% Text title            : Ishvaraproktam Shivalingarchanopadesham
% File name             : IshvaraproktaMshivalingArchanopadesham.itx
% Category              : shiva, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 50 | vAvRittashlokAH ||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivalingarchanopadesham ..}##
\itxtitle{.. IshvaraproktaM shivali~NgArchanopadesham ..}##\endtitles ##
(shivarahasyAntargate IshvarAkhye)

\- shivagaurIsaMvAde \-

Ishvara uvAcha |
arkendu bimbeShvanale cha li~Nge
hR^idyuttamA~Nge mama devi pUjanam |
prashastamAhurnigamAgamAH shive
tatpUjanaM me saphalaM bhavetsadA || 10||
prAtardarshanamIshvarasya vipulaM naishaM vinashyedaghaM
madhyAhne hayamedhapuNyaphaladaM sAyAntane janmahR^it |
syAdardhendukalAvataMsabhajanaM sampUjanaM lokanaM
dhanyAnAM kila jAyate tribhuvane pApaughatApaughahR^it || 11||
arvAgAmalakAtsvatoladhutaraM li~NgaM na shastaM shive
sarvadravyabhavaM hi sUkShmamapi tadratnodbhavaM shasyate |
naitatsphATikadhAtumArakatake \.\.\.\.\.kottu~NginaM(?)
li~Nganaiva hi doShabhAgakamalaM tu~NgaM hi shasyeta me || 12||
sUkShme sphATika tathA marakate sadvidrume kITite
trAsastrAsakaro bhaveta girije tu~Nge na li~Nge tvagham |
mR^itsnA chApi chatuShTayA~NgulahitaM arvAk tato doShakR^it
pAShANaprabhavaM gR^iheShu nihitaM hantyeva puNyaM kR^itam || 13||
dhAtubhyo.apyadhikaM suratnakalitaM klR^iptaM tataH pArthivaM
tasmAdapyayutAdhikottamaphalaM syAdbANali~NgaM rasam |
shambhoruttamavIryajAnnahi paraM li~Nga tathA vai charaM
daivaM cha sthiramAryamAnuShakR^itaM svAyambhuvaM syAtphalam || 14||
pArthaprahArA~Nkitahemabindu\-
chitaM bhavennArmadali~NgamIshe |
tripa~nchavAraM tulayA na sAmyaM
prayAti tadbANa bhavaM prashastam || 15||
shvetaM muktidamambike.asitamaho puNyAbhivR^iddhipradaM
raktaM nArmadali~NgamapyaghaharaM dAridryadaM pUjanAt |
prAdeshAdadhikaM charArchanavidhau naitachcha tatsthAvaram || 16||
sapIThApIThaM vA bhavatu girije nArmadabhavaM
prashastaM hastAbhyAM spR^ishati yadi hastena bhayataH |
tathaivArchA bilvairyadi paramamuktiM kila labhet
gR^ihe saMsthaM kShetraM prabhavati tataH kShetramamaje || 17||
charAchare vA vipine nage vA
sthitaM cha li~NgaM yadi pUjya dR^iShTvA |
tadbANali~NgaM mama pUjyameva
tatsthAvarArchekShaNapuNyabhAk bhavet (syAt) || 18||
yaddattaM niyamArchanAya gurUNA li~NgaM prapUjyaM sadA
ratnasphATika dhAtubANakalite talli~Ngabha~Nge shive |
prANAnapyasamIkShya yastyajati (yo yajati) sa syAdbhaktavaryo.ambike
tasyAhaM vitarAmi muktimadhikAM tattulyamarcheta vA || 19||
IshArchanA virahitaM yadi bhakShyabhojya\-
mannaM phalaM kITaka sammitaM bhavet |
tyaktvA naro yassatu pa~nchavatsaraM
prataptashaile nivaset shivArchanAm || 20||
niyamAchChivali~Ngamarchayet
maraNe vApi tyajan sa eva pApI |
yadi santyajate pramAdato.archAM
sa hi kuryAchcha upoShya bhaktiyuktaH || 21||
na prANali~NganiyamaH kalijadvijAnAM
shastaH prashastamagaje kila hastabandham |
li~NgaM gale cha hR^idaye kila tAntrikANAM
devasya dhAraNavidhiM pravadanti vedAH || 22||
nAyaM vaidika sammato vidhirayaM li~NgArchane kevalam |
bhasmAkShAdi vidhAraNaM cha niyataM tyAjyaM na chaitat dvijaiH || 23||
sarvendriyAdirahito yadi putrakR^ityam |
tasyArchanaM bhavati shailasute trisatyam || 24||
tu~NgaM yAvachchali~NgaM pariNatirapi sA tAvatI yoniruktA
shaktA vistIrNa vR^ittA bhavati girisute unmukhI pIThatordhvA |
pIThaM chApi chatuShkavR^ittakalitaM talli~NgamAnA~NgulaM
vyAyAmochChritavR^ittamadhyarahitaM nyUnAdhikaM doShakR^it || 25||
nedaM mAnaM manoj~naM bhavati girisute li~NgamAne svayambhau (?)
vArShe.api vadanti mAnuShavidhau tatsthAvare vA chare |
ratnedhAtuvinirmite sphaTikaje syAnmR^ittikAkalpite
sUtrIpa~nchakametadeva kathitaM syAdbhogamokShapradam || 26||
nyUnAdhikaM bhavati doShakaraM hi li~NgaM
AyuH prajAdhanapashUn pravinAshayeta |
tasmAtsamA~NgulamidaM pravichArya kuryAt
li~NgaM manoj~namagaje vidhireSha shuddhaH || 27||
shambhorli~Nge svayambhau(?) R^iShisuranihite bANali~Nge chare vA
ratnasphATika dhAtusambhavamahAli~Nge mR^idA pArade |
dhyAtvA vA hR^idayAmbuje dvijavarashchaNDeshanirmAlyabhAk
no bhUyAditareShu vaidikavaraH tanna spR^isheddUShakam || 28||
eteShAmaghahAri nirmalataraM nirmAlyamapyadrije
chaNDeshAdhikR^itirna tatra kalitA na grAhyameva dvijaiH
tantreShvAgamayantramantrasahitaM strIshUdrasampUjitaM
na grAhyaM kila chaNDabhuktamagaje tadvaidikaiH kevalam || 29||
bANasphATika dhAtu li~Nga nivahe puNye rasendrodbhave
svAyambhau (?) hR^idayAbjakoshakalite dattampurastAddhi yat |
naivedyaM cha varAnna bhakShya phalajaM grAhyaM tathA vaidikaiH
anyat prakShAlyameShAM phalarasagaNajaM tyAjyamannaM tathAnyat || 30||
shAve chApisUtake.api girije malli~Ngasa~NgojjhitaH
dUrAdbilvadalaM tyajanti sudhiyaH(?) nityArchanA tena hi |
syAdevaM niyamo.apyajAyata shivastenaiva santuShyati || 31||
patraM triNetrapriyameva bilva\-
mapAtramapyadrisute supAtram |
karoti malli~Nga samarchanAsu
shuShkaM tathA paryuShitaM pavitram || 42||
ratnasvarNavinirmitorukusumaM yAdR^ik cha sa~NkShAlitaM
pUrvadyuH pratipAditaM girisute samyak punaH pUjayet |
tadvat kShAlitamevabilva magaje sa~NkShAlitaM pUjet
patrAlAbhavidhau shivArchakajanairnirmAlyatA nochitA || 44||
pradoShakAle shashikhaNDachUDa\-
li~NgaM vilokyaM vR^iShagoviShANayoH |
taddaNDasaMspR^iShTakaro narovaraH
sa sarvatIrthAplutavigraho bhavet || 45||
mandapradoSheShu visheShadarshino
vibhUtibhUShAH sahayoShavargAH |
sAnandamindushakalAbharaNottamA~Nga\-
li~NgArchanena sasurAshcha nayanti kAlam || 47||
R^iNatrayApAkaraNAya shastaM
pradoShakAlInashivArchanaM me |
tadduHkhadAridrya vinAshakaM shive
nityaM cha naimittikakAmadaM cha || 48||
vAravrate dvijagaNaishcha niShedhite.api
na tyAjya eva nagaje kila somavAraH |
sarveShu mAsagaNanAsu vishiShTamAso
yaH shrAvaNorjaparamo.api supuNyabhAk syAt (?) || 49||
somAmAsvapi naktabhojanarato bhakto.atha mukto bhavet
yukto vApyaghasa~nchayena girije suvyaktamevochyate |
saktashchApyupavAsakarmaNi sadA no chet divAntyakShaNe
kShINAghaH kila sha~NkarArchanarato bhuktvaiva mukto bhavet || 50||
kAlAShTamyAM nishIthe shatapathagadite yAminInAthachUDa\-
dhyAnAnandena li~NgArchanavidhividhuro mUDha eva dR^iDhaM saH |
tasyAM pa~nchAsyali~NgaM hR^idi bhuvi vihitaM pUjya bilvaistathAjyaiH
hutvA mAM nagakanyake shikhimukhe sAyujyamApnoti || 51||
chaturdashyAM Ishe shashirahitapakShAntya divase
nishIthavyApinyAM yadi yajati li~NgaM mama param |
prashastaM hastAbhyAM paridalitabilvachChadavaraiH
sa muktaH pApaughairbhajati cha vimuktiM dvijavaraH || 52||
kShIreNaiva shatAparAdhamagaje dadhnA sahasraM dhR^itaiH
sAhasraM dashakaM tathaiva madhunA tachchAyutaM vA sitAm |
dattvA malli~Ngamaulau phalakulajarasaiH sarvamIshe sahe.ahaM
tasmai tadvitarAmi bhaktiparamAnandaM muhuH shAmbhavam || 53||
nadyAM goShThe gR^ihe vA shikharishikharake puNyadeshe vane vA
bilvasyAdhaH shivAgre mama yadi vimalaM li~Ngamarchan prashastaH |
tattvekAdhikamuttarottaraguNaM prAhuH shivArchA vidhau
ga~NgAyAM yadi li~NgapUjanavidhiHsyAtkoTiguNyaH shive ||
dhAtubhyo ratnali~NgaM kila vimalamaho pUjayedbANali~Nge
tasmAdapyagaje rasendrakakR^ite syAtkoTili~NgArchanam |
puNyaM chApi disheta (?) muktimapi vai nAto.adhikaM kIrtyate
shuddhaM chedyadi muktidAyakamato nochetsukhAyuH pradam || 62||
mastaM yadbhasitatripuNDrakalitaM vishveshvare yannataM
hastau tau shivali~Nga pUjanaratau shastau cha bilvArchakau |
nastaM yachChivapAdapa~NkajalasatpuShpAmbujAghreyakaM
tannetre saphale triNetravilAlli~NgAvaloke tate || 68||
tatpAdau shivali~NgadhAmagatidA tatprakrameShUdyatau
chittaM tachChivamUrti chintanarataM vANI shivAkhyAstutau |
shastaM tasya samastabhAgyamagaje pApaM vishastaM bhavet || 69||
dhanyAsta eva sitabhasmalasattripuNDrAH
mAnyAsta eva shivali~NgasamarchakA me |
anye punarbhuvisukhaikaparA bhavanti
vanyA vanIprabhavakolakharAjatulyAH || 70||
vihAya shivapUjanaM kimiti kAyaduHkhAdhika\-
shramAshramaniShevaNairniyamayogasaMsevanaiH |
apAyadamidaM shive vimalamuktisandarshane
upAyamidameva yachChivakathAsu saktaM manaH || 71||
sugamo.ayaM vidhireva kevalo
nigamAnteShu nitAntabodhitaH |
agamAnAdhikapApavargahartA
bhaganetraghnamude bhaveddhi kartA || 71||

|| iti shivarahasyAntargate IshvaraproktaM shivali~NgArchanopadesham ||

\- || shrIshivarahasyam | IshvarAkhyaH dashamAMshaH | adhyAyaH 50 | vAvR^ittashlokAH ||
##
- .. shrIshivarahasyam . IshvarAkhyaH dashamAMshaH . adhyAyaH 50 . vAvRRittashlokAH ..

Notes:
Śiva ##shiva## details to Devī ##devI## about worshipping Him especially through Śivaliṅga ##shivali~Nga##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}