% Text title            : Ishvaraproktam Shivadharmacharakathanam
% File name             : IshvaraproktaMshivadharmAchArakathanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 48 shivadharmAchAraH | 40-87||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivadharmacharakathanam ..}##
\itxtitle{.. IshvaraproktaM shivadharmAchArakathanam ..}##\endtitles ##
(shivarahasyAntargate mahAdevAkhye)

\- shivapArvatIsaMvAde \-

sandhyAmupAsya vidhivadvaitAne juhuyAdyajet |
pa~nchAkSharaM cha gAyatrIM shrIrudraM praNavaM tathA || 40||
li~Nge.archayan mahAdevaM trisandhyaM bilvapallavaiH |
devarShIn pitR^imukhyAMshcha santarpyadhItavedakaH || 41||
kandamUlaphalAnnaishcha vartayedatithipriyaH |
trisandhyamAcharedyastu shivArchanamanuttamam || 42||
sandhyayorbhojanaM devi mannaivedyAvisheShataH |
niShiddhaM shoShayeddehaM svIyaM vApyatitherapi || 43||
evamAcharate dhanyaH shivabhaktaH shivArchakaH |
pApaka~nchukamutsR^ijya jIrNAM tvachamivoragaH || 44||
svavaMshyapitR^ibhiH sArdhaM shivaloke mahIyate |
kuryAdvarShaM chaturmAsaM mahApUjApravartate || 45||
AShADha shrAvaNe devi kArtike mArgashIrShake |
ekabhaktena naktena bhuktikAmI shivArchakaH || 46||
bhojayechChivabhaktAMshcha shaktyA dAnaM cha dApayet |
AShADhe phalapUjA syAt yasya kasya shatAShTakam || 47||
shrAvaNe pArijAtaishcha pUjayellakShasa~NkhyayA |
kArtike dIpamAlAbhirdyotayechChivamandiram || 48||
sevantibhirmArgashIrShe bhaktyA sampUjayechChivam |
vasechChivapure ramye chAturmAsyAMrchako naraH || 49||
triH saptakulasaMyuktaH sarvabhogasamR^iddhibhAk |
evaM parvotsave shrAddhe mAseShu niyatAshanaH || 50||
bhojaya~nAChivanaivedyaM shivaM sampUjya vAgyataH |
pitaraH sarvadevAshcha shivamAshritya saMsthitAH || 51||
prIte shive tu te sarve suprItAH syurnasaMshayaH |
vR^ikShasya mUlasekena shAkhAH puShpyanti vai yathA || 52||
shive shivArchanaprIte puShpyatyasya vapurjagat |
nA.aniShTamAcharet ki~nchit sarvadeheShu sarvadA || 53||
manovAkkAyajairdoShairniyatAtmApi pApiShu |
yadi kuryAtpramAdena so.aShTamUrteraniShTakR^it || 54||
kimpunaH sarvadeheShu shivAtmasu maheshvari |
j~nAnavairAgyasampannaM bhasmaniShThaM jitendriyam || 55||
vashyAtmAnaM yatAtmAnaM shAntaM dAntaM tapasvinam |
bhojayechChAmbhavaM devi vedavedAntapAragam || 56||
pa~NktipAvanamUrdhanyaM shrAddheShu shivayoginam |
yatIshvarAditatvAnAM parij~nAtAramIshvari || 57||
nAniShTaM dveShTi samprAptaM na cheShTamabhinandati |
bhavetsAdharmyavaidharmyametaj~nAnasya lakShaNam || 58||
varNeShvapyadhiko vipro viprAdvedaviduttamaH |
vedavidbhyo.arthavichChreShThastasmAdyAjI vishiShyate || 59||
tato.api satrayAjIsyAdvarNibhyo.apyadhiko gR^ihI |
vanI gR^ihibhyo.apyadhikaH sannyAsI cha tato.adhikaH || 60||
tato vedAntaniShkR^iShTo rudrajApI tato.adhikaH |
sarveShAmeva varNAnAM traivarNapuruShA narAH || 61||
puruShebhyo dvijashreShThastato vai granthapAragaH |
granthaj~nAdvedavidvAMsastebhyastatvArthachintakAH || 62||
tattvavidbhyo.api devaj~no vishiShTa iti me matiH |
vedAntavidbhyaH koTibhyo vishiShTAH shivayoginaH || 63||
yogaj~nA yoganiShThAshcha pitaro yogasambhavAH |
bhu~Nkte (bhuktvA) prINAti (prINanti) te tasmAdvishiShTAH shaipiviShTakAH || 64||
sarvayaj~natapodAnaiH kR^itaiH sA~Ngaishcha yatphalam |
shAmbhavo vedavipro yo bhasmaniShTho.atrabhujyate
(shAmbhavo vedavipro yo bhu~Nkte bhasmasuniShThadhIH) || 65||
natena kiM gR^ihasthena prAptaM kratushatairapi |
trividyAvedinaH shreShThA niyamAdhyAyino.api cha || 66||
tato.api yAjuShAH shreShThAstovAjasaneyinaH |
sAmnAM padasvarAbhij~nAshChandogAstu tato.ambike || 67||
tato.atharvavidaH shreShThAstato mantravidaH smR^itAH |
kadrudrajApyaniratAH shatarudrIyajApakAH || 68||
bhasmaniShThA rudrajApyaniratAH pApavarjitAH |
jyeShThArchanarato vidvAn tato vaijyeShThasAmagaH || 69||
ShaDa~Ngavittato devi tato.apyupaniShatparaH |
bR^ihajjAbAlanirataH purANeShu cha niShThitaH || 70||
itihAsArthavichChreShThastato dharmaviduttamaH |
tathA.atharvashiro.adhyetA shikhAdhyAyI tato.api cha || 71||
kaivalyopaniShaddhyAnAdhyAyI me.adya vishiShyate |
kAlAgnirudrajApI syAttatodevi vishiShyate || 72||
tataH shivarahasyaj~naH shAmbhavaH shreShTha uchyate |
vashyendriyaH prasannAtmA yo na dveShTi na kA~NkShate || 73||
shabdAdiviShayAn bhogAn yo jAnAti guNAguNam |
j~nAnavairAgyasampannaH prasannaH saMyatendriyaH || 74||
yukto hyaShTA~Ngayogena saMj~nAnI shreShTha uchyate |
shivadharmodbhavaj~nAnAjj~nAnavairAgyasambhavaH || 75||
j~nAnavairAgyayuktasya shivayogaH pravardhate |
shivayogena sarvaj~naH paripUrNaH sthiro bhavet || 76||
svAtmanyavasthitaH sarvaH shivavatsarvago bhavet |
svAtmArAmastvasa~Ngashcha sarvatraiva na saMshayaH || 77||
tAdR^ishaM bhojayitvA tu jagadbhojya phalaM labhet |
yo vA doShavinirmuktAM gAM cha dadyAtpayasvinIm || 78||
ghaNTAbharaNavastrADhyAM savatsAM cha dR^iDhA~NgakAm |
dadyAdgodAnamutkR^iShTaM shAmbhaveShu yatAtmasu || 79||
madhyamottamavasatrANi yo dadyAttu navAni cha |
shivabhakteShu vastrANi yAvattattantusa~NkhyayA || 80||
tAvadvarShashataM devi svargaloke mahIyate |
brahmacharyasamopetaH shAntaH shIlaparAyaNaH || 81||
ahorAtraM na bhu~njIta upavAsasya lakShaNam |
ahaHsu chApyupoShyaiva sAyaM yAme cha bhojayan || 82||
tannaktamiti cha proktaM ChAyAnaktaM dinAntime |
ayAchitaM kenachidvA dattaM yadbhujyate hi tat || 83||
saktUn prAshya na duShyeta vachanAt brAhmaNasya hi |
ShANmAsaM cha haviH kShAravarjitaM saMstutaM vratam || 84||
chandrAyaNaM tadvij~neyaM hrAsavR^iddhyA tu pakShayoH |
shishuchandrAyaNaM devi pakShayoH shuklakR^iShNayoH || 85||
kurvan kR^ichChraM shivaM pUjya labhate phalamuttamam |
evaM kurvan shivAchAraM vasetaivaM gR^ihAshrame || 86||
varNI vanI gR^ihastho vA yatishchaiva visheShataH |
shivaloke mahIyeta yAvadbrahmA divA shive || 87||

|| iti shivarahasyAntargate IshvaraproktaM shivadharmAchArakathanaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 48 shivadharmAchAraH | 40\-87||
##
- .. shrIshivarahasyam . mahAdevAkhyaH ekAdashamAMshaH . adhyAyaH 48 shivadharmAchAraH . 40-87..

Notes:

Śiva##shiva## outlines the procedures for worshipping Him including those via the Śivaliṅga ##shivali~Nga##?; and mentions about the CandrāyaṇaVratam ##chandrAyaNavratam##.

Several other procedures are mentioned throughout the 12 Aṁśa- s ##12 aMshAH## of the ŚivaRahasyam ##shivarahasyam##.

Selected Śloka-s from the chapter are given on this page.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}