% Text title : Ishvaraproktam Shivalingapratishthamahatmyam % File name : IshvaraproktaMshivalingapratiShThAmAhAtmyam.itx % Category : shiva, shivarahasya, mAhAtmya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 5 shivaliNgapratiShThAvidhiH | 8-79|| % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ishvaraproktam Shivalingapratishthamahatmyam ..}## \itxtitle{.. IshvaraproktaM shivali~NgapratiShThAmAhAtmyam ..}##\endtitles ## (shivarahasyAntargate mahAdevAkhye) \- shivagaurIsaMvAde \- shrImahAdeva uvAcha | shR^iNu padmapalashAkShi pratiShThAvidhimuttamam | shivali~Ngasya me devi ja~NgamasthAvarasya cha || 8|| shivakShetre girau nadyAM vane ga~NgAtaTe shubhe | himAlaye cha kedAre vArANasyAM maheshvari || 9|| ga~NgAdisa~Ngame vApi vaidyanAthe kurusthale | tathA bhadravaTe puNye rudrakoTau prabhAsake || 10|| puShkare cha tatho~NkAre li~NgaM sthApya supuNyabhAk | kR^iShNaveNyAH payoShNyAshcha godAvaryA maheshvari || 11|| tu~NgAyAshchAtha pampAyA vegavatyAstathA taTe | kShiprAyA narmadAyAshcha ga~NgAyamunayostaTe || 12|| taTeShu bhImarathyAshcha charmaNvatyA maheshvari | kaverajAyAstIreShu kShetreShveteShu sha~Nkari || 13|| shrIkaNThe cha tR^iNAvarte mAtR^iratnagirau tathA | jambukeshe pa~nchanade kumbhaghoNe.arjune tathA || 14|| shvatAraNye brahmavane puNye ChAyAvane shubhe | tathA dabhrasabhAyAM vA vR^iddhAdrau goNage tathA || 15|| li~NgapratiShThAdeshAH syurnadIkShetrANyamUni me | puNyAni cha pratiShThAsu navAraNyAni sha~Nkari || 16|| naimishaM daNDakAraNyaM brahmAraNyaM maheshvari | kushAraNyaM devavanaM rudrANyaM bR^ihadvanam || 17|| kAla~njaraM padmavanaM saptaparyo.atra puNyadAH | pratiShThAyAM mahAdevi shivali~Ngasya sattame || 18|| ayodhyA madhurA mAyA kAshI kA~nchI avantikA | purI dvAravatI devi pratiShThAsu mahAphalAH || 19|| kulAchaleShvapIshInI pratiShThA sumahAphalA | niShadhaH kumudo vindhyaH pAriyAtrashcha nIlakaH || 20|| merudardarakailAsau dakShiNe hemakUTakaH | kulAchaleShvathaiteShu sthApya li~NgaM mahAphalam || 21|| mahAkailAsamaulau tu shivali~NgapratiShThitiH | durlabhA sarvadevAnAM manuShyANAM tu kiM punaH || 22|| sarvakShetranadItIravanaparvatamaulitaH | vishiShTA.atra mahAdevi koTikoTiguNAdhikA || 23|| svAyambhuvaM tathA daivamArShaM mAnuShameva cha | svAyambhuvasya li~Ngasya paritaH kroshameva hi || 24|| tatra vAso vishiShTAnAM bhavatItyeva me manaH | tatraiva maraNAjjantoH shivaloko na saMshayaH || 25|| devechApi tadardhaMsyAtparimANaM cha mAnuShe | bANaM svayambhutulyaM syAtkShetramAnaM sadaiva hi || 26|| kShetre li~NgasthApanAchcha puNyaM nadyAstaTe shatam | vaneShu sthApitaM tasmAttato.api girimauligam || 27|| navadhAtujali~NgAni samutkR^iShTAni sha~Nkari | navaratnodbhavAnyeva mahotkR^iShTAni shailaje || 28|| tato rasendrakalitaM bANali~NgaM tato.adhikam | na pratiShThA na cha sparsho bANali~NgeShu vidyate || 29|| sapIThamastvapIThaM vA bANali~NgaM prapUjayet | bANali~NgaM tu shUdreNa yadi devi pratiShThitam || 30|| sarveShAM darshanArchAsu adhikAro bhaviShyati | kevalaM syAchChilAli~NgaM na dR^ishyaM sarvathA dvijaiH || 31|| sarvathAmarakataM li~NgaM na kAryaM ratnavarjitam | dhAtujaM chA~NgulaiH ShaDbhiHsphATikaM syAdyathochitam || 32|| vitastimAtraM mR^illi~NgaM kAryaM vai sarvadA shive | tato nyUnaM haredAyurbANaM prAdeshasaMmitam || 33|| gR^ihasthaishcha gR^ihe pUjyaM sthAvareShu tato.adhikam | li~NgamastakavistAro li~NgochChAyasamaH shive || 34|| vedhA cha taddviguNitA tadvatpIThamume sthitam | gomukhI taddviguNitA pa~nchasUtraM viduHshive || 35|| pa~nchapAtakanAshAya pa~nchasUtraM viduHsadA | nyUnAdhike haredAyuH kIrtyArogyavinAshanam || 36|| sarvadravyakR^itaM li~NgaM pa~nchasUtraM prashasyate | naivAyaM niyamo devi svayambhUte.atha shasyate || 37|| aratnimAtrAdUrdhvaM yatsthAvaraM li~Ngameva hi | na sthApyaM tadgR^ihe gauri sthApyaM tachcha shivAlaye || 38|| pratimA vA maheshasya devatAnAM maheshvari | vitastimAtrAdUrdhvaM chennArchyA.asau vai gR^ihe sadA || 39|| mR^iddhAtunirmitA vA syAt pAShANaprabhavA.athavA | pratiShThApyArchayetsA tu tadUrdhvA syAchChivAlaye || 40|| mUrtayo.aShTau maheshasya pa~nchaviMshatparImitAH | samAkArA sya(sva)netrAntAH pratiShThApya gaNo bhavet || 41|| gR^ihe shivAlaye vApi mUrtayo.amI(mUH) maheshituH | umAsahAyo nR^ittesho dakShiNAmUrtireva vA || 42|| ka~NkAlo li~NgabhAgasthastathA shUladharoharaH | chandrachUDo vR^iShA~Nkastho.apyardhanArIshvaraH shive || 43|| kapAlapANirvarado viShNave brahmaNe shive | digambaraH kAlanAsho gajacharmaparIvR^itaH || 44|| kailAsavAso.aghorAtmA sadyojAto.athapUruShaH(tatpUruShaH) | vAmadevastatheshAnastripurAntakaro haraH || 45|| etAshchAnyAshcha yo mUrtIH pratiShThApyArchayechChive | dhAtujAnAM cha li~NgAnAM pratimAnAmapIshvari || 46|| charANAM chAsthirANAM cha shatavarShAtpratiShThitiH | vaidikI chAgamI yA~ncha pratiShThA dvividhA shive || 47|| khaNDasphuTitadagdheShu pAShaNDapatitAntyajaiH | shUdraiH spR^iShTe pratiShThA syAt punaH saMskArapUrvakam || 48|| antyajopahatAnAM tu parityAgo jale bhuvi | charANAM sthAvarANAM vA tathA svAyambhuve.api vA || 49|| svAyambhuvIyali~Ngasya shakalaM vedikAsvapi | aShTabandhakadravyeNa yojya badhvA pratiShThitiH || 50|| AgAmI chAgamIyAnAM tulo chandra vibhUShite | vasanto.atha R^iturdevi vArShikaH shashirodhakaH || 52|| uttarAshAgate bhAnau li~NgaM sthApyArchayechChive | mAghaphAlgunavaishAkhe jyeShTha AShADha eva cha || 53|| mAseShu shukla pakSheShu li~NgasthApanamuttamam | aShTamyAM vA chaturdashyAM parvaNorvA maheshvari || 54|| somavAre.athavA bhadre ravibhaumabudheShvapi | sthirapratiShThA cha sthirarthaM cha chare varam || 55|| shAntairdvijavarairdevi shivabhaktairjitendriyaiH | shatAvaraiH sthAvareShu R^itvijaH parikIrtitAH || 56|| dasha trayo vA viprendrAH shivabhaktAH suvAsasaH | bhasmarudrAkShasampannAstripuNDraparimaNDitAH || 57|| charali~NgapratiShThAyAM varaNIyA dvijottamAH | brahmA sadasyAshchAchAryo madhuparkeNa pUjitAH || 58|| vAsobhirahataishchaiva gobhiH pUjyA yathAbalam | vastrAla~NkaraNai ratnairdhanairdhAnyairgR^ihairapi || 59|| pUjanIyAH pratiShThAdau brahmaNA vedapAragAH | dhAnyAdhivAsaH kartavyo jalavAsashcha sha~Nkari || 60|| pratimAyAshcha li~Nagasya kartavyo.atha vijAnatA | droNatrayaM dhAnyamiti jalakumbhaM sapallavam || 61|| nadInadAhR^itaistoyairvApIkUpAhR^itaistathA | navadhAnyAni vAsAMsi samAhR^itya dvijaiH saha || 62|| tathaivauShadhayaH puNyA viShNukrAntApamArgakAH | darbhAgrAshcha tathA dUrvA yavAgrANyatha meNDi(thi)kAH || 63|| pallavAH syurume pa~ncha kalkAnyapi sumadhyame | samAhR^itya shubhe deshe gomayenopalepite || 64|| ra~NgavalyAdishobhADhye maNDape puShpamaNDite | gaNeshamAdau sampUjya nAndIshrAddhaM vidhAya cha || 65|| tataH pratisaraM kR^itvA brAhmaNAnanumantrya cha | palyA saha samAsIna araje vAsasI dadhat || 66|| sa~Nkalpya varayedvidvAn AchAryaM cha sadasyakam | brahmANaM cha pratiShThApya dinatrayematheshvari || 67|| bodhAyanoktavidhinA pratiShThApya maheshvaram | hAvayetpAyasairvidvAn charuNA sadhR^itena vA || 68|| svasvashAkhoktamArgeNa pratiShThApya hutAshanam | kumbhAbhiShekaM kR^itvaiva mUlena praNavena vA || 69|| netronmIlanavarjaM cha li~Nge cha pratimAsvapi | kuryAnnetronmIlanAdi pratimAsvapi sha~Nkari || 70|| mahAbhiShekavidhinA pUjayelli~Ngamaishvaram | pa~nchAmR^itaiH pa~nchagavyaistathA phalarasairapi || 71|| shrIrudreNAbhiSheko.atra kartavyashchamakairapi | vastrairgandhaishcha dhUpaishcha dIpanaivedyakalpanaiH || 72|| tAmbUlanIrAjanataH pUjayechChatrachAmaraiH | pradakShNAnamaskAraiH saMstuvIta maheshvaram || 73|| namaste devadevAya shivAyAkAshamUrtaye | bhavAya bhavyarUpAya harabhUmyAtmane namaH || 74|| vyaktAvyaktAya somAya jalarUpAya te namaH | ugrAya bhImarUpAya vAyumUrtyAtmane namaH || 75|| vyomakeshAya nityAya tejomUrtyAtmane namaH | evaM saMstutya deveshi prArthayechCha~Nkare kShamAm || 76|| jAnatA.ajAnatA vApi pratiShThA yA mayA kR^itA || 77|| tAM kShamasva mahAdeva li~Nge.asmin susthiro bhava | tato.archayedgandhapuShpairdhanairgobhiH prapUjayet || 78|| AchAryaM R^itvijashchaiva dInA.anAthAn dvijottamAn | bhojayechChivabhaktAMshcha dakShiNAbhiH pratoShayet || 79|| || iti shivarahasyAntargate IshvaraproktaM shivali~NgapratiShThAmAhAtmyaM sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 5 shivali~NgapratiShThAvidhiH | 8\-79|| ## - .. shrIshivarahasyam . mahAdevAkhyaH ekAdashamAMshaH . adhyAyaH 5 shivalingapratiShThAvidhiH . 8-79.. Notes: Upon being asked by Devī ##devI##; Śiva ##shiva## describes the procedure of installing of and worshipping Him through Śivaliṅga ##shivali~Nga## wrt Stationary i.e. a Sthāvaraliṅga ##sthAvarali~Nga## and Moveable i.e. a Caraliṅga ##charali~Nga##. He outlines the optimal timings (tithi ##tithi##, vāra ##vAra##, māsa ##mAsa## etc. for the installation of the Śivaliṅga ##shivali~Nga##. Śiva ##shiva## mentions about the extension/unfolding of His Eight (8) Forms i.e. Aṣṭamūrti ##aShTamUrti## to Twenty-Five (25) Forms i.e. PañcaviṃśaMūrti ##pa~nchaviMshamUrti##.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}