% Text title            : Ishvaraproktam Shivashadaksharamantramahatmyam
% File name             : IshvaraproktaMshivaShaDakSharamantramAhAtmyam.itx
% Category              : shiva, mantra, shivarahasya, mAhAtmya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 34 | 6-44.1||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivashadaksharamantramahatmyam ..}##
\itxtitle{.. IshvaraproktaM shivaShaDakSharamantramAhAtmyam ..}##\endtitles ##
(shivarahasyAntargate IshvarAkhye)

\- shivapArvatIsaMvAde \-
Ishvara uvAcha |
pa~nchAkSharasya mAhAtmyaM kalpakoTishatairapi |
na shakyaM vistarAdvaktuM tasmAtsa~NkShepataH shR^iNu || 6||
vede shivAgame chAyaM ubhayatra ShaDakSharaH |
mantrasthitaH sadA mukhyo loke pa~nchAkSharaH smR^itaH || 7||
sarvamantrAdhikashchAyamo~NkArAdyaH ShaDakSharaH |
sarveShAM shivabhaktAnAmasheShArthaprasAdhakaH || 8||
tadalpAkSharamarthADhyaM vedasAraM vimuktidam |
Aj~nAsiddhamasandigdhaM vAkyametachChivAtmakam || 9||
nAnAsiddhiyutaM divyaM lokachittAnu~njanam |
sunishchitArthagambhIraM vAkyaM tatpArameshvaram || 10||
mantraM sukhamukhochchAryamasheShArthaprasiddhaye |
prAhonnamaH shivAyeti sarvaj~naH sarvadehinAm || 11||
tadbIjaM sarvavidyAnAM mantramAdyaM ShaDakSharam |
atisUkShmamahArthaM cha j~neyaM tadvaTabIjavat || 12||
devo guNatrayAtItaH sarvaj~naH sarvakR^it prabhuH |
omityekAkShare mantre sthitaH sarvagataH shivaH || 13||
IshAnAdyAni sUkShmANi brahmANyekAkShareNa cha |
mantre OM namaH shivAyeti susthito niyataH kramaH || 14||
mantre ShaDakShare sUkShmaH pa~nchabrahmatanuH shivaH |
vAchyavAchakabhAvena sthitaH sAkShAtsvabhAvataH || 15||
vAchyaH shivaH prameyaH syAt mantrastadvAchakaH smR^itaH |
vAchyavAchakabhAvo.ayamanAdiH susthitastayoH || 16||
yathAnAdipravR^itto.ayaM ghoraH saMsArasAgaraH |
shivo.api hi tathA.anAdiH saMsArAnmochakaH sthitaH || 17||
vyAdhInAM bheShajaM yadvat pratipakShasvabhAvataH |
tadvatsaMsAradoShANAM pratipakShaH sthitaH shivaH || 18||
asatyasmin jagannAthe tamobhUtamidaM bhavet |
Adityena yathA hInaM nirAlokamidaM jagat || 19||
abhAve hIshvarasyeyaM jagatsR^iShTiH kathaM bhavet |
achetanatvAtprakR^iteraj~natvAdIshvarasya cha || 20||
pradhAnaparamANvAdi yAvatki~nchidachetanam |
matkartR^itvaM svayaM dR^iShTaM buddhimatkaraNaM vinA || 21||
dharmAdharmopadeshashcha bandhamokShavichAraNA |
na sArvaj~nyaM vinA puMsAM Adisarge prasidhyati || 22||
vaidyaM vinA nirAnandAH klishyante rogiNo yathA |
shivaM vinA nirAnandaM klishyate hi jagattathA || 23||
tasmAdanAdiH sarvaj~naH paripUrNaH sadAshivaH |
asti nAthaH paritrAtA puMsAM saMsArasAgarAt || 24||
AdimadhyAntanirmuktaH svabhAvavimalaH prabhuH |
sarvaj~naH paripUrNashcha shivo j~neyaH shivAgame || 25||
tasyAbhidhAnamantro.ayamabhidheyaH tataH smR^itaH |
abhidhAnAbhidheyatvAnmantrArthaH paramaH shivaH || 26||
etAvaddhi shivaj~nAnaM etAvaddhi paraM padam |
tadonnamaH shivAyeti shivavAkyaM ShaDakSharam || 27||
vidhivAkyamidaM shaivaM nArthavAdaH shivAtmakam |
yaH sarvaj~naH susampUrNaH svabhAvavimalaH shivaH || 28||
lokAnugrahakartA yaH sa mR^iShArthaH kathaM bhavet |
yadyathA.avasthitaM vastu guNadoShaiHsvabhAvataH || 29||
yAvatphalaM cha yatpuNyaM sarvaj~natvaM tathA bhavet |
rAjA gAnAdibhirdoShairgrastatvAdanR^itaM vadet || 30||
te cheshvare na vidyante brUyAtsa kathamanyathA |
ajAtAsheShadoSheNa sarvaj~nena shivena yat || 31||
praNItamamalaM vAkyaM tatpramANaM na saMshayaH |
tasmAdIshvaravAkyAni shraddheyAni vipashchitA || 32||
yathArthaM puNyapApeShu tadashraddho vrajatyadhaH |
svargApavargasiddhyarthaM bhAShitaM yatsushobhanam || 33||
vAkyaM munivaraiH shAntaistadvij~neyaM subhAShitam |
rAgadveShAtmakakrodhakAmatR^iShNAnusAri yat || 34||
vAkyaM nirayahetutvAt taddurbhAShitamuchyate |
saMskR^itenApi kiM tena mR^idunA lalitena vA || 35||
avidyArAgavAkyena saMsArakleshahetunA |
yachChrutvA jAyate shraddhA rAgAdInAM cha sa~NkShayaH || 36||
virUpamapi tadvAkyaM vij~neyamatishobhanam |
bahutvenApi mantrANAM sarvaj~nena shivena yat || 37||
praNItamamalaM mantraM na tena sadR^ishaM kvachit |
saptakoTimahAmantrairupamantrairanekadhA || 38||
mantraH ShaDakSharo bhinnaH sUtravR^ityAtmanA yathA |
shivaj~nAnAni yAvanti vidyAsthAnAni yAni cha || 39||
ShaDakSharasya sUtrasya tAni bhAShyaM samAsataH |
kiM tasya bahubhirmantraiHshAstrairvA bahuvistaraiH || 40||
yasyoM namaHshivAyeti mantro.ayaM hR^idi susthiraH |
tenAdhItaM shrutaM tena tena sarvamanuShThitam || 41||
yenonnamaH shivAyeti mantrAbhyAsaHsthirIkR^itaH |
namaskArAdisaMyuktaM shivAyetyakSharatrayam || 42||
jihvAgre vartate yasya saphalaM tasya jIvitam |
antyajo vA.adhamo vApi mUrkho vA paNDito.api vA || 43||
pa~nchAkSharajape niShTho muchyate pApabandhanAt | 44\.1

|| iti shivarahasyAntargate IshvaraproktaM shivaShaDakSharamantramAhAtmyaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 34 | 6\-44\.1||
##
- .. shrIshivarahasyam . IshvarAkhyaH dashamAMshaH . adhyAyaH 34 . 6-44.1..

Notes:
Upon being asked by Devī ##devI##; Śiva ##shiva## describes the Māhātmyam ##mAhAtmyam## of the ŚivaṢaḍakṣaraMantra ##shivaShaDakSharamantra## i.e. Om̐ Namaḥ Śivāya ##OM namaH shivAya##, while also referring to the ŚivaPañcākṣaraMantra ##shivapa~nchAkSharamantra## i.e. Namaḥ Śivāya ##namaH shivAya##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}