% Text title            : Ishvaraproktam Shivapanchavimshatimurtikaranam
% File name             : IshvaraproktaMshivapanchaviMshatimUrtikaraNam.itx
% Category              : shiva, shivarahasya, viMshati
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 6 shivaliNgapratiShThA | 26-87||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivapanchavimshatimurtikaranam ..}##
\itxtitle{.. IshvaraproktaM shivapa~nchaviMshatimUrtikaraNam ..}##\endtitles ##
(shivarahasyAntargate mahAdevAkhye)

\- shivagaurIsaMvAde \-

pa~nchaviMshatimUrtInAmAlayAni samantataH |
shlakShNAni cha manoj~nAni sukuTTimayutAni cha || 26||
chitradhvajapatAkAgrasvarNakumbhayutAni cha |
kR^itvA yatphalamApnoti tadekAgramanAH shR^iNuH || 27||
skandomAsahitaM devamAsInaM paramAsane |
kR^itvA bhaktyA pratiShThAya sarvAn kAmAnavApnuyAt || 28||
kailAse saMvasedeva dakShiNe viShNupa~nchakam |
yAvatkAlenasantiShThet tAvadbhogabhugavyayaH || 29||
ekapAdaM chaturbAhuM triNetraM shUlasaMyutam |
dR^iShTvAsthitaM hariM vAme dakShiNevidhimavyayam || 30||
aShTAviMshatikoTInAM kAraNaM svA~Ngato haraH |
vinirmAyAtha mUrtInAM pa~nchaviMshatikaM tathA || 31||
puruShaM hR^idayAddevi sadyojAtaM tu pAdataH |
aghoraM vaktrataH shambhurhastAbhyAM vAmamIshvaram || 32||
IshAnamUrdhvataH shambhurnirmAyAgre sachAsR^ijat |
prakR^itiM vAmatashchaiva chetanAM buddhideshataH || 33||
aha~NkArAdaha~NkAraM tanmAtrANi cha mAtrayA |
indriyANIndriyAddevi lIlayA parameshvaraH || 34||
pR^ithivIM pAdadeshAtsa guhyadeshAjjalaM tathA |
nAbhideshAnmahAvaniM hR^idayAdbhAskaraM tathA || 35||
karNAtsomaM tathAtmAnaM bhrUmadhyAnmastakAddivam |
sR^iShTvaiva saMsthitaH sAkShAjjagatsarvaM charAcharam || 36||
pa~nchaviMshatimUrtIshcha prAvishatsvena tejasA
ekAMshena mahAdeva ekadhA bahudhA shrutaH || 37||
vAmA~NgasthitalokeshaharibhyAM chaivasevitaH |
sarvaj~naM sarvagaM devaM kR^itvA bhaktyA vidhAnataH || 38||
pratiShThApya yathAnyAyaM shivasAyujyamApnuyAt |
tripAdaM saptahastaM cha chatuHshR^i~NgaM dvishIrShakam || 39||
vR^i(kR^i)tvA yaj~neshamIshAnamagniloke mahIyate |
tatra bhuktvA mahAbhogAn kalpalakShaM sukhI naraH || 40||
kramAdAgatya loke.asmin dharAdhIsho bhavennR^ipaH |
vR^iShArUDhaM tu yaH kuryAt somaM somArdhabhUShaNam || 41||
hayamedhAyutaM puNyaM kR^itvA prApyendravallabhaH |
kA~nchanena vimAnena ki~NkiNIjAlamAlinA || 42||
gatvA shivapuraM divyaM tatraiva sa vimuchyate |
nandinA sahitaM devaM sAmbaM sagaNamavyayam || 43||
kR^itvA yatphalamApnoti tatte vakShyAmyanuttamam |
sUryamaNDalasa~NkAshairvimAnairvR^iShasaMyutaiH || 44||
apsarogaNasa~NkIrNaiH devadAnavadurlabhaiH |
nR^ityadbhirapsaraHsa~NghaiH puShpagandhamanoharaiH || 45||
gatvA shivapuraM divyaM gANapatyamavApnuyAt |
nR^ityantaM devadeveshaM shailajAsahitaM prabhum || 46||
sahasrabAhuM deveshi chaturbAhumathApi vA |
nandyAdyairbhUtasa~Nghaishcha saMvR^itaM parameshvaram || 47||
kR^itvA bhaktyA pratiShThApya rudraloke mahIyate |
shailajAsahitaM sAkShAt vR^iShabhadhvajamIshvaram || 48||
brahmendraviShNusomAdyaiH kR^itA~njalipuTairgaNaiH |
mAtR^ibhirmunibhishchaiva saMvR^itaM parameshvaram || 49||
kR^itvA bhaktyA pratiShThApya yatphalaM tadvadAmyaham |
sarvayaj~natapodAnatIrthavedeShu yatphalam || 50||
tatphalaM koTiguNitaM labdhvA yAti shivaMpadam |
tatra bhuktvA mahAbhogAn yAvadAbhUtasaMplavam || 51||
sR^iShTyantare tataH prAtye(pretya) mAnavaM padamApnuyAt |
ibhAsyadArakaM devaM sAmbaM siddhAkR^itiM prabhum || 52||
dhUmravarNaM raktAkShaM triNetraM chandrashekharam |
bakapakShadharaM mUrdhnA nAgara~NkudharaM haram || 53||
sihmAjinottarIyaM cha mR^igacharmAmbarapriyam |
tIkShNadaMShTraM gadAhastaM kapAlodyatapANinam || 54||
huM phaTkAra mahAshabdashabditAkhiladi~Nmukham |
puNDarIkAmbaraM dorbhyAM bibhradvai kambukaM yathA || 55||
saMhataM cha nadantaM cha pibantaM satyasAgaram |
nR^ityantaM bhUtasa~Nghaishcha saMvR^itaM sagaNaM prabhum || 56||
kR^itvA bhaktyA pratiShThApya yathAvibhavavistaram |
atra vighnAnvinirjitya shivaloke mahIyate || 57||
tatra bhuktvA mahAbhogAn yAvadAchandratArakam |
j~nAnaM vichArato labdhvA rudrebhyastatra muchyate || 58||
ardhanArIshvaraM devaM chaturbhujamanuttamam |
varadAbhayahastaM cha shUlapadmadharaM prabhum || 59||
bhAvena sarvaM saMsthApya sarvAbharaNabhUShitam |
kR^itvA bhaktyA pratiShThApya shivaloke mahIyate || 60||
tatra bhuktvA mahAbhogAnaNimadiguNairvR^itaH |
AchandratArakaM j~nAnaM tato labdhvA vimuchyate || 61||
yaH kuryAddevadeveshaM sarvaj~naM lakulIshvaram |
vR^itaM shiShyaiH prashiShyaishcha vyAkhyAnodyatapANinam || 62||
kR^itvA bhaktyA pratiShThApya shivalokaM sa gachChati |
bhuktvA tu vipulAMstatra bhogAnugrataraM naraH || 63||
j~nAnayogaM samAsAdya tatraiva sa vimuchyate |
pUrvadevAmarANAM cha tadA svAMshakalaiH sthitaiH || 64||
kR^itamudrasya rudrasya chitAbhasmAnulepitaiH |
pummuNDadhAriNasteShAM shiromAlAdharasya cha || 65||
brahmaNaH keshajenaikamupavItaM cha bibhrataH |
bibhrato vAmahastena kapAlaM brahmaNo vapuH || 66||
viShNoH kalevaraM chaiva bibhrataH parameShThinaH |
kR^itvA bhaktyA pratiShThApya viShNuloke mahIyate || 67||
kAlakUTaM karAbjAnte nidhAyAsInamAsane |
kR^itvA bhaktyA pratiShThApya muchyate bhavabandhanAt || 68||
OM namo nIlakaNThAya iti puNyAkSharAShTakam |
mantramAha sakR^idvA yaH pAtakaiH sa pramuchyate || 69||
mantreNAnena gandhAdyairbhaktyA vittAnusArataH |
sampUjya devadeveshaM shivaloke mahIyate || 70||
jalandharAntakaM devaM sudarshanakaraM prabhum |
kR^itvA bhaktyA pratiShThApya viShNuloke mahIyate || 71||
tiShThato.atha nikumbhasya patatashcharaNAmbuje |
vAmetaraM pravinyasya vAma(mA)mAli~Ngya chAdrijAm || 72||
shUlaM prakUrpare sthApya ka~NkaNIkR^itapannagam |
samprekShya chAntakaM pArshve kR^itA~njalipuTaM sthitam || 73||
rupaM kR^itvA yathAnyAyyaM shivasAyujyamApnuyAt |
yaH kuryAddevadeveshaM tripurAntakamIshvaram || 74||
dhanurbANasamAyuktaM somaM somArdhabhUShaNam |
rathe tu saMsthitaM devaM chaturAnanasArathim || 75||
tadAkAratayA so.api gatvA shivapuraM sukhI |
krIDato nAtra sandeho dvitIya iva sha~NkaraH || 76||
tatra bhuktvA mahAbhogAn yAvadichChaM dvijottamAH ! |
j~nAnaM vichAritaM labdhvA tatraiva sa vimuchyate || 77||
ga~NgAdharaM sukhAsInaM chandrashekharameva cha |
umayA sahitaM devaM vAmasa~NgAmbikAyutam || 78||
vinAyakaM tathA skandaM jyeShThAM durgAM sushobhanAm |
bhAskaraM cha tathA somaM brahmANIM cha maheshvarIm || 79||
kaumArIM vaiShNavIM devIM vArAhIM varadAM tathA |
indrANIM chaiva chAmuNDAM vIrabhadrasamanvitAm || 80||
vighneshena cha yo dhImA~nChivasAyujyamApnuyAt |
li~NgamUrtiM mahAjvAlAmAlAsaMvR^itamavyayam || 81||
li~Ngasya madhye vai kR^itvA chandrashekharavattanum |
vyomni kuryAttathA li~Nge brahmANaM haMsarUpiNam || 81||
viShNuM varAharUpeNa li~NgAdhastAttvadhomukham |
brahmANaM dakShiNe tasya kR^itA~njalipuTaM sthitam || 82||
viShNuM mahAbAhuM kR^itA~njalipuTaM tathA |
madhye cha li~NgaM ghoraM mahAmbhasi susaMsthitam || 83||
kR^itvA bhaktyA pratiShThApya shivasAyujyamApnuyAt |
kShetrasaMrakShakaM devaM shivali~NgArchanaM tathA || 85||
yaH karoti yathAnyAyyaM shivaloke mahIyate || 86||
ye (yaH) pa~nchaviMshatparemeshamUrtIH
kR^itvA.a.alayAbhyantarapIThasaMsthAH |
surUpavarNAbharaNA manoj~nAH
shive pratiShThApya supuNyabhAjanaH(nam) || 87||

|| iti shivarahasyAntargate IshvaraproktaM shivapa~nchaviMshatimUrtikaraNaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 6 shivali~NgapratiShThA | 26\-87||
##
- .. shrIshivarahasyam . mahAdevAkhyaH ekAdashamAMshaH . adhyAyaH 6 shivalingapratiShThA . 26-87..

Notes:

Upon being asked by Devī ##devI##; Śiva ##shiva## describes the procedure and merits of installation of PañcaviṃśaMūrti ##pa~nchaviMshamUrti##, that are His Manifestations despite Him being One as Mahādeva ##mahAdeva## and it is His Forms that permeate the Manifest Universe.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}