% Text title            : Ishvaraproktam Shivaprasadakaranam 1
% File name             : IshvaraproktaMshivaprAsAdakaraNam1.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 6 shivaliNgapratiShThA | 3.2-25||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishvaraproktam Shivaprasadakaranam 1 ..}##
\itxtitle{.. IshvaraproktaM shivaprAsAdakaraNam 1 ..}##\endtitles ##
(shivarahasyAntargate mahAdevAkhye)

\- shivagaurIsaMvAde \-

Ishvara uvAcha |

mR^iddArviShTakapAShANairyaH kuryAdvai shivAlayam || 3||
triHsaptakulasaMyuktaH shivaloke mahIyate |
mR^inmayAtkoTiguNitaM puNyaM syAddArubhiH kR^itam || 4||
triguNaM cheShTakAdibhyaH sudhayA parikalpitam |
shailairanantaM deveshi kalpitaM shilpibhirdR^iDham || 5||
koTikoTiguNaM puNyamuttaratra maheshvara |
mR^ichChailayoH samaM j~neyaM phalamADhyadaridrayoH || 6||
yatra kvApi shive bhaktyA kuryAchChaileShTakAdibhiH |
navaM purANarahitaM jIrNaM patitameva vA || 7||
navAdapi sadotkR^iShTaM jIrNoddhAraM maheshvari |
aShTeShTakAbhirvA kuryAtkrIDamAnaH shivAlayam || 8||
so.api rudragaNo bhUyAt bhaktyA yuktAnusArataH |
garbhagehaM maheshasya yaH kuryAdyuktadhAtubhiH || 9||
paTTikAkumudopetaM deva koShThaishcha shobhitam |
rudrAvatAracharitairvR^iShakumbhavirAjitam || 10||
tAvadyugasahasrANi rudraloke mahIyate |
tatpAShANasudhAlepakaNaiH sAhasrasa~NkhyayA || 11||
tAvatkAlaM vasetsvarge yAvadindrAshchaturdasha |
maNTapaM dashabhiH stambhairyutaM yaHkArayechChive || 12||
shatastambhaM tato.apIshe sahasrastambhamaNDitam |
supIThavedikopetaM valabhIkumbhamaNDitam || 13||
jAlakItoraNopetaM chitravidrumaputrikam |
tAvadyugasahasrANi shivaloke mahIyate || 14||
gopurairbhUdharAkAraiH sahasratalamaNDitaiH |
kArayechChilpashAstraj~nai rudrarUpavichitritaiH || 15||
dashaikAdashasAhasratalaiH shataparImitaiH |
kumbhairvR^iShairudrarUpairyo.ala~NkuryAchcha ra~NgataH || 16||
yAvanti rudrarUpANi tAni sarvANyapi lekhayet |
tAvadvarShasahasrANi shivaloke mahIyate || 17||
shivAlayasya paritashchaturdikShu virAjitaiH |
prAkAraM kArayedyuktaM mAramArasya sha~Nkari || 18||
yAvattasmin virachitA pAShANA iShTakAstathA |
tAvadvarShasahasrANi mama loke mahIyate || 19||
khaNDasphuTitasaMskAraM yaH kurvIta shivAlaye |
prAkAraM gopuraM vApi maNTapaM vA sapIThakam || 20||
nUtanAdapi chotkR^iShTaM jIrNoddhAraM prashasyate |
dUrataH shikharaM dR^iShTvA gopurasya maheshituH || 21||
saptajanmakR^itaM pApaM tatkShaNAdeva nashyati |
pashchAtprA~Nmukhali~Ngasya garbhAgAraM tu kArayet || 22||
devAlayaM tataH kR^itvA devImUrtibhiranvitam |
shivaloke gaNo bhUtvA modate shAshvatIHsamAH || 23||
skandAlayaM gaNeshasya bhairavasya mahAtmanaH |
chaNDeshvarAlayaM kR^itvA sa labhetpuNyamadbhutam || 24||
vR^iShAlayaM prakurvIta tadagre balipIThakam |
tasyAgrato dhvajastambhaM kuryAdUrdhvasavartulam || 25||

|| iti shivarahasyAntargate IshvaraproktaM shivaprAsAdakaraNaM 1 sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 6 shivali~NgapratiShThA | 3\.2\-25||
##
- .. shrIshivarahasyam . mahAdevAkhyaH ekAdashamAMshaH . adhyAyaH 6 shivalingapratiShThA . 3.2-25..

Notes:

Upon being asked by Devī ##devI##; Śiva ##shiva## describes the procedure and merits of construction, reconstruction and resurrection i.e. jīrṇoddhāra ##jIrNoddhAra## of ŚivaPrāsāda ##shivaprAsAda## i.e. Śivālaya ##shivAlaya## and mentions about installation of the Śivaliṅga ##shivali~Nga##.

Selected Śloka-s ##shlokAH## are presented on this page.##

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}