% Text title            : Ishvaraproktam Shivalingapujakathanam
% File name             : IshvaraproktaMshivalingapUjAkathanam.itx
% Category              : shiva, pUjA, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 43 | 2-51||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivalingapujakathanam ..}##
\itxtitle{.. IshvaraproktaM shivali~NgapUjAkathanam ..}##\endtitles ##
(shivarahasyAntargate IshvarAkhye)

\- shivagaurIsaMvAde \-

devyuvAcha |
deva deva mahAdeva kailAsashikharapriya || 2||
tava priyakarANIha kAni li~NgAni sha~Nkara |
teShAmutkarShataH shambho pUjAM chaivAdhikAritAm || 3||
vada li~NgAni kAni syustava pUjAvidhau shiva |
Ishvara uvAcha |
shR^iNu padmapalAshAkShi girije viraje.amale || 4||
nitye naimittike kAmye vakShye li~NgAnyanukramAt |
teShAM pUjAvidhiM chApi mAnaM lakShaNamIshvari || 5||
pArthivAttaijasaM li~NgaM variShThaM parikIrtitam |
taijasAdratnali~NgAni variShThAnyarchanAvidhau || 6||
charAcharavibhAgena li~NgaM dvedhA vinirmitam |
pAShANaM sthAvaraM prAhurbANali~Ngavivarjitam || 7||
tatsthUlaM sthAvaraM prAhushcharaM tu chatura~Ngulam |
sarvANyapi cha li~NgAni sthUlAnyeva prashasyate || 8||
ratnAni sUkShmali~NgAni prashastAni shubhAnane |
satrAsAnyapi li~NgAni shastAni mama pUjane || 9||
ratnali~NgeShu deveshi phalaM vakShye.anupUrvashaH |
AyurvR^iddhikaraM hIraM rogahR^inmauktikodbhavam || 10||
sukhakR^itpuShyarAgotthaM vaiDUryaM shatrunAshakam |
padmarAgaM cha lakShmIdaM indranIlaM yashaHpradam || 11||
vaidrumaM dhanadaM nityaM gomedaM putrapautradam |
li~NgaM mArakataM puShTau sphATikaM sarvakAmadam || 12||
hemajaM muktidaM devi rAjataM j~nAnadaM nR^iNAm |
pUjayettAmrali~NgaM tu puShTituShTipashupradam || 13||
putradaM paittalaM li~NgaM kAMsyaM kIrtipradaM shive |
shatrumAraNakAmastu li~NgaM lohamayaM japet (yajet) || 14||
tathA sIsamayaM li~NgamAyuShkAmo yajetsadA |
shive rasamaye li~Nge sadA sannihito.asmyaham || 15||
tatpUjayA koTili~NgapUjA hyahnaiva labhyate |
na pratiShThAdisaMskArastalli~Ngasya maheshvari || 16||
ratnadhAtujali~NgeShu shatAbdAnte pratiShThitiH |
pratimAyAM chitrapaTe tathAdarshe maheshvari || 17||
ayane parvayordevi tatra kuryAtpratiShThitim |
pArthivAdIni li~NgAni vakShyAmi parameshvari || 18||
mR^idbhavaM dArujaM li~NgaM saikataM piShTanirmitam |
gAndhaM saubhAgyadaM viddhi ChannamAyurvivardhanam || 19||
pauShpaM sarvArthadaM devi mAnadaM shR^i~Nga nirmitam |
senApatyapradaM puMsAM nAgadantamayaM shive || 20||
shAlipiShTodbhavaM li~NgaM pashudaM yavajaM balam |
godhUmajaM vAtaharaM maudgaM strI mAShajaM sukhaM (?) || 21||
tilakalkodbhavaM puNyaM sidhyarthamaghanAshanam |
gauDaM prItikaraM puMsAM navanItaM sukhapradam || 22||
gomayaM roganAshAya bhasmotthaM pApahR^ichChive |
lavaNaM maitradaM devi mUlajaM shatrunAshanam || 23||
vaMshA~NkurotthaM vaMshAdivR^iddhipradamanuttamam |
purakShobhakaraM pauraM rAmaThaM kuShThanAshanam || 24||
asthijaM mAraNaM proktaM keshajaM bhayadaM tvareH |
ku~NkumaM dhanadaM devi hAridraM ma~Ngalapradam || 25||
saubhAgyadaM cha karpUraM kastUrIsambhavaM sukham |
yAvatkAmaM pUjayettu li~NgAnyetAni sundari || 26||
vidhiH pArthivali~Ngasya samAsAnna tu vistarAt |
mR^illi~NgArchAvidhiM vakShye shR^iNu devi mayoditam || 27||
mR^idAhAraNasa~NghaTTapratiShThAvAnamIshvara |
snapanaM pUjanaM chaiva visarjanamataH param || 28||
haraH someshvarashchaiva shUlapANiH pinAkadhR^ik |
shivaH pashupatishchaiva mahAdeva iti priye || 29||
kechitpa~nchopachArAMstu pa~nchabrahmAdibhiH shive |
ShaDakShareNopachArAn kuryurdevi pR^ithak pR^ithak || 30||
praNavadichaturthyantairnamo.antairharanAmabhiH |
sarvamantramayashchAyamo~NkArAdyaiH ShaDakSharaiH || 31||
yaM yaM kAmamabhidhyAyettattatsa~Nkalpya pUjayet |
yAvatkAmasamAptirhi kuryAnmR^illi~NgapUjanam || 32||
dhyAnaM tasyaiva vihitaM pUjane parameshvari || 33||
dhyAyedevaM maheshaM rajatagirivasaM(charaM)chAruchandrAvataMsaM
ratnAkalpojjvalA~NgaM parashumR^igavarAbhItihastaM prasannam |
padmAsInaM hi devyA vR^itamamaravaraiH pArShadaistvamba devaM
vishveshaM vishvavandyaM nikhilabhayaharaM bhAvayetpa~nchavaktram || 34||
pa~nchopachAraiH sampUjya snAnAdIni sureshvari |
mUrtayo.aShTau shivasyaiva pUjanIyAshcha dikkramAt || 35||
sharvAya kShitirUpAya bhavAya jalamUrtaye |
rudrAya vahnirUpAya vAyave chogramUrtaye || 36||
bhImAyAkAshamUrtye cha yajeta pashupAya cha |
mahAdevAya somAya sUryamUrtyAtmaneti dik || 37||
stutvA dhyAtvA namaskR^itya pArthivaM tadvisarjayet |
evaM pApaharaM proktaM dvili~NgaM sarvasiddhidam || 38||
trili~NgaM pUjayennityaM sarvadaM pArthivaM shive |
li~NgAnAmayutaM pUjyaM mahArAjabhayApaham || 39||
sahasramekaM li~NgAnAM pUjyaM rogaharaM shive |
sahasrANi tathA pa~ncha putradaM pArthivArchanam || 40||
kArAgR^ihavimuktyarthaM shatamaShTottaraM yajet |
li~NgAnAM pArthivAnAM tu lakShaM syAnmokShasiddhidam || 41||
koTipArthivali~NgAnAM muktidaM syAnna saMshayaH |
sarvapArthivali~NgAnAM nityakAmyeShvayaM vidhiH || 42||
mR^illi~NgaM pArthivaM lakShaM bhuktimuktiphalapradam |
deshaM kAlaM balaM j~nAtvA phalaM chaiva visheShataH || 43||
vidyArthI li~NgasAhasraM dhanArthI cha tadardhakam |
putrArthIchArdhasAhasraM kanyArthI cha shatatrayam || 44||
vidvAn li~NgAyutaM kuryAtsarvapApaharaM param |
suhR^itkAmaH sahasraM tu dhanArthI cha sahasrakam || 45||
maraNArthI saptashataM mohanArthI shatAShTakam |
uchchATanArthI sAhasraM vashyArthI dvisahasrakam || 46||
dAridryanAshanArthaM tu pa~nchasAhasramIritam |
pArthivena tu li~Ngena bahavaH siddhimAgatAH || 47||
tatrApi pArthivaM li~NgaM kShiprasiddhipradaM shive |
kR^ite ratnamayaM li~NgaM tretAyAM hemasambhavam || 48||
dvApare pAradaM shreShThaM pArthivaM tu kalau yuge |
ratnadhAtusphaTikajapArthive naiva chaNDabhAk || 49||
naivedyaM chaiva nirmAlyaM grAhyameva na saMshayaH || 50||
li~NgAnyamUni kila shailasute.amalAni
tu~NgAni pArthivasudhAtujataijasAni |
sampUjitAni niyamena phalechChubhirvA
niShkAmamuktiparamANi sadaiva gauri || 51||

|| iti shivarahasyAntargate IshvaraproktaM shivali~NgapUjAkathanaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 43 li~NgapUjAkathanam  | 2\-51||
##
- .. shrIshivarahasyam . IshvarAkhyaH dashamAMshaH . adhyAyaH 43 li~NgapUjAkathanam  . 2-51..

Notes:
Upon being asked by Devī ##devI##; Śiva ##shiva## outlines the merits of worshipping Him through Śivaliṅga ##shivali~Nga## made of various materials.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}