% Text title            : Ishvaraproktam Shivapanchaksharamantrajapavidhyupadesham
% File name             : IshvaraproktaMshivapanchAkSharamantrajapavidhyupadesham.itx
% Category              : shiva, mantra, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 38 | 1-25||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivapanchaksharamantrajapavidhyupadesham ..}##
\itxtitle{.. IshvaraproktaM shivapa~nchAkSharamantrajapavidhyupadesham ..}##\endtitles ##
(shivarahasyAntargate IshvarAkhye)

\- shivagaurIsaMvAde \-

IshvaraH (uvAcha)
pa~nchAkSharamR^iShishChando bIjashaktI cha daivatam |
nyAsaM ShaDa~NgadigbandhaM viniyogamasheShataH || 1||
proktavAnahamAryANAM jagataH sR^iShTihetave |
tatastanmantramAhAtmyAdR^iShayastapasedhitAH || 2||
sR^iShTiM vitanvate samyak sadevAsuramAnuShAm |
asyAH paramavidyAyA svarUpamadhunochyate || 3||
Adau namaH prayoktavyaM shivAyeti tataH param |
saiShA pa~nchAkSharI vidyA sarvashrutishirogatA || 4||
shabdajAtasya sarvasya bIjabhUtA samAsataH |
prathamaM manmukhodgIrNA sA mamaivAtmavAchikA || 5||
tadA chAmIkaraprakhyA pInonnatapayodharA |
chaturbhujA triNayanA bAlendukR^itashekharA || 6||
padmotpaladharA saumya varadAbhayapANikA |
sarvalakShaNasampannA sarvAbharaNabhUShitA || 7||
sitapadmAsanAsInA nIlaku~nchitamUrdhajA |
asyAM pa~nchavidhAvarNAH prasphuradrashmimaNDalAH || 8||
pItaH kR^iShNastathA dhUmraH shvetAbho rakta eva cha |
pR^ithakprayojyA evaite bindunAdavibhUShitAH || 9||
ardhachandrAkR^itirbindurnAdo dIptashikhAkR^itiH |
bIjaM dvitIyaM bIjeShu mantrasyAsya varAnane || 10||
gautamo.atrirvarArohe vishvAmitrastathA~NgirAH |
bharadvAjashcha varNAnAM kramashaH R^iShayaH smR^itAH || 11||
gAyatryanuShTubh triShTubh ChandAMsi bR^ihatI virAT |
indro rudro harirbrahmA skandasteShAM cha devatAH || 12||
mama pa~nchamukhAnyAhuH sthAnaM teShAM varAnane |
pUrvAdichordhvaparyantaM nakArAdi yathAkramam || 13||
udAttaH prathamo varNaH chaturthashcha dvitIyakaH |
pa~nchamaH svaritashchaiva madhyamo nihataHsmR^itaH || 14||
mUlavidyA shivasyaiva sUtraM pa~nchAkSharaM tathA |
nAmAnyasya vijAnIyAt saiva me hR^idayaM matam || 15||
nakAraH shira uchyeta makArastu shikhochyate |
shikAraM kavachaM tadvat vAkAro netramuchyate || 16||
yakAro.astraM namaH svAhA vaShaDDhuM vauShaDityapi |
phaDityapi cha varNAnAM mata~NgatvaM yathA tathA || 17||
tavApi mUlamantro.ayaM ki~nchidbhedasamanvayAt |
tatrAsya pa~nchamo varNo dvAdashasvarabhUShitaH || 18||
tasmAdanena mantreNa manovAkkAyabhedataH |
AvayorarchanaM kuryAjjapahomAdikaM tathA || 19||
yathApraj~naM yathAshraddhaM yathAkAlaM yathAsmR^iti |
yathAshakti yathAsampat yathAyogaM yathArati || 20||
yadA kadApi vA bhaktyA yatrakutrApi vA kR^itA |
yena kenApi vA devi pUjA muktiM nayiShyati || 21||
mayyAsaktena manasA yatkR^itaM mama sundari |
tatpriyaM cha shivaM chaiva krameNApyakrameNa vA || 22||
tathApi mama bhaktA ye na santi vivashAH punaH |
teShAmarthena shAstreShu mayaiva niyamaH kR^itaH || 23||
pa~nchAkSharakShapitapApagaNaM cha kR^itsnam |
rakShAbhiliptashirasAmabhirakShakeyam || 24||
rUkShAbhavantyakhilarAkShasayakShasa~NghAH
sandhukShitAH paribhavanti shivAkShajAlaiH |
prAtaH pradoShe nishi vAsare vA
tryakShAnuraktahR^idayo japati pramodAt || 25||

|| iti shivarahasyAntargate IshvaraproktaM shivapa~nchAkSharamantrajapaphalaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 38 | 1\-25||
##
- .. shrIshivarahasyam . IshvarAkhyaH dashamAMshaH . adhyAyaH 38 . 1-25..

Notes:
Śiva ##shiva## describes to Devī ##devI##; the ŚivaPañcākṣari Vidyā ##shivapa~nchAkSharI vidyA## and the procedure for conducting the Japa ##japa## of the ŚivaPaṅcākṣaraMantra ##shivapa~nchAkSharamantra## i.e. Namaḥ Śivāya ##namaH shivAya##; anytime like Prataḥ ##prAtaH##, Pradośa ##pradoSha##, Nishi ##nishi##, Vāsaraḥ ##vAsaraH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}