% Text title            : Ishvaraproktam Shivarchanopadesham
% File name             : IshvaraproktaMshivArchanopadesham.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 23| vAvRittasholkAH||
% Latest update         : June 21, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivarchanopadesham ..}##
\itxtitle{.. IshvaraproktaM shivArchanopadesham ..}##\endtitles ##
(shivarahasyAntargate ugrAkhye)
nityamavyabhichAreNa pUjayadhvaM tataH shivam |
pUjitaH shrImahAdevo mokShaM dAsyatyasaMshayam || 494||
shrIrudrAya nivedyAnnaM bhoktavyaM pratyahaM dvijAH |
rudrAbhiShiktamevAmbhaH pItavyaM pratyahaM dvijaiH || 495||
shrIrudrAghrAtamAghreyaM patrapuShpAdikaM dvijaiH |
paridheyaM navaM vastraM shrIrudrAya samarpitam || 496||
sarvadA shivanAmaiva japanIyaM dvijairdvijAH |
sarvadA shivapUjaiva kartavyA muktikA~NkShibhiH || 497||
shivapUjaiva sarveShAM muktidA ma~NgalAvahA |
shivArchanaM vihAyAnyannAsti mokShasya sAdhanam || 498||
shivArchanavihInAnAmapi muktirbhavedyadi |
tadA vindhyo.api jaladhiM taredeva na saMshayaH || 499||
shivArchanaM vinA mokSho na bhaviShyati sarvathA |
satyametatpunaH satyamuddhR^itya bhujamuchyate || 500||
shivasyaiva prasAdena muktAH pUrvaM munIshvarAH |
sa shivasya prasAdAttu na shivArAdhanaM vinA || 501||
shivArAdhanahInAnAM shivo naiva prasIdati |
shivaprasAdavirahe mokSho.api na bhaviShyati || 502||
yenaivAvyabhichAreNa kR^itaM sha~NkarapUjanam |
tenaiva shA~NkaraH prApyaH prasAdo muktidAyakaH || 503||
atyantadurlabhA muktiH sA tu sha~NkarapUjayA |
atyantasulabhA jAtA sha~NkaraikaratAtmanAm || 504||
sha~NkaraikaratA dhanyAH sha~NkaraikArchanapriyAH |
atastaiH prApyate mokSho durlabho.apyatilIlayA || 505||
yathA gR^ihapatiH svIyaM gR^ihaM gR^ihapatiryathA |
shivaikasharaNo martyaH shivaM prApnoti lIlayA || 506||
svAdhInamannaM kShudhito yathA bhu~Nkte mudA tathA |
shivaikasharaNo martyaH shivaM prApnoti lIlayA || 507||
yuvA yathA svakAM kAntAM prApnoti muditastathA |
shivaikasharaNo martyaH shivaM prApnoti lIlayA || 508||
muktidaH shiva evAtaH sa shivaH shaivavatsalaH |
shaivebhya eva santuShTo muktimiShTAM prayachChati || 521||
kalpAnte muchyate martyo brahmahApi munIshvarAH |
ashaivastvashivAchAraH kalpAnte.api na muchyate || 522||
ato yatnena satata yUyaM muktyarthino dvijAH |
pUjayadhvaM mahAdevaM sarvadevashikhAmaNim || 523||
ato bhajadhvamanishaM bhagavantamumApatim |
yUyaM vinA vilambena pashupAshavimochakam || 531||
bhagavAn shrImahArudrAdaparo nAsti sarvathA |
satyametatpunaH satyamuddhR^itya bhujamuchyate || 532||
yo vai rudraH sa bhagavAnityatharvashiraH svayam |
bhagavAn rudra eveti vadatyeva muhurmuhuH || 533||
tasmAtsa eva bhagavAniti `vai' kArato dvijAH |
nirNayo.api kR^itastena duShTasaMshayahArakaH || 534||
namaste astu bhagavannityeShApi shrutiH shrutA |
nityo.ayaM bhagavachChabdaH sha~Nkarasyaiva vAchakaH || 535||
ata eva mahArudrAnnAparo bhagavAMstutaH |
pUjayadhvaM mahArudraM bhagavantamumApatim || 536||
nityaM shrIrudramArAdhya rudrAdhyAyena yo.archayet |
sa nirmukto mahApApaiH shivasAyujyatAmiyAt || 537||
sarvA~NgoddhUlanaM kR^itvA kR^itvA rudrAkShadhAraNam |
yaH shrIrudraM japennityaM sa rudro bhavati dhruvam || 538||
rudrAvartanashIlAnAM shrIrudrAviShTachetasAm |
nitya bibheti kAlo.api satyamevochyate mayA || 539||
rudrAdhyAyajape yogyo bhasmarudrAkShabhUShaNaH |
tajjape netaro yogyo yAge pulkasavaddhruvam || 543||
rudrAdhyAyajape yogyoH shaiva eva na chAparaH |
shaiva eva yato yogyaH shaivamantrAnuvartane || 544||
shivamantraparikrAnto rudrAdhyAyo.ata eva saH |
japanIyo.atiyatnena shaivaireva shivArchakaiH || 546||
shivaikasharaNo yastu manovAkkAyakarmabhiH |
sa shaiva iti vij~neyo vedavidbhirmunIshvarAH || 550||
bhavanto.api mahAdevaM manovAkkAyakarmabhiH |
ananyamanaso nityaM pUjayadhvaM (ntu) prayatnataH || 551||
bhasmanoddhUlanaM kR^itvA sabhyagApAdamastakam |
rudrAdhyAyena gaurIshaM toShayantu prayatnataH || 552||
tato bilvadalairIshamarchayadhvaM munIshvarAH |
bilvArchanAdrudrajapAttoShayadhvaM maheshvaram || 553||
kriyate yena satataM kevalaM bhasmadhAraNam |
yeneshaH pUjyate bilvaiH sa yAti shivasannidhim || 554||
yo bhasmoddhUlitavapuryo rudrAkShavibhUShitaH |
sa eva yogyo viprendrAH shrImahAdevapUjane || 555||
tyaktvA shrutismR^itaM shuddhaM kevalaM bhasmadhAraNam |
kurvanvaidikakarmANi yAtyeva narakaM dhruvam || 556||
idaM tu vaidikaM karma shrImahAdevapUjanam |
rudrAkShadhAraNaM nityaM kevalaM bhasmadhAraNam || 557||
shivArchanaM cha viprendrA vaidikaM mokShasAdhanam |
mahAdevArchanaM kAryaM na vinA bhasmadhAraNam || 558||
shaivavarmamupAshritya rudrAdhyAyaparo dvijAH |
rudralokamavApyAnte shrIrudramadhigachChati || 559||
avichChinnAmbudhArAvadrudramAvartayeddvijAH |
shivali~NgaM yo.abhiShi~nchetsa niShpApo bhaviShyati || 560||

|| iti shivarahasyAntargate IshvaraproktaM shivArchanopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 23| vAvR^ittashlokAH||
##
- .. shrIshivarahasyam . ugrAkhyaH saptamAMshaH . adhyAyaH 23 . vAvRRittashlokAH..

Notes:
Īśvara ##Ishvara## delivers a detailed Upadeśa ##upadesha## about the merits worship of Rudra-Śiva ##rudra-shiva##.
The Rudrastavaḥ ##rudrastavaH## ``Yo vai Rudraḥ ##yo vai rudraH##,'' can be referred to from two of the links given below.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}