% Text title : Ishvaraproktam Shivalingarchanavidhyupadesham 1 % File name : IshvaraproktaMshivalingArchanavidhyupadesham1.itx % Category : shiva, pUjA, upadesha, advice, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | IshvarAkhyaH dashamAMshaH | adhyAyaH 45 | 1-59|| % Latest update : September 8, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam Shivalingarchanavidhyupadesham 1 ..}## \itxtitle{.. IshvaraproktaM shivali~NgArchanavidhyupadesham 1 ..}##\endtitles ## (shivarahasyAntargate IshvarAkhye) \- shivagaurIsaMvAde \- IshvaraH (uvAcha) vistareNa pravakShyAmi shivali~NgArchanakramam | ShaDakShareNa nyAsAdi kR^itvA pUrvoktamArgataH || 1|| laghunyAsena vA samyak pa~nchA~Ngena yathA vidhi | pIThAntaM pUjanaM kR^itvA pUjako bhasmabhUShitaH || 2|| bhUshuddhiM bhUtashuddhiM cha kR^itvA vA.atha svashaktitaH | sthAvare cheddvArachaNDagaNeshaskandapUrvakAn || 3|| astreNa digbandhanAdi kR^itvA hutvA cha pAvake | bhavAdyairnAmabhishchAvAhAhutIH samidhashcharum || 4|| svasUtroktena mArgeNa sthApya vahniM pR^ithagyajet | pa~nchatvakpallavopetamavraNaM kumbhameva hi || 5|| sampUrya shuddhairambhobhirApUrya vidhivattadA | taNDuleShu vidhAyaivaM puNyAhaM vAchayettataH || 6|| tatoM vai prokShya mUlena sAstreNa praNavena hi | prAk padadvArapAlAMshcha pUjya dhUpAdibhiH kramAt || 7|| antargR^ihaM pravishyaivaM li~NgaM sampUjayettataH | samuttArya yadAvAso nirmAlyaM taddbahistyajet || 8|| chaNDeshAyeti tadanu OMnametyAdipUrvakam | tilatailaiH pa~nchagavyaistathA pa~nchaphalairapi || 9|| shAlipiShTaistathA kalkairgandhapuShpodakairapi | bahirjaptatAmrakumbharudrasUktodakairapi || 10|| abhiShi~nchechcha li~Nge hi yathAvibhavameva hi | snAnakAle prakurvIta vAdyArAvaM manoharam || 11|| tataH sha~NkhodakeneshaM abhiShi~nchechcha mUlataH | vAso.abhiveShTayitveshaM gandhairlipyeta li~Ngakam || 12|| tripuNDraM dApayelli~Nge ghR^itadIpAvalImapi | bilvapatraistathottAnairuttarAgrairathArchayet || 13|| shatAShTanAmasa~NkhyAbhiH kusumairmAlikAdibhiH | dhUpaM dIpaM cha naivedyaM tAmbUlamupachArakam || 14|| ChatrachAmaramAyUravyajanAdarshakairapi | praNavAdyena mantreNa talli~Nge chApi bhaktitaH || 15|| nIrAjanaM nR^ittagItaM vAdyaM natvA pradakShiNAH | stotraM cheti samAsena sthAvareShu vidhiH shive || 16|| tato devIM gaNeshaM cha skandachaNDeshvarAdikAH | tattanmantreNa medhAvI talli~Ngaishcha namo.antakaiH || 17|| (tattanmantreNa medhAvI talli~NgaiH mantraiH) || 17|| upachAraishcha shivavatpUjyAste.amI gaNeshvarAH | mUlaberaM tu sampUjyaM prokShaNaM dhAtuberake || 18|| upachArairyathApUrvaM kuryAnnIrAjanaM pR^ithak | devyai pUrvaM gaNeshaM cha skandaM chaNDeshvaraM vR^iSham || 19|| nR^itteshaM dakShiNAmUrtiM somAskandaM samAcharet | shivasya sarpiShA proktaM snAnaM vApi sthire chare || 20|| tAvatA madhunA chaiva dadhnA kShIreNa tAvatA | sahasradhArAshatakaM sha~NkhairgoshR^i~NgajairjalaiH || 21|| pa~nchaviMshatimUrtInAmevaM pUjA trimUrtiShu | bhairavasyAntimA pUjA kAryA rAtrau divApi hi || 22|| nityAdapi dviguNitAM kuryAtpUjAM tathotsave | mAsarkShAyanayorevaM grahaNe somasUryayoH || 23|| parvaNyapi visheSheNa chareShUdvartanaM charet | pa~nchAmR^itAnAM snapane chaivamabhya~Ngake shive || 24|| snAnaM phalashataM j~neyamabhya~Nge pa~nchaviMshatiH | phalAnAM dve sahasre tu mahAsnAnaM prakIrtitam || 25|| pratiShThAsu mahAsnAnaM sthire chAbhya~NgakaM shive | snApayIta vidhAnena pratiShThAsu cha parvaNi || 26|| pradoShe somavAre cha chaturdashyaShTamIShu cha | pUjaivaM dviguNA kAryA shivarAtryAM tu yAmasu || 27|| ShaTtrikAleShvevamevaM ShaTkAle kAla uchyate | prAtaH sa~NgavamadhyAhnaH pradoSho.atha nishIthinI || 28|| aruNodayakAlashcha ShaTkAlaH sthAvarArchane | prAtarmadhyAhnasAyAhne pUjA syAchcharali~Ngake || 29|| varjayitvA nishIthaM cha mAghakR^iShNachaturdashIm | pratiShThAsu triguNitaM sthAvare pUjanaM bhavet || 30|| daive chArShe svayambhUte bhinne bhagne.atha sandhite | pUjAM mANDalikIM kuryAt triguNaM homatarpaNam || 31|| dvijAnAM bhojanaM chaiva chaturguNitamAcharet | sthAvare ja~Ngame chaiva eSha sAmAnyato vidhiH || 32|| chare vA sthAvare vApi mUrtInAM pUjanaM bhavet | sarvopachArairArAdhya madhye vatsa tato.archayet || 33|| prathame.aShTadale mUrtIH yajettatpuruShAdikAH | dikpatreShu gaNashreShThAnIshaM madhye samarchayet || 34|| pItAsitashvetaraktapatrabhAshchaturAnanAH | varAbhayamR^igAMshchaiva parashuM bibhratIH karaiH || 35|| koNapatreShu madhye cha nivR^ityAdyAH kalA yajet | nivR^ittishcha pratiShThA cha vidyA shAntistathaiva cha || 36|| shAntyatItA kalAH proktAstejorUpAH kramAttathA | AgneyyAM pUrva vAyavyAM madhye dikShu cha pUjayet || 37|| kesareShu ShaDa~NgAni dvitIye.aShTadale punaH | anenAdyantamanunA yajeddevAn pradakShiNam || 38|| anantasUkShmanAmAni shivottamamanantaram | ekanetraM chaikarudraM trimUrtiM tadanantaram || 39|| shitikaNThaM gaNashreShThaM shikhaNDinamiti kramAt | nIlapItasitAraktakR^iShNadhUsarasA~njanAH || 40|| kirITArpitabAlendUn padmasthAn nagabhUShaNAn | triNetrAn shUlavajreShu chApahastAn manoharAn || 41|| tato.archayedgaNashreShThAn tR^itIye.aShTadale punaH | umA chaNDeshvaro nandI mahAkAlo gaNeshvaraH || 42|| vR^iShabho bhR^i~NgI cha riTirityevaM tAn cha yathAkramam | uttaraM dalamArabhya pItanIlAruNAsitAn || 43|| uktAn hi varNataH shvetapATalAn kramataH sudhIH | chaturashre gaNashreShTha pUrvadikkramato yajet || 44|| indraM surAdhipaM pItaM vajrahastaM savAhanam | agniM tejo.adhipaM raktaM shaktihastaM subhUShitam || 45|| yamaM pretAdhipaM kR^iShNaM daNDahastaM samarchayet | rakSho.adhipaM nirR^itiM khaDgahastaM balonnatam || 46|| pAshahastaM sushubhrA~NgaM varuNaM yAdasAM patim | vAyuM prANAdhipaM dhUmraM a~NkushADhyakaraM yajet || 47|| yakShAdhipaM kuberaM cha shuklavarNaM gadAdharam | vidyAdhipaM tatheshAnaM shvetaM shUlakaraM yajet || 48|| nAgAdhipaM tathAnantaM gauraM cha shrIgalaM yajet | lokAdhipaM vidhAtAraM raktapadmAsanaM yajet || 49|| a~NkushaM raktavarNaM cha shuklavarNAM gadAM yajet | trishUlaM nIlavarNaM cha yajedagre samAhitaH || 50|| rathA~NgaM kuruvindAbhaM padmaM raktaM samarchayet | lokapAlAyudhAnyevaM kathitAni tavAnadha || 51|| ya evaM pUjayeddevaM sa sadyaH shivatAM vrajet | yadyashaktashchare vApi sthAvare vA gaNeshvara || 52|| kevalaM pa~nchamanubhiH pAdyArdhyAchamanIyakam | mUlena tryambakenApi shivamAvAhya pUjayet || 53|| shatAShTottarasa~NkhyAkaM japettatra ShaDakSharam | bhavAyeti tathaivAShTanAmabhiH pUjayettataH || 54|| mUlena dhUpadIpAdinaivedyaM cha visarjanam | strIshUdrANAM namo.antena pUjanaM parikIrtitam || 55|| praNavAdyantavarNena yatiH pa~nchAkShareNa hi | pUjayelli~NgamIshAnamanyeShAM cha yathAvidhi || 56|| nAsti li~NgArchanasamaM tapastribhuvaneshvari | yadyAcharatyevamevamAprANAntaM gaNottama || 57|| sa eva rudragaNapaH sa rudraH sa cha shAmbhavaH | tadekasmin dine tyaktvA pa~nchAbdaM narakaM vrajet | yadyekasmin dine tyaktA pa~nchAbdaM narakaM vrajet || 58|| evaM sthirAchAraparo hi li~NgaM sampUjayan bhuvi mune varabhogabhAk syAt | daivIM tathA sa cha gatiM labhate.anurUpAM mukto.atha bhaktiparamo mayi satyameva || 59|| || iti shivarahasyAntargate IshvaraproktaM shivali~NgArchanavidhyupadeshaM 1 sampUrNam || \- || shrIshivarahasyam | IshvarAkhyaH dashamAMshaH | adhyAyaH 45 charasthAvarali~NgArchA | 1\-59|| ## - .. shrIshivarahasyam . IshvarAkhyaH dashamAMshaH . adhyAyaH 45 charasthAvarali~NgArchA . 1-59.. Notes: Śiva ##shiva## describes the procedures of worshipping Him through Śivaliṅga ##shivali~Nga## wrt moveable i.e. a Caraliṅga ##charali~Nga## or Stationary i.e. a Sthāvaraliṅga ##sthAvarali~Nga##. He mentions about the worship especially during Parva ##parva##, Pradoṣa ##pradoSha##, Somavāra ##somavAra##, Caturdashī ##chaturdashI##, Aṣṭami ##aShTamI##, Śivarātri ##shivarAtri##, Śaṭkāla ##ShaTkAla## etc.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}