% Text title : Ishvaraproktam Shivakshetraprabhavarnanam % File name : IshvaraproktaMshivakShetraprabhAvarNanam.itx % Category : shiva, shivarahasya, tIrthakShetra % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 49 sarvakShetraprabhAvakathanam | 1-27.1|| % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam Shivakshetraprabhavarnanam ..}## \itxtitle{.. IshvaraproktaM shivakShetraprabhAvarNanam ..}##\endtitles ## (shivarahasyAntargate mahAdevAkhye) \- shivapArvatIsaMvAde \- Ishvara uvAcha | devaishcha munibhishchaiva sevitAni vimuktaye | kShetre tIrthAni puNyAni chittashudhyarthamAdarAt || 1|| prakAshyante mayA tAni shR^iNu padmasamAnane | rudrAvatArasthAnAni shivakShetrANi darshayet || 2|| mR^itAnAM tatra rudratvaM shivakShetreShu dehinAm | AdhAyAgniM shivakShetre sampUjya parameshvaram || 3|| svadehaM piNDavadvahnau juhvan pa~nchAkShareNa tu | shivakShetre mahAdevi shivasAyujyamApnuyAt || 4|| ChitvA padadvayaM vApi shivakShetreShu yo vaset | sa yAti shivatAM devi nAtra kAryA vichAraNA || 5|| kShetrANAM darshanaM puNyaM praveshastachChatAdhikaH | tasmAchChataguNaM pUjA jalasnAnaM tataHparam || 6|| kShIrasnAnamato devi shatAdhikamanuttamam | dadhnA sahasramAkhyAtaM madhunA tachChatAdhikam || 7|| ghR^itasnAnena chAnantyamupavAsena sattame | tasmAtkoTiguNaM devi dehAntaM shivasannidhau || 8|| shivakShetrasamIpastathAM nadIM vApi taTAkakam | kUpavApiprashasyeta shivatIrthamiti smR^itam || 9|| snAtvA teShu naro bhaktyA narakaM naiva vindati | shAmbhavAnbhojayettatra yathAyogyaM yathAbalam || 10|| shraddhayA shrAddhadAnena pitR^In tArayate hi saH | bhasmattipuNDrarudrAkShadhR^igeva nivasechChive || 11|| rudrapa~nchAkSharaparo rudrali~NgArchanapriyaH | niyato niyamopetaH shAnto dAntaH sthirAsanaH || 12|| umAkAntapadadhyAyI nitAntaM mukta eva saH | vastrApadaM rudrakoTiravimuktaM mahAbhayam || 13|| gokarNabhadrakarNau cha svarNAkShaM tryakShadIptimat | sthANvIshvaraM cha vikhyAtaM triShulokeShu vishrutam || 14|| sthAnAShTakamidaM devi aShTamUrtipriyaM param | vastrApadAdi sthANvantaM shivasAyujyadAyakam || 15|| ChagaNDalo dviraNDashcha kAmodaM mANDaleshvaram | kAla~njaraM sha~NkukarNaM sthaleshashcha jaleshvaraH || 16|| pavitrAShTakamityetachChaivaM kShetraM mahAghabhit | mR^itAH prayAnti tatraiva shivasya paramaM padam || 17|| piNDArakaM kurukShetraM tathA kanakhalaM shive | vimaleshATTahAsaM cha mahAkAlamahendrakam || 18|| bhImeshvarAkhyaM tatpuNyametadguhyAShTakaM shive | mR^itAH prayAnti gaNatAM pApAH puNyA api sthiram || 19|| shrIparvato harishchandraH kedAro mantrakeshvaraH | o~NkAro bhairaveshashcha madhyameshaH siteshvaram || 20|| etadguhyAShTakaM kShetraM shivasAyujyadAyakam | santarpya cha pitR^In shrAddhe prINayeddevi shAmbhavAn || 21|| amareshaM prabhAsaM cha naimishaM puShkaraM tathA | ApATaM paDimaNDI cha harabhUmirbhavAnakaH || 22|| etachChaivAShTakaM kShetraM shivasAyujyadAyakam | lakulIshaH pravAjashcha kara~nja tryambakeshvam || 23|| nAgeshvaraM vaidyanAthaM someshaM ghusR^iNIshvaram | kShetrAShTakamidaM devi mama priyakaraM sadA || 24|| atra yAnti mR^itAH sarve rudrasya paramaM padam | pa~nchAShTakamidaM j~neyaM shivakShetraM salakShaNam || 25|| yatraiva bhAvasaMsaktA bhAvA yAntyapunarbhavam | snAnaM dAnaM tathA shrAddhaM ye kuryushchAtra bhAvataH || 26|| shivAvasathakUpAdyaM tadakShayyaphalaM bhavet (vrajet) | 27\.1|| || iti shivarahasyAntargate IshvaraproktaM shivakShetraprabhAvarNanaM sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 49 sarvakShetraprabhAvakathanam | 1\-27\.1|| ## - .. shrIshivarahasyam . mahAdevAkhyaH ekAdashamAMshaH . adhyAyaH 49 sarvakShetraprabhAvakathanam . 1-27.1.. Notes: Śiva ##shiva##; while mentioning the names of some of the Śivakṣetra ##shivakShetra##, outlines the effects and merits of being in and/or breathing one’s last in a Śivakṣetra ##shivakShetra## especially in terms of attaining ŚivaSāyujya ##shivasAyujya##. Details of several Śivakṣetra ##shivakShetra## are described in various of the 12 Aṁśa- s ##12 aMshAH## of the ŚivaRahasyam ##shivarahasyam##. Selected Śloka-s from the chapter are given on this page.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}