% Text title            : Ishvaraproktam Shivalingasnapanopadesham
% File name             : IshvaraproktaMshivalingasnApanopadesham.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 8 | 11-76||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivalingasnapanopadesham ..}##
\itxtitle{.. IshvaraproktaM shivali~NgasnApanopadesham ..}##\endtitles ##
(shivarahasyAntargate mahAdevAkhye)

\- shivagaurIsaMvAde \-

Ishvara uvAcha |

pAtrANi shivapUjArthamAharechcha yathAbalam |
mR^idvashmadArujAnIshe dhAtujAnyadharottaram || 11||
ashmapAtrAddArumayaM bilvaudumbaraparNajam |
snAnArghyadAnavidhiShu prashastaM shivapUjane || 12||
dAraveNArghyapAtreNa yaddatvA labhate phalam |
tasmAchchaturguNaM puNyaM shive mR^itpAtradAnataH || 13||
tAmrapAtrAdapi shreShThaM kAMsyapaittalasambhavam |
tAmrapAtrAbhiShekeNa phalaM shataguNaM labhet || 14||
palAshapadmapatrAbhyAmarghyaM tAmrasamaM bhavet |
raupyapAtreNa vij~neyaM tasmAllakShaguNAdhikam || 15||
suvarNapAtraM cha tato devi koTiguNottamam |
evaM snAnArghya naivedyabalidhUpAdibhiH kramAt || 16||
pAtrottaravisheSheNa phalaM syAtparameshvare(ri) |
mR^itkumbhatAmrakugbhena snAnaM shataguNottamam || 17||
raupyaM lakShAdhikaM puNyaM haimaM koTyadhikaM bhavet |
arghyaM puShpajalopetaM yaH shivAya nivedayet || 18||
sa pUjyaH sarvalokeShu shivavanmodate bhR^isham |
gandhatoyena saMmishraM puShpArdhyAduttarottaram || 19||
pa~nchagavyasamAyuktamarghyaM shataguNottaram |
ApaH kShIrakushAgrANi ghR^itaM devi cha taNDulAH || 20||
tilAH siddhArthakAshchaivamarghyamaShTA~Ngamuchyate |
ghR^itaM vinAkShataM grAhyamiti kechitprachakShate || 21||
yavataNDulagodhUmamAShairakShatamAdishet |
arghyamaShTA~NgamApUrya li~NgamUrdhni vishodhayet || 22||
dashavarShasahasrANi shivaloke mahIyate |
kapilApa~nchagavyena dhR^itakShIrayutena cha || 23||
snAnaM dashaguNaM j~neyamitarasmAnnasaMshayaH |
snAnaM phalashataM j~neyamabhya~NgaH pa~nchaviMshatiH || 24||
phalAnAM dve sahasre tu mahAsnAnaM shive viduH |
payodadhighR^itakShaudrasharkarAdyairanukramAt || 25||
IshAdimantraiH saMsthApya shivalokamavApnuyAt |
yaH pumAn tilatailena karayantrodbhavena cha || 26||
shivAbhiShekaM kurute sa me priyataro bhavet |
abhiSheko dashaphalaH snAnArthaM shatamIshvari || 27||
mahAsnAne hyashaktasya kumbhaM droNatrayaM shive |
pa~nchaviMshatpalenaiva li~Nge.abhya~NgaM tu kArayet || 28||
ghR^itena vA.atha tailena gandhayuktena vA shive |
shivasya sarpiShA snAnaM proktaM palashatena vai || 29||
palAnAM dvisahasreNa mahAsnAnaM vidhIyate |
tasyArdhaM madhunA devi dadhnA tatsamamIshvari || 30||
tatpAdataH sharkarayA snAnametachChive mama |
nIrasnAnayutaM devi dadhnA ghR^itapayastataH || 31||
madhunA sitayA devi puNyaM syAttachChatAdhikam |
pAdasnAnaM mahAdevi kumbhatrayamitIritam || 32||
kShIrasnAnaM maheshasya kApilenetareNa vA |
kuryAttasyAparAdhAni(dhAMshcha)kShamate sha~NkaraHshatam || 33||
khaNDadadhnA yo.abhiShi~nchet sahasraM kShamate shivaH |
varShakoTisahasraistu yatpApaM samupArjitam || 34||
ghR^itAbhiSheko li~Ngasya dahetsarvaM na saMshayaH |
li~Ngasya darshanaM puNyaM darshanAtsparshanaM varam || 35||
sparshanAdarchanaM kSheShThaM ghR^itasnAmataH param |
madhusnAnena deveshi ashvamedhaphalaM labhet (bhavet) || 36||
sitayA snApya mAM devi sarvajIvavadhodbhavaiH |
pApairna lipyate gauri puNyaM mahadavApnuyAt || 37||
kR^iShNAShTamyAM somavAre pradoShe vA maheshvari |
ghR^itasnAnakaro yashcha sa phalaM labhate shive || 38||
kulaikaviMshamUrtishcha shivaloke mahIyate |
kShIrasnAnAt kSharatyaMhaH devi janmashatArjitam || 39||
kShIreNa dadhnAjyenApi sitayA madhunA phalam |
abhiShichya mudA li~NagaM labhet (?) parvaNi vA shive || 40||
sa~NkrAntAvayane pAte grahaNe somasUryayoH |
ayutaM yo gavAM dadyAchChAmbhaveShu cha yajvasu || 41||
vastrahemasavatsAnAM dvijavaryeShu tallabhet (?) |
nArikelodakenApi yo.abhiShi~nchenmaheshvari || 42||
charaM vA sthirali~NgaM vA snAnamAtreNa puNyabhAk |
gavAmayanayaj~nasya kadalIphalamAnataH || 43||
phalAnAM cha sahasrANi snAnaM rambhAphale viduH |
shataM vA dashakaM vApi madhyamAdhamamuchyate || 44||
snApya rambhAphalairli~NgamurvarAdAnajaM labhet |
koshairyaH pAnasAnAM tu abhiSheke shataM shive || 45||
sahasraM paramaM devi shataM madhyamamuchyate |
eShAmekatamaM snAnaM godAnadashakaM phalam || 46||
snAnamikShurasenApi yo li~Nge sakR^idAcharet |
labhechChivaM vaMshashatairmama loke mahIyate || 47||
pakvAmrasurasairdevi abhiShichya maheshvaram |
jambIrasArairyau li~NgaM snApayedbhaktisaMyutaH || 48||
vidhUya pApakalilaM somavadrAjate shive |
kushatoyena yo li~NgaM snApayedbhaktimAnnaraH || 49||
kA~nchanena vimAnena brahmaloke mahIyate |
gandhachandanatoyena yo li~NgaM snApayechChive || 50||
gandharvalokamApnoti divi gandharvapUjitaH |
puShpodakena sAvitraM kauberaM hima(hema)vAriNA || 51||
ratnodakena chApyaindraM lokaM samprApya modate |
droNayAndhasAM rAshiM droNapuShpanibhaM shive || 52||
datvA li~Ngasya maulau me matsamIpyamupaiShyati |
puNyaM sa labhate gauri shivarAtrau shatAdhikam || 53||
sitena bhasmanA snApya gandhinA shodhitena cha |
droNapa~nchakamAnena sa madagre pramodate || 54||
kUpodakAchcha tATAkaM tATAkAdvApyamuttamam |
nadInAM chaiva sarvAsAM puNyAnAM chAbdhisa~Ngajam || 55||
varaM ga~NgA mahAdevi snAne paryuShitaM na me |
vastrapUtena toyena yo li~NgaM sthApayet sakR^it || 56||
sarvakAmasamR^iddhAtmA vAruNaM lokamApnuyAt |
pATalotpalapadmAni karavIrANi champakam || 57||
snAnakAle.ambuyojyAni kalkAni surabhINi cha |
tenAbhiShichya li~Nge me rAjasUyaphalaM labhet || 58||
karpUrAgarutoyena yo li~NgaM snApayet sakR^it |
sarvapApavinirmuktaH prayAti shivamandiram || 59||
pitR^Inuddishya yo li~NgaM snApayechChItavAriNA |
tR^iptAH svargaM prayAsyanti pitaro narakAdapi || 60||
li~NgaM snApya mahAdevi jalAvichChinnadhArayA |
grIShme galantikAbhirvA nairantaryaM divAnisham || 61||
sa me gaNeshaH skandaH syAt ashvamedhAyutaM labhet |
shrIkhaNDadravasAreNa yo vilimpedumAsakham || 62||
grIShmartau sakala vA pauNDarIkaphalaM labhet |
kR^iShNAgaruM devadAruM prabhavaM shrItarorapi || 63||
gandhaM datvA chandramaulau dvAdashAhaphalaM labhet |
triphalaM chandanaM proktaM ku~NkumaM tatsamaM smR^itam || 64||
karpUraM tu tadardhaM syAt ghanasArashcha tatsamaH |
palamekaM cha kastUryAH melanAdyakShakardamaH || 65||
yakShakardamapa~Nkena yo vilipya maheshvaram |
so.agnichityA.ayutamakhaphalamApnoti mAnavaH || 66||
li~NgamUrtermaheshasya shivasya paramAtmanaH |
snAnakAle prakurvIta tauryatrikaravaM shive || 67||
bherImaddalasha~NkhAnAM kAhalaM varadundubhIn |
vINAveNumahADhakkApaTahAnakaDambarAH || 68||
kAMsyajhallaravAdyebhyashcharmavAdyaM vishiShyate |
tato mukhena chAdhmAtaM tatastantrIbhavaM shive || 69||
evaM vAditraghoShaM yaH prakuryAtsnAna karmaNi |
vaMshalakShato dhImAnmama loke mahIyate || 70||
nATyArthama~NganAjAlaM layashikShAsamanvitam |
taruNaM rUpasampannaM geyavAditrakovidam || 71||
datvA li~NgAlaye bhadre sarvAmR^iddhimavApnuyAt |
ghR^itAbhya~Nge ghR^itasnAne yaddhili~Ngasya rUShitam || 72||
yavagodhUmajaishchUrNaiH kaShAyairgandhayojitaiH |
kavoShNenAmbunA devi snApayettadanantaram || 73||
gharShayedbilvapatraishcha li~NgapIThaM sushodhayet |
dashadhenusahasrANi dadataH phalamApnuyAt || 74||
kapilApa~nchagavyena kushavAriyutena cha |
snApayenmantrapUtena brahmasnAnamaghApaham || 75||
Ishvara uvAcha |

sha~NkhAnAM cha sahasrakairapi tathA dhArA sahastrIghaTaiH
kumbhaishChidrashatAShTakairvaragavAM shR^i~NgAgradhArAdibhiH |
snApyAmbuprabhavaiH maheshajanima shrIrudramantraiHshive
puNyaM prApya sa modate girisute kailAsamaulau gaNaH ||

|| iti shivarahasyAntargate IshvaraproktaM shivali~NgasnApanopadeshaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 8 | 11\-76||
##
- .. shrIshivarahasyam . mahAdevAkhyaH ekAdashamAMshaH . adhyAyaH 8 . 11-76..

Notes:

Śiva ##shiva## describes to Devī ##devI##, the various Pātra ##pAtra## and Dravya ##dravya## to be used for ŚivaliṅgaSnāpana ##shivali~NgasnApana##.

More details of various are mentioned in ŚivaRahasyaṃ Ekādaśamāṃśaḥ Adhyāyaḥ 11 ##shivarahasyamekAdashamAMshaH adhyAyaH 11####

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}