% Text title            : Ishvaraproktam Shivadhyanopadesham
% File name             : IshvaraproktaMshivadhyAnopadesham.itx
% Category              : shiva, dhyAnam, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 48 | 1-70||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivadhyanopadesham ..}##
\itxtitle{.. IshvaraproktaM shivadhyAnopadesham ..}##\endtitles ##
(shivarahasyAntargate IshvarAkhye)

\- shivagaurIsaMvAde \-

shiva uvAcha |
pUjAkoTipradaM dhyAnaM kathayAmi nibodhame |
nirvAte nirbhaye shuddhe sarvAla~NkArashobhite || 1||
gandhapuShpAmodavare mR^idutUloparisthitaH |
dhyAyetaivaM mahAdevi mahAkailAsavAsinam || 2||
bhasmatripuNDrarudrAkShamAlAla~NkR^itavigrahaH |
pa~nchAkSharavarAsyo.atha nimIlyAkShiyugaM shive || 3||
dhAraNAbhiH samAhR^itya yogenAplAvya vai tanum |
sarvatashchittamAkR^iShya hR^idayAmbhojamadhyame || 4||
prANAyAmairvikasite parameshvaramandire |
aShTaishvaryadalopete vidyAkesarasaMyute || 5||
j~nAnanAle mahAkande praNavena prabodhite |
madhye hR^idayapAthoje mahAdevAsanochite || 6||
mahitAkArashobhADhyaM maNDalaM parichintayet |
atichintAmaNiprakhyairatikaustubhakAntibhiH || 7||
ratnairaprAkR^itairlokaM ra~njayantaM samantataH |
dakShiNadvArapArshve.asya saMsmarennandikeshvaram || 8||
anekarudrapramathabhUtasa~NghairniShevitam |
shivadharmamahAdhyakShashivAntaHpurapAlakam || 9||
chAmIkarAchalaprakhyaM sarvAbharaNabhUShitam |
bAlendamakuTaM saumyaM chaturbAhuM trilochanam || 10||
dIptashUlaM mR^igaM Ta~NkaM svarNavetradharaM prabhum |
chandrabimbAbhavadanaM bhAlapuNDraM jaTAdharam || 11||
uttaradvArapArshve tu tatpatnIM marutAM sutAm |
suyashAM suvratAmambAmpAdamaNDanatatparAm || 12||
sahitAM rudrakanyAbhiH sakhIbhishchApyanekashaH |
madhye.atha maNTapasyAsya vedikAM vidrumaprabhAm || 13||
chatuH stambhayutAM dhyAyet tripurashrImanoramAm |
tasyAM shaktyAdi sesevyaM tanvi tatparamAsanam || 14||
AdhArashaktiM shyAmA~NgIM karairdhR^itavarAbhayAm |
tasyAH purastAdAkaNThamanantaM kuNDalAvR^itam || 15||
tasyopari shubhaM dhyAyetsihmAsanamumApateH |
dharmaM j~nAnaM cha vairAgyamaishvaryaM cha tada~NghrayaH || 16||
AgneyAdi sthitAshchaite pItaraktaharitprabhAH |
sihmAkArAH sihmakoTyA pratyekaM parivAritAH || 17||
adharmAdIni pUrvAdidishAsu cha samantataH |
rAjAsanaM vibhordhyAyetkUrmAkR^ityanalaprabham || 18||
asyAdhashChandanaM padmamAsanaM vipulaM smaret |
shivadharmamahAkandaM shivaj~nAnaikanAlakam || 19||
aShTaishvaryadalopetaM pUrvAdikramayogataH |
aShTavAmAdishaktya~Ngarudrakalpitakesaram || 20||
vairAgyakarNikAntasthaM vAmAdinavabIjakam |
vAmAjyeShThA tathA raudrI kAlIvikariNI tathA || 21||
balapUrvA vikariNI balapramathanI tathA |
aShTAvetAH sarvabhUtadamanI navamI parA || 22||
kesareShu sthitA dhyeyA raktabhA dhR^itachAmarAH |
kalAdharakalAdyotatkarNikAyAM manonmanI || 23||
smartavyeshAnandigbhAge pAshA~Nkusha varAbhayAH
padmAsanasthitaM dhyAyeddevasya vimalAsanam || 24||
gaNAmbikAM mahAdevIM tato gaurIM prachodayAt |
krAntaM shaktibhiranyAbhiH saumyAbhirvimalAsanam || 25||
tasyopari guNAnAM cha maNDalAnAM cha sAdhakaH |
tasmin sadAshivaM dhyAyedbaddhapadmAsanasthitam || 26||
shuddhasphaTikasa~NkAshaM prasannaM shAntavigraham |
vidyullatAlavadyotijaTAmakuTadhAriNam || 27||
shArdUlacharmavasanaM mandasmitamukhAmbujam |
raktapadmadalaprakhyapANipAdatalaM haram || 28||
dvAtriMshallakShaNopetaM sarvAbharaNabhUShitam |
divyagandhAnuliptA~NgaM divyamAlairala~NkR^itam || 29||
pa~nchavaktraM dashabhujaM prativaktraM trilochanam |
dakShiNe shUlavajrAsiparashvabhayamudrikam || 30||
vAme cha dadhataM nAgaM pAshaM ghaNTAM tathA~Nkusham |
asyordhvavilasadbAlasudhAMshumakuTojjvalam || 31||
dhyAnasthamUrdhvAbhimukhaM gaganaChAyayAsitam |
pUrvavaktraM mahendrasya ChAyayA kanakaprabham || 32||
bAlendumakuTaM saumyaM samprAptanavayauvanam |
dakShiNaM vadanaM kAlaChAyAshaktyA~njanaprabham || 33||
bhrukuTIkuTilaM ghoraM raktavR^ittekShaNatrayam |
daMShTrAkarAlaM durdharShaM sphuritAdharapallavam || 34||
chandrApIDaM chalatkeshaM ki~nchichchalitayauvanam |
uttaraM yakSharAjasya ChAyayA vidrumaprabham || 35||
lalATatilakopetaM nIlAlakavibhUShitam |
savilAsaM triNayanaM chandrAbharaNabhAsvaram || 36||
ichChAj~nAnakriyArUpavilasallochanatrayam |
pashchimaM pAshahastasya ChAyayA sadR^ishaM nibham
(sadR^ishaprabham , mauktikaprabham)  || 37||
chandrottaMsaM sitAkAraM dhR^itabhasma tripuNDrakam |
iti dhyAtvA punarapi dhyAyedevaM sadA shivam || 38||
sUryachandrAgninayanaM nIlakaNThaM jaTAdharam |
j~nAnachandrakalAjUTamudyadbAhuchatuShTayam || 39||
traiguNyAmalasambhUtairdivyairdashabhirAyudhaiH |
sarvaj~natAdisaMsiddhaM hR^idayAdiSha~Ngakam || 40||
pa~nchabrahmAtmavadanaM pa~nchasAdAkhyamUrtikam |
shrImatpa~nchAkSharamayaM praNavAkArashAlinaM(rUpiNam) || 41|| (praNavAkAramIshvaram)

samastavarNarUpaM cha pa~nchabrahmakalAmayam |
nivR^ittij~nAnavairAgya yogamokSha pratiShThayA || 42||
AkaNThaM vidyayA siddhamAlalATaM tu shAntayA |
tadUrdhvaM shAntyatItAkhyakalayA parikalpitam || 43||
evaM pa~nchakalArUpamidaM sAdAshivaM punaH (vapuH) |
chaturmUrtishchaturvarNA prativaktrAMshumaNDalA || 44||
ekavaktrA shashA~NkAbhA pratiShThA padmadhAriNI |
agnivarNA trivadanA vidyAshAntivishobhitA || 45||
kR^iShNavarNA chaturvaktrA shAntidhvajavirAjitA |
pAshahR^itpa~nchavadanA shAntyatItA shashiprabhA || 46||
sarvAH padmAkShamAlADhyAH abhayena virAjitAH |
chaturbhujAstriNayanAH pInonnatapayodharAH || 47||
AsAM pa~nchAdhvagarbhAntA padAdhvAntA sadAshivaH |
mantrAdhvA cha padAdhvA cha varNAdhvA pavanAdhvakaH || 48||
tattvAdhvA cha kalAdhvA cha ShaDadhvAna itIritAH |
chaturviMshatpurANAnAM bhuvanAnAM shatadvayam || 49||
bhuvanAdhvA cha sa sa~nchintyo romavR^indAtmanA vibhoH |
pa~ncharudrAdirUpaishcha varNairvarNAdhvakalpanA || 50||
asau tvagAtmanA chintyo devadevasya shUlinaH |
saptakoTyA mahAmantrairmUlavidyAsamudbhavaiH || 51||
mantrAdhvA rudhirAtmAsau vichintyaH pArvatIpateH |
anekabhedasambhinnA mantrANAM pAdasaMhatiH || 52||
pAdAdhvAsau pashupateH sirAmAMsatayA smR^itam |
pR^ithivyAdIni ShaTtriMshattatvAnyAgamavedibhiH || 53||
uktAnyamIbhistatvAdhvA shuklamajjAsthirUpabhR^it |
nAsya dehe.asti rudhiraM mAMsaM vA nAsti ki~nchanaH || 54||
pratibimbamivAkAshe shakrachApamivAmbare |
jyotirmayatayA siddhamidaM sAdAshivaM vapuH || 55||
tathApi kalpanAmAtraM kAlavyApyAdhvanAmidam |
brahmAtvIshAnamUrdhAnaH puruSheNa chaturmukhaH || 56||
hR^idayAdInyaghoreNa guhyAdInyapi vAmataH |
sadyojAtena mantreNa pAdAdIni jagatpateH || 57||
pa~nchamantratanuH shambhurevaM kalpanayA bhavet |
o~NkArabIjaprabhavaH kalApa~nchakasaMyutaH || 58||
shuddhasphaTikasa~NkAshaH shubhamedhAvivardhanaH |
sadAshivAtmA vyomasthaH IshAnaH parikIrtitaH || 59||
gAyantrIprabhavomantraH svarNavarNashchatuShkalaH |
vashyakR^idgandhavAhasthaH IshvaraH puruShaH smR^itaH || 60||
arvaprabhavo mantraH kalAShTakavibhUShitaH |
abhichArakamatyarthama~njanAdrisamaprabhaH || 61||
asheShAghaharaH puMsAmaghoro rudravigrahaH |
sAmavedabhavo mantrastrayodashakalAnvitaH || 62||
vAmadevaH pravAlAbho vAritatvAsthito hariH |
yajurvedodbhavo mantraH kalAShTakayutaH sthitaH || 63||
shAntikR^itpR^ithivI saMsthaH sadyojAtaH pitAmahaH |
tatpUrvashchandabimbAbhaH R^igvedavadano aMshumAn || 64||
kalApa~nchadashopeto mukhyamantrAtmako hi saH |
pa~nchavaktrAH smR^itAH sarve dashadordaNDabhUShitAH || 65||
khaDgakheTadhanurbANakamaNDalvakShadhAriNaH |
varAbhayopetakarAH shUlapa~NkajapANayaH || 66||
aghoro ghora eteShu tadanye saumyavigrahAH |
evaM dhyAtvA sadeshasya pa~nchabrahmAtmatAM vibhoH || 67||
tattadbahmakalAbhedairvichintyA~NgAni kalpayet || 68||
skanda uvAcha |
buddhyAbhidhyAya rudhvA viShamaviShayajAgAdhabAdhApramugdhaM
dugdhaprAyamadigdhasarvaviShayAkAraughadagdhAghakam |
dhyAyeta kShaNameva shikShaNachaNaM tryakShaM mahokShasthitaM
sargApAravichakShaNekShaNamume vikShINachintAkShakaH || 69||
vAraMvAramapArasArakaruNAvArAshibhArAshihR^id\-
ghorAshIviShayAnubhUShitabhavo.apyunmAdabhAvojjhitaH |
yoShArdhAkR^iti kAmakAyadahanaH sammohano mohinAM
heyAnAmavihAyinAM agasute bhUmaikasImA shivaH || 70||

|| iti shivarahasyAntargate IshvaraproktaM shivadhyAnopadeshaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 48 shivadhyAnam | 1\-70||
##
- .. shrIshivarahasyam . IshvarAkhyaH dashamAMshaH . adhyAyaH 48 shivadhyAnam . 1-70..

Notes:
Śiva ##shiva## delivers Upadeśa ##upadesha## to Devī ##devI## about Śivadhyāna ##shivadhyAna##; especially wrt the Pañcabrahma ##pa~nchabrahma## / Pañcavaktra ##pa~nchavaktra## aspect.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}