% Text title            : Ishvaraproktam Shivashadaksharamantrajapavidhyupadesham
% File name             : IshvaraproktaMshivaShaDakSharamantrajapavidhyupadesham.itx
% Category              : shiva, mantra, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 35 | vAvRittashlokAH ||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivashadaksharamantrajapavidhyupadesham ..}##
\itxtitle{.. IshvaraproktaM shivaShaDakSharamantrajapavidhyupadesham ..}##\endtitles ##
(shivarahasyAntargate IshvarAkhye)

\- shivagaurIsaMvAde \-

Ishvara uvAcha |
ShaDakSharaM pravakShyAmi samAsena girIndraje |
sadyaH saMsAraduHkhAni vinaShTAni japAchChive || 2||
R^iShirbrahmAsya mantrasya gAyatrI Chanda uchyate |
devatAsya shivaH sAkShAdahameva maheshvaraH || 3||
shaktirmaheshvarI tvaM cha bhuvaneshAkSharI bhaveH |
bIjaM mAyAtmakaM proktaM rudraH sa~NkalpavigrahaH || 4||
so.ahaM tanmaya eva syAM mantramadhyasthitaH sadA |
a~NguShThAdikaniShThAntaM vinyasedakSharaM kramAt || 5||
mastake cha lalATe cha hR^idi nAbhau padadvaye |
punaH pa~nchAkShareNaiva nyasetsvasya tanuM parAm || 6||
praNavaM prathamaM vidyAn dvitIyaM tu nakArakam |
makAraM tatparaM devi shikAraM tu tataHparam || 7||
vakAraM pa~nchamaM vidyAdyakAraM ShaShThamuchyate |
evaM pa~nchAkSharaM devi shrIrudrapadamadhyagam || 8||
deshakAlavisheSho.atra kathyate girije.adhunA |
aShTamyAM cha chaturdashyAM parvaNorubhayorapi || 21||
grahaNe somasUryotthaviShuvAyanayorapi |
somavAre pradoShe cha sAyaM prAtaH parANayoH || 22||
nityAdapyadhikaM kuryAjjapaM pa~nchAkSharasya cha |
phalaM shataguNaM tatra proktamIshe mayA dhunA || 23||
manoratho tathA me.adya namo yukto visheShataH |
ahaM vAchyo mahAdevastanmantrasya sanAtanaH || 24||
dhyAnA~NganyAsa bhedAshcha bahavo.asya manoHshive |
nigamAgamabhedena vadanti munayo.adrije || 25||
mantrArthaH kathitaH kR^itsnaH (?) purashcharyAM shR^iNuShva me |
AchAryamukhato mantraM japetsArthaM samAhitaH (?) || 26||
(AchAryamukhato mantraM gR^ihItvA susamAhitaH) || 26||
yathAshakti dhanaM tasmai pradatvA(?) tadanuj~nayA |
snAnaM triShavaNaM kR^itvA bhasmanA(?) shAkabhojanaH || 27||
phalamUlAshano vApi haviShyAshI yathAbalam |
parvatAgre nadItIre sAgarAnte shivAlaye || 28||
vane vA nirbhaye shuddhe prA~Nmukhoda~NmukhaH shuchiH |
bilvamUle gR^ihe goShThe bhasmachChannAsano bhavet || 29||
prANAyAmatrayaM kR^itvA ChandarShij~no.asya daivavit |
shaktiM bIjaM devatAM cha dhyAtvA mantrA~NgakaiH kramAt || 30||
karanyAsaM punaH kR^itvA tathA~NganyAsameva cha |
pa~nchA~Ngamapi vinyasya guruM mAmabhivIkShya cha || 31||
li~Nge vA susthale deshe somasUryAgnimaNDale |
vidyullekheva kalyANaM jvalantaM vishvarUpiNam || 32||
shivaM dhyAtvA japenmantraM lakShANAM pa~nchakaM shive || 33||
vande haraM varadashUlakapAlahastaM
sAbhItimadrisutayojjvaladehakAntim |
vAmorupIThagatayA nijavAmahasta\-
nyastAruNotpalayujA pariNaddhadeham || 34||
shAntaM padmAsanasthaM shashadharamakuTaM pa~nchavaktraM triNetraM
shUlaM vajraM cha kha~NgaM parashumabhayadaM dakShabhAge vahantam |
nAgaM pAshaM cha ghaNTAM pralayahutavahaM chA~NkushaM vAmabhAge
nAnAla~NkAradIptasphaTikamaNinibhaM pArvatIshaM namAmi || 35||
ma~NgalAyatanaM devaM yuvAnamatisundaram |
dhyAyetkalpatarormUle samAsInaM sahomayA || 36||
evaM dhyAtvA japenmantraM pa~nchAkSharamatandritaH |
tarpayellakShamekaM tu juhuyAllakShameva cha || 37||
Ajyena pAyasenApi palAshakusumena vA |
tataH sidhyati mantro.ayaM bhuktimuktiphalapradaH || 38||
tailena chAbhichAreShu arkANAM samidho hunet |
vashye kausumbha kusumairbilvapatrairdhanAptaye || 39||
jvararogAdishAntyarthamashvatthasamidho hunet |
vidveShaNe mAraNe cha vaibhItakakara~njakau || 40||
uchchATane cha shatrUNAmapAmArgairhunettadA |
pratyekamaShTasAhasraM japedbhaktyA samAhitaH || 41||
samyagj~nAnaM samAsAdya mayi lIno bhaviShyati |
lakShapa~nchashataM japtvA vR^itrAreH padamApnuyAt || 42||
ShaShTilakShajapenaiva labhate brahmaNaH padam |
ashItilakShaM japtvA tu naro viShNutvamApnuyAt || 43||
lakShANAM tu shataM japtvA sAkShAdrudratvamApnuyAt |
lakShaM japtvA tathAyuShyaM dvilakShaM japataH sutAn || 44||
niShkAmo lakShadashakaM japtvApyetA.avimuktakam |
viniyogaH samAkhyAtaH tajjApe lakShaNaM shR^iNu || 45||
vidhinoktena mArgeNa mantrAbhyAso japaH smR^itaH |
japastu trividhaH prokto vAchikopAMshumAnasaH || 46||
vAchikopAMshuruchchaishcha dvividhaH parikIrtitaH |
mAnaso mananadhyAnabhedAd dvaividhyamAsthitaH || 47||
uchchairjapAdupAMshushcha sahasraguNa uchyate |
mAnasashcha tathopAMshoH sahasraguNa uchyate || 48||
mAnasAchcha tathA dhyAnamanantaguNamuchyate |
umAsahAyaM mAM devaM nIlagrIvaM trilochanam || 49||
dhyAtvA japettathA mantraM sa chAnantaphalaH smR^itaH |
athavA prAkR^itaM bhAvaM svIyamutsR^ijya dehakam || 50||
shivo.ahamiti sa~nchintya sAdhayedidamuttamam |
uchchairjapastu sarveShAM yathoktaphalado nR^iNAm || 51||

|| iti shivarahasyAntargate IshvaraproktaM shivaShaDakSharamantrajapavidhyupadeshaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 35 | vAvR^ittashlokAH ||
##
- .. shrIshivarahasyam . IshvarAkhyaH dashamAMshaH . adhyAyaH 35 . vAvRRittashlokAH ..

Notes:
Upon being asked by Devī ##devI##; Śiva ##shiva## describes the procedures for conducting the Japa ##japa## of the ŚivaṢaḍakṣaraMantra ##shivaShaDakSharamantra## i.e. Om̐ Namaḥ Śivāya ##OM namaH shivAya##; especially during SūryaGrahaṇa ##sUryagrahaNa##, CandraGrahaṇa ##chandragrahaNa##, Viṣuva ##viShuva##,  Ayana ##ayana##, Somavāra ##somavAra##, Pradośa ##pradoSha## etc||##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}