% Text title            : Ishvaraproktam Shatarudriyamahatmyam
% File name             : IshvaraproktaMshatarudrIyamAhAtmyam.itx
% Category              : shiva, shivarahasya, mAhAtmya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 26 | 7-50||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shatarudriyamahatmyam ..}##
\itxtitle{.. IshvaraproktaM shatarudrIyamAhAtmyam ..}##\endtitles ##
(shivarahasyAntargate IshvarAkhye)

\- shivapArvatIsaMvAde \-
umA uvAcha |
devadeva mahAdeva shUlapANe jagatprabho |
shrIrudrANAM cha mAhAtmyaM vada me karuNArNava || 7||
abhiSheke jape chaiva mahArudrAtirudrake |
bhUripApaharA shambho shrutirme yAjuShI vara || 8||
pApAnAM nAshinI deva rudraikAdashinI vidhiH |
skanda uvAcha |
tadA devyA vachaH shrutvA prAha devo maheshvaraH || 9||
rudrAtirudramAhAtmyaM jApye chaivAbhiShechane |
Ishvara uvAcha |
shatarudIyamAhAtmyamadhunA sampravakShyate || 10||
yasya vij~nAnamAtreNa pApanAshaH prajAyate |
R^igvede cha yajurvede sAmAtharvaNavedake || 11||
sArAtsArataraM puNyaM shatarudrIyamIritam |
anadhItA shrutiryena syAdadhItasya nAshanam || 12||
sa vedabA(hya) ityuktaH sarvakarmabahiShkR^itaH |
yasya yA.a.atimahAvidyA shatarudrIyanAmikA || 13||
(yenAdhItA mahAvidyA shatarudrIyanAmikA) || 13||
tenAbhyastAshchaturvedA anadhItA api dvija |
japyate shatarudrIyaM yena nityaM dvijottama || 14||
sa eva devapitryAdikarmaNyo nAtrasaMshayaH |
upAsya nityaM gAyatrIM prajapya shatarudriyam || 15||
brahmarShitvamayaM prApya brahmabhUyAya kalpate |
tyaktvA yaH shatarudrIyaM anyajjaptumihechChati || 16||
svagR^ihe pAyasaM tyaktvA bhikShAmaTati durmatiH |
tyaktvA yaH shatarudrIyaM anyajjapyamihechChati || 17||
taTAkasthaM jalaM tyaktvA mR^igatR^iShNAsu dhAvati |
tyaktvA yaH shatarudrIyamanyajjapyamihechChati || 18||
kAmadhenupayastyavatvA kharakShIrAya dhAvati |
tyaktvA yaH shatarudrIyaM anyajjaptumihechChati || 19||
sa hemabhAraM tyaktvAsAvayaH piNDAya dhAvati |
brahmAdayaHsurAH sarve vasiShThAdyA R^iShIshvarAH || 20||
sanakAdyAshcha yogIndrA jIvanmuktAHshukAdayaH |
brahmarShayo marIchyAdyA nAradAdyAH surarShayaH || 21||
yakShakinnaragandharvasiddhavidyAdharAdayaH |
prajapya shatarudrIyaM shrutisAra mahodayam || 22||
avApya sakalAn kAmAn japantyadyApi sarvadA |
kR^ite yugetu R^igvedamantrA japyAH sadA dvijaiH || 23||
atharvA~NgirasA vidyA japyAstretAyuge sadA |
prajaptavyAni sAmAni yuge dvAparanAmake || 24||
prajaptavyo yajurvedo yuge.asmin kalinAmake |
vedAH sarve.api japtavyA yugeShu triShu cha dvijaiH || 25||
shatarudrIyamabhyasyetsatataM niyamena yaH |
sa eva vipro lokeShu pUjyo vandyo na saMshayaH || 26||
sa vratI sa tapasvI cha stotavyaH sa yatiH priyaH |
sa chAchAryaH sa matimAn sa j~nAnI sa cha sAdhakaH || 27||
sa yajvA sa cha pUtAtmA sa daivaj~naH sa mAntrikaH |
sa yogI sa cha devarShiH sa brahmarShiH surottamaH || 28||
sa brahmA sa vidhAtA cha sa viShNuH sha~Nkaro dvijAH |
tatkulaM pAvanaM nityaM dhanyA tajjananI sadA || 29||
tatpitA cha kR^itArthaH syAnmuktAstatpitaro dvijAH |
puNyAstadvaMshajAH sarve pUtAstanmitrabAndhavAH || 30||
kimatra bahunoktena sAraM vakShye munIshvarAH |
shatarudrIyajaptAraM dR^iShTvA spR^iShTvA smarannapi || 31||
sambhAShya vA samApnoti rAjasUyAdhikaM phalam |
yasmindeshe sthitA viprAH shatarudrIyajApakAH || 32||
divyakShetraM taduddiShTaM samantAdyojanAyutam |
tatraiva devAstiShThanti vedA yaj~nAH samantrakAH || 33||
munayaH siddhayastatra R^iShayaH pitR^ibhiH saha |
(munayashchaiva siddhAscha R^iShayaH pitR^ibhiH saha |)
idaM cha paramaM shreyaH idameva paraM tapaH || 34||
idameva paraM tIrthaM idameva mahadvratam |
idameva parA dIkShA idameva parA gatiH || 35||
(idameva parA dIkShA iyameva parAgatiH) || 35||
idameva paro yogaH idameva paraM sukham |
(ayameva paro yogaH idameva paraM sukham |)
idameva paraM puNyamidameva mahatphalam || 36||
ayameva sadAchAraH ayameva mahAmakhaH |
ayaM sarvopaniShadAM sArabhUtArthasa~NgrahaH || 37||
nirmalaM nirguNaM nityaM niShkalaM cha nira~njanam |
anantamavyayajyomirmanovAchAmagocharam || 38||
AdimadhyAntarahitaM sarvabhUtahR^idi sthitam |
svaprakAshaM paraM brahma satyAnandachidAtmakam || 39||
satataM shatarudrIyajapAt sAkShAtprakAshyate |
brahmahatyAshataM vApi surApAnashataM tu vA || 40||
mAtR^ihatyAdikaM vApi pitR^ihatyAdikaM tathA |
shatarudrIyajapato vinashyati na saMshayaH || 41||
shatarudrIyamabhyasya niyato niyatAshanaH |
putrapautramayImR^iddhimaNimAdiguNAnvitAm || 42||
avApya jIvanmuktaH san rAjate nAtra saMshayaH |
nAShTA~NgayogAbhyAsena na dAnena nachejyayA || 43||
na vaidairnnAgamaiH shAstrairna purANaiH suvistaraiH |
gatirbhavati martyAnAM shatarudrIyajApinAm || 44||
(yA gatirbhavitA nR^INAM shatarudrIyajApinAm) || 44||
vedasAramidaM guhyaM pAvanaM sarvadehinAm |
mahApApakShayakaraM mahApuNyaphalapradam || 45||
yajurvede chaturthe.asminkANDe prashno hi pa~nchamaH |
asminprashneshatarudramantrAstiShThanti siddhidAH || 46||
(prashne.asmin shatarudrIyamantrAstiShThanti siddhidAH) || 46||
tasmAdetadvedasAre shatarudrIyamIritam |
shatarudrIyajapato brahma sAkShAtprakAshyate || 47||
jAtismaratvamAsAdya bhavetsAkShAtparaH shivaH |
shatarudrIyamAhAtmyaM ki~nchidetanmayoditam || 48||
sarvapApa prashamanaM kiM bhUyaH shrotumichChatha || 49||
vedakShIramahArNavodyatadadhiprodyatsumanthAnava\-
chChrIrudrAntaramadhyasaMsthitamahApa~nchAkSharAvR^ittibhAk |
tanmadhyasthashivAbhidhAnamasakR^ijptvA jano muktibhAk
dUrAtpApamapAkaroti satataM shambhoH prasAdAddvijaH ||

|| iti shivarahasyAntargate IshvaraproktaM shatarudrIyamAhAtmyaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 26 | 7\-50||
##
- .. shrIshivarahasyam . IshvarAkhyaH dashamAMshaH . adhyAyaH 26 . 7-50..

Notes:
Śiva ##shiva##, upon being asked by Umā ##umA##;  describes the Śatarudrīya Māhātmyam ##shatarudrIyamAhAtmyam##. He mentions that in the middle of the Śatarudrīya ##shatarudrIya## occurs the Pañcākṣara ##pa~nchAkShara## (i.e. Namaḥ Śivāya ##namaH shivAya##), within which is the Name Śiva ##shiva## that Grants Mukti ##mukti##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}