA~njigyushcha sa~NgrAme te.asakR^inmatparAyaNAH || 16||
brahmaviShNvAdayo devAstairjitA balavattaraiH |
airAvatasamArUDhaH surabR^indaiH purandaraH || 17||
raNe nirAkR^ito daityairmaddattavaradarpitaiH |
vidhvastA munayaH sarve lokAshchaiva chaturdasha || 18||
adharottaramudbhrAntaM jagachchakrurbaloddhatAH |
yaj~nabhAgabhujaH sarve kR^itAste balibhojanAH || 19||
pitaraH kAtarA jAtA maruto maruto.abhavan |
vasavashchAsubhirhInA vAyurAyurnirAshavAn || 20||
govindo mandagarvI.abhUdbrahmA.ajihmatvamAptavAn |
AdityA vasumatyAM hi vicharanti pR^ithagjanaiH || 21||
vishvAsahIno bhagavAn vishvedevAstadA.abalAH |
rudrA daridrA hyabhavanmArtaNDA mUDhatAM gatAH || 22||
yakShAshcha dhvaMsitA daityairdhvA~NkShA iva mahAbalaiH |
samIraNo.atha varuNo raNe daityaiH parAjitau || 23||
ashvinau shvAsahInau tau kAndishIkau dishAsu vai |
kR^ishaH kR^ishAnuretAshcha gandharvA dhairyavarjitAH || 24||
munayo manavashchaiva vAmanAH prAdravaMstadA |
apasarpanti sarpAste daityabhItyA dishodasha || 25||
dishAgajA madodbhUtA madadhArAvivarjitAH |
tarjitAH parvatAH sarve pakShagarvavivarjitAH || 26||
vedA nirvedamApannAH shakrastakramayAchata |
dInA hInabalAH sarve surA daityaparAjitAH || 27||
praNavaH prANahIno.abhUtkubero beravarjitaH |
triviShTapaniviShTA ye te bhUmau kaShTajIvinaH || 28||
evaM brahmANDamudbhrAntaM daityadaNDena pIDitam |
niHsvAdhyAyavaShaTkAraM sadA makhamukhojjhitam || 29||
lekhaduHkhapradaM chaiva jagadAsIchcharAcharam |
santaptA vyathitAshchaiva gIrvANAshcharNavaM gatAH || 30||
sAgarA garavegena baDavAgnimukhe.arpitAH |
na vAti vAtapoto.api daityabhItyA.anishaM shive || 31||
agnirUrdhvashikhashchApi vishikhashchApyadhaHshikhaH |
vidyuto dyutihInAshcha somo mlAnavapurdharaH || 32||
chaNDarashmirmandarashmirabhUddaityaparAjitaH |
krUrAkSheNApi te devi tArAkSheNa parAjitAH || 33||
tArAbhArAivApeturmakarAkSheNa pIDitAH |
kalpavR^ikShAH kShititale samAnItAshcha nandanAt || 34||
balavadvikR^itaM lokaM tadA vidyutsumAlinA |
evaM krUraraNakShoNyAM bANAsiparidhaiH sharaiH || 35||
airAvato rAvitashcha shakro vikramavarjitaH |
asakR^ittarjitA devA jagachchakraM cha bharjitam || 36||
na vIryavIryAH sarve.api AryadharmavivarjitAH |
tatra devaiHstuto devi brahmaviShNupurogamaiH || 37||
tripurANAM vadhArthAya matiM kR^itvA.ahamAsthitaH |
brahmAdistutitoShito.ahamagaje trailokyarakShAkShamaiH
mannetraprabhavAshrubhiH prabhavitA rudrAkShavR^ikShAH kShitau |
dvAtriMshatprabhavA bhavanti niyataM tadvIjamevAmale
dhAryaM vaidikasammataM shrutishirovArtAsu nirvartitam || 38||
tryakShAnukShaNa vIkShaNena bhagadR^iksandhukShali~NgArchako
rudrAkShoruvalakShadivyabhasitAla~NkArapuNDrA~Nka dhR^ik
pApadhvA~NkShanivAraNAya sakarAsa~NgAshmasa~NkShepako
mokShashrIkarasa~NgasambhavamahAnandAmbupAnodyataH || 39||

|| iti shivarahasyAntargate IshvaraproktaM rudrAkShavR^ikShotpattivarNanaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 15 | 11\-39||
##
- .. shrIshivarahasyam . IshvarAkhyaH dashamAMshaH . adhyAyaH 15 . 11-39..

Notes:
Upon being asked by Devī ##devI## about how the Rudrākṣa Vṛkṣa ##rudrAkSha vR^ikSha## manifested, Śiva ##shiva## describes the related story of TripuraSaṃhāra ##tripurasaMhAra##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}